کٛلٛسِّعٜنْ نَسْتُکِ
نَسْتُکِ
جَمَعَارٜ نُطِّنْࢡٜ حَا کٛلٛسِّ ڢُطِّ بٜى وَازُ عٜݠَڢْرَسْ، کُووْدِطِّرَاوٛ ݠٛلْ (1:7؛ 4:12)؞ ݠٛلْ وِنْدَنِ ࢡٜ بَتَاکٜوٛلْ نغٛعٛلْ يَاکٜ عٛطٛنّٛ ندٜرْ ڢُرْسِنَ، جَمَعَارٜ بٛو طٛنّٛ ندٜرْ سَکْلٜرٜ نغَمْ عٜکِّتِنٛوࢡٜ وٛطْࢡٜ نغَرِ ندَرْتَنِ لِنْجِيلَ کَ کٛلٛسِّعٜنْ نجَࢡْنٛ (کُوطٜ نٜلَاࢡٜ 28:14-31)؞ ࢡٜشَمْطِنِ حَالَ جُولْنٛلْ عٜ دٛوکَاجِ بَاطِّ طِ يِمْࢡٜ دُنِيَارُ (2:8-23؛ 3:1-4)؞
بَتَاکٜوٛلْ نغٛعٛلْ نَنْدِ بٜى نغٛلْ عٜڢٜسُعٜنْ؞ ندٜرْ مَاغٛلْ، ݠٛلْ حٛلِّ مَنغُ عِيسَى اَلْمَسِيحُ مٛ اَللَّه سُࢡِ نغَمْ حِسْنُغٛ دُنِيَارُ؞ بَاوْطٜ مَاکٛ ࢡُرِ کٛ کٛلٛسِّعٜنْ ندٜوَتَ؞ عُمِّتِنٜىٰکِ مَاکٛ دِغَ مَايْدٜ وَنغِنِ ࢡُرْدَلْ بَاوْطٜ مَاکٛ؞ کُوغَلْ نغَلْ عٛحُووِ حٜعِ نغَمْ تَبِتِنْغٛ کِسْندَمْ نُطِّنْࢡٜ مٛ ڢُو؞
عِيسَى وٛنِ حٛورٜ جَمَعَارٜ نُطِّنْࢡٜ لَاتِيندٜ ࢡَنْدُ مُوطُمْ؞ کَنغْکٛ ڢٜىٰرٜ مَاکٛ يَحْرَتَ يِمْࢡٜ حَا اَللَّه؞ بٜى جَࢡُغٛ بَݠْتِسْمَ، نُطِّنْࢡٜ طٛنْ کٛلَّ نٛ ࢡٜکَوْتِرِ بٜى اَلْمَسِيحُ ندٜرْ مَايْدٜ مُوطُمْ عٜ ندٜرْ عُمِّتِنٜىٰکِ مُوطُمْ؞ ݠٛلْ طٛنْ وَسَ کٛلٛسِّعٜنْ حَا ࢡٜتَبِتٛ ندٜرْ نُطِّنْکِ، ࢡٜشَلَ عٜکِّتِنٛلْجِ ݠٜوٛوجِ؞ عٛسُوسْطِنِ ࢡٜ بٛو حَا ࢡٜنغٜىٰطَ نغٜىٰندَمْ کٜسَمْ شَکَ يِمْࢡٜ، حَا شِعٜ مَࢡّٜ عٜ حَا بَبٜ کُوطٜ مَࢡّٜ بٛو (3:5-25؛ 4:1-6)؞
تٛکِّنْدِرْکِ حَالَاجِ:
کٛوڢْنغٛلْ 1:1-2
دٛعَارٜ عٜ يٜتّٛورٜ ݠٛلْ عٜ تِمٛتٜ نغَمْ کٛلٛسِّعٜنْ 1:3-12
مَنغُ اَلْمَسِيحُ عٜ کُوطٜ مُمْ 1:13–2:23
نغٜىٰندَمْ کٜسَمْ ندٜرْ کَوْتَلْ بٜى اَلْمَسِيحُ 3:1–4:6
کٛوڢْنغٛلْ رَغَرٜوٛلْ 4:7-18
Currently Selected:
کٛلٛسِّعٜنْ نَسْتُکِ: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.