جٜکَرِيَ 5

دٜڢْتٜرٜ ڢِيرَنْدٜ

1مِتِجِّ ڢَحِنْ، مِيِعِ دٜڢْتٜرٜ تَغَّاندٜ، طٛنْ ڢِيرَ؞ 2مَلَاعِکَاجٛ ࢨَمِ يَمْ‏: «طُمٜ نغِعَتَ؟» مِجَابِ‏: «مِطٛنْ يِعَ دٜڢْتٜرٜ تَغَّاندٜ طٛنْ ڢِيرَ؞ نجُوتِرْکَ مَارٜ وَطِ مٜىٰتِرْ سَݠّٛ (10)، نجَاجِرْکَ مَارٜ بٛو مٜىٰتِرْ جٛوِ (5)؞» 3عٛوِعِ يَمْ‏: «طُمْ نَالٛورٜ تَمِّيندٜ عُکَّنَاغٛ دُنِيَارُ ڢُو؞ حَا وَکٜىٰرٜ وٛورٜ طُمْ وِنْدَامَ‏: کٛو مٛيْ وُجِّ، عٛ دِيوٜتٜىٰطٛ دِغَ لٜسْدِ؞ حَا وَکٜىٰرٜ ندٜيَ بٛو طُمْ وِنْدَامَ‏: کٛو مٛيْ حُنِ دٛوْ ڢٜوْرٜ، عٛ دِيوٜتٜىٰطٛ بَنَ نٛنْ؞ 4جَوْمِرَاوٛ حٛنٛوࢡٜ عَسَمَ وِعِ‏: مِنٜلْدِ نَالٛورٜ ندٜعٜ نغَمْ حَا ندٜ نَسْتَ سُودُ غُجّٛ عٜ سُودُ کُنٛتٛوطٛ دٛوْ ڢٜوْرٜ بٜى عِنْدٜ عَمْ؞ ندٜ جٛوطٛتٛ تٛنْ، حَا ندٜ حَلْکِدَ کُوجٜ ڢُو، کٛو ݠِيلٜ عٜ کَاعٜ ڢُو؞»

حَالَ دٜبّٛ ندٜرْ عٜتِرْغَلْ

5مَلَاعِکَاجٛ بٛلِدَنْطٛ بٜى عَمْ ࢡَدِتِ، وِعِ يَمْ‏: «تِجَّ، لَارْ کٛ وَنغَتَ تٛ‏!» 6مِࢨَمِمٛ‏: «طُمْ طُمٜ؟» عٛجَابِ‏: «کٛ وَنغَتَ تٛنْ، طُمْ عٜتِرْغَلْ؞» عٛتٛکِّ وِعُغٛ‏: «طُمْ عَيْبٜىٰجِ يِمْࢡٜ دٛوْ لٜسْدِ ڢُو؞» 7ندٜنْ مَࢡّٛودٜ ندٜ دَلْمَ#5‏:7 دَلْمَ مَلَّ ندِڢْرِ؞ مَࢡِّتِ دِغَ حُنْدُکٛ عٜتِرْغَلْ غٛ؞ مِيِعِ دٜبّٛ طٛنْ جٛوطِ ندٜرْ مَاغَلْ؞ 8مَلَاعِکَاجٛ وِعِ‏: «کَنغْکٛ وٛنِ زُنُوبَ؞» ندٜنْ عٛوُدِنِمٛ ندٜرْ عٜتِرْغَلْ، عٛمَࢡِّ نغَلْ بٜى مَࢡّٛرْدٜ دَلْمَ غٛ؞

9ندٜ مِتِجِّ ڢَحِنْ، مِيِعِ رٜوْࢡٜ طِطٛ طٛنْ مبَنغَ؞ ࢡٜنغٛودِ بِلٜىٰجِ بَنَ طِ نغَاسِيٛووَلْ، حٜنْدُ وِڢِ شَکَ مَاجِ؞ ࢡٜندٛونْدِ عٜتِرْغَلْ غٛ، ࢡٜدِلِّرِ نغَلْ حَکُّندٜ لٜسْدِ عٜ عَسَمَ؞ 10مِࢨَمِ مَلَاعِکَاجٛ بٛلِدَنْطٛ بٜى عَمْ‏: «تٛيْ ࢡٜنجَحْرَتَ نغَلْ؟» 11عٛجَابِ يَمْ‏: «وٛطْࢡٜ طٛنْ ࢩِࢡَنَ دٜبّٛ غٛ سُودُ حَا سِنٜعَرْ#5‏:11 سِنٜعَرْ طُمْ وُرٛ حَا لٜسْدِ بَابِلَ، حَا سُودُ تٛوْندُ وٛنِ؞ لَارْ لَاتَانٛوجِ 11‏:2؞؞ تٛ ندُ تِمِّ، ࢡٜنجٛعِّنَنْ مٛ حَا نٛکُّورٜ مَاکٛ؞»

Currently Selected:

جٜکَرِيَ 5: داَ

Highlight

Copy