رٛمَعٜنْ 10
10
1دٜىٰرْطِرَاࢡٜ عَمْ، بٜى ࢡٜرْندٜ عَمْ ڢُو نغِطْمِ يِمْࢡٜ لٜࢩٛلْ عَمْ کِسَ؞ مِطٛنْ تٛرٛ اَللَّه بٛو نغَمْ مَࢡّٜ؞ 2مِطٛنْ سٜىٰدٛ ࢡٜ ࢡٜ نغٛودِ تِينَارٜ حَا ࢡٜطٛوْتَنٛ اَللَّه؞ عَمَّا تِينَارٜ مَࢡّٜ دَرَاکِ دٛوْ عَنْدَلْ غٛونغَوَلْ؞ 3ࢡٜݠَامَايْ نٛ اَللَّه عَدِلِنِرْتَ يِمْࢡٜ؞ ࢡٜطٛنْ طَࢡَّ عَدِلَاکُ اَللَّه دٛوْ لَاوٛلْ کُوطٜ مَࢡّٜ؞ بَنَ نِي ࢡٜطٛنْ لُوتَ لَاوٛلْ نغٛلْ اَللَّه عَدِلِنِرْتَ يِمْࢡٜ؞ 4دِغَ اَلْمَسِيحُ وَرِ، زَمَنُ تَوْرٜىٰتَ تِمِّ؞ کٛو مٛيْ نُطِّنِ اَلْمَسِيحُ، اَللَّه عَدِلِنَنْ مٛ؞
5ندَا کٛ مُوسَى وِنْدِ دٛوْ نٛ غٛطّٛ لَاتٛرْتٛ عَدِلِيجٛ بٜى لَاوٛلْ تَوْرٜىٰتَ: «کٛو مٛيْ طٛوْتَنِ عُمْرٛوجٜ تَوْرٜىٰتَ، يٜىٰطِرَنْ طٜ#ڢَرِلَّاجِ لٜوِعٜنْ 18:5؞؞» 6عَمَّا ندَا کٛ عٛوِعِ دٛوْ حَالَ عَدِلَاکُ بٜى لَاوٛلْ نُطِّنْکِ: «تَا وِعْ: مٛيْ عٜىٰنغَتَ حَا عَسَمَ؟» وَاتٛ نغَمْ جِݠِّنْغٛ اَلْمَسِيحُ؞ 7«تَا وِعْ بٛو، مٛيْ جِݠّٛتٛ ندٜرْ جٛوندٜ لُغُّندٜ وَاتٛ نغَمْ عُمِّتِنْغٛ اَلْمَسِيحُ دِغَ مَايْࢡٜ؞» 8طُمٜ وٛلْدٜ ندٜعٜ وِعِ کَدِ؟ ندَا کٛ ندٜ وِعِ: «وٛلْدٜ اَللَّه طٛنْ ࢡَدِ مَ، ندٜ طٛنْ ندٜرْ حُنْدُکٛ مَ عٜ ندٜرْ ࢡٜرْندٜ مَ؞» کَنْجُمْ وٛنِ کُبَرُوٛلْ نُطِّنْکِ نغٛلْ مِنْ نغَازِنْتَ#تٛوکْتَاکِ تَوْرٜىٰتَ 3:12-14؞، 9نغَمْ تٛ عَسٜىٰدَکٜ بٜى حُنْدُکٛ مَ: «عِيسَى وٛنِ جَوْمِرَاوٛ»، تٛ عَنُطِّنِ بٜى ࢡٜرْندٜ مَ اَللَّه عُمِّتِنِمٛ دِغَ مَايْدٜ، ندٜنْ کَمْ عَحِسَنْ؞ 10نغَمْ تٛ غٛطّٛ نُطِّنِ بٜى ࢡٜرْندٜ، عٛلَاتٛتٛ عَدِلِيجٛ عٜ تٛ عٛسٜىٰدِ جَوْمِرَاوٛ بٜى حُنْدُکٛ مَاکٛ، عٛحِسَنْ؞ 11نغَمْ دٜڢْتٜرٜ وِعِ: «کٛو مٛيْ نُطِّنِمٛ، عٛسٜمْتِنْتَاکٜ#عٜسَايَ 28:16؞؞» 12جٛنْتَ کَمْ، وَلَا ڢٜىٰرٛتِرَلْ حَکُّندٜ يَحُودُعٜنْ بٜى عُمَّاتٛوجٜ غٛطّٜ؞ نغَمْ اَللَّه وٛنِ جَوْمِرَاوٛ مَࢡّٜ ࢡٜ ڢُو، عٛطٛنْ مٛعَّنَ عٜوْنٛتٛوࢡٜ مٛ ڢُو؞ 13نغَمْ «کٛو مٛيْ عٜوْنٛتٛوطٛ عِنْدٜ جَوْمِرَاوٛ، حِسَنْ#يٛوعٜلْ 3:5؞؞»
14عَمَّا نٛيْ ࢡٜعٜوْنٛرْتٛ مٛ تٛ ࢡٜنُطِّنَايْ کُبَرُوٛلْ کِسْندَمْ؟ نٛيْ ࢡٜنُطِّنِرْتَ نغٛلْ تٛ ࢡٜمٜىٰطَايْ نَنُغٛ نغٛلْ؟ نٛيْ ࢡٜکٜࢡْرَتَ نَنُغٛ نغٛلْ تٛ غَازٛووٛ نغٛلْ وٛودَا؟ 15عٜ نٛيْ ࢡٜنغَازِرْتَ تٛ ࢡٜنٜلَاکَ؟ بَنَ کٛ وِنْدَ: «طُمٜ وٛوطِرِ بَنَ کٛسْطٜ وَازٛوࢡٜ کُبَرُوجِ بٜلْطِ#عٜسَايَ 52:7؞؟» 16عَمَّا نَا يِمْࢡٜ ڢُو نجَࢡِ لِنْجِيلَ؞ اَلنَّبِي عٜسَايَ وِعِ: «يَا جَوْمِرَاوٛ، مٛيْ نُطِّنِ وَازُ عَمِنْ#عٜسَايَ 53:1؞؟» 17بَنَ نٛنْ نُطِّنْکِ عِوِ حَا نَنُغٛ وَازُ، وَازُ بٛو طٛنْ عِوَ حَا وٛلْدٜ اَلْمَسِيحُ؞
18سٜيْ مِࢨَمَ: إِسْرَاءِيلَعٜنْ نَنَايْ وٛلْدٜ ندٜعٜ نَ؟ ڢَکَتْ ࢡٜنَنِ ندٜ! دٜڢْتٜرٜ طٛنْ وِعَ دٛوْ نٜلَاࢡٜ:
«سَوْتُ مَࢡّٜ يٛتِّ لٜسْطٜ ڢُو؞
بٛلّٜ مَࢡّٜ نجٛتِّ کٜىٰرِ دُنِيَارُ#جَبُورَ 19:5؞؞»
19سٜيْ مِࢨَمْتَ ڢَحِنْ: إِسْرَاءِيلَعٜنْ ݠَامَايْ نَ؟ مُوسَى عَارْتِ، جَابِ:
«مِعُمِّنَنْ کَاجَلْ مٛنْ بٜى يِمْࢡٜ ࢡٜلَاتَاکِ عُمَّاتٛورٜ غٛونغَارٜ،
مِتِکِّنَنْ عٛنْ بٜى عُمَّاتٛورٜ ڢَاتَاندٜ#تٛوکْتَاکِ تَوْرٜىٰتَ 32:21؞؞»
20عٜسَايَ بٛو وِعِ بٜى بَنغُطُمْ:
«يِمْࢡٜ ࢡٜطَࢡِّتَايْ يَمْ، تَوِ يَمْ؞
مِوَنغَنِ يِمْࢡٜ ࢡٜࢨَمَايْ حَالَ عَمْ سَمْ#عٜسَايَ 65:1؞؞»
21عَمَّا دٛوْ إِسْرَاءِيلَ عٛوِعِ: «مِࢩَلِّ وٜىٰطُغٛ جُوطٜ عَمْ حَا مِجَࢡّٛ يِمْࢡٜ لُوتٛوࢡٜ، تُورْتٛوࢡٜ#عٜسَايَ 65:2؞؞»
Currently Selected:
رٛمَعٜنْ 10: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
