جٜکَرِيَ 8
8
کِسْندَمْ نغَرَنْطَمْ
1جَوْمِرَاوٛ حٛنٛوࢡٜ عَسَمَ وٛلْوَنِ يَمْ، وِعِ: 2«مِنْ جَوْمِرَاوٛ حٛنٛوࢡٜ عَسَمَ، مِوٛودِ يِيدٜ حَاجُندٜ مَسِنْ نغَمْ سِيٛنَ؞ ندٜ طٛنْ وُلَ ندٜرْ عَمْ جَوْ بَنَ يِيتٜ؞»
3ندَا نِي جَوْمِرَاوٛ وِعِ: «مِوَرْتَنْ حَا سِيٛنَ، مِجٛوطٛتٛ حَا شَکَ عُرُسَلِيمَ؞ عِنْدٜ عُرُسَلِيمَ لَاتٛتٛ بٜرْنِوٛلْ-غٛونغَ، عِنْدٜ حٛوسٜىٰرٜ جَوْمِرَاوٛ حٛنٛوࢡٜ عَسَمَ بٛو لَاتٛتٛ حٛوسٜىٰرٜ-سٜنِيندٜ؞»
4«مِنْ جَوْمِرَاوٛ حٛنٛوࢡٜ عَسَمَ مِوِعِ: ندٛتِّعٜنْ وٛرْࢡٜ عٜ ڢُلٜرٜوْࢡٜ نجٛوطٛتٛ ڢَحِنْ حَا لَابِ عُرُسَلِيمَ؞ کٛو مٛيْ مَࢡّٜ وٛودِ سَوْرُ حَا جُنغٛ مُوطُمْ نغَمْ طُوطٜىٰنغَ بَلْطٜ مُوطُمْ؞ 5بَبٜ بٜرْنِوٛلْ کٜىٰوَنْ ࢡِکّٛيْ، نغٛرْکٛيْ عٜ ندٜحٛيْ، کٛيْ ݠِجَنْ تٛنْ؞»
6جَوْمِرَاوٛ حٛنٛوࢡٜ عَسَمَ وِعِ: «تٛ طُمْ لَاتَنِ لُتُّࢡٜ يِمْࢡٜ ࢡٜعٜ کَيْطِنِيطُمْ ندٜرْ ࢩَلْطٜ مَنْ، طُمْ لَاتَنْتٛ يَمْ مِنْ بٛو کَيْطِنِيطُمْ نَ؟»
7جَوْمِرَاوٛ حٛنٛوࢡٜ عَسَمَ وِعِ: «ندَارٜ، مِحِسْنَنْ يِمْࢡٜ عَمْ دِغَ لٜسْدِ ڢُونَانغٜىٰرِ عٜ لٜسْدِ حِيرْنَانغٜىٰرِ؞ 8مِوَرْتِرَنْ ࢡٜ، نغَمْ ࢡٜنجٛوطٛ ندٜرْ عُرُسَلِيمَ؞ ࢡٜلَاتٛتٛ يِمْࢡٜ عُمَّاتٛورٜ عَمْ، مِنْ بٛو مِلَاتٛتٛ اَللَّه مَࢡّٜ ندٜرْ غٛونغَاکُ عٜ عَدِلَاکُ؞»
9جَوْمِرَاوٛ حٛنٛوࢡٜ عَسَمَ وِعِ: «شٜمْبِطِنٜ جُوطٜ مٛوطٛنْ، عٛنٛنْ نَنْࢡٜ بٛلّٜ طٜعٜ حَا کُنْدُطٜ اَلنَّبِعٜنْ ندٜرْ سَاعِيرٜ ندٜعٜ، ندٜرْ ࢩَلَادٜ ندٜ ࢡٜمبَلِّنِ شَࢡَّاجٜ نغَمْ ࢩِࢡْتَاغٛ حَيْکَلِيرُ عَمْ؞ 10نغَمْ حِدّٜکٛ ࢩَلْطٜ طٜعٜ نغَرَ، وَلَا مٛ يٛࢡَنّٛ کُووٛووٛ؞ دَبَّاجِ بٛو کُووِ مٜىٰرٜ؞ دَلِيلَ کٛنّٜعٜنْ، وَلَا مٛ وَطَتَ جَحَانغَلْ ندٜرْ حٛولْطِنَارٜ؞ مِعَشِّ يِمْࢡٜ ڢُو، کٛو مٛيْ عُمَّنِ تَنُمْ؞ 11مِنْ جَوْمِرَاوٛ حٛنٛوࢡٜ عَسَمَ مِوِعِ: جٛنْتَ کَمْ مِلَاتَنْتَاکٛ لُتُّࢡٜ يِمْࢡٜ ࢡٜعٜ بَنَ لَاتٛرِيمِ ندٜرْ ࢩَلْطٜ شَالِيطٜ؞ 12جٛنْتَ کَمْ، مِوَدَّنَنْ لٜسْدِ مٛنْ جَمْ، عِنَبٛوجٜ ندِمَنْ، لٜسْدِ وَطَنْ ࢩَامْلٜ، عَسَمَ تٛࢡْنَنْ عِيٜىٰندٜ؞ حَيْرُوجِ طِعِ ڢُو مِحٛکَّنْ طِ لُتُّࢡٜ عُمَّاتٛورٜ ندٜعٜ حَا ࢡٜمَرَ طِ؞ 13عٛنٛنْ يِمْࢡٜ يَحُودَ عٜ إِسْرَاءِيلَ، بَنَ نٛ عٛنْ لَاتٛرِنٛ عَلَامَ نَالٛورٜ شَکَ عُمَّاتٛوجٜ، بَنَ نٛنْ عٛنْ لَاتٛرْتٛ عَلَامَ بَرْکَ، نغَمْ مِحِسْنَنْ عٛنْ؞ تَا کُلْتٛرٜ، عَمَّا شٜمْبِطِنٜ جُوطٜ مٛوطٛنْ!»
14جَوْمِرَاوٛ حٛنٛوࢡٜ عَسَمَ وِعِ: «مِعَنِّنِنٛ عُکَّنَاغٛ عٛنْ سَرُّ، نغَمْ کَاکِرَاࢡٜ مٛنْ تِکِّنِ يَمْ، مِمِمْسِتَاکِ بٛو؞ 15عَمَّا جٛنْتَ مِعَنِّنِ وٛونَنْغٛ عُرُسَلِيمَ عٜ يِمْࢡٜ يَحُودَ؞ تَا کُلْتٛرٜ سَمْ! 16ندَا کٛ نغِطْمِ عٛنْ مبَطَ: مبٛلْوِنْدِرٜ غٛونغَ، تَعٜ کِيتَ غٛونغَاحَ حَا بَبٜ کِيتَ، نغَمْ حَا جَمْ تَبِتٛ#عٜڢٜسُعٜنْ 4:25؞ ؞ 17تَا کٛو مٛيْ نُڢَنٛ کٜىٰدِّطُّمْ کَلُّطُمْ ندٜرْ ࢡٜرْندٜ مُمْ، تَا نغِطٜ حُنَيٜىٰرٜ ڢٜوْرٜ، نغَمْ مِطٛنْ وَࢩَ طُمْ ڢُو؞ مِنْ اَللَّه جَوْمِرَاوٛ وِعِ طُمْ؞»
18جَوْمِرَاوٛ حٛنٛوࢡٜ عَسَمَ وٛلْوَنِ يَمْ، 19وِعِ: «سُومَاغٛ ندٜرْ لٜوْرُ نَيَࢡْرُ عٜ جٛوَࢡْرُ عٜ جٛوٜىٰطِطَوْرُ عٜ سَݠّٛورُ لَاتَنْتٛ يِمْࢡٜ عُمَّاتٛورٜ يَحُودَ ࢩَلْطٜ جُولْطٜ عٜ وٜلْوٜلٛ عٜ سٜيٛ؞ عَمَّا نغِطٜ غٛونغَاکُ عٜ سَلَامَنْ؞»
20جَوْمِرَاوٛ حٛنٛوࢡٜ عَسَمَ وِعِ: «ڢَکَتْ، عُمَّاتٛوجٜ عٜ يِمْࢡٜ جٛوطِيࢡٜ بٜرْنِيجِ طُوطِّ نغَرَنْ حَا طٛ؞ 21جٛوطِيࢡٜ ندٜرْ بٜرْنِوٛلْ نغٛعٛلْ نجَحَنْ حَا جٛوطِيࢡٜ ندٜرْ بٜرْنِوٛلْ نغٛلَ، مبِعَنْ: نجٜمّٜنْ تٛرٛيَاغٛ جَوْمِرَاوٛ، ݠٛتّٛيٜنْ بٜى جَوْمِرَاوٛ حٛنٛوࢡٜ عَسَمَ؞ مِنْ بٛو مِيَحَنْ؞ 22عُمَّاتٛوجٜ طُوطّٜ عٜ شٜمْبِطّٜ نغَرَنْ حَا عُرُسَلِيمَ نغَمْ ڢٛتُّغٛ بٜى جَوْمِرَاوٛ حٛنٛوࢡٜ عَسَمَ عٜ تٛرَاغٛ مٛ؞ 23سَاعِ مَنْ يِمْࢡٜ سَݠّٛ وٛلْوَنْࢡٜ طٜمْطٜ ڢٜىٰرٜ ڢٜىٰرٜ نجٛغٛتٛ لِمْشٜ يَحُودُوجٛ غٛوتٛ، ࢡٜمبِعَ: مِنْ نجَحْدَنْ بٜى مٛوطٛنْ، نغَمْ مِنْ نَنِ اَللَّه طٛنْ وٛنْدِ بٜى مٛوطٛنْ؞»
Currently Selected:
جٜکَرِيَ 8: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
