رٛمَعٜنْ 6
6
1کٛ مبِعٜتٜنْ جٛنْتَ؟ عٜنْ تٛکّٛ جٛوطَاغٛ ندٜرْ حَکّٜ نغَمْ حَا مٛعّٜرٜ اَللَّه ࢡٜسْدٛ نَ؟ 2کَيَّ، نَا نٛنْ سَمْ! حٜىٰدِ حَکّٜ کَمْ، عٜنْ مَايْࢡٜ؞ کَدِ نٛيْ تٛکّٛرْتٛوطٜنْ يٜىٰطُغٛ ندٜرْ حَکّٜ؟ 3ندٜ عٜنْ نجَࢡِ بَݠْتِسْمَ، عٜنْ کَوْتِ بٜى عِيسَى اَلْمَسِيحُ؞ عٛنْ عَنْدِ بٛوطُّمْ طُمْ کَوْتَلْ بٜى مَايْدٜ مَاکٛ؞ 4ندٜرْ بَݠْتِسْمَ عٜنْ عُوْدَامَ بٜى مَاکٛ؞ ندٜنْ بَنَ کَنغْکٛ عٛعُمِّتِ دِغَ مَايْدٜ بٜى بَاوْطٜ اَللَّه تٜدُّطٜ، بَنَ نٛنْ عٜنٜنْ بٛو نغٜىٰطِرْتٜنْ نغٜىٰندَمْ کٜسَمْ#کٛلٛسِّعٜنْ 2:12؞؞
5نغَمْ تٛ عٜنْ مَايْدِ بٜى مَاکٛ، ندٜنْ کَمْ عٜنْ عُمِّتِتّٛ بٛو بَنَ مَاکٛ؞ 6عٜنْ عَنْدِ ڢَکَتْ، کٛ لَاتِيطٜنْ ࢡٛويْمَ طُمْ مَايْدِ بٜى اَلْمَسِيحُ دٛوْ لٜغَّلْ غَاڢَانغَلْ نغَمْ حَا ࢡَنْدُ حَکّٜىٰرُ نَتَّ، نغَمْ تَا عٜنْ لَاتٛ مَشُّࢡٜ حَکّٜ ڢَحِنْ؞ 7نغَمْ تٛ غٛطّٛ مَايِ، حَکّٜ وَلَا بَاوْطٜ دٛوْ مَاکٛ ڢَحِنْ؞ 8تٛ عٜنْ مَايْدِ بٜى اَلْمَسِيحُ، ندٜنْ کَمْ عٜنْ نُطِّنِ عٜنْ نغٜىٰطَنْ بٜى مَاکٛ بٛو؞ 9ڢَکَتْ عٜنْ عَنْدِ اَلْمَسِيحُ عُمِّتِ دِغَ مَايْدٜ، مٜىٰتَتَا مَايُغٛ، مَايْدٜ وَلَا بَاوْطٜ دٛوْ مَاکٛ؞ 10ندٜ وٛورٜ عٛمَايِ حٜىٰدِ حَکّٜ، جٛنْتَ ندٜ عٛ غٜىٰتٛ، عٛطٛنْ يٜىٰطَ نغَمْ اَللَّه؞ 11بَنَ نٛنْ عٛنٛنْ بٛو ندَارٜ کٛعٜ مٛنْ عٛنْ مَايْࢡٜ حٜىٰدِ حَکّٜ، عَمَّا ندٜرْ کَوْتَلْ بٜى اَلْمَسِيحُ عٛنْ يٜىٰطْࢡٜ نغَمْ اَللَّه؞
12نغَمْ مَاجُمْ تَا عَشّٜ حَکّٜ لَامٛ ندٜرْ ࢡَلِّ مٛنْ مَايَنْطِ، تَا تٛکّٜ سُونٛوجِ مَاجِ بٛو؞ 13تَا لِيعَنٜ حَکّٜ تٜرْطٜ مٛنْ نغَمْ حَا طٜ لَاتٛ کُووْتِنِرْطٜ حَلّٜىٰندٜ؞ عَمَّا لِيعَنٜ اَللَّه کٛعٜ مٛوطٛنْ نغَمْ حَا عٛحُووْتِنِرَ تٜرْطٜ مٛنْ وَطُغٛ کُوطٜ عَدِلَاکُ نغَمْ عٛنْ نغُرْتَکٜ مَايْدٜ، عٛنْ نَسْتِ نغٜىٰندَمْ؞ 14حَکّٜ لَامَتَا دٛوْ مٛوطٛنْ، نغَمْ جٛنْتَ لٜسْ مٛعّٜرٜ نغٛنْطٛنْ، نَا لٜسْ تَوْرٜىٰتَ؞
مَشُّࢡٜ عَدِلَاکُ
15ندٜ مٛعّٜرٜ طٛنْ لَامَنٛ عٜنْ، نَا تَوْرٜىٰتَ کَمْ، عٜنْ تٛکّٛ وَطُغٛ حَکّٜ نَ؟ نَا نٛنْ سَمْ! 16عٛنْ عَنْدَا نَ؟ ندٜ عٛنْ لِيعَنِ غٛطّٛ کٛعٜ مٛنْ حَا عٛنْ طٛوْتَنٛ مٛ، عٛنْ لَاتِ مَشُّࢡٜ مَاکٛ؞ تٛ عٛنْ طٛنْ طٛوْتَنٛ حَکّٜ، ندٜنْ کَمْ عٛنْ مَايَنْ، عَمَّا تٛ عٛنْ طٛنْ طٛوْتَنٛ اَللَّه، عٛعَدِلِنَنْ عٛنْ؞ 17يٜتّٛورٜ لَاتَنٛ اَللَّه! نَانٜ عٛنْ مَشُّࢡٜ حَکّٜ، عَمَّا جٛنْتَ عٛنْ طٛوْتَنِ غٛونغَ عٜکِّتِنٛلْ نغٛلْ عٛنْ نَنِ بٜى ࢡٜرْندٜ وٛورٜ؞ 18عٛنْ رِمْطِنَاࢡٜ دِغَ نجٜيَانغُ حَکّٜ، عٛنْ لَاتِ مَشُّࢡٜ عَدِلَاکُ؞ 19مِطٛنْ وٛلْوَنَ عٛنْ بَنَ يِمْࢡٜ مبٛووِ وٛلْوُغٛ نغَمْ عٛنْ تَمْݠُࢡٜ؞ نَانٜ عٛنْ کُووْتِنِرِ تٜرْطٜ مٛنْ بَنَ مَشُّࢡٜ شٛࢡْکِ عٜ حَلّٜىٰندٜ، عٛنْ مبَطِ کَلُّطُمْ؞ بَنَ نٛنْ جٛنْتَ بٛو نَڢْتٛرٜ تٜرْطٜ مٛنْ بَنَ مَشُّࢡٜ عَدِلَاکُ حَا عٛنْ نغٜىٰطَ ندٜرْ سٜنَارٜ؞
20يَاکٜ عٛنْ مَشُّࢡٜ حَکّٜ نٛ، عٛنْ رِمْࢡٜ نٛ حٜىٰدِ عَدِلَاکُ؞ 21طُمٜ کٜࢡْنٛوطٛنْ بٜى کُوطٜ مٛنْ؟ ڢَکَتْ عٛنْ طٛنْ شٜمْتِرَ طٜ جٛنْتَ، نغَمْ تِمّٛودٜ کُوطٜ مَنْ وٛنّٛ مَايْدٜ؞ 22عَمَّا جٛنْتَ عٛنْ رِمْطِنَاࢡٜ دِغَ حَکّٜ، عٛنْ لَاتِ مَشُّࢡٜ اَللَّه؞ عٛنْ طٛنْ مبَنغِنَ نغٜىٰندَمْ سٜنَارٜ عٜ تِمّٛودٜ مَاجَمْ طُمْ نغٜىٰندَمْ ندُومِيطَمْ؞ 23نغَمْ نغٜىٰنَارِ حَکّٜ، طُمْ مَايْدٜ؞ عَمَّا دٛکَّلْ اَللَّه کَمْ، طُمْ نغٜىٰندَمْ ندُومِيطَمْ ندٜرْ کَوْتَلْ بٜى عِيسَى اَلْمَسِيحُ، جَوْمِرَاوٛ مٜىٰطٜنْ؞
Currently Selected:
رٛمَعٜنْ 6: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
