سٜڢَنِيَ 3
3
کِيتَ دٛوْ عُرُسَلِيمَ
(عٜزٜکِيٜلْ 22؛ يٜرٜمِيَ 25:4-11؛ مَتَّ 23:37-39)
1بٛنٜ لَاتَنْتٛ بٜرْنِوٛلْ تُورْتٛووٛلْ، شٛࢡْنغٛلْ، تٛوࢩٛووٛلْ يِمْࢡٜ مُوطُمْ! 2نغٛلْ طٛوْتَاکِ، نغٛلْ جَࢡَايْ عٜلْتٛ، نغٛلْ حٛولَاکِ جَوْمِرَاوٛ، نغٛلْ ࢡَدِتَاکِ اَللَّه؞ 3سَرَاکِعٜنْ شَکَ مَاغٛلْ ࢡٜ بَرٛوطٜ نغُرْࢡٛتٛوطٜ، حِيتٛوࢡٜ مَاغٛلْ بٛو شَاڢَالِ جَࢡْتَنْطِ سَاعِ کِيکِيطٜ، ࢡٜلُتَّتَا کٛو عِعَلْ غٛوتَلْ حَا ڢَجِرِ؞ 4اَلنَّبِعٜنْ مَاغٛلْ ࢡٜ عٜلٜوْࢡٜ، رِکِشِعٜنْ، لِمَنْعٜنْ مَاغٛلْ بٛو طٛنْ شٛࢡْنَ شٜنِيطُمْ، طٛنْ لُوتَ تَوْرٜىٰتَ؞ 5عَمَّا جَوْمِرَاوٛ عٛ عَدِلِيجٛ شَکَ مَاغٛلْ، عٛوَطَتَا کَلُّطُمْ؞ ندٜ وٜىٰتِ ڢُو، عٛطٛنْ تَعَ کِيتَ مَاکٛ، عٛلٜلْنَتَا کَ سَمْ؞ عَمَّا کَلُّطٛ وَلَا سٜمْتٜىٰندٜ!
6جَوْمِرَاوٛ وِعِ: «مِنَتِّنِ عُمَّاتٛوجٜ، مِوِلِ کِسْرُطٜ مَاجٜ؞ لَابِ مَاجٜ ݠٜرْوِ، وَلَا شَالٛتٛوطٛ تٛنْ! غُرٜ مَاجٜ نَتِّ، وَلَا جٛوطِيطٛ تٛنْ! 7مِتَمِّ: جٛنْتَ نغٛلْ حُلَتَمْ سِکٜ، نغٛلْ جَࢡَنْ عٜلْتٛ عَمْ؞ نٛکُّورٜ مَاغٛلْ وِلَتَکٜ! ندٜ مِحِيتِ يِمْࢡٜ مَاغٛلْ ڢُو، ࢡٜتُلِّتِنِ کُوطٜ مَࢡّٜ؞ 8نغَمْ مَاجُمْ ندٜىٰنٜىٰطَمْ»، نٛنْ جَوْمِرَاوٛ وِعِ؞ «ندٜىٰنٜ ࢩَلَادٜ ندٜ ندَرٛتٛومِ نغَمْ وُلَّاغٛ عٛنْ؞ مِعَنِّنِ مٛوࢡْتُغٛ عُمَّاتٛوجٜ عٜ حَوْتُغٛ لَامُوجِ نغَمْ مِوَانْجَ تِکّٜرٜ عَمْ دٛوْ مَاجُمْ؞ يِيتٜ کَاجَلْ عَمْ ࢩَامَنْ دُنِيَارُ ڢُو؞»
کِسْندَمْ نغَمْ عُرُسَلِيمَ
9«ࢡَاوٛ مَنْ ندٛکَّنْمِ عُمَّاتٛوجٜ کُنْدُطٜ لَاࢡْطٜ، حَا يِمْࢡٜ ڢُو عٜوْنٛ عِنْدٜ عَمْ، ࢡٜنجَغَّنٛ يَمْ بٜى ࢡٜرْندٜ وٛورٜ؞ 10دِغَ غَطَ مَاجٜ عٜتِيٛݠِيَ، سُجِدَنٛوࢡٜ يَمْ سَنغْکِتِيࢡٜ نغَدَّنْتَمْ دٛکّٜ؞ 11ࢩَلَادٜ مَنْ عٛنْ مٜىٰتَتَا سٜمْتٛرَاغٛ تُورْتٛلْ مٛنْ دٛوْ عَمْ؞ ندٜرْ وَکَّتِ مَنْ ندٜنْ عِتَّنْمِ جُرٛتٛوࢡٜ مَوْنِتِيࢡٜ شَکَ مٛوطٛنْ، عٛنْ مٜىٰتَتَا مَوْنِتَاغٛ دٛوْ حٛوسٜىٰرٜ عَمْ سٜنِيندٜ؞ 12مِلُتَّنَنْ حٛورٜ عَمْ عُمَّاتٛورٜ نٜعِيندٜ لَاڢُندٜ شَکَ مٛوطٛنْ؞ ندٜ حِسْرَنْ بٜى عِنْدٜ جَوْمِرَاوٛ؞ 13لُتُّࢡٜ إِسْرَاءِيلَ مبَطَتَا کَلُّطُمْ، ࢡٜمبٛلْوَتَا ڢٜوْرٜ، وَلَا بٛلّٜ شَرْغٛوجٜ ندٜرْ کُنْدُطٜ مَࢡّٜ؞ بَنَ تٛکّٜرٜ ࢡٜندُرَتَ، ࢡٜمبَالٛتٛ، وَلَا کُلْنَنْطٛ ࢡٜ#وَحَيُ يُحَنَّ 14:5؞؞»
14سٜيْ عٛنْ نغِمَ، عٛنْ مبٜلْمبٜلْتَ، عٛنٛنْ يِمْࢡٜ إِسْرَاءِيلَ! عَنْ عُرُسَلِيمَ، سٜيَ، يِمُ بٜى ࢡٜرْندٜ مَ ڢُو! 15جَوْمِرَاوٛ عِتِّ کِيتَ دٛوْ مَاطَ، رِيوِ کٛنّٜعٜنْ مَ؞ جَوْمِرَاوٛ، لَامِيطٛ إِسْرَاءِيلَ، طٛنْ وٛنْدِ بٜى مَاطَ؞ سَرُّ حُلْنَتَا مَ ڢَحِنْ؞ 16سَاعِ مَنْ عُرُسَلِيمَ نَنَنْ حَبَرُ نِعِ: «تَا حُلْ، سِيٛنَ، تَا جُوطٜ مَ تَمْݠَ! 17جَوْمِرَاوٛ اَللَّه مَاطَ طٛنْ وٛنْدِ بٜى مَاطَ، عٛ شٜمْبِطّٛ، کِسْنٛووٛ؞ عٛسٜيٛرْتٛ مَ بٜى وٜلْوٜلٛ، عٛحٜسْطِتِنْتٜ بٜى يِيدٜ، عٛوٜلْوٜلْتَنْ نغَمْ مَاطَ بٜى غٛوکَالِ سٜيٛ بَنَ ندٜرْ ࢩَنْدٜ جُولْدٜ؞» 18جَوْمِرَاوٛ وِعِ: «مِعِتَّنَنْ عٛنْ سَرُّ، نغَمْ تَا تٛسْکَارٜ مَاغُ تٜدَّنَ عٛنْ؞ 19ندَا، سَاعِ مَنْ کَلْکَنْمِ ࢡِلّٛوࢡٜ عٛنْ ڢُو؞ مِوَلَّنْ وٛوسْࢡٜ، مِمٛوࢡْتَنْ سَنغْکِتِيࢡٜ؞ حَا ࢡٜتٛسْکِ ڢُو، تٛنْ ندٛکَّنْمِ ࢡٜ تٜدُّنغَلْ عٜ دَرَجَ؞ 20سَاعِ مَنْ نغَرْتِرَنْمِ عٛنْ، مٛوࢡْتَنْمِ عٛنْ؞ مِحٛکَّنْ عٛنْ تٜدُّنغَلْ عٜ دَرَجَ شَکَ عُمَّاتٛوجٜ دُنِيَارُ ڢُو، نغَمْ مِوَرْتِرَنْ جٛوندٜ مٛوطٛنْ بَنَ نَانٜ، عٛنٛنْ عٛنْ نغِعَنْ طُمْ؞» نٛنْ جَوْمِرَاوٛ وِعِ؞
Currently Selected:
سٜڢَنِيَ 3: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
