جٜکَرِيَ 9

کِيتَ دٛوْ عُمَّاتٛوجٜ تَارِيطٜ

1طٛ وٛنِ کٛنغٛلْ جَوْمِرَاوٛ؞ جَوْمِرَاوٛ وٛلْوِ دٛوْ لٜسْدِ حَدَرَکْ، بٜرْنِوٛلْ دَمَسْ بٛو وٛنِ جِݠّٛرْدٜ وٛلْدٜ مَنْ؞ جَوْمِرَاوٛ مَرِ غُرٜ سِرِيَ#9‏:1 عَايَارٜ ندٜعٜ طٛنْ بٜى ڢَسَّرُويٜىٰجِ طُوطِّ؞ بَنَ عٛمَرْدِرِ لٜعِ إِسْرَاءِيلَ ڢُو#عٜسَايَ 17‏:1‏-3؛ يٜرٜمِيَ 49‏:23‏-27؛ عَمٛسْ 1‏:3‏-5؞؞ 2عٛطٛنْ وٛلْوَ دٛوْ حَمَتْ، کٛمْبِ دَمَسْ، نٛنْ بٛو دٛوْ تِرُسْ عٜ سِدٛنْ، بٜرْنِيجِ مَرْطِ حِکْمَ؞ 3تِرُسْ مَحِ مَحٛلْ ݠَدِّرْغٛلْ؞ نغٛلْ مٛوࢡْتِ شَرْدِ بَنَ مبُلْوُلْدِ عٜ کَنغّٜىٰرِ لَاࢡْندِ بٛو بَنَ لٛوݠٜ دٛوْ لَاوٛلْ؞ 4عَمَّا جَوْمِرَاوٛ حٛوعَنْ نغٛلْ، عٛيِبِّنَنْ مَحٛلْ ݠَدِّرْغٛلْ مَاغٛلْ ندٜرْ مبٜىٰلَ، يِيتٜ ࢩَامَنْ نغٛلْ#عٜسَايَ 23‏:1‏-18؛ عٜزٜکِيٜلْ 26‏:1؛ 28‏:26؛ يٛوعٜلْ 4‏:4‏-8؛ مَتَّ 11‏:21‏-22؛ لُکَ 10‏:13‏-14؞؞ 5تٛ بٜرْنِوٛلْ عَسْکَلٛنْ يِعِ طُمْ، نغٛلْ حُلْتٛرَنْ، غَازَ دِوْتٛرَنْ مَسِنْ نغَمْ کُلٛلْ؞ نٛنْ بٛو عٜکُرُونْ، نغَمْ نغٛلْ سٛويَنْ تَمُّندٜ بَلَّلْ؞ لَامِيطٛ وٛنَتَا حَا غَازَ، وَلَا غٛطّٛ جٛوطٛتٛ حَا عَسْکَلٛنْ؞ 6نجَالُعٜنْ نجٛوطٛتٛ حَا عَسْدٛدْ؞ جَوْمِرَاوٛ وِعِ‏: «مِنَتِّنَنْ مَوْنِتَارٜ ڢِلِسْتِعٜنْ؞ 7مِوِڢْتَنْ دِغَ کُنْدُطٜ مَࢡّٜ کُسٜلْ مَرْنغٜلْ ࢨِيࢨَمْ عٜ دِغَ شَکَ ࢩِيعٜ مَࢡّٜ بٛو شٛࢡْنغٜلْ لِيعَنَانغٜلْ لَبِّ؞ کَمْࢡٜ بٛو ࢡٜلَاتٛتٛ لُتُّࢡٜ ࢡٜ اَللَّه مٜىٰطٜنْ، ࢡٜلَاتٛتٛ بَنَ يٜࢡْرٜ لٜࢩٛلْ غٛنْنغٛلْ ندٜرْ يَحُودَ؞ جٛوطِيࢡٜ عٜکُرُونْ بٛو نَسْتَنْ شَکَ يِمْࢡٜ عَمْ بَنَ يٜبُسِعٜنْ مبَطْنٛ#عٜسَايَ 14‏:29‏-31؛ يٜرٜمِيَ 47‏:1‏-7؛ يٛوعٜلْ 4‏:4‏-8؛ عَمٛسْ 1‏:6‏-8؛ سٜڢَنِيَ 2‏:4‏-7؞؞ 8مِنْ بٜى حٛورٜ عَمْ مِسَنغِنَنْ ندٜرْ لٜسْدِ عَمْ نغَمْ عَيْنُغٛ ندِ؞ مِڢَدَّنْ ندِ نغَمْ کٛنّٜعٜنْ سَالٛتٛوࢡٜ؞ وَلَا جَنَنّٛ کٛو غٛوتٛ مٜىٰتَتَا وَرْغٛ حَا يَرْنَ عُمَّاتٛورٜ عَمْ بٛنٜ، نغَمْ جٛنْتَ مِطٛنْ حَکِّلَنَ ندٜ؞»

لَامِيطٛ سِيٛنَ غَرَنْطٛ

9عَنْ بٜرْنِوٛلْ سِيٛنَ، يِمُ بٜى سٜيٛ‏! عَنْ عُرُسَلِيمَ، وٜلْوٜلْتَ‏! ندَا، لَامِيطٛ مَاطَ طٛنْ وَرَ حَا مَ؞ عٛ عَدِلِيجٛ، عٛ جَالِيطٛ؞ عٛ جَنغْکِنِيطٛ، بَعِّيطٛ وَمْندٜ، وَاتٛ وَمْندٜ مٛلْدٜ#مَتَّ 21‏:5؛ يُحَنَّ 12‏:15؞؞ 10عٛنَتِّنَنْ مٛوتَاجِ ݠُشِّ کٛنُ ندٜرْ عٜڢْرَيِمْ، نٛنْ بٛو ݠُشِّ کٛنُ ندٜرْ عُرُسَلِيمَ؞ عٛيٜوَنْ لَغَاجٜ کٛنُ ڢُو؞ عٛتَبِتِنَنْ سَلَامَنْ شَکَ عُمَّاتٛوجٜ؞ لَامُ مَاکٛ يَاجَنْ دِغَ مبٜىٰلَ نغَعَ حَا نغَيَ، دِغَ مَايٛ عٜڢْرَتِسْ حَا کٜىٰرِ دُنِيَارُ#جَبُورَ 72‏:8؞؞

بٛعِّتِنٜىٰکِ سِيٛنَ

11جَوْمِرَاوٛ وِعِ‏: «نغَمْ دَلِيلَ عَلْکَوَلْ عَمْ بٜى مٛوطٛنْ، تَبِتِنَانغَلْ بٜى ࢨِيࢨَمْ ندُڢَاطَمْ، مِيٛوڢْتَنْ حَࢡَّاࢡٜ مٛوطٛنْ دِغَ نغَسْکَ کَ وَلَا ندِيَمْ؞ 12عٛنٛنْ حَࢡَّاࢡٜ حٜىٰوْࢡٜ تَمُّندٜ، نغَرْتٜ حَا بٜرْنِوٛلْ شٜمْبِطْنغٛلْ؞ مِطٛنْ عَنْدِنَ عٛنْ طُمْ حَنْدٜىٰرٜ ندٜعٜ‏: مِوَرْجٛتٛ عٛنْ مبٛوطٜىٰنغَ شٛوِ طِطِ دٛوْ بٛنٜىٰجِ طِ نجَرْطٛنْ؞ 13مِوَرْتِرَنْ لٜسْدِ يَحُودَ بَنَ لَغَاوَلْ کٛنُ، عٜڢْرَيِمْ بٛو لَاتٛتٛ کُرٛلْ؞ عَنْ سِيٛنَ، مِعُمِّنَنْ ࢡِکّٛيْ مَاطَ نغَمْ حَا کٛيْ کِݠّٛيَ يُنَنِنغْکٜعٜنْ، مِلَاتِنْتٜ بَنَ کَاڢَحِ حَا جُنغٛ شٜمْبِطّٛ؞»

14ندٜنْ جَوْمِرَاوٛ وَنغَنْ دٛوْ مَࢡّٜ؞ کُرٛلْ مَاکٛ طٜلْکَنْ بَنَ مَعّٜرٜ؞ اَللَّه جَوْمِرَاوٛ ڢُوڢَنْ لُوَلْ کٛنُ، عٛيَحَنْ ندٜرْ کٜنِ شَاتُطِ عِوْطِ ڢٛمْبِنَ؞ 15جَوْمِرَاوٛ حٛنٛوࢡٜ عَسَمَ عَيْنَنْ يِمْࢡٜ مُمْ؞ ࢡٜکَلْکَنْ کٛنّٜعٜنْ، ࢡٜشَمْݠِتَنْ کَاعٜ ݠِطَاطٜ دِغَ ݠِوْلِ، ࢡٜنَمَنْ طٜ؞ ࢡٜندُڢَنْ ࢨِيࢨَمْ کٛنّٜعٜنْ مَࢡّٜ بَنَ عِنَبٛوجَمْ؞ ࢡٜعِلْنَنْ طَمْ بَنَ طَمْ کِرْسَاطِ ندٜرْ تَاسَاجٜ دُڢِرْطٜ ࢨِيࢨَمْ مَلَّ بَنَ ࢨِيࢨَمْ ندُڢَاطَمْ دٛوْ شٛࢡُّلِ حِرْسِرْدٜ؞ 16ࢩَلَادٜ مَاجُمْ اَللَّه جَوْمِرَاوٛ حِسْنَنْ يِمْࢡٜ عُمَّاتٛورٜ مُمْ بَنَ غَيْنَاکٛ حِسْنِرْتَ تٛکّٜرٜ بَالِ مُمْ؞ بَنَ کَاعٜ طُوطَ-سَمَنْجٜ حَا مٜىٰتَلٜىٰوٛلْ لَامِيطٛ، نٛنْ ࢡٜنجَيْنِرْتَ حَا لٜسْدِ مَاکٛ؞ 17ࢡٜشٜيٛتٛ، ࢡٜلَاتٛتٛ نغَرْنِيࢡٜ‏! عَلْکَمَارِ سٜمْبِطِنَنْ سُکَاࢡٜ، عِنَبٛوجَمْ کٜسَمْ بٛو ڢَاࢩْࢡٜ؞

Currently Selected:

جٜکَرِيَ 9: داَ

Highlight

Copy