ڢِلِݠِّعٜنْ 4

شٜيٛرٜ کَوْتَلْ مٛنْ بٜى جَوْمِرَاوٛ

1عٛنٛنْ دٜىٰرْطَمْعٜنْ يِطَاࢡٜ، نغَمْ مَنْ تَبِتٜ بَنَ نٛنْ ندٜرْ کَوْتَلْ مٛنْ بٜى جَوْمِرَاوٛ؞ مِطٛنْ يٜنْوَ عٛنْ مَسِنْ، عٛنٛنْ يِطَاࢡٜ عَمْ، عٛنْ لَاتِ دَلِيلَ سٜيٛ عَمْ عٜ تٜدُّنغَلْ عَمْ؞

2مِطٛنْ تٛرٛ عٜوٛدِيَ عٜ سِنْتِکٜ حَا ࢡٜنَرَّ دَلِيلَ جَوْمِرَاوٛ؞ 3عَنْ بٛو، کُووْدِطِّرَاوٛ عَمْ کٛولَاطٛ، مِطٛنْ تٛرٛ مَ عَوَلَّ رٜوْࢡٜ ࢡٜعٜ، نغَمْ ࢡٜکَوْتِ بٜى عَمْ ندٜرْ حَࢡْرٜ نغَمْ لِنْجِيلَ، کَمْࢡٜ عٜ کٜلٜمَنْ عٜ لُتُّࢡٜ حُووْدِطِّرَاࢡٜ عَمْ؞ عِنْطٜ مَࢡّٜ ڢُو مبِنْدَامَ ندٜرْ دٜڢْتٜرٜ نغٜىٰندَمْ؞

4شٜيٜ ڢٛرٛيْ نغَمْ دَلِيلَ جَوْمِرَاوٛ؞ مِوِعَنْ طُمْ ڢَحِنْ‏: شٜيٜ‏!

5سٜيْ مُࢩَلْ مٛنْ وَنغَنَ يِمْࢡٜ ڢُو؞ جَوْمِرَاوٛ ࢡَدَکٜ وَرْغٛ؞ 6تَا شَکْلَنٜ کٛو طُمٜ، عَمَّا عَنْدِنٜ اَللَّه حَاجٜ مٛنْ ڢُو ندٜرْ دٛعَ عٜ تٛرْندٜ، بٜى يٜتّٛورٜ بٛو؞ 7ندٜنْ کَمْ سَلَامَنْ اَللَّه ࢡُرْکَ ڢَامُ نٜطّٛ ڢُو، عَيْنَنْ ࢡٜرْطٜ مٛنْ عٜ نُمٛوجِ مٛنْ ندٜرْ کَوْتَلْ بٜى عِيسَى اَلْمَسِيحُ؞

8دٜىٰرْطَمْعٜنْ، ندَا کٛ لُتِّ وِعٜىٰغٛ‏: کٛ غٛونغْطِ ڢُو، کٛ حَانْدِ سَمْطِنٜىٰغٛ ڢُو، کٛ لَاتِ عَدِلِيجُمْ ڢُو، کٛ لَاࢡِ ڢُو، کٛ حٜعِ يِطٜىٰغٛ ڢُو، کٛ حٜعِ تٜدِّنٜىٰغٛ ڢُو، کٛ ڢٛتِّ ڢُو عٜ کٛ حٜعِ مَنغْتٜىٰغٛ ڢُو، کَکِّلَنٜ طُمْ؞ 9مبَطٜ کٛ عٛنْ عٜکِّتِ، کٛ عٛنْ کٜࢡِ، کٛ عٛنْ نَنِ عٜ کٛ عٛنْ نغِعِ حَا عَمْ؞ ندٜنْ کَمْ، اَللَّه دٛکّٛووٛ سَلَامَنْ وٛنْدَنْ بٜى مٛوطٛنْ؞

يٜتّٛورٜ نغَمْ بَلَّلْ

10مِحٜࢡِ سٜيٛ طُوطْنغٛ دَلِيلَ جَوْمِرَاوٛ، نغَمْ عٛنْ نغِطِ وَلُّغٛ يَمْ ڢَحِنْ؞ کٛو نَانٜ مَا، عٛنْ نغٜلِنٛ طُمْ، عَمَّا عٛنْ کٜࢡَايْنٛ لَاوٛلْ وَطُغٛ طُمْ؞ 11مِوِعَايْ طُمْ نغَمْ دَلِيلَ سٛويْندٜ نغَمْ مِعٜکِّتِ حٜࢨْنِتَاغٛ بٜى کٛ کٜࢡْمِ ڢُو؞ 12مِعَنْدِ جٛوطَاغٛ ندٜرْ لٜىٰسْتِنَارٜ بَنَ نٛ مِعَنْدِرِ جٛوطَاغٛ ندٜرْ طُوطٜىٰنغَ؞ مِعٜکِّتِ حٜࢨْنِتَاغٛ کٛو تٛيْ عٜ کٛو نٛيْ، کٛو مِطٛنْ ندٜرْ حَارَنْدٜ مَلَّ وٜىٰلٛ، کٛو ندٜرْ طُوطٜىٰنغَ مَلَّ سٛويْندٜ؞ 13مِوَاوِ وَطُغٛ طُعُمْ ڢُو، نغَمْ اَلْمَسِيحُ طٛنْ سٜمْبِطِنَمِّ؞

14بٜى نٛنْ ڢُو عٛنْ مبَطِ بٛوطُّمْ بٜى حَوْتَنْغٛ يَمْ ندٜرْ ࢡِلَّارٜ عَمْ؞ 15عٛنٛنْ ڢِلِݠِّعٜنْ عٛنْ عَنْدِ بٛو، سَاعِ مِنْ ݠُطِّ وَازِنغٛ لِنْجِيلَ، ندٜ نغُرْتِيمِ مَکٜدٛنِيَ، وَلَا جَمَعَارٜ نُطِّنْࢡٜ وَلِّ يَمْ بٜى حٛکُّغٛ حُوندٜ مَلَّ نغٜىٰنَارِ، سٜيْ عٛنٛنْ تَنْ؞ 16نغَمْ دِغَ مِ طٛنّٛ حَا تٜسَّلٛنِيکِ مَا، عٛنْ نٜلْدِ يَمْ وَلِّيندٜ، نَا ندٜ وٛورٜ تَنْ#کُوطٜ نٜلَاࢡٜ 17‏:1؛ 2 کٛرِنْتُعٜنْ 11‏:9؞؞ 17تَا نُمٜ دٛکّٜ مِطَࢡَّتَ؞ عَمَّا مِيِطِ جَوْدِ مٛوطٛنْ حٜࢡَنَ عٛنْ رِبَ؞ 18مِحٜࢡِ دٛکَّلْ نغَلْ نٜلْدُطٛنْ بٜى جُنغٛ عٜݠَڢْرٛدِتْ؞ مِحٜࢡِ کٛ مِمَرِ حَاجٜ ڢُو، حَا طُمْ ࢡُرِ حَاجٜ عَمْ، مِطٛنْ ندٜرْ جٜيْنِتَارٜ؞ طُمْ لَاتِ بَنَ دٛکَّلْ عُورْدِ مبٜلْندِ، کِرْسَاطُمْ کٛ اَللَّه سٜيٛرْتٛ، يٜرْدٛتٛ#غُرْتَاکِ 29‏:18؞؞ 19اَللَّه عَمْ حُمْتَنَنْ عٛنْ حَاجٜىٰجِ مٛنْ ڢُو ڢٛدّٜ رِسْکُ مُوطُمْ، ندٜرْ تٜدُّنغَلْ، بٜى عِيسَى اَلْمَسِيحُ؞ 20تٜدُّنغَلْ لَاتَنٛ اَللَّه، بَابِرَاوٛ مٜنْ حَا عَبَدَ عَبَدِنْ؞ عَامِينَ‏!

کٛوڢْلِ

21کٛوڢْنٜ سٜنَاࢡٜ ڢُو بٜى عِنْدٜ عِيسَى اَلْمَسِيحُ؞ دٜىٰرْطِرَاࢡٜ وٛنْدُࢡٜ بٜى عَمْ کٛوڢْنِ عٛنْ؞ 22سٜنَاࢡٜ وٛنْࢡٜ حَا طٛ ڢُو کٛوڢْنِ عٛنْ، سَکّٛمَا يِمْࢡٜ وٛنْࢡٜ ندٜرْ سَارٜ کَيْسَرَ؞

23مٛعّٜرٜ جَوْمِرَاوٛ مٜنْ عِيسَى اَلْمَسِيحُ وٛنْدُ بٜى مٛوطٛنْ ڢُو‏!

Currently Selected:

ڢِلِݠِّعٜنْ 4: داَ

Highlight

Copy