رٛمَعٜنْ 9
9
اَللَّه عٜ عُمَّاتٛورٜ ندٜ عٛسُࢡِ
1غٛونغَ مِوِعَتَ نَا ڢٜوْرٜ؞ اَلْمَسِيحُ عَنْدِ طُمْ؞ بٜى بَلَّلْ رُوحُ شٜنِيطٛ نُمٛ ࢡٜرْندٜ عَمْ طٛنْ سٜىٰدٛ طُمْ؞ 2مِ شَکْلِيطٛ مَسِنْ، تُمْ ࢡٜرْندٜ عَمْ طٛنْ سُنِ؞ 3مِجَࢡَنّٛ نَالٛورٜ اَللَّه عٜ سٜىٰدُغٛ بٜى اَلْمَسِيحُ نغَمْ دَلِيلَ يِمْࢡٜ لٜࢩٛلْ عَمْ؞ 4کَمْࢡٜ ࢡٜ عَسْنغٛلْ إِسْرَاءِيلَ، سُࢡَاࢡٜ اَللَّه؞ اَللَّه لَاتِنِ ࢡٜ ࢡِࢡّٜ مُمْ، وَنغِنَنِ ࢡٜ تٜدُّنغَلْ مُمْ، حَࢡِّ عَلْکَوَلْجِ بٜى مَࢡّٜ، حٛکِّ ࢡٜ تَوْرٜىٰتَ عٜ عُمْرٛوجٜ دٜوَلْ، عِينَنِ ࢡٜ حَيْرُوجِ طُوطِّ#غُرْتَاکِ 9:4؞؞ 5ࢡٜ دَࢩْغٛلْ کَاکِرَاࢡٜ عَارْتُࢡٜ، کٛو اَلْمَسِيحُ بٛو عِوِ دِغَ عَسْنغٛلْ مَࢡّٜ، عٛ اَللَّه غٛنْطٛ دٛوْ کٛو طُمٜ ڢُو بٛو؞ يٜتّٛورٜ لَاتَنٛ مٛ حَا ڢٛرٛيْ؞ عَامِينَ!
6مِوِعَايْ کٛنغٛلْ اَللَّه لَاتِ مٜىٰرٜ نغَمْ نَا إِسْرَاءِيلَعٜنْ ڢُو نغٛنِ يِمْࢡٜ اَللَّه سُࢡَاࢡٜ؞ 7نَا عِوْࢡٜ حَا إِبْرَاهِيمَ ڢُو لَاتِ ࢡِࢡّٜ إِبْرَاهِيمَ بٜى غٛونغَ؞ اَللَّه وِعِ إِبْرَاهِيمَ: «ندٜرْ إِسْحَاقَ دَࢩْغٛلْ مَ عٜوْنَ#لَاتَانٛوجِ 21:12؞؞» 8دَࢩَاࢡٜ ڢٛدّٜ طَبِيَ يِمْࢡٜ نغٛنَايْ ࢡِࢡّٜ اَللَّه، سٜيْ دَࢩَاࢡٜ ڢٛدّٜ کٛنغٛلْ اَللَّه لِمٜتٜ ندٜرْ ࢡِࢡّٜ اَللَّه؞ 9ندَا نِي اَللَّه وِعِ: «سَاعِيرٜ بَنَ ندٜعٜ، مِوَرَنْ تَوَ سَارَةُ حٜࢡِ ࢡِطّٛ غٛرْکٛ#لَاتَانٛوجِ 18:10؞؞»
10نَا کَنْجُمْ تَنْ، عَمَّا ندَارٜنْمَ ࢡِࢡّٜ رٜبٜکَّ طِطٛ بٛو؞ بَابَ مَࢡّٜ غٛوتٛ، وَاتٛ کَاکَ مٜنْ إِسْحَاقَ؞ 11-12شُࢡٛلْ اَللَّه طٛنْ دَرِ دٛوْ عَنِّيَ مُوطُمْ تَنْ؞ نغَمْ مَاجُمْ عٛوِعِ رٜبٜکَّ: «مَوْنِرَاوٛ حُووَنَنْ مِࢩِرَاوٛ؞» اَللَّه وِعِ طُمْ دِغَ ࢡٜشِوَا دَࢩٜىٰغٛ، حِدّٜکٛ ࢡٜمبَطَ بٛوطُّمْ مَلَّ کَلُّطُمْ؞ شُࢡٛلْ اَللَّه دَرَاکِ دٛوْ کُوطٜ مَࢡّٜ، سٜيْ دٛوْ عٜوْنَاندُ مَاکٛ تَنْ#لَاتَانٛوجِ 25:23؞؞ 13بَنَ کٛ وِنْدَ: «يَعْقُوبُ نغِطْمِ، عِسُوَ کَمْ مِوَࢩِ طُمْ#مَلَکِيَ 1:2-3؞؞»
14تٛ نٛنْ کَمْ، کٛ مبِعٜتٜنْ؟ کَدِ اَللَّه طٛنْ وَطَ کٛ ڢٛتَّايْ نَ؟ نَا نٛنْ سَمْ! 15نغَمْ عٛوِعِ مُوسَى: «مِعٜنْطَنْ مٛ نغِطْمِ عٜنْطُغٛ، مِحِنّٛتٛ مٛ نغِطْمِ حِنَّاغٛ#غُرْتَاکِ 33:19؞؞» 16نغَمْ مَاجُمْ حَالَ مَنْ ڢُو دَرَتَاکٛ دٛوْ مُويٛ نٜطّٛ مَلَّ تِينَارٜ مُمْ، سٜيْ دٛوْ حِنُّيٜ اَللَّه؞ 17ندٜرْ دٜڢْتٜرٜ سٜنِيندٜ اَللَّه وِعِ ڢِرْعَوْنَ: «مِوَطِ مَ لَامِيطٛ نغَمْ دَلِيلَ نغٛوتَ تَنْ: حَا مِوَنغِنَ بَاوْطٜ عَمْ دٛوْ مَاطَ، مِعَنْدِنَ عِنْدٜ عَمْ ندٜرْ دُنِيَارُ ڢُو#غُرْتَاکِ 9:16؞؞» 18نغَمْ مَاجُمْ اَللَّه طٛنْ حُووَ بَنَ عٛمُويِ: عٛحِنّٛتٛ عٛو، عٛسَاتِنَنْ حٛورٜ عٛيَ؞
ࢡٜرْنُکِ اَللَّه عٜ حِنُّيٜ مُمْ
19تٜىٰمَ عٛنْ مبِعَتَمْ کَدِ: «تٛ طُمْ لَاتَکٜ بَنَ نِي، نغَمْ طُمٜ اَللَّه عَيْبِنْتَ مِنْ؟ مٛيْ وَاوِ دَرْتَنغٛ عَنِّيَ مَاکٛ؟» 20کَيَّ! عَنْ عَ مٛيْ حَا عَوَابٛتِرَ بٜى اَللَّه؟ کَدِ تَغْدِ وِعَنْ تَغْطٛ طُمْ: «کٛنِ مبَطَّ مِ بَنَ نِي#عٜسَايَ 29:16؛ 45:9؞؟» 21مَحٛووٛ ݠَيَنْطٜ مَرَايْ بَاوْطٜ دٛوْ لٛوݠٜ کٜشّٜ نَ؟ بٜى لٛوݠٜ غٛوتٜ عٛوَاوَنْ وَطُغٛ ݠَيَنْطٜ طِطِ، وٛطْندٜ مَرْندٜ سَمَنْ عٜ وٛطْندٜ بٛو وَلَا سَمَنْ؞
22بَنَ نِي مُويٛ اَللَّه وَعِ: حَا وٛطْࢡٜ، عٛمُويِ وَنغِنْغٛ ࢡٜرْنُکِ مَاکٛ عٜ بَاوْطٜ دٛوْ تَغَاࢡٜ وٛنْࢡٜ ندٜرْ حَلْکٜرٜ، بٜى نٛنْ ڢُو عٛمُࢩَنِ ࢡٜ مُࢩَلْ طُوطْنغَلْ؞ 23حَا وٛطْࢡٜ بٛو، عٛمُويِ وَنغِنَنْغٛ ࢡٜ طُوطٜىٰنغَ تٜدُّنغَلْ مَاکٛ، عٛعٜنْطِ ࢡٜ، عٛتَاسْکِتِنِ ࢡٜ دِغَ ࢡٛويْمَ نغَمْ حَا ࢡٜکٜࢡَ تٜدُّنغَلْ مَاکٛ؞ 24عٜنٜنْ بٛو عٜنْ طٛنْ ندٜرْ مَࢡّٜ، عٛعٜوْنِ عٜنْ، نَا ندٜرْ يَحُودُعٜنْ تَنْ، عَمَّا ندٜرْ عُمَّاتٛوجٜ غٛطّٜ بٛو، 25بَنَ عٛوِعِ بٜى حُنْدُکٛ اَلنَّبِي حٛسٜعَ:
«يِمْࢡٜ ࢡٜلَاتَاکِ عُمَّاتٛورٜ عَمْ،
مِوَطَنْ ࢡٜ عُمَّاتٛورٜ عَمْ؞
يِمْࢡٜ ࢡٜلَاتَاکِ يِطَاࢡٜ عَمْ،
مِوَطَنْ ࢡٜ يِطَاࢡٜ عَمْ#حٛسٜعَ 2:25؞؞
26حَا نٛکُّورٜ ندٜ ࢡٜمبِعْنٛ:
نَا عٛنْ عُمَّاتٛورٜ عَمْ،
تٛنْ ࢡٜ عٜوْنٜتٜىٰࢡٜ ࢡِࢡّٜ اَللَّه غٜىٰتٛ#حٛسٜعَ 2:1؞؞»
27اَلنَّبِي عٜسَايَ بٛو وٛويْنِ حَالَ إِسْرَاءِيلَ، عٛوِعِ: «نٛ إِسْرَاءِيلَعٜنْ طُوطِرِ بَنَ نجَارٜىٰندِ مَايٛ ڢُو، حِسَنْࢡٜ مَࢡّٜ طُوطَتَا سَمْ؞ 28نغَمْ جَوْمِرَاوٛ تِمِّنَنْ عَنِّيَ مُمْ دٛوْ دُنِيَارُ، عٛتِمِّنَنْ کَ لَوْ#عٜسَايَ 10:22-23؞؞» 29بَنَ عٜسَايَ وَطِ عَنَّبَاکُ، وِعِ:
«سٛنَا جَوْمِرَاوٛ حٛنٛوࢡٜ عَسَمَ لُتَّنِ عٜنْ دَࢩْغٛلْ سٜطَّ،
عٜنْ لَاتٛتٛنٛ بَنَ سٛدٛمَ، عٜنْ نَنْدَنّٛ بٜى غٛمٛرَّ#عٜسَايَ 1:9؞؞»
اَلْمَسِيحُ عٜ إِسْرَاءِيلَ
30کٛ مبِعٜتٜنْ جٛنْتَ؟ اَللَّه عَدِلِنِ يِمْࢡٜ عُمَّاتٛوجٜ غٛطّٜ، کٛو ࢡٜطَࢡِّتَايْ مٛ؞ اَللَّه عَدِلِنِ ࢡٜ، نغَمْ ࢡٜنُطِّنِ اَلْمَسِيحُ؞ 31إِسْرَاءِيلَعٜنْ کَࢡْدِ طٛوْتَنَاغٛ تَوْرٜىٰتَ نغَمْ حَا ࢡٜلَاتٛ عَدِلِعٜنْ يٜىٰسٛ اَللَّه، عَمَّا ࢡٜکٜࢡَايْ؞ 32نغَمْ طُمٜ؟ نغَمْ ࢡٜکَࢡْدِ ڢٛتَّنْغٛ اَللَّه بٜى کُوطٜ، نَا بٜى نُطِّنْکِ؞ نغَمْ مَاجُمْ ࢡٜݠٜرْغِ دٛوْ مٛ وِعٜتٜ «حَيْرٜ ڢٜرْغٛورٜ»، 33بَنَ کٛ وِنْدَ:
«حَا سِيٛنَ مبَلِّنَنْمِ حَيْرٜ ڢٜرْغٛورٜ يِمْࢡٜ، تَݠَارٜ دٛعّٛورٜ ࢡٜ؞
عَمَّا کٛو مٛيْ نُطِّنِمٛ، عٛسٜمْتِنْتَاکٜ#عٜسَايَ 28:16؞؞»
Currently Selected:
رٛمَعٜنْ 9: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
