Popular Bible Verses from رٛمَعٜنْ 5

Share

عَمَّا اَلْمَسِيحُ مَايِ مبَتُّدِ مٜىٰطٜنْ يَاکٜ عٜنْ حَکّٜعٜنْ نٛ؞ بَنَ نِي اَللَّه وَنغِنِرِ نٛ عٛيِطِرِ عٜنْ؞

بٜى تَمُّندٜ مَنْ عٜنْ مبُسْتَتَاکٜ سَمْ، نغَمْ اَللَّه حٛکِّ عٜنْ رُوحُ مُمْ، مٛ حٜبِّنِ ࢡٜرْطٜ مٜىٰطٜنْ بٜى يِيدٜ مُمْ؞

عٜنْ طٛنْ شٜيٛرٛ کٛو ࢡِلَّاجٜ مٜنْ بٛو، نغَمْ عٜنْ عَنْدِ ࢡِلَّارٜ وَدَّنْ مُࢩَلْ، مُࢩَلْ سٜمْبِطِنَنْ دَرْتَارٜ، دَرْتَارٜ بٛو تَبِتِنَنْ تَمُّندٜ؞

اَللَّه عَدِلِنِ عٜنْ نغَمْ عٜنْ نُطِّنِمٛ؞ جٛنْتَ سَلَامَنْ طٛنْ حَکُّندٜ مَاکٛ بٜى مٜىٰطٜنْ، بَرْکَ جَوْمِرَاوٛ مٜنْ عِيسَى اَلْمَسِيحُ؞ عٜنْ کٜࢡِ مٛعّٜرٜ اَللَّه بٜى لَاوٛلْ نُطِّنْکِ، عٜنْ طٛنْ تَبِتِ ندٜرْ مٛعّٜرٜ مَنْ؞ عٜنْ کٜىٰوِ سٜيٛ بٛو، نغَمْ ڢَکَتْ عٜنْ طٛنْ بٜى تَمُّندٜ حٜࢡُغٛ تٜدُّنغَلْ اَللَّه؞

سَاعِ عٜنْ تَمْݠُࢡٜنٛ وَطْغٛ کٛ ڢٛتِّ، اَلْمَسِيحُ مَايِ نغَمْ حَکّٜعٜنْ ندٜرْ سَاعِيرٜ ندٜ اَللَّه دَرْنِ؞

ندٜ نِي عٜنْ عَدِلِنَامَ بٜى ࢨِيࢨَمْ مَاکٛ، عٛحِسْنَنْ عٜنْ دِغَ تِکّٜرٜ اَللَّه بٛو؞

سٛويْندٜ طٛوْتَارٜ غٛطّٛ غٛوتٛ نَسْتِنِ يِمْࢡٜ طُوطْࢡٜ حَا حَکّٜ؞ نٛنْ بٛو اَللَّه عَدِلِنِ طُوطْࢡٜ دَلِيلَ طٛوْتَارٜ غٛطّٛ غٛوتٛ؞

نَا طُعُمْ تَنْ، عَمَّا عٜنْ طٛنْ شٜيٛرٛ کَوْتَلْ بٜى اَللَّه نغَمْ دَلِيلَ عِيسَى اَلْمَسِيحُ، جَوْمِرَاوٛ مٜنْ مٛ سُلْحٛتِرِ عٜنْ بٜى اَللَّه؞