جٜکَرِيَ 2

حَالَ لُوٜ عٜ کِلَعٜنْ

1مِتِجِّ، مِيِعِ لُوٜ نَيِ؞ 2مِࢨَمِ مَلَاعِکَاجٛ بٛلِدَنْطٛ بٜى عَمْ‏: «لُوٜ طٜعٜ طُمْ طُمٜ؟» عٛجَابِ يَمْ‏: «کَنْجٜ نغٛنِ لُوٜ شَنغْکِتِتْطٜ يَحُودَ عٜ إِسْرَاءِيلَ عٜ عُرُسَلِيمَ؞» 3کَدِبٛو جَوْمِرَاوٛ يِعْنِ يَمْ کِلَعٜنْ نَيٛ؞ 4مِࢨَمِ‏: «طُمٜ ࢡٜنغَرِ وَطُغٛ؟» عٛجَابِ‏: «لُوٜ غٛ شَنغْکِتِ يَحُودَ، حَا وَلَا کٛو غٛطّٛ ࢡَنغْتِ حٛورٜ مُمْ؞ عَمَّا کِلَعٜنْ ࢡٜعٜ نغَرِ نغَمْ حُلْنُغٛ عٜ دٛعُّغٛ لُوٜ غٛ؞ نغَمْ عُمَّاتٛوجٜ ࢡَنغْتِ طٜ دٛوْ لٜسْدِ يَحُودَ، نغَمْ سَنغْکِتِتْغٛ يِمْࢡٜ مَارِ؞»

غٛرْکٛ بٜى ࢡٛغّٛلْ ݠٛونْدِرْغٛلْ

5مِتِجِّ، مِيِعِ غٛطّٛ طٛنْ جٛغِ ࢡٛغّٛلْ ݠٛونْدِرْغٛلْ؞ 6مِࢨَمِمٛ‏: «تٛيْ نجَحَتَا؟» عٛجَابِ يَمْ‏: «حَا عُرُسَلِيمَ، نغَمْ ڢٛونْدُغٛ نٛيْ نجَاجِرْکَ عٜ نٛيْ نجُوتِرْکَ مَاغٛلْ؞» 7سَاعِ مَلَاعِکَاجٛ بٛلِدَنْطٛ بٜى عَمْ غٛ طٛنْ يَحَ، مَلَاعِکَاجٛ ڢٜىٰرٜ وَرِ ڢٛتِّ بٜى مَاکٛ؞ 8مَلَاعِکَاجٛ بٛلِدَنْطٛ بٜى عَمْ غٛ وِعِمٛ‏: «يَاوْطَ لَوْ، يٜشُّ سُکَ جٛغِيطٛ ݠٛونْدِرْغٛلْ غٛ‏: عُرُسَلِيمَ تَارْنَتَاکٜ بٜى مَحٛلْ، نغَمْ يِمْࢡٜ عٜ دَبَّاجِ ندٜرْ مَاغٛلْ طُوطَنْ؞ 9جَوْمِرَاوٛ وِعِ‏: مِنْ بٜى حٛورٜ عَمْ مِڢَدَّنْ نغٛلْ بَنَ مَحٛلْ يِيتٜ؞ حَا شَکَ مَاغٛلْ بٛو، مِوَنغِنَنْ تٜدُّنغَلْ عَمْ؞»

حَبَرُ نغَمْ دَحَاࢡٜ#2‏:9 دَحَاࢡٜ يِطِ وِعْغٛ عٜغِّنَاࢡٜ بٜى دٛولٜ؞

10جَوْمِرَاوٛ وِعِ يِمْࢡٜ مُوطُمْ‏: «عٛنٛنْ ࢡٜ مِسَنغْکِتِ حَا عَلْکِبِلَاجِ نَيِ ڢُو، جٛنْتَ کَمْ ندٛغّٜ، نغُرْتٜ لٜسْطٜ وٛيْلَ‏! 11عٛنٛنْ يِمْࢡٜ عُرُسَلِيمَ، دَحَاࢡٜ حَا بَابِلَ، نجَاوْطٜ وُرْتَاغٛ لَوْ حَا ندَطٛنْ؞»

12ندَا نِي جَوْمِرَاوٛ حٛنٛوࢡٜ عَسَمَ مٛ نٜلِ يَمْ وِعِ دٛوْ عُمَّاتٛوجٜ جَࢡْتُطٜ عٛنْ کُوجٜ‏: «مٜىٰمْطٛ عٛنْ، مٜىٰمِ ࢡِنغٜلْ يِيتٜرٜ عَمْ‏! 13ندَا، مِࢡَنغْتَنْ جُنغٛ عَمْ دٛوْ مَࢡّٜ حَا ࢡٜلَاتٛ کٜࢡَلْ مَشُّࢡٜ مَࢡّٜ؞» ندٜنْ عٛنْ ݠَامَنْ جَوْمِرَاوٛ حٛنٛوࢡٜ عَسَمَ نٜلِ يَمْ؞

14جَوْمِرَاوٛ وِعِ‏: «شٜيٜ، مبٜلْمبٜلْتٜ، عٛنٛنْ يِمْࢡٜ عُرُسَلِيمَ‏! نغَمْ مِطٛنْ وَرَ حَا مِجٛوطٛ شَکَ مٛوطٛنْ؞» 15ࢩَلَادٜ مَنْ عُمَّاتٛوجٜ طُوطّٜ طَکّٛتٛ جَوْمِرَاوٛ، طٜ لَاتٛتٛ عُمَّاتٛورٜ مَاکٛ؞ عٛجٛوطٛتٛ شَکَ مٛوطٛنْ؞ ندٜنْ عٛنْ ݠَامَنْ جَوْمِرَاوٛ حٛنٛوࢡٜ عَسَمَ نٜلِ يَمْ حَا مٛوطٛنْ؞ 16يَحُودَ لَاتٛتٛ مَرَلْ جَوْمِرَاوٛ ندٜرْ لٜسْدِ شٜنِيندِ ڢَحِنْ؞ عُرُسَلِيمَ بٛو وَرْتَنْ بٜرْنِوٛلْ نغٛلْ عٛسُࢡِ طُمْ ڢَحِنْ؞ 17سٜيْ کٛو مٛيْ ڢُو سِرْوٛ يٜىٰسٛ جَوْمِرَاوٛ‏! نغَمْ عٛعُمَّکٜ دِغَ جٛوطٛرْدٜ مَاکٛ سٜنِيندٜ؞

Currently Selected:

جٜکَرِيَ 2: داَ

Highlight

Copy