جٜکَرِيَ 4
4
حَالَ جٛعِّنِرْطُمْ ݠِتِّرْلَاجِ عٜ جَيْتُنْجٜ طِطِ
1مَلَاعِکَاجٛ بٛلِدَنّٛوطٛ بٜى عَمْ لٛرْتِ حَا عَمْ، ڢِنْدِنِ يَمْ بَنَ غٛطّٛ ڢِنْدِنِرْتٜ عٜ طٛيْنغٛلْ مُمْ؞ 2عٛࢨَمِ يَمْ: «طُمٜ نغِعَتَ؟» مِجَابِ: «مِطٛنْ يِعَ جٛعِّنِرْطُمْ ݠِتِّرْلَاجِ، طُمْ ڢُو مَنْ طُمْ کَنغّٜىٰرِ، بٜى تَاسَوٛ دٛوْ مَاجُمْ؞ حَا دٛوْ تَاسَوٛ بٛو وٛودِ ݠِتِّرْلَاجِ جٛوٜىٰطِطِ؞ ݠِتِّرْلَ کٛو کَيٜ ڢُو وٛودِ کُࢡِّرْطٜ جٛوٜىٰطِطِ؞ 3وٛودِ بٛو جَيْتُنْجٜ طِطِ بَنغٜ تَاسَوٛ؞ جَيْتُنْحِ غٛوتِ حَا وَکٜىٰرٜ ࢩَامْرٜ، غٛوتِ بٛو حَا وَکٜىٰرٜ نَنْدٜ#وَحَيُ يُحَنَّ 11:4؞» 4مِࢨَمِ مَلَاعِکَاجٛ بٛلْوَنَنْطٛ يَمْ غٛ: «بَرْکَامَ، طُمٜ جَيْتُنْجٜ طٜعٜ عَنْدِنْتَ؟» 5عٛجَابِ يَمْ: «عَعَنْدَا کٛ طُمْ يِطِ عَنْدِنْغٛ نَ؟» مِوِعِ: «مِعَنْدَا، نَيْوَ؞»
کٛ اَللَّه وِعِ دٛوْ زٛرٛبَابِلَ
6مَلَاعِکَاجٛ وِعِ يَمْ: «ندَا وٛلْدٜ جَوْمِرَاوٛ نغَمْ زٛرٛبَابِلَ: عَحِࢡِّنْتَا کَلِيڢَاکُ مَاطَ بٜى شُوسَلْ مَلَّ بٜى سٜمْبٜ مَاطَ، عَمَّا سٜيْ بٜى رُوحُ عَمْ تَنْ! نٛنْ جَوْمِرَاوٛ حٛنٛوࢡٜ عَسَمَ وِعِ#عٜسِرَ 5:2؞؞ 7عَنْ حٛوسٜىٰرٜ مَوْندٜ، عَ طُمٜ؟ عَلَاتٛتٛ وَادِوٛلْ يٜىٰسٛ زٛرٛبَابِلَ؞ عٛوُرْتِنَنْ حَيْرٜ تَلْکُمٛورٜ دِغَ مَاطَ؞ يِمْࢡٜ کٛولَنْ: کَيْ، ندٜ وٛوطِ! کَيْ، ندٜ وٛوطِ!»
8جَوْمِرَاوٛ وٛلْوَنِ يَمْ ڢَحِنْ، عٛوِعِ: 9«جُوطٜ زٛرٛبَابِلَ مبَلِّنِ شَࢡَّوَلْ حَيْکَلِيرُ؞ کَنْجٜ لَمْسِنْتَ ندُ بٛو؞» نٛنْ عَنْدِتِرْتٛنْ جَوْمِرَاوٛ حٛنٛوࢡٜ عَسَمَ نٜلِ يَمْ حَا مٛوطٛنْ؞
10«مٛ يَوِ ڢُطّٛودٜ کُوجٜ ݠَمَرٜ، سٜيٛرْتٛ يِعُغٛ حَيْرٜ تِمِّنِرْدٜ سُودُ حَا جُوطٜ زٛرٛبَابِلَ؞» مَلَاعِکَاجٛ وِعِ يَمْ: «ݠِتِّرْلَاجِ جٛوٜىٰطِطِ غٛ نغٛنِ غِتٜ جَوْمِرَاوٛ دَارَنْطٜ دُنِيَارُ ڢُو؞» 11ندٜنْ مِࢨَمِ مَلَاعِکَاجٛ: «جَيْتُنْجٜ طِطِ حَا ࢩَامْرٜ عٜ نَنْدٜ جٛعِّنِرْطُمْ ݠِتِّرْلَاجِ، طُمْ طُمٜ؟#وَحَيُ يُحَنَّ 11:4؞» 12ڢَحِنْ ࢨَمّٛومِ: «طُمٜ لِشٜ جَيْتُنْجٜ طِطِ بَنغٜ عِلْنِرْطٜ طٜ کَنغّٜىٰرِ عِلْنٛوجٜ نٜبَّمْ سَيٜىٰجَمْ عَنْدِنْتَ؟» 13عٛوِعِ يَمْ: «عَعَنْدَا کٛ طُمْ يِطِ عَنْدِنْغٛ نَ؟» مِجَابِ: «مِعَنْدَا، بَرْکَامَ؞» 14ندٜنْ عٛوِعِ يَمْ کَدِ: «کَنْجٜ نغٛنِ يِمْࢡٜ طِطٛ، مٛيْتَاࢡٜ حٛورٜ بٜى نٜبَّمْ نغَمْ حُووَنْغٛ جَوْمُ دُنِيَارُ ڢُو؞»
Currently Selected:
جٜکَرِيَ 4: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
