سٜڢَنِيَ 2

1مٛوࢡْتٜ، کَوْتٜ، عٛنٛنْ يِمْࢡٜ عُمَّاتٛورٜ ندٜ وَلَا سٜمْتٜىٰندٜ، 2حِدّٜکٛ عٛنْ شَنغْکِتٛ، عٛنْ مَجَّ بَنَ ࢩَاندٜ#2‏:2 يٜࢡْرٜ عَايَارٜ ندٜعٜ سَطِ ڢَامٜىٰغٛ؞، حِدّٜکٛ تِکّٜرٜ جَوْمِرَاوٛ سَاتُندٜ عُکَّنٛ عٛنْ، حِدّٜکٛ ࢩَلَادٜ تِکّٜرٜ مَاکٛ وَرَ دٛوْ مٛوطٛنْ؞ 3طَکّٛتِرٜ بٜى جَوْمِرَاوٛ، عٛنٛنْ لٜىٰسْࢡٜ ندٜرْ لٜسْدِ، وَطَنْࢡٜ مُويٛ مَاکٛ‏! طَࢡِّتٜ عَدِلَاکُ‏! طَࢡِّتٜ يَنغْکِنَارٜ‏! تٜىٰمَ عٛنْ کِسَنْ ࢩَلَادٜ ندٜ تِکّٜرٜ جَوْمِرَاوٛ وَنغَتَ؞

کِيتَ دٛوْ عُمَّاتٛوجٜ غٛطّٜ

4غَازَ ڢٜرْوَنْ، عَسْکَلٛنْ لَاتٛتٛ لَدّٜ، کٛنّٜعٜنْ ندِيوَنْ يِمْࢡٜ عَسْدٛدْ شَکَ ࢩَلَوْمَ، ࢡٜکَلْکَنْ عٜکُرُونْ؞ 5کَيْتٛ‏! بٛنٜ لَاتَنْتٛ عٛنْ، عٛنٛنْ کٜرٜتِعٜنْ جٛوطِيࢡٜ کٛمْبِ مبٜىٰلَ‏! ندَا کٛ جَوْمِرَاوٛ وٛلْوِ دٛوْ مٛوطٛنْ‏: «عَنْ کَنَانَ، لٜسْدِ ڢِلِسْتِعٜنْ، مِحَلْکٜتٜ، وَلَا کٛو غٛوتٛ لُتَّتَ ندٜرْ مَاطَ‏!» 6لٜسْدِ مَ کٛمْبِ مبٜىٰلَ لَاتٛتٛ دُرْدُطٜ، حَا وَيْنَاࢡٜ ندُرَتَ، ندِ حٜىٰوَنْ بَالْطٜ نغَمْ تٛکّٜ دَمّٛوجِ؞ 7لُتُّࢡٜ يَحُودَ مَرَنْ لٜسْدِ مَنْ، ࢡٜندُرَنْ تٛکّٜ مَࢡّٜ تٛنْ، کِيکِيطٜ بٛو ࢡٜنجٛوطٛ ندٜرْ شُوطِ عَسْکَلٛنْ؞ نغَمْ جَوْمِرَاوٛ اَللَّه مَࢡّٜ حِنّٛتٛ ࢡٜ، وَرْتِرَنْ جٛوندٜ مَࢡّٜ بَنَ نَانٜ#عٜسَايَ 14‏:29‏-31؛ يٜرٜمِيَ 47‏:1‏-7؛ عٜزٜکِيٜلْ 25‏:15‏-17؛ يٛوعٜلْ 4‏:4‏-8؛ عَمٛسْ 1‏:6‏-8؛ جٜکَرِيَ 9‏:5‏-7؞؞

8جَوْمِرَاوٛ حٛنٛوࢡٜ عَسَمَ وِعِ‏: «مِنَنِ جَنْشٛورٜ مٛعَبْ عٜ کُودِ عَمّٛونِعٜنْ، نٛ ࢡٜنجَنْشِرِ يِمْࢡٜ عُمَّاتٛورٜ عَمْ، نٛ ࢡٜمَوْنِتٛرِ دٛوْ لٜسْدِ مَࢡّٜ؞ 9نغَمْ مَاجُمْ مِنْ اَللَّه مٛ إِسْرَاءِيلَعٜنْ شُجِدَنْتَ طُمْ وِعِ‏: ڢَکَتْ بَنَ مِ غٜىٰتٛ لٜسْدِ مٛعَبْ لَاتٛتٛ بَنَ سٛدٛمَ، لٜسْدِ عَمّٛونِعٜنْ بٛو بَنَ غٛمٛرَّ؞ لٜسْطٜ طٜعٜ لَاتٛتٛ نٛکُّورٜ غِعٜ عٜ وَسَرْدٜ مَنْدَ، لَدّٜ يٜىٰوْندٜ حَا ڢٛرٛيْ؞ يِمْࢡٜ عَمْ لُتَّنْࢡٜ نجَࢡْتَنْ ࢡٜ، لُتُّطُمْ عُمَّاتٛورٜ عَمْ مَرْتَنْ مَرْدِ مَࢡّٜ#لَاتَانٛوجِ 19‏:24؞؞» 10طُمْ وَطَنْ دَلِيلَ مَوْنِتَارٜ مَࢡّٜ، نغَمْ ࢡٜنجَنْشِ يِمْࢡٜ جَوْمِرَاوٛ حٛنٛوࢡٜ عَسَمَ، ࢡٜمَوْنِتِ دٛوْ مَࢡّٜ؞ 11جَوْمِرَاوٛ لَاتَنْتٛ ࢡٜ کُلْنِيطٛ، عٛحَلْکَنْ طٛوَنْتٜىٰࢡٜ دُنِيَارُ ڢُو؞ جٛوطِيࢡٜ حَا دُوطٜ شُجِدَنَنْ مٛ، کٛو مٛيْ حَا نٛکُّورٜ مُوطُمْ#عٜسَايَ 15‏–16؛ 25‏:10‏-12؛ يٜرٜمِيَ 48؛ 49‏:1‏-6؛ عٜزٜکِيٜلْ 21‏:33‏-37؛ 25‏:1‏-11؛ عَمٛسْ 1‏:13‏-15؞؞

12عٛنٛنْ عٜتِيٛݠِيَعٜنْ بٛو، کَاڢَحِ جَوْمِرَاوٛ يُوَنْ عٛنْ#عٜسَايَ 18‏:1‏-7؞‏!

13جَوْمِرَاوٛ ڢٛرْتَنْ جُنغٛ مُوطُمْ غَلْ وٛيْلَ، عٛحَلْکَنْ عَسُّورَ، عٛوِلَنْ بٜرْنِوٛلْ نِنِوٜ، نغٛلْ لَاتٛتٛ لَدّٜ مٜىٰرٜ؞ 14تٛکّٜ مبَالٛتٛ تٛنْ، نٛنْ بٛو دَبَّاجِ طُوطِّ ڢٜىٰرٜ ڢٜىٰرٜ؞ لَمْنجَتَلْ عٜ شَمْنَغٜلْ مبَالٛتٛ شَکَ دَنغْرَنغٜ مَاغٛلْ؞ شٛلِّ شِيکَنْ حَا بُرْطٜ شُوطِ، بَاغَاجٜ کَاعٜ تَنْ نغٛنَتَ حَا نَسْتِرْدٜ، دَنغْرَنغٜ لٜطّٜ شٜمْبِطّٜ طٛوڢٜتٜ؞ 15بَنَ نٛنْ بٜرْنِوٛلْ شٜيِينغٛلْ کٛولْطِنِينغٛلْ لَاتٛرْتٛ، نغٛلْ جٛوطِنٛ جَمْ، نغٛلْ وِعْنٛ‏: «سٜيْ مِنْ، وَلَا بٜرْنِوٛلْ ݠٛتَنْنغٛلْ بٜى عَمْ سَمْ‏!» عَيّٜ‏! نغٛلْ لَاتِ لَدّٜ مٜىٰرٜ عٜ وَالٛرْدٜ کُوجٜ لَدّٜ‏! کٛو مٛيْ شَالٛتٛوطٛ حَا مَاغٛلْ وٜمْبٛتٛ، دِمْبَنْ حٛورٜ مُمْ#عٜسَايَ 10‏:5‏-34؛ 14‏:24‏-27؛ نَحُمْ 1‏–3؞؞

Currently Selected:

سٜڢَنِيَ 2: داَ

Highlight

Copy