جٜکَرِيَ 10
10
نٛ جَوْمِرَاوٛ حِسْنِرْتَ يِمْࢡٜ مُوطُمْ
1تٛرٜ جَوْمِرَاوٛ، عٛحٛکَّ عٛنْ عِيٜىٰندٜ سَاعِ ندُنغُ؞ کَنغْکٛ وَطَتَ نَارْغٜىٰجِ، عٛتٛࢡْنَنَنْ عٛنْ وَابِلِيرٜ؞ عٛڢُطْنَنَنْ کٛو مٛيْ حَاکٛوجِ ندٜرْ نغٜسَ مُوطُمْ؞ 2لَبِّ طٛنْ شَرْوٛ عٛنْ ڢٜوْرٜ، حِيلَعٜنْ بٛو طٛنْ مبَطَ عَنَّبَاکُوجِ ݠٜوٛوجِ؞ کٛيْطِ طِ ࢡٜعَنْدِنْتَ بٛو نغَلَا سَمَنْ؞ دٜعِّتِنْکِ مَࢡّٜ طُمْ حُوندٜ مٜىٰرٜ؞ نغَمْ مَاجُمْ يِمْࢡٜ طٛنْ نغِيلٛ بَنَ بَالِ، ࢡٜࢡِلَّکٜ نغَمْ ࢡٜنغَلَا غَيْنَاکٛ#مَتَّ 9:36؛ مَرْکُسْ 6:34؞؞
3تِکّٜرٜ عَمْ سَاتَنَنْ وَيْنَاࢡٜ، مِعُمَّنْتٛ جَوْطِ#10:3 وَيْنَاࢡٜ عٜ جَوْطِ طُمْ عَرْدِيࢡٜ؞؞ مِنْ جَوْمِرَاوٛ حٛنٛوࢡٜ عَسَمَ مِسُکْلَنْتٛ تٛکّٜرٜ عَمْ، وَاتٛ يِمْࢡٜ يَحُودَ؞ مِلَاتِنَنْ ࢡٜ بَنَ ݠُشُّ کٛنُ جَالٛتٛونغُ؞ 4دِغَ يَحُودَ لَامِيࢡٜ ڢٜىٰرٜ ڢٜىٰرٜ نغُرْتٛتٛ؞ ࢡٜ سٜمْبِطْࢡٜ بَنَ حَيْرٜ تَلْکُمٛورٜ#10:4 تَلْکُمٛورٜ مَلَّ تٛلْدُ؞، تَبِتْࢡٜ بَنَ لٜغَّلْ تِغِّرْغَلْ لَيْمَارُ عٜ سٜمْبِطْࢡٜ بَنَ لَغَاوَلْ کٛنُ؞ 5يِمْࢡٜ يَحُودَ نَنْدَنْ بٜى حٛنٛوࢡٜ سٜمْبِطْࢡٜ، ࢡٜندَمَّنْ کٛنّٜعٜنْ مَࢡّٜ بَنَ لٛوݠٜ دٛوْ لَاوٛلْ؞ نٛنْ ࢡٜکَࢡْرَتَ، نغَمْ مِنْ جَوْمِرَاوٛ مِطٛنْ وٛنْدِ بٜى مَࢡّٜ؞ کٛنّٜعٜنْ مَࢡّٜ وَعِّيࢡٜ ݠُشِّ، کٜىٰوَنْ سٜمْتٜىٰندٜ؞ 6مِسٜمْبِطِنَنْ يِمْࢡٜ يَحُودَ، مِرِمْطِنَنْ يِمْࢡٜ يُوسُڢُ؞ مِحٛورَنْ ࢡٜ، نغَمْ مِوٛودِ عٜنْطَمْ نغَمْ مَࢡّٜ؞ ࢡٜلَاتٛتٛ بَنَ مِمٜىٰطَايْنٛ وُدِنْغٛ ࢡٜ سَمْ؞ مِنْ وٛنِ جَوْمِرَاوٛ اَللَّه مَࢡّٜ، مِجَابَنْ تٛرْندٜ مَࢡّٜ؞ 7وٛرْࢡٜ عٜڢْرَيِمْ لَاتٛتٛ حٛنٛوࢡٜ سٜمْبِطْࢡٜ؞ ࢡٜرْطٜ مَࢡّٜ شٜيٛتٛ بَنَ تٛ ࢡٜنجَرِ عِنَبٛوجَمْ؞ تٛ ࢡِࢡّٜ مَࢡّٜ نغِعِ طُمْ، ࢡٜشٜيٛتٛ، ࢡٜرْطٜ مَࢡّٜ کٜىٰوَنْ سٜيٛ دَلِيلَ جَوْمِرَاوٛ؞
8مِعٜوْنٛتٛ يِمْࢡٜ عُمَّاتٛورٜ عَمْ، نغَمْ مٛوࢡْتُغٛ ࢡٜ؞ مِرِمْطِنَنْ ࢡٜ؞ ࢡٜطُوطَنْ ڢَحِنْ بَنَ ࢡٜطُوطِرِ نَانٜ؞ 9مِسَنغْکِتِ ࢡٜ شَکَ عُمَّاتٛوجٜ بَنَ ࢡٜشَاکِرْتَ عَاوْدِ، عَمَّا ندٜرْ لٜسْطٜ دَايِيطٜ ࢡٜشِڢْتٛرْتَمْ؞ ࢡٜنجٛوطٛدٛتّٛ بٜى ࢡِکّٛيْ مَࢡّٜ، ندٜنْ ࢡٜنغَرْتَنْ؞ 10مِوَرْتِرَنْ ࢡٜ دِغَ لٜسْدِ مِصْرَ عٜ لٜسْدِ عَسُّورَ؞ مِمٛوࢡْتَنْ ࢡٜ، مِيَحْرَنْ ࢡٜ ندٜرْ لٜسْدِ غِلٜعَتْ عٜ دٛوْ کٛوسٜىٰجٜ لِبَنٛنْ؞ عَمَّا حَا تٛنْ بٛو، ݠٜلّٜلْ ڢَمْطَنَنْ ࢡٜ؞ 11ࢡٜعٜىٰرٛتٛ مَايٛ مَسِيبٛ، مِنْ جَوْمِرَاوٛ مِڢِيَنْ ࢨُوغٜ مَاغٛ، کٛو نٛکُّوجٜ لُغُّطٜ طٜ نِيلْ بٛو نجٛورَنْ؞ ندٜنْ مَوْنِتَارٜ عَسُّورَ لٜىٰسْتَنْ، بَاوْطٜ مِصْرَ نَتَّنْ؞ 12مِسٜمْبِطِنَنْ عُمَّاتٛورٜ عَمْ إِسْرَاءِيلَ، إِسْرَاءِيلَ تٛکّٛتٛ مُويٛ عَمْ؞ مِنْ جَوْمِرَاوٛ وِعِ طُمْ؞
Currently Selected:
جٜکَرِيَ 10: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
