جٜکَرِيَ 6

حَالَ مٛوتَاجِ ݠُشِّ نَيِ

1مِتِجِّ ڢَحِنْ، مِيِعِ مٛوتَاجِ ݠُشِّ نَيِ؞ طِ نغُرْتِ حَکُّندٜ کٛوسٜىٰجٜ طِطِ طٜ نجَمْندِ مبٛطٜىٰرِ؞ 2ݠُشِّ بٛطٜىٰجِ طٛنْ کَࢡِّندِرِ حَا مٛوتَ عَرَنَ، حَا طِطَࢡَ بٛو ࢡَلٜىٰجِ#وَحَيُ يُحَنَّ 6‏:4‏-5؞؞ 3حَا تَتَࢡَ طُمْ ݠُشِّ دَنٜىٰجِ، حَا نَيَࢡَ بٛو طُمْ ݠُشِّ بِيدِيجِ#وَحَيُ يُحَنَّ 6‏:2؞؞ 4مِࢨَمِ مَلَاعِکَاجٛ بٛلِدَنْطٛ بٜى عَمْ‏: «طُمٜ کَنْجِ بٛو طِ عَنْدِنْتَ، بَرْکَامَ؟» 5عٛجَابِ ࢨَمْ‏: «طُمْ کٜنِ عَسَمَ نَيِ؞ طِ طٛنّٛ ندَرِ يٜىٰسٛ جَوْمُ دُنِيَارُ ڢُو؞ جٛنْتَ کَمْ طِ طٛنْ ندِلَّ#وَحَيُ يُحَنَّ 7‏:1؞؞» 6ݠُشِّ ࢡَلٜىٰجِ کَࢡِّندِرَاطِ حَا مٛوتَ غٛ ندِلِّ غَلْ لٜسْدِ وٛيْلَ؞ دَنٜىٰجِ تٛکِّ طِ ࢡَاوٛ، ندِلِّ غَلْ حِيرْنَانغٜ، ندٜنْ بِيدِيجِ ندِلِّ غَلْ لٜسْدِ ڢٛمْبِنَ؞ 7ݠُشِّ بٛطٜىٰجِ#6‏:7 ݠُشِّ بٛطٜىٰجِ مَلَّ ݠُشِّ شٜمْبِطِّ طِعِ؞ ࢡَدِتِ، نغِطِ دِلُّغٛ تَارٛيَاغٛ دُنِيَارُ؞ ندٜنْ جَوْمِرَاوٛ وِعِ‏: «ندِلّٜ، تَارٛيٜ دُنِيَارُ‏!» طِ ندِلِّ؞ 8ندٜنْ عٛعٜوْنِ يَمْ، عٛوِعِ‏: «لَارْ، دِلُّطِ لٜسْدِ وٛيْلَارِ نجِݠِّنَنْ رُوحُ عَمْ#6‏:8 … نجِݠِّنَنْ رُوحُ عَمْ مَلَّ بٛو‏: ݠٜىٰوْتِنَنْ تِکّٜرٜ عَمْ؞ دٛوْ مَارِ؞»

لَامِنٜىٰکِ يٛسُوَ

9جَوْمِرَاوٛ وٛلْوَنِ يَمْ وِعِ‏: 10«جَࢡْ دٛکّٜ حَا جُوطٜ حٜلْدَيْ عٜ تٛبِيَ عٜ يَدَعْيَ، طٜ دَحَاࢡٜ عِوْࢡٜ دِغَ بَابِلَ نغَدِّ؞ عَنْ بٜى حٛورٜ مَاطَ نَسْتُ حَنْدٜ ندٜنْ حَا سَارٜ يٛسِيَ ࢡِي سٜڢَنِيَ؞ 11حٛوعُ شَرْدِ عٜ کَنغّٜىٰرِ، وَطْ مٜىٰتَلٜىٰوٛلْ بٜى مَاجِ؞ مٜىٰتُ نغٛلْ دٛوْ حٛورٜ يٛسُوَ ࢡِي يٛشَدَکْ، حٛورٜىٰجٛ لِمَنْعٜنْ؞ 12ندٜنْ وِعْ مٛ‏: ندَا نِي جَوْمِرَاوٛ حٛنٛوࢡٜ عَسَمَ وِعِ‏: وٛودِ غٛطّٛ مٛ عِنْدٜ مُوطُمْ ڢُطْنغٛ حَا طٛ؞ عٛڢُطَنْ حَا نٛکُّورٜ ندٜ عٛدَرٛتٛ، عٛࢩِࢡَنْ حَيْکَلِيرُ جَوْمِرَاوٛ#يٜرٜمِيَ 23‏:5؛ 33‏:15؛ جٜکَرِيَ 3‏:8؞؞ 13کَنغْکٛ ࢩِࢡَتَ حَيْکَلِيرُ جَوْمِرَاوٛ؞ عٛࢡٛرْنٛتٛ تٜدُّنغَلْ؞ عٛجٛوطٛتٛ دٛوْ لٜىٰسٛ لَامُ مَاکٛ نغَمْ عٛلَامٛ؞ لِمَنْجٛ غٛطّٛ وٛنَنْ حَا ࢩَامٛ مَاکٛ؞ نَرَّلْ تِمُّنغَلْ لَاتٛتٛ حَکُّندٜ مَࢡّٜ#6‏:13 ڢٛدّٜ عِبْرَنِنغْکٜىٰرٜ طُمْ وِعِ‏: عٛلَاتٛتٛ لِمَنْجٛ دٛوْ لٜىٰسٛ لَامُ مَاکٛ؞ نَرَّلْ تِمُّنغَلْ لَاتٛتٛ حَکُّندٜ کُوغَلْ لَامُ عٜ کُوغَلْ لِمَنْکُ؞؞ 14عَمَّا ڢَوْنٜرٜ غٛ وَلِّنٜ ندٜرْ حَيْکَلِيرُ جَوْمِرَاوٛ، نغَمْ شِڢْتِنٛرْکِ حٜلْدَيْ عٜ تٛبِيَ عٜ يٜدَعْيَ عٜ نغَمْ شِڢْتِنٛرْکِ مبٛوطٜىٰنغَ يٛسِيَ ࢡِي سٜڢَنِيَ؞» 15يِمْࢡٜ نغَرَنْ دِغَ دَايِيطُمْ، ࢡٜࢩِࢡْتٛ حَيْکَلِيرُ جَوْمِرَاوٛ؞ نٛنْ عَنْدِتِرْتٛنْ جَوْمِرَاوٛ حٛنٛوࢡٜ عَسَمَ نٜلِ يَمْ حَا مٛوطٛنْ؞ طُمْ لَاتٛتٛ تٛ عٛنْ طٛوْتَنَکٜ وٛلْدٜ جَوْمِرَاوٛ بٜى غٛونغَ؞

Currently Selected:

جٜکَرِيَ 6: داَ

Highlight

Copy