رٛمَعٜنْ 16

کٛوڢْلِ

1مِطٛنْ نٜلْدَ عٛنْ ڢٜبٜ مٛ نغٜرْدِيمِ؞ عٛ دٜىٰرْطِرَاوٛ مٜنْ دٜبّٛ، بَلّٛووٛ جَمَعَارٜ نُطِّنْࢡٜ حَا کٜنغْکٜرٜيَ؞ 2نجَࢡٜ مٛ بٜى عِنْدٜ جَوْمِرَاوٛ بَنَ نٛ حَانْدَنِ سٜنَاࢡٜ؞ مبَلّٜ مٛ ندٜرْ حَاجٜ مَاکٛ ڢُو، نغَمْ کَنغْکٛ عٛوَلِّ يِمْࢡٜ طُوطْࢡٜ، عٛوَلِّ يَمْ بٛو؞

3کٛوڢْنٜ ݠِرِسْکَ عٜ عَکِلَسْ، حُووْدِطِّرَاࢡٜ عَمْ نغَمْ عِيسَى اَلْمَسِيحُ#کُوطٜ نٜلَاࢡٜ 18‏:2؞، 4ڢٛوندِرَاࢡٜ مَايُغٛ نغَمْ حِسْنُغٛ يٛنغْکِ عَمْ؞ نَا مِنْ ڢٜىٰرٜ عَمْ يٜتَّتَ ࢡٜ، عَمَّا جَمَعَاجٜ نُطِّنْࢡٜ ندٜرْ عُمَّاتٛوجٜ ڢُو؞ 5کٛوڢْنٜ نُطِّنْࢡٜ مٛوࢡْتٛتٛوࢡٜ حَا سَارٜ مَࢡّٜ بٛو؞

کٛوڢْنٜ عٜݠَيْنٜتُسْ غِطَاطٛ عَمْ، نُطِّنْطٛ اَلْمَسِيحُ عَارْتُطٛ ندٜرْ لٜسْدِ عَسِيَ؞ 6کٛوڢْنٜ مَرِيَمَ مٛ حُووَنِ عٛنْ بٜى تِينَارٜ طُوطْندٜ؞ 7کٛوڢْنٜ بٛو عَندْرٛنِکُسْ عٜ يُنِيَسْ، يِمْࢡٜ لٜࢩٛلْ عَمْ، حَࢡِّدَاࢡٜ بٜى عَمْ ندٜرْ ڢُرْسِنَ#16‏:7 ڢُرْسِنَ مَلَّ يَنغَدَ؞؞ ࢡٜ تٜدُّࢡٜ شَکَ نٜلَاࢡٜ، ࢡٜعَارْتِ يَمْ نُطِّنْغٛ اَلْمَسِيحُ بٛو؞

8کٛوڢْنٜ عَمْݠِلِيَتُسْ غِطَاطٛ عَمْ ندٜرْ جَوْمِرَاوٛ؞ 9کٛوڢْنٜ عُرْبَنُسْ، کُووْدِطِّرَاوٛ مٜىٰطٜنْ نغَمْ اَلْمَسِيحُ؞ نٛنْ بٛو عِسْتَکِسْ غِطَاطٛ عَمْ؞ 10کٛوڢْنٜ عَݠٜلّٜسْ بَنغِنْطٛ نُطِّنْکِ لَاࢡْکِ ندٜرْ اَلْمَسِيحُ؞ کٛوڢْنٜ يِمْࢡٜ سَارٜ عَرِسْتٛبُلْ؞ 11کٛوڢْنٜ حٜرٛدِيٛنْ مٛ لٜࢩٛلْ عَمْ؞ نٛنْ بٛو يِمْࢡٜ جَوْمِرَاوٛ ندٜرْ سَارٜ نَرْسِسْ؞

12کٛوڢْنٜ تِرِڢٜنَ عٜ تِرِڢٛسَ، دٜىٰرْطِرَاࢡٜ مٜنْ رٜوْࢡٜ، تِينِيࢡٜ جَغَّنَاغٛ جَوْمِرَاوٛ؞ نٛنْ بٛو ݠٜرْسِسْ دٜىٰرْطِرَاوٛ دٜبّٛ، غِطَاطٛ مٜنْ مٛ حُووَنِ جَوْمِرَاوٛ بٜى تِينَارٜ طُوطْندٜ؞ 13کٛوڢْنٜ رُڢُسْ شُࢡَاطٛ جَوْمِرَاوٛ؞ نٛنْ بٛو دَادَ#16‏:13 دَادَ مَلَّ عِنَّ؞ مَاکٛ لَاتِيطٛ بَنَ دَادَ عَمْ بٛو#مَرْکُسْ 15‏:21؞؞ 14کٛوڢْنٜ عَسِنغْکِرِتْ عٜ ڢٜلٜغٛنْ عٜ حٜرْمٜسْ عٜ ݠَتٛرٛبَسْ عٜ حٜرْمَسْ عٜ دٜىٰرْطِرَاࢡٜ وٛنْدُࢡٜ بٜى مَࢡّٜ ڢُو؞ 15کٛوڢْنٜ ڢِلٛلٛغُسْ عٜ يُلِيَ، نٛنْ بٛو نٜرِيُسْ عٜ دٜىٰرْطُمْ دٜبّٛ عٜ عٛلِمْݠَسْ عٜ نُطِّنْࢡٜ وٛنْدُࢡٜ بٜى مَࢡّٜ ڢُو؞

16کٛوڢْنِنْدِرٜ، کَرْلٛتِرٜ بَنَ نٛ طُمْ حَانْدَنِ سٜنَاࢡٜ؞ جَمَعَاجٜ نُطِّنْࢡٜ اَلْمَسِيحُ ڢُو کٛوڢْنِ عٛنْ؞

وَسُيٜىٰجِ رَغَرٜىٰجِ

17دٜىٰرْطِرَاࢡٜ عَمْ، مِطٛنْ تٛرٛ عٛنْ‏: ندٜىٰنْتٜ عٜ وَطٛوࢡٜ لُورَلْ، وٛنّٛوࢡٜ نُطِّنْکِ يِمْࢡٜ وَاتٛ لُوتُࢡٜ عَنْدِنٛلْ نغٛلْ نجَࢡْطٛنْ؞ ندَايٜ ࢡٜ؞ 18عِرِنْ مَࢡّٜ کُووَنْتَا اَلْمَسِيحُ، جَوْمِرَاوٛ مٜنْ، سٜيْ دٜىٰطِ مَࢡّٜ تَنْ؞ ࢡٜطٛنْ مَجِّنَ سٛويْࢡٜ عَنْدَلْ بٜى بٛلّٜ نٜعِيطٜ عٜ حَالَاجِ بٜلْطِ؞

19عٛنٛنْ کَمْ، کٛو تٛيْ يِمْࢡٜ عَنْدِ عٛنْ طٛوْتَنِيࢡٜ جَوْمِرَاوٛ؞ نغَمْ مَاجُمْ مِطٛنْ سٜيٛرٛ عٛنْ؞ کٛ نغِطْمِ کَمْ، عٛنْ کٜࢡَ حِکْمَ وَطْغٛ مبٛوطٜىٰنغَ، عَمَّا عٛنْ ندَايٛ حَلّٜىٰندٜ؞ 20اَللَّه دٛکّٛووٛ عٜنْ جَمْ، حٛکَّنْ عٛنْ جَالٛرْغَلْ تِمُّنغَلْ دٛوْ سَيْطَانُ، عٛنْ ندَمَّنْ مٛ لٜسْ کٛسْطٜ مٛنْ؞ مٛعّٜرٜ جَوْمِرَاوٛ مٜنْ عِيسَى اَلْمَسِيحُ وٛنْدَ بٜى مٛوطٛنْ ڢُو؞

21تِمٛتٜ، کُووْدِطِّرَاوٛ عَمْ، حٛوڢْنِ عٛنْ، نٛنْ بٛو لُکِيُسْ عٜ يَسٛنْ عٜ سٛسِݠَتٜرْ، يِمْࢡٜ لٜࢩٛلْ عَمْ؞

22مِنْ تٜرْتِيُسْ، بِنْدُطٛ بَتَاکٜوٛلْ نغٛعٛلْ، مِحٛوڢْنِ عٛنْ ندٜرْ کَوْتَلْ مٜنْ بٜى جَوْمِرَاوٛ؞

23غَيُسْ، بٜىٰرٛ عَمْ عٜ بٜىٰرٛ نُطِّنْࢡٜ حَا طٛ ڢُو، حٛوڢْنِ عٛنْ؞ نٛنْ بٛو عٜرَسْتُسْ، عَيْنٛووٛ شٜىٰدٜ وُرٛ عٜ کَوَرْتُسْ، دٜىٰرْطِرَاوٛ مٜنْ#کُوطٜ نٜلَاࢡٜ 19‏:29؛ 1 کٛرِنْتُعٜنْ 1‏:14؛ 2 تِمٛتٜ 4‏:20؞؞

‏[‏ 24مٛعّٜرٜ جَوْمِرَاوٛ مٜنْ عِيسَى اَلْمَسِيحُ وٛنْدَ بٜى مٛوطٛنْ ڢُو؞ عَامِينَ‏!]‏

مَنغْتٛورٜ

25تٜدُّنغَلْ لَاتَنٛ اَللَّه‏! کَنغْکٛ عٛوٛودِ بَاوْطٜ سٜمْبِطِنغٛ عٛنْ ڢٛدّٜ لِنْجِيلَ کَ نغَازِنَنْمِ؞ لِنْجِيلَ طٛنْ عَنْدِنَ حَالَ عِيسَى اَلْمَسِيحُ، کَ طٛنْ وَنغِنَ غٛونغَ اَللَّه سِرِّيحَ؞ غٛونغَ مَنْ طٛنّٛ سُوطِ دِغَ ࢡٛويْمَ، 26عَمَّا جٛنْتَ کَ وَنغِنَامَ؞ دٜڢْتٜ اَلنَّبِعٜنْ بٛو طٛنْ شٜىٰدٛ کَ؞ ڢٛدّٜ عُمْرٛورٜ اَللَّه دُومِيطٛ کَ عَنْدِنَامَ يِمْࢡٜ ندٜرْ عُمَّاتٛوجٜ ڢُو، نغَمْ حَا ࢡٜنُطِّنَ کَ، ࢡٜطٛوْتَنٛ اَللَّه؞

27اَللَّه ڢٜىٰرٜ مُوطُمْ مَرِ حِکْمَ؞ تٜدُّنغَلْ لَاتَنٛ مٛ بٜى عِيسَى اَلْمَسِيحُ حَا ڢٛرٛيْ‏! عَامِينَ‏!

Currently Selected:

رٛمَعٜنْ 16: داَ

Highlight

Copy