جٜکَرِيَ 3

حَالَ يٛسُوَ، حٛورٜىٰجٛ لِمَنْعٜنْ

1ندٜنْ جَوْمِرَاوٛ يِعْنِ يَمْ يٛسُوَ، حٛورٜىٰجٛ لِمَنْعٜنْ؞ عٛطٛنْ دَرِ يٜىٰسٛ مَلَاعِکَاجٛ جَوْمِرَاوٛ؞ سَيْطَانُ بٛو طٛنْ دَرِ حَا ࢩَامٛ مَاکٛ نغَمْ وُلَّاغٛ مٛ#عٜسِرَ 5‏:2؛ وَحَيُ يُحَنَّ 12‏:10؞؞ 2مَلَاعِکَاجٛ جَوْمِرَاوٛ وِعِمٛ‏: «جَوْمِرَاوٛ تٜلْࢡَنٜ، عَنْ سَيْطَانُ‏! جَوْمِرَاوٛ شُࢡْطٛ عُرُسَلِيمَ تٜلْࢡَنٜ‏! غٛطّٛ عٛو نَنْدَايْ بٜى دٛشَّلْ غُرْتِنَانغَلْ دِغَ يِيتٜ نَ؟#يَحُودَ 9؞» 3يٛسُوَ طٛنّٛ ࢡٛرْنِ لِمْشٜ تُنْوُطٜ، سَاعِ عٛطٛنّٛ دَرِ يٜىٰسٛ مَلَاعِکَاجٛ؞ 4مَلَاعِکَاجٛ عُمْرِ سُکَعٜنْ وٛنْدُࢡٜ بٜى مُوطُمْ‏: «ࢡٛرْتٜ مٛ لِمْشٜ تُنْوُطٜ طٜعٜ؞» ندٜنْ عٛوِعِ يٛسُوَ‏: «ندَا، مِعِتَّنِ مَ عَيْبٜ مَاطَ، مِࢡٛرْنَنْتٜ لِمْشٜ جَاغٜ؞» 5عٛوِعِ‏: «مٜىٰتٜ مٛ مٜىٰتَلٜىٰوٛلْ لَاࢡْنغٛلْ‏!» ࢡٜمٜىٰتِ نغٛلْ دٛوْ حٛورٜ مَاکٛ؞ ندٜنْ ࢡٜࢡٛرْنِمٛ لِمْشٜ لَاࢡْطٜ؞ مَلَاعِکَاجٛ جَوْمِرَاوٛ طٛنْ دَرِ؞

6ࢡَاوٛ مَنْ مَلَاعِکَاجٛ جَوْمِرَاوٛ عُمْرِ يٛسُوَ‏: 7«ندَا کٛ جَوْمِرَاوٛ حٛنٛوࢡٜ عَسَمَ وِعِ‏: تٛ عَتٛکَّکٜ لَابِ عَمْ، تٛ عَطٛوْتَنَکٜ عُمْرٛوجٜ عَمْ، ندٜنْ مِلَاتِنْتٜ کَلِيڢَاجٛ حَيْکَلِيرُ عَمْ عٜ دَلْدٜ مَارُ؞ مِدُنغَنْتٜ نغَمْ ندَرٛطَ کَلْ-کَلْ بٜى حُووٛوࢡٜ عَمْ دَرِيࢡٜ طٛ؞ 8نَنْ، عَنْ يٛسُوَ حٛورٜىٰجٛ لِمَنْعٜنْ، نَنٜ عٛنٛنْ حَوْتِطِرَاࢡٜ مَاکٛ بٛو؞ عٛنْ لَاتِ عَلَامَ مبٛوطْکَ کَعَ‏: مِوَدَّنْ سُکَ عَمْ بِعٜتٜىٰطٛ ڢُطْنغٛ#يٜرٜمِيَ 23‏:5؛ 33‏:15؛ جٜکَرِيَ 6‏:12؞؞ 9ندَا حَيْرٜ ندٜ مِوَلِّنْتَ يٜىٰسٛ يٛسُوَ؞ دٛوْ حَيْرٜ ندٜعٜ، وٛودِ غِتٜ جٛوٜىٰطِطِ؞ مِنْ بٜى حٛورٜ عَمْ، مِوِنْدَنْ بِنْدٛلْ دٛوْ مَارٜ؞ مِعِتَّنْ عَيْبٜىٰجِ لٜسْدِ ندِعِ ندٜرْ ࢩَلَادٜ وٛورٜ؞ نٛنْ جَوْمِرَاوٛ حٛنٛوࢡٜ عَسَمَ وِعِ؞ 10ࢩَلَادٜ مَنْ عٛنْ عٜوْنٛتِرْتٛ نغَمْ جٛوطَاغٛ جَمْ لٜسْ عِنَبٛوجٜ مٛوطٛنْ عٜ لٜسْ عِبّٜ مٛوطٛنْ؞ نٛنْ جَوْمِرَاوٛ حٛنٛوࢡٜ عَسَمَ وِعِ؞#مِکَ 4‏:4؞»

Currently Selected:

جٜکَرِيَ 3: داَ

Highlight

Copy