رٛمَعٜنْ 13
13
طٛوْتَنَاغٛ مَرْࢡٜ لَامُ
1سٜيْ کٛو مٛيْ طٛوْتَنٛ مَرْࢡٜ لَامُ؞ نغَمْ کَلَ لَامُ ڢُو عِوِ دِغَ اَللَّه؞ کَنغْکٛ جٛعِّنِ لَامُوجِ ڢُو؞ 2نغَمْ مَاجُمْ کٛو مٛيْ تُورْتَنِ مَرْࢡٜ لَامُ، لُوتِ عُمْرٛورٜ اَللَّه؞ تُورْتٛوࢡٜ ݠٛوطَنَنْ کٛعٜ مُوطُمْعٜنْ کِيتَ؞ 3بَطَنْطٛ کٛ وٛوطِ حُلَتَا عَرْدِيࢡٜ، سٜيْ بَطَنْطٛ کَلُّطُمْ؞ تٛ عٛنْ نغِطَا حُلُغٛ مَرْطٛ بَاوْطٜ، مبَطٜ کٛ ڢٛتِّ، ندٜنْ کَمْ عٛمَنَنْ عٛنْ؞ 4نغَمْ مَرْطٛ لَامُ طٛنْ حُووَنَ اَللَّه حَا عٛوَلَّ عٛنْ وَطْغٛ مبٛوطٜىٰنغَ؞ عَمَّا تٛ عٛنْ مبَطِ کَلُّطُمْ، دٛولٜ عٛنْ کُلَ مٛ؞ نغَمْ عٛ کُووَنٛووٛ اَللَّه، عٛوٛودِ بَاوْطٜ حِيتَاغٛ، اَللَّه دَرْنِمٛ نغَمْ حَا عٛوَنغِنَ تِکّٜرٜ اَللَّه دٛوْ وَطَنْࢡٜ حَلّٜىٰندٜ؞ 5نغَمْ مَاجُمْ دٛولٜ عٛنْ طٛوْتَنٛ مٛ، نَا نغَمْ تِکّٜرٜ اَللَّه تَنْ، عَمَّا نغَمْ نُمٛوجِ ࢡٜرْطٜ مٛنْ عَنْدِ طُمْ ݠٛتُّطُمْ بٛو؞
6نغَمْ تٛ مَرْࢡٜ لَامُ طٛنْ کُووَ کُوغَلْ نغَعَلْ، ࢡٜطٛنْ کُووَنَ اَللَّه؞ نغَمْ مَاجُمْ نجٛࢡٛتٛنْ جٛمٛرْغٛلْ بٛو؞ 7ندٛکِّتٜ مَرْࢡٜ لَامُ کٛ حَانْدَنِ ࢡٜ ڢُو، نجٛࢡٜ جٛمٛرْغٛلْ دٜيْدٜيْ کٛ حَانْدَنِ عٛنْ يٛࢡُغٛ، طٛوْتَنٜ مٛ حَانْدَنِ طٛوْتَنٜىٰغٛ، تٜدِّنٜ مٛ حَانْدَنِ تٜدِّنٜىٰغٛ#مَتَّ 22:21؛ مَرْکُسْ 12:17؛ لُکَ 20:25؞؞
نٛ يِمْࢡٜ أَلنّٛورَ نجٛوطٛرْتٛ
8تٛ غٛطّٛ حٛکِّ عٛنْ ࢩَمَاندٜ، نجٛࢡٜ مٛ ندٜ؞ سٜيْ يِيدٜ تَنْ لَاتٛ بَنَ ࢩَمَاندٜ ندٜ عٛنْ تِمِّنْتَا يٛࢡُغٛ شَکَ مٛوطٛنْ؞ کٛو مٛيْ يِطِ کٜىٰدِّطُّمْ، حٜبِّتِنِ تَوْرٜىٰتَ؞ 9عٛنْ عَنْدِ عُمْرٛوجٜ: «تَا وَطْ نجٜىٰنُ، تَا مبَرْ-حٛورٜ، تَا وُجُّ، تَا سُونَ؞» عُمْرٛوجٜ طٜعٜ ڢُو مٛوࢡَامَ ندٜرْ عُمْرٛورٜ وٛورٜ: «يِطْ کٜىٰدِّطِّرَاوٛ مَ بَنَ نٛ عَيِطِرِ حٛورٜ مَ#غُرْتَاکِ 20:13-15،17؛ ڢَرِلَّاجِ لٜوِعٜنْ 19:18؛ تٛوکْتَاکِ تَوْرٜىٰتَ 5:17-19،21؞؞» 10کٛو مٛيْ يِطِ کٜىٰدِّطُّمْ، وَطَتَا مٛ حَلّٜىٰندٜ؞ طُمْ يِيدٜ حٜبِّتِنْتَ تَوْرٜىٰتَ؞
11مبَطٜ طُمْ، نغَمْ عٛنْ عَنْدِ سَاعِ وَطِ جٛنْتَ حَا عٛنْ ݠِنَ دِغَ طٛيْنغٛلْ مٛنْ؞ وَکَّتِ کِسْندَمْ مٜنْ ࢡَدِ مَسِنْ، ࢡُرِ نَانٜ ندٜ ݠُطُّنٛوطٜنْ نُطِّنْغٛ جَوْمِرَاوٛ؞ 12جٜمَّ جٜنغِ مَسِنْ، ࢩَلَوْمَ ࢡَدَکٜ؞ نغَمْ مَاجُمْ سٜيْ عٜنْ عَشَّ حُووُغٛ کُوطٜ ࢩِࢡْرٜ، عٜنْ ࢡٛرْنٛ بَلْمِ أَلنّٛورَ؞ 13سٜيْ مبَطٜنْ کٛ ڢٛتِّ نغَمْ عٜنْ يِمْࢡٜ ࢩَلَوْمَ: تَا عٜنْ مبَطَ ݠِجِرْلٜ کَلُّطٜ، تَا عٜنْ نغُيْکَ، عٜنْ عَشَّ بٛو دَاکَارٜىٰکُ عٜ کُوطٜ شٜمْتِنِيطٜ عٜ جٛکِّرْغٛلْ عٜ کَاجَلْ؞ 14عَشّٜ جَوْمِرَاوٛ عِيسَى اَلْمَسِيحُ لَامَنٛ نغٜىٰندَمْ مٛنْ ڢُو؞ تَا شُکْلَنٜ سُونٛوجِ مٛنْ، نغَمْ تَا طِ نجَالٛ عٛنْ؞
Currently Selected:
رٛمَعٜنْ 13: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
