رٛمَعٜنْ 12

حُووَنْغٛ اَللَّه

1دٜىٰرْطِرَاࢡٜ عَمْ، اَللَّه وَنغِنَنِ عٜنْ عٜنْطَمْ مُمْ طُوطَّمْ؞ نغَمْ مَاجُمْ مِطٛنْ تٛرٛ عٛنْ عٛنْ لِيعَنٛ مٛ کٛعٜ مٛنْ بَنَ کِرْسٜتٜىٰطِ غٜىٰتِ، شٜنِيطِ، ݠٛتَّنَنْطِمٛ؞ کَنْجُمْ وٛنِ دٜوَلْ نغَلْ حَانْدَنِ مٛ؞ 2تَا تٛکّٜ کٛ يِمْࢡٜ زَمَنُورُ ندُعُ مبَطَتَ، عَمَّا عَشّٜ اَللَّه وَيْلَ ࢡٜرْطٜ مٛنْ، حٜسْطِتِنَ حَکِّيلٛوجِ مٛنْ؞ ندٜنْ کَمْ عٛنْ عَنْدَنْ مُويٛ اَللَّه، وَاتٛ کٛ وٛوطِ عٜ کٛ ڢٛتَّنْتَ مٛ عٜ کٛ وٛنِ تِمُّطُمْ؞

3دَلِيلَ مٛعّٜرٜ ندٜ اَللَّه وَطَنِ يَمْ، مِطٛنْ عُمْرَ کٛو مٛيْ مٛوطٛنْ‏: تَا غٛطّٛ نُمَنَ حٛورٜ مُمْ مَنغُ ࢡُرَنْنغُ نٛ ڢٛتِ، عَمَّا کٛو مٛيْ لَارَ حٛورٜ مُمْ دٜيْدٜيْ غٜطَلْ نُطِّنْکِ نغَلْ اَللَّه حٛکِّمٛ؞ 4ندَارٜ ࢡَنْدُ نٜطّٛ، ندُ وٛودِ تٜرْطٜ طُوطّٜ، تٜرْغَلْ ڢُو وٛودِ کُوغَلْ مَاغَلْ؞ 5بَنَ نٛنْ عٜنٜنْ بٛو، کٛو ندٜ عٜنْ طُوطْࢡٜ، عٜنْ لَاتِ ࢡَنْدُ وٛورُ ندٜرْ کَوْتَلْ بٜى اَلْمَسِيحُ، عٜنْ ڢُو عٜنْ طٛنْ کَوْتِ بَنَ تٜرْطٜ حَا ࢡَنْدُ وٛورُ#1 کٛرِنْتُعٜنْ 12‏:12؞؞ 6اَللَّه حٛکِّ عٜنْ دٛکّٜ ڢٜىٰرٜ ڢٜىٰرٜ ڢٛدّٜ مٛعّٜرٜ مُوطُمْ‏: مٛ حٜࢡِ دٛکَّلْ وَازَاغٛ وٛلْدٜ اَللَّه، سٜيْ عٛوَازٛ کٛ اَللَّه وِعِمٛ تَنْ؞ 7مٛ حٜࢡِ دٛکَّلْ وَلُّغٛ تَمْݠُࢡٜ، سٜيْ عٛوَلَّ ࢡٜ؞ مٛ حٜࢡِ دٛکَّلْ عٜکِّتِنْغٛ نُطِّنْࢡٜ، سٜيْ عٛعٜکِّتِنَ ࢡٜ؞ 8مٛ حٜࢡِ دٛکَّلْ دٜعِّتِنغٛ وٛطْࢡٜ، سٜيْ عٛدٜعِّتِنَ ࢡٜ؞ مٛ يِطِ سٜنْدُغٛ رِسْکُ مُمْ بٜى وٛطْࢡٜ، سٜيْ وَطَ طُمْ بٜى شَاحَاکِ؞ مٛ حٜࢡِ کَلِيڢَاکُ، سٜيْ عٛحُووَ بٜى تِينَارٜ؞ مٛ وٛونَنْتَ وٛطْࢡٜ، سٜيْ عٛوَطَ طُمْ بٜى سٜيٛ#1 کٛرِنْتُعٜنْ 12‏:4‏-11؞؞

9يِيدٜ مٛنْ لَاتٛ لَاࢡْندٜ، ندٜ وَلَا ڢَاسِکَارٜ؞ نغَࢩٜ حَلّٜىٰندٜ کٛو ندٜيٜ، تَا عَشّٜ وَطْغٛ مبٛوطٜىٰنغَ؞ 10نغِطِنْدِرٜ نغَمْ عٛنْ دٜىٰرْطِرَاࢡٜ ندٜرْ اَلْمَسِيحُ؞ سٜيْ کٛو مٛيْ سَمْطِنَ دٜىٰرْطُمْ، ࢡُرْنَ مٛ دٛوْ حٛورٜ مُمْ؞ 11تَا لَاتٜ مبَاتٜىٰندَمْعٜنْ، عَشّٜ رُوحُ اَللَّه تِطِّنَ عٛنْ، کُووَنٜ جَوْمِرَاوٛ بٜى تِينَارٜ؞ 12شٜيٛرٜ تَمُّندٜ حَيْرُ مٛنْ، مُࢩَنٜ ࢡِلَّاجٜ، تِينٜ دٛعَاغٛ؞ 13مبَلِّتٜ نُطِّنْࢡٜ لَاڢُࢡٜ بٜى جَوْدِ مٛنْ نغَمْ عٛنْ دٜىٰرْطِرَاࢡٜ، نجَࢡّٜ حٛطْࢡٜ بٛوطُّمْ؞

14مبَرْکِطِنٜ تٛوࢩِيࢡٜ عٛنْ؞ مبَرْکِطِنٜ، تَا نَالٜ#مَتَّ 5‏:44؛ لُکَ 6‏:28؞؞ 15شٜيٛدٜ بٜى سٜيِيࢡٜ، مبٛيْدٜ بٜى وٛيَنْࢡٜ؞ 16نجٛوطٛدٜ عٛنْ نَرُّࢡٜ؞ تَا طَࢡّٜ مَنغُ ندٜرْ جَمَعَارٜ مٛنْ، ندِکَّ عٛنْ نجَࢡَ کُوطٜ لٜىٰسْطٜ، جَنغْکِنِيطٜ؞ تَا ندَارٜ کٛعٜ مٛنْ بَنَ عٛنْ مَرْࢡٜ عَنْدَلْ ڢُو#بَلْندِ 3‏:7؞؞

17تٛ غٛطّٛ وَطِ عٛنْ کَلُّطُمْ، تَا مبَاتٜ؞ کَکِّلٜ حَا عٛنْ مبَطَنَ يِمْࢡٜ ڢُو کٛ وٛوطِ؞ 18عٛنٛنْ کَمْ، تِينٜ نٛ مبَاوْطٛنْ ڢُو حَا عٛنْ نجٛوطٛدٛ جَمْ بٜى کٛو مٛيْ؞ 19سٛوبِرَاࢡٜ عَمْ، تٛ غٛطّٛ وَطِ عٛنْ عَيْبٜ، تَا مبَاتٜ، عَمَّا عَشّٜ تِکّٜرٜ اَللَّه وَطَ طُمْ، نغَمْ دٜڢْتٜرٜ وِعِ‏: «مِنْ وَاتٛتٛ، مِنْ وَرْجٛتٛ ࢡٜ؞ نِي جَوْمِرَاوٛ وِعِ#تٛوکْتَاکِ تَوْرٜىٰتَ 32‏:35؞؞» 20عَمَّا‏: «تٛ کٛنّٜىٰجٛ مَ دٛلَامَ، ࢩَامْنُ مٛ؞ تٛ عٛطٛمْطَامَ، يَرْنُ مٛ؞ تٛ عَوَطِ بَنَ نِي عَطٛنْ مٛوࢡْتَ ࢨُلْࢡٜ يِيتٜ دٛوْ حٛورٜ مَاکٛ#بَلْندِ 25‏:21‏-28؞؞» 21تَا عَشُّ حَلّٜىٰندٜ جَالٛ مَ، عَمَّا جَالٛرَ ندٜ بٜى مبٛوطٜىٰنغَ؞

Currently Selected:

رٛمَعٜنْ 12: داَ

Highlight

Copy