رٛمَعٜنْ 5
5
سُلْحٛتِرَلْ بٜى اَللَّه
1اَللَّه عَدِلِنِ عٜنْ نغَمْ عٜنْ نُطِّنِمٛ؞ جٛنْتَ سَلَامَنْ طٛنْ حَکُّندٜ مَاکٛ بٜى مٜىٰطٜنْ، بَرْکَ جَوْمِرَاوٛ مٜنْ عِيسَى اَلْمَسِيحُ؞ 2عٜنْ کٜࢡِ مٛعّٜرٜ اَللَّه بٜى لَاوٛلْ نُطِّنْکِ، عٜنْ طٛنْ تَبِتِ ندٜرْ مٛعّٜرٜ مَنْ؞ عٜنْ کٜىٰوِ سٜيٛ بٛو، نغَمْ ڢَکَتْ عٜنْ طٛنْ بٜى تَمُّندٜ حٜࢡُغٛ تٜدُّنغَلْ اَللَّه؞ 3عٜنْ طٛنْ شٜيٛرٛ کٛو ࢡِلَّاجٜ مٜنْ بٛو، نغَمْ عٜنْ عَنْدِ ࢡِلَّارٜ وَدَّنْ مُࢩَلْ، 4مُࢩَلْ سٜمْبِطِنَنْ دَرْتَارٜ، دَرْتَارٜ بٛو تَبِتِنَنْ تَمُّندٜ؞ 5بٜى تَمُّندٜ مَنْ عٜنْ مبُسْتَتَاکٜ سَمْ، نغَمْ اَللَّه حٛکِّ عٜنْ رُوحُ مُمْ، مٛ حٜبِّنِ ࢡٜرْطٜ مٜىٰطٜنْ بٜى يِيدٜ مُمْ؞
6سَاعِ عٜنْ تَمْݠُࢡٜنٛ وَطْغٛ کٛ ڢٛتِّ، اَلْمَسِيحُ مَايِ نغَمْ حَکّٜعٜنْ ندٜرْ سَاعِيرٜ ندٜ اَللَّه دَرْنِ؞ 7شَطُّمْ غٛطّٛ جَࢡَ مَايُغٛ مبَتُّدِ#5:7 مبَتُّدِ مَلَّ حَا ݠٜلّٜلْ؞ غٛطّٛ غٛونغَاجٛ؞ تٜىٰمَ عٛجَࢡَنْ مَايُغٛ مبَتُّدِ غٛطّٛ بٛوطّٛ مَسِنْ؞ 8عَمَّا اَلْمَسِيحُ مَايِ مبَتُّدِ مٜىٰطٜنْ يَاکٜ عٜنْ حَکّٜعٜنْ نٛ؞ بَنَ نِي اَللَّه وَنغِنِرِ نٛ عٛيِطِرِ عٜنْ؞ 9ندٜ نِي عٜنْ عَدِلِنَامَ بٜى ࢨِيࢨَمْ مَاکٛ، عٛحِسْنَنْ عٜنْ دِغَ تِکّٜرٜ اَللَّه بٛو؞ 10سَاعِ عٜنْ کٛنّٜعٜنْ اَللَّه نٛ، عٜنْ کٜࢡِ سُلْحٛتِرَلْ حَکُّندٜ مٜىٰطٜنْ بٜى مَاکٛ بَرْکَ مَايْدٜ ࢡِطّٛ مَاکٛ؞ سَکّٛمَا جٛنْتَ، ࢡَاوٛ سُلْحٛتِرَلْ نغَعَلْ، ڢَکَتْ عٜنْ کٜࢡَنْ کِسْندَمْ بَرْکَ نغٜىٰندَمْ ࢡِطّٛ عٛو؞ 11نَا طُعُمْ تَنْ، عَمَّا عٜنْ طٛنْ شٜيٛرٛ کَوْتَلْ بٜى اَللَّه نغَمْ دَلِيلَ عِيسَى اَلْمَسِيحُ، جَوْمِرَاوٛ مٜنْ مٛ سُلْحٛتِرِ عٜنْ بٜى اَللَّه؞
ءَادَمُ عٜ اَلْمَسِيحُ
12حَکّٜ نَسْتِ دُنِيَارُ دَلِيلَ نٜطّٛ غٛوتٛ؞ حَکّٜ مَنْ وَدِّ مَايْدٜ؞ نغَمْ مَاجُمْ يِمْࢡٜ ڢُو طٛنْ مَايَ، نغَمْ ࢡٜمبَطِ حَکّٜ#لَاتَانٛوجِ 3:6؞؞ 13حَکّٜ طٛنّٛ ندٜرْ دُنِيَارُ دِغَ تَوْرٜىٰتَ وَلَانٛ؞ عَمَّا اَللَّه لِمَايْنٛ حَکّٜىٰجِ طِ يِمْࢡٜ مبَطِ، نغَمْ وَلَانٛ عُمْرٛورٜ تَوٛنْ؞ 14بٜى نٛنْ ڢُو، دِغَ ءَادَمُ حَا وَرْغٛ مُوسَى، مَايْدٜ لَامِ دٛوْ يِمْࢡٜ ڢُو، کٛو ࢡٜمبَطَايْ حَکّٜ بَنَ ءَادَمُ مٛ لُوتِ عُمْرٛورٜ اَللَّه؞
ءَادَمُ وٛنّٛ مِسَالُ غٛطّٛ غَرَنْطٛ؞ 15عَمَّا دٛکَّلْ نغَلْ اَللَّه حٛکَّتَ عٜنْ بٜى غٛطّٛ عٛو نَنْدَايْ بٜى عَيْبٜوٛلْ ءَادَمُ سَمْ؞ ڢَکَتْ، يِمْࢡٜ طُوطْࢡٜ مَايِ نغَمْ غٛوتٛ وَطِ عَيْبٜ؞ عَمَّا مٛعّٜرٜ اَللَّه ࢡُرِ مَوْنُغٛ ݠِوْ، نٛنْ بٛو دٛکَّلْ شَاحُ نغَلْ عٛحٛکَّتَ يِمْࢡٜ طُوطْࢡٜ نغَمْ دَلِيلَ مٛعّٜرٜ نٜطّٛ غٛوتٛ، وَاتٛ عِيسَى اَلْمَسِيحُ؞ 16دٛکَّلْ اَللَّه نَنْدَايْ بٜى عَيْبٜ غٛطّٛ غٛ؞ کِيتَ اَللَّه دٛوْ غٛوتٛ عٛو عَيْبِنِ يِمْࢡٜ ڢُو؞ عَمَّا مٛعّٜرٜ اَللَّه دٛوْ عَيْبٜىٰجِ طُوطِّ عَدِلِنِ يِمْࢡٜ ڢُو؞ 17نغَمْ دَلِيلَ غٛوتٛ، مَايْدٜ لَامِ دٛوْ يِمْࢡٜ نغَمْ غٛوتٛ وَطِ عَيْبٜ؞ ندٜنْ کَمْ، ڢَکَتْ حٜࢡّٜ مٛعّٜرٜ اَللَّه طُوطْندٜ عٜ عَدِلَاکُ مُوطُمْ شَاحُ لَامٛتٛ بٜى نغٜىٰندَمْ بَرْکَ غٛوتٛ بٛو، وَاتٛ عِيسَى اَلْمَسِيحُ؞ 18نغَمْ مَاجُمْ، بَنَ نٛ عَيْبٜ غٛطّٛ غٛوتٛ، وَاتٛ ءَادَمُ جَاࢩَنِ يِمْࢡٜ ڢُو کِيتَ، کُوغَلْ غٛطّٛ غٛوتٛ، وَاتٛ عِيسَى اَلْمَسِيحُ وَدَّنِ يِمْࢡٜ ڢُو عَدِلَاکُ عٜ نغٜىٰندَمْ؞ 19سٛويْندٜ طٛوْتَارٜ غٛطّٛ غٛوتٛ نَسْتِنِ يِمْࢡٜ طُوطْࢡٜ حَا حَکّٜ؞ نٛنْ بٛو اَللَّه عَدِلِنِ طُوطْࢡٜ دَلِيلَ طٛوْتَارٜ غٛطّٛ غٛوتٛ؞
20تَوْرٜىٰتَ وَنغِ حَا حَکّٜ ࢡٜسْدَ، عَمَّا حَا حَکّٜ ࢡٜسْدِ، مٛعّٜرٜ اَللَّه بٛو ࢡُرْتِ ࢡٜسْدَاغٛ؞ 21بَنَ نٛ حَکّٜ وَنغِنِرِ بَاوْطٜ مُمْ بٜى مَايْدٜ، نٛنْ بٛو بَاوْطٜ مٛعّٜرٜ اَللَّه وَنغِرِ بٜى عِيسَى اَلْمَسِيحُ جَوْمِرَاوٛ مٜىٰطٜنْ؞ بَرْکَ مَاکٛ عٜنْ لَاتِ عَدِلِعٜنْ يٜىٰسٛ اَللَّه عٜ عٜنْ کٜࢡِ نغٜىٰندَمْ ندُومِيطَمْ؞
مَايْࢡٜ حٜىٰدِ حَکّٜ، عَمَّا يٜىٰطْࢡٜ نغَمْ اَلْمَسِيحُ
Currently Selected:
رٛمَعٜنْ 5: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
