رٛمَعٜنْ نَسْتُکِ
نَسْتُکِ
ݠٛلْ وِنْدِ بَتَاکٜوٛلْ نغٛعٛلْ حَا رٛمَعٜنْ نغَمْ تَاسْکِتِنْغٛ جَحَانغَلْ مَاکٛ حَا جَمَعَارٜ مَࢡّٜ؞ عٛتَمِّ حُووُغٛ شَکَ مَࢡّٜ وَکَّتِ سٜطَّ؞ ࢡَاوٛطٛنْ عٛتٛکِّتِنَنْ جَحَانغَلْ مَاکٛ حَا يٛتّٛ عٜسْݠَنِيَ (15:22-33)؞ ندٜرْ بَتَاکٜوٛلْ نغٛعٛلْ، ݠٛلْ تِطِّنِ نُطِّنْکِ مَسِيحِنغْکٜعٜنْ (1:11؛ 16:25)؞ عٛعٜکِّتِنِ ࢡٜ حَالَ کِسْندَمْ دُنِيَارُ (6:23؛ 11:11-24؛ 15:14)؞ ݠٛلْ عَنْدِتِ اَللَّه عٜوْنِمٛ نغَمْ وَازُغٛ لِنْجِيلَ وَاتٛ حَبَرُ سٜيٛ حَا عُمَّاتٛوجٜ ڢُو؞ عٛحُووِ کُوغَلْ نغَعَلْ بِلَا کُلٛلْ نغَمْ لِنْجِيلَ «وٛنِ بَاوْطٜ اَللَّه؞ کَ وَاوِ حِسْنُغٛ نُطِّنْࢡٜ کَ ڢُو، عَرَنْ يَحُودُعٜنْ، ندٜنْ يِمْࢡٜ عُمَّاتٛوجٜ غٛطّٜ بٛو؞» بٜى لِنْجِيلَ مَنْ، اَللَّه طٛنْ وَنغِنَنَ يِمْࢡٜ ڢُو نٛ ࢡٜلَاتٛرْتٛ عَدِلِعٜنْ يٜىٰسٛ مَاکٛ؞ طُمْ لَاتٛتٛ بٜى نُطِّنْکِ تَنْ، دِغَ ڢُطَّمْ حَا تِمّٛودٜ؞ بَنَ کٛ وِنْدَ: «عَدِلِيجٛ يٜىٰطِرَنْ بٜى نُطِّنْکِ؞» (1:16-17)؞ طٛوْتَنَاغٛ تَوْرٜىٰتَ وَاوَتَا حِسْنُغٛ غٛطّٛ؞
يِمْࢡٜ ڢُو مَرِ حَاجٜ کِسْندَمْ نغَمْ ࢡٜ ڢُو ࢡٜ مَشُّࢡٜ حَکّٜ؞ نٜطّٛ بٛو وَاوَتَا حِسْنُغٛ حٛورٜ مُمْ؞ نغَمْ مَاجُمْ اَللَّه وَطَنِ يِمْࢡٜ کِسْندَمْ شَاحُ دَلِيلَ مٛعّٜرٜ عٜ حِنُّيٜ مُوطُمْ؞ ݠٛلْ سُوسْطِنِ نُطِّنْࢡٜ حَا ࢡٜمبَطَ دٛعَاجٜ حَا کِسْندَمْ طَعَمْ يٛتّٛ کٛو تٛيْ ڢُو (15:30-31)؞ کِسْنَاطٛ ڢُو لَاتَتَاکٛ مَشُّطٛ حَکّٜ ڢَحِنْ، عٛ جٜيَاطٛ عَدِلَاکُ (6:15-23)، عٛحٜࢡِ نغٜىٰندَمْ کٜسَمْ؞ اَللَّه حِيتَتَاکٛ مٛ (8:1)؞ نُطِّنْطٛ وَطَتَا شٛࢡْطُمْ (13:12-13)، عٛيِطَنْ کٜىٰدِّطِّيکٛ (13:8)، عٛطٛوْتِنَنْ مَرْࢡٜ لَامُ (13:1-3)، عٛحَکِّلَنَنْ تَمْݠُطٛ ندٜرْ نُطِّنْکِ (14:1–15:6)، عٛحُووَنَنْ اَللَّه ڢٛدّٜ دٛکّٜ طٜ اَللَّه حٛکِّمٛ (12:1-8)؞
تٛکِّنْدِرْکِ حَالَاجِ:
حٛورٜ وٛلْدٜ بَتَاکٜوٛلْ 1:1-17
کِسْندَمْ بٜى نُطِّنْکِ نغَمْ کٛو مٛيْ 1:18–11:36
نغٜىٰندَمْ کٜسَمْ ندٜرْ نُطِّنْکِ 12:1–15:13
تِمّٛودٜ: عَنِّيَ ݠٛلْ يَحُغٛ رٛمَ عٜ عٜسْݠَنِيَ 15:14–16:27
Currently Selected:
رٛمَعٜنْ نَسْتُکِ: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.