رٛمَعٜنْ 14
14
حَکِّلَنْغٛ دٜىٰرْطِرَاࢡٜ
1نجَࢡٜ تَمْݠُطٛ ندٜرْ نُطِّنْکِ شَکَ مٛوطٛنْ بِلَا حِيتَاغٛ نُمٛوجِ مَاکٛ؞ 2تٜىٰمَ نُطِّنْکِ غٛطّٛ دُنغَنْتٛ مٛ ࢩَامُغٛ کٛو طُمٜ ڢُو؞ عَمَّا مٛ نُطِّنْکِ مُمْ تَمْݠِ، طٛنْ ࢩَامَ حَاکٛوجِ تَنْ؞ 3ࢩَامَنْطٛ کٛو طُمٜ ڢُو، تَا يَوٛ ࢩَامَنْطٛ حَاکٛوجِ تَنْ؞ ࢩَامَنْطٛ حَاکٛوجِ بٛو، تَا حِيتَ عٛيَ، نغَمْ اَللَّه جَࢡِمٛ؞ 4کَدِ عٛنْ ݠٛتِ حِيتُغٛ کُووٛووٛ غٛطّٛ ڢٜىٰرٜ نَ؟ سٜيْ جَوْمِيکٛ تَنْ وِعَتَ تٛ کُوغَلْ مَاکٛ ڢٛتِّ مَلَّ ڢٛتَّايْ؞ ڢَکَتْ عٛدٛعَّتَاکٛ، نغَمْ جَوْمِرَاوٛ مَرِ بَاوْطٜ جٛغَاغٛ مٛ؞
5غٛطّٛ طٛنْ وِعَ ࢩَلَادٜ کَجَ ࢡُرَنْ غٛطّٜ مَنغُ؞ غٛطّٛ بٛو طٛنْ وِعَ ࢩَلْطٜ ڢُو ݠٛتَنْ کَلْ؞ سٜيْ کٛو مٛيْ تَبِتَ ندٜرْ ڢَامُ مُمْ، تٛکّٛ طُمْ؞ 6تٛ غٛطّٛ طٛنْ ࢡُرْنَ ࢩَلَادٜ وٛورٜ دٛوْ غٛطّٜ، عٛطٛنْ وَطَ طُمْ نغَمْ حَا عٛتٜدِّنَ جَوْمِرَاوٛ؞ ࢩَامَنْطٛ کٛو طُمٜ ڢُو طٛنْ طَࢡَّ تٜدِّنْغٛ جَوْمِرَاوٛ، طٛنْ يٜتَّ اَللَّه نغَمْ ࢩَامْدُ؞ بَنَ نٛنْ بٛو مٛ سَلِ ࢩَامُغٛ کُوجٜ غٛطّٜ، طٛنْ طَࢡَّ تٜدِّنْغٛ جَوْمِرَاوٛ، طٛنْ يٜتَّ اَللَّه نغَمْ ࢩَامْدُ#کٛلٛسِّعٜنْ 2:16؞؞
7وَلَا کٛو غٛوتٛ مٜىٰطٜنْ يٜىٰطَتَ نغَمْ حٛورٜ مُمْ، وَلَا مٛ مَايَتَ نغَمْ حٛورٜ مُمْ بٛو؞ 8تٛ عٜنْ طٛنْ نغٜىٰطَ، نغَمْ تٜدِّنْغٛ جَوْمِرَاوٛ نغٜىٰطٜتٜنْ؞ تٛ عٜنْ مَايِ بٛو، نغَمْ تٜدِّنْغٛ جَوْمِرَاوٛ مَايٜتٜنْ؞ کَنغْکٛ عٛمَرِ عٜنْ کٛو ندٜرْ نغٜىٰندَمْ کٛو ندٜرْ مَايْدٜ؞ 9نغَمْ اَلْمَسِيحُ مَايِ، يٜىٰطِتِ حَا عٛلَاتٛ جَوْمِرَاوٛ مَايْࢡٜ عٜ يٜىٰطْࢡٜ ڢُو؞
10تٛ نٛنْ کَمْ، کٛنِ کِيتَتَ دٜىٰرْطَ؟ مَلَّ کٛنِ نجَوٛتٛطَ دٜىٰرْطَ؟ عٜنٜنْ ڢُو عٜنْ دَرٛيْتٛ يٜىٰسٛ کِيتَ اَللَّه#2 کٛرِنْتُعٜنْ 5:10؞؞ 11نغَمْ دٜڢْتٜرٜ سٜنِيندٜ وِعِ:
«ڢَکَتْ بَنَ مِ غٜىٰتٛ، کٛݠِّ ڢُو تُغَّنْتٛ يَمْ،
طٜمْطٜ ڢُو شٜىٰدٛتٛ مِنْ وٛنِ اَللَّه؞
نٛنْ جَوْمِرَاوٛ وِعِ#عٜسَايَ 45:23؞؞»
12سَاعِ مَاجُمْ کٛو مٛيْ مٜىٰطٜنْ جَابَنْتٛ حٛورٜ مُمْ يٜىٰسٛ اَللَّه؞
تَا ڢٜرْغِنْ دٜىٰرْطِرَاوٛ مَ
13سٜيْ عٜنْ عَشَّ حِيتِندِرْغٛ؞ ندِکَّ عٛنْ مبَطَ عَنِّيَ تَا عٛنْ نغَطَ کٛ دٛعَّتَ دٜىٰرْطِرَاوٛ غٛطّٛ ندٜرْ حَکّٜ؞ 14بَرْکَ جَوْمِرَاوٛ عِيسَى، مِعَنْدِ عٜ مِتَبِتِنِ وَلَا کٛو طُمٜ لَاتِ شٛࢡْطُمْ بٜى حٛورٜ مُوطُمْ؞ سٜيْ تٛ غٛطّٛ لَارِ طُمْ بَنَ شٛࢡْطُمْ، ندٜنْ کَمْ طُمْ لَاتَنْتٛ مٛ شٛࢡْطُمْ؞ 15تٛ عَنَاوْنِ ࢡٜرْندٜ دٜىٰرْطَ بٜى ࢩَامْدُ مَ کٛو ندُيٜ، ندٜنْ کَمْ عَتٛکَّاکِ يِيدٜ؞ اَلْمَسِيحُ مَايِ نغَمْ دٜىٰرْطَ؞ نغَمْ مَاجُمْ تَا نَسْتِنْ مٛ ندٜرْ حَلْکٜرٜ بٜى ࢩَامْدُ مَ؞ 16ندٜنْ کَمْ تَا غٛطّٛ حَلِّنَ کٛ عٛنْ ندَارَتَ بَنَ بٛوطُّمْ؞ 17نغَمْ لَامُ اَللَّه کَمْ، نَا طُمْ حَالَ ࢩَامْدُ عٜ نجَرَمْ، عَمَّا طُمْ عَدِلَاکُ عٜ جَمْ بٜى اَللَّه عٜ سٜيٛ نغٛ رُوحُ شٜنِيطٛ حٛکَّتَ؞ 18کٛو مٛيْ حُووَنِ اَلْمَسِيحُ بَنَ مَشُّطٛ، حٜࢡِ يٜرْدُيٜ حَا اَللَّه عٜ يِمْࢡٜ ڢُو؞
19نغَمْ مَاجُمْ سٜيْ عٜنْ تِينٛ حَا عٜنْ نجٛوطٛدٛ جَمْ، عٜنْ شٜمْبِطِندِرَ ندٜرْ نُطِّنْکِ؞ 20تَا عٛنْ مبٛنَّ کُوغَلْ اَللَّه نغَمْ حَالَ ࢩَامْدُ؞ ࢩَامْدُوجِ ڢُو لَاࢡِ، عَمَّا تٛ غٛطّٛ سٜکِ دٛوْ ࢩَامْدُ مُمْ، ندٜنْ کَمْ طُمْ سٛࢡْنَنْ مٛ؞ 21ندِکَّ تَا عٛنْ ࢩَامَ کُسٜلْ، تَا عٛنْ نجَرَ عِنَبٛوجَمْ، تَا عٛنْ مبَطَ کٛو طُمٜ کٛ نَسْتِنْتَ دٜىٰرْطِرَاوٛ غٛطّٛ ندٜرْ حَکّٜ؞ 22نجٛغٜ کٛ عٛنْ نُطِّنِ ندٜرْ حَالَ کَعَ حَکُّندٜ مٛوطٛنْ بٜى اَللَّه؞ بَرْکَ وٛودَنِ غٛطّٛ تٛ نُمٛ ࢡٜرْندٜ مُوطُمْ حِيتَتَا طُمْ ندٜرْ کٛ عٛوَطَتَ؞ 23عَمَّا تٛ غٛطّٛ سٜکِ دٛوْ ࢩَامْدُ مُمْ، اَللَّه حِيتٛتٛ طُمْ، نغَمْ عٛدَرَاکِ دٛوْ نُطِّنْکِ؞ کٛ عِوَايْ حَا نُطِّنْکِ ڢُو، طُمْ عَيْبٜ؞
Currently Selected:
رٛمَعٜنْ 14: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
