رٛمَعٜنْ 15
15
1عٜنٜنْ سٜمْبِطْࢡٜ ندٜرْ نُطِّنْکِ، سٜيْ عٜنْ مبَلَّ تَمْݠُࢡٜ؞ تَا مبَطٜنْ کٛ ڢٛتَّنْتَ کٛعٜ مٜنْ؞ 2کٛو مٛيْ مٜىٰطٜنْ طَࢡَّ ڢٛتَّنْغٛ کٜىٰدِّطُّمْ؞ کَنْجُمْ طُمْ بٛوطُّمْ، طُمْ مَوْنِنَنْ مٛ ندٜرْ نُطِّنْکِ؞ 3نغَمْ کٛو اَلْمَسِيحُ سُکْلَنَاکِ حٛورٜ مُوطُمْ؞ عَمَّا، بَنَ کٛ وِنْدَ دٛوْ مَاکٛ: «کُودِ حُطْࢡٜ مَ يَنِ دٛوْ عَمْ#جَبُورَ 69:10؞؞» 4کٛ وِنْدَ دِغَ ࢡٛويْمَ، طُمْ وِنْدَامَ نغَمْ عٜکِّتِنْغٛ عٜنْ حَا کٜࢡْرٜنْ تَمُّندٜ بٜى مُࢩَلْ عٜ دٜعّٜرٜ ندٜ دٜڢْتٜ شٜنِيطٜ ندٛکَّتَ؞ 5اَللَّه، دٛکّٛووٛ عٜنْ مُࢩَلْ عٜ دٜعّٜرٜ ࢡٜرْندٜ، حٛکُّ عٛنْ عٛنْ نجٛوطٛدٛ حَکِّيلٛ وٛوتٛ حَا عٛنْ تٛکّٛ مِسَالُ اَلْمَسِيحُ، 6نغَمْ حَا عٛنْ تٜدِّنَ اَللَّه، بَابِرَاوٛ جَوْمِرَاوٛ مٜنْ عِيسَى اَلْمَسِيحُ بٜى ࢡٜرْندٜ وٛورٜ عٜ حُنْدُکٛ وٛوتٛ؞
يِمْࢡٜ ڢُو مَنغْتَنْ اَللَّه
7نغَمْ مَاجُمْ، بَنَ اَلْمَسِيحُ جَࢡْرِ عٛنْ، بَنَ نٛنْ عٛنٛنْ بٛو نجَࢡِنْدِرٜ، نغَمْ حَا عٛنْ تٜدِّنَ اَللَّه؞ 8مِطٛنْ وِعَ عٛنْ: اَلْمَسِيحُ لَاتِ کُووَنٛووٛ يَحُودُعٜنْ حَا عٛوَنغِنَنَ ࢡٜ غٛونغَاکُ اَللَّه، عٛتَبِتِنَ کٛ اَللَّه عِينَنِنٛ کَاکِرَاࢡٜ مَࢡّٜ عَارْتُࢡٜ، 9نغَمْ حَا عُمَّاتٛوجٜ ڢُو بٛو تٜدِّنَ اَللَّه دَلِيلَ عٜنْطَمْ مُمْ، بَنَ کٛ وِنْدَ:
«نغَمْ مَاجُمْ مِيٜتّٜتٜ شَکَ عُمَّاتٛوجٜ،
مِيِمَنْ مَنغْتٛورٜ عِنْدٜ مَ#2 سَمُيِلَ 22:50؛ جَبُورَ 18:50؞؞»
10ڢَحِنْ دٜڢْتٜرٜ وِعِ:
«عٛنٛنْ عُمَّاتٛوجٜ، شٜيٛدٜ بٜى يِمْࢡٜ اَللَّه#تٛوکْتَاکِ تَوْرٜىٰتَ 32:43؞؞»
11ڢَحِنْ:
«مَنغْتٜ جَوْمِرَاوٛ، عٛنٛنْ عُمَّاتٛوجٜ ڢُو،
مَنغْتٜ مٛ، عٛنٛنْ جَمَعَاجٜ ڢُو#جَبُورَ 117:1؞؞»
12اَلنَّبِي عٜسَايَ بٛو وِعِ:
«غٛطّٛ عَسْنغٛلْ يٜسَّ وَرَنْ؞
عٛعُمّٛتٛ نغَمْ عٛلَامَنٛ عُمَّاتٛوجٜ؞
حَا مَاکٛ طٜ کٜࢡَتَ تَمُّندٜ#عٜسَايَ 11:10؞؞»
13مِطٛنْ تٛرٛ اَللَّه، تَبِتِنْطٛ تَمُّندٜ مٜنْ، حَا عٛحٜبِّنَ ࢡٜرْطٜ مٛنْ بٜى سٜيٛ عٜ جَمْ ڢُو نغَمْ دَلِيلَ نُطِّنْکِ مٛنْ، نغَمْ حَا عٛنْ کٜىٰوَ تَمُّندٜ بٜى بَاوْطٜ رُوحُ شٜنِيطٛ؞
کٛ يٜرْࢡِ ݠٛلْ وِنْدُغٛ بٜى دَرْتَارٜ؟
14عٛنٛنْ دٜىٰرْطِرَاࢡٜ عَمْ، مِنْ بٛو، مِعَنْدِ ڢَکَتْ عٛنْ طٛنْ کُووَ کٛ ڢٛتِّ ڢُو؞ عٛنْ کٜىٰوِ بٜى عَنْدَلْ ڢُو، عٛنْ مبَاوَنْ بَرِّندِرْغٛ بٛو؞ 15عَمَّا مِوِنْدَنِ عٛنْ حَالَاجِ غٛطِّ بٜى دَرْتَارٜ حَا مِسِڢْتِنٛرَ عٛنْ کٛ عَنْدُطٛنْ؞ مِوِنْدِ بَنَ نِي نغَمْ دَلِيلَ مٛعّٜرٜ ندٜ اَللَّه وَطَنِ يَمْ؞ 16عٛلَاتِنِ يَمْ کُووَنٛووٛ عِيسَى اَلْمَسِيحُ حَا عُمَّاتٛوجٜ غٛطّٜ؞ مِطٛنْ حُووَ کُوغَلْ شٜنَانغَلْ نغَلْ لِنْجِيلَ اَللَّه، حَا عُمَّاتٛوجٜ طٜعٜ لَاتَنٛ مٛ دٛکَّلْ شٜنَانغَلْ بٜى رُوحُ شٜنِيطٛ، ݠٛتَّنَنْنغَلْ مٛ؞ 17نغَمْ دَلِيلَ کَوْتَلْ عَمْ بٜى عِيسَى اَلْمَسِيحُ مَنْتٛرْتٛومِ کُوغَلْ عَمْ يٜىٰسٛ اَللَّه؞ 18مِوَلَا دَرْتَارٜ وٛلْوُغٛ حَالَ ڢٜىٰرٜ، سٜيْ کٛ اَلْمَسِيحُ وَطِ بٜى کُوغَلْ عَمْ: عٛوَطِ يِمْࢡٜ ندٜرْ عُمَّاتٛوجٜ ڢُو طٛوْتَنٛ اَللَّه، عٛحُووْتِنِرِ بٛلّٜ عَمْ عٜ کُوطٜ عَمْ، 19نٛنْ بٛو بٜى کَايٜىٰڢِيجِ شٜمْبِطِّ عٜ بٜى بَاوْطٜ رُوحُ شٜنِيطٛ؞ نغَمْ مَاجُمْ کٜࢡْمِ وَازِنغٛ لِنْجِيلَ اَلْمَسِيحُ ندٜرْ غُرٜ طُوطّٜ، دِغَ عُرُسَلِيمَ حَا يٛتِّ لٜسْدِ عِلِّرِيَ؞ 20ندٜرْ کُوغَلْ عَمْ طَࢡُّمِ ڢٛرٛيْ وَازِنغٛ لِنْجِيلَ حَا نٛکُّوجٜ طٜ عِنْدٜ اَلْمَسِيحُ مٜىٰطَايْ نَنٜىٰغٛ، نغَمْ تَا مِمَحَ دٛوْ شَࢡَّوَلْ غٛطّٛ؞ 21بَنَ کٛ وِنْدَ:
«يِمْࢡٜ ࢡٜمٜىٰطَايْ وِعٜىٰغٛ حَالَ مَاکٛ، نغِعَنْ؞
يِمْࢡٜ ࢡٜمٜىٰطَايْ نَنُغٛ کَ، ݠَامَنْ کَ#عٜسَايَ 52:15؞؞»
ݠٛلْ وَطِ عَنِّيَ يَحُغٛ رٛمَ
22ندٜ طُوطُّمْ کُوغَلْ عَمْ نغَعَلْ حَطِ يَمْ يَحُغٛ حَا مٛوطٛنْ#رٛمَعٜنْ 1:13؞؞ 23عَمَّا جٛنْتَ کُوغَلْ عَمْ ندٜرْ لٜسْطٜ طٜعٜ تِمِّ؞ مِيٜلِ يِعُغٛ عٛنْ دِغَ دُوࢡِ طُوطِّ؞ 24مِتَمِّ طُمْ حٜࢡٛتٛ جٛنْتَ؞ مِيِطِ يَالُغٛ حَا مٛوطٛنْ، سَاعِ نجَحَنْمِ عٜسْݠَنِيَ؞ عٛنْ مبَاوَنْ وَلُّغٛ يَمْ يٛتَّاغٛ تٛنْ، تٛ مِسٜيٛرَکٜ کَوْتَلْ بٜى مٛوطٛنْ بَاکِنْ سٜطَّ؞ 25عَمَّا جٛنْتَ مِيَحَنْ عُرُسَلِيمَ تَوٛنْ، حَا مِيَحْرَنَ سٜنَاࢡٜ تٛنْ وَلِّيندٜ؞ 26نغَمْ سٜنَاࢡٜ ندٜرْ مَکٜدٛنِيَ عٜ عَکَيَ شٜيِ، مبَطِ عَنِّيَ مٛوࢡْتُغٛ دٛکَّلْ نغَمْ تَلَکَعٜنْ ندٜرْ جَمَعَارٜ سٜنَاࢡٜ حَا عُرُسَلِيمَ#1 کٛرِنْتُعٜنْ 16:1-4؞؞ 27ࢡٜمبَطِ طُمْ بٜى عَنِّيَ مَࢡّٜ؞ عَمَّا طُمْ لَاتَنِ ࢡٜ بَنَ دٛولٜ بٛو نغَمْ نُطِّنْࢡٜ عُرُسَلِيمَ شٜنْدِ حَيْرُوجِ طِ رُوحُ اَللَّه حٛکِّ ࢡٜ بٜى عُمَّاتٛوجٜ غٛطّٜ؞ نغَمْ مَاجُمْ کَمْࢡٜ بٛو سٜيْ ࢡٜمبَلَّ ࢡٜ بٜى جَوْدِ مَࢡّٜ#1 کٛرِنْتُعٜنْ 9:11؞؞ 28تٛ مِتِمِّنِ کُوغَلْ نغَعَلْ، وَاتٛ تٛ مِحٛکِّ ࢡٜ دٛکَّلْ نغَعَلْ، ندٜنْ کَمْ مِيَالْتَنْ عٛنْ وَکَّتِ نجَحَنْمِ عٜسْݠَنِيَ؞ 29تٛ مِوَرِ حَا مٛوطٛنْ، مِعَنْدِ مِوَرْدَنْ بٜى بَرْکَ اَلْمَسِيحُ ڢُو؞
30دٜىٰرْطِرَاࢡٜ عَمْ، مِطٛنْ تٛرٛ عٛنْ بٜى عِنْدٜ جَوْمِرَاوٛ مٜنْ عِيسَى اَلْمَسِيحُ، نغَمْ دَلِيلَ يِيدٜ بٛو ندٜ رُوحُ اَللَّه حٛکِّ عٛنْ، حَا عٛنْ تِينٛ دٛعَنَاغٛ يَمْ؞ مبَلّٜىٰطَمْ تٛرَاغٛ اَللَّه، 31حَا عٛحِسْنَمِّ جُوطٜ حٜىٰڢٜىٰرْࢡٜ حَا يَحُدِيَ، نغَمْ حَا يِمْࢡٜ مَاکٛ سٜنَاࢡٜ حَا عُرُسَلِيمَ نجَࢡَ بَلَّلْ نغَعَلْ بٜى سٜيٛ؞ 32بَنَ نِي کٜࢡْرَنْمِ وَرْغٛ حَا مٛوطٛنْ بٜى سٜيٛ، تٛ اَللَّه مُويِ عٜ مِسِوْتٛتٛ سٜطَّ حَا مٛوطٛنْ؞ 33اَللَّه، دٛکّٛووٛ عٜنْ جَمْ، وٛنْدَ بٜى مٛوطٛنْ ڢُو؞ عَامِينَ!
Currently Selected:
رٛمَعٜنْ 15: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
