ڢِلِݠِّعٜنْ 3

عَدِلَاکُ نغُ اَللَّه يٜرْدٛتٛ

1دٜىٰرْطَمْعٜنْ، کٛ لُتِّ وِعٜىٰغٛ‏: شٜيٜ دَلِيلَ جَوْمِرَاوٛ؞ وِنْدَنغٛ عٛنْ حَالَ کَعَ ڢَحِنْ سَکْلَتَا يَمْ، عَمَّا طُمْ تَبِتِنَنْ عٛنْ؞ 2ندٜىٰنْتٜ عٜ دَوَاطِعٜنْ‏! ندٜىٰنْتٜ عٜ وَطٛوࢡٜ حَلّٜىٰندٜ‏! ندٜىٰنْتٜ عٜ سَمْطِنَنْࢡٜ جُولْنٛلْ؞ 3عٜنٜنْ عٜنْ مَرِ جُولْنٛلْ#3‏:3 جُولْنٛلْ مَلَّ ندٜمْنٛلْ؞ غٛونغْطُنغٛلْ، نَا کَمْࢡٜ، عٜنٜنْ رٜوَنْࢡٜ اَللَّه بٜى بَلَّلْ رُوحُ مُوطُمْ؞ عٜنْ طٛنْ مَنْتٛرٛ عِيسَى اَلْمَسِيحُ نَا ࢡَلِّ مٜىٰطٜنْ؞ 4مِنْ بٛو مِطٛنْ بٜى جَرْڢُ مَنْتٛرَاغٛ ࢡَنْدُ عَمْ؞ وٛطْࢡٜ مَ تَمَّکٜ نغٛودِ دَلِيلَ مَنْتٛرَاغٛ کٛعٜ مُوطُمْعٜنْ، سَکّٛ مِنْ نَ؟ 5ࢩَنْدٜ جٛوٜىٰتَتَࢡْرٜ عَمْ نجُولْنَامِ؞ مِ غٛطّٛ عَسْنغٛلْ إِسْرَاءِيلَ، لٜࢩٛلْ بٜنْيَمِنْ، مِ عِبْرَنِنغْکٜىٰجٛ عَسْلِيجٛ، وَکٜىٰرٜ تَوْرٜىٰتَ بٛو، مِ ڢَرِسَاجٛ#کُوطٜ نٜلَاࢡٜ 23‏:6؛ 26‏:5؛ رٛمَعٜنْ 11‏:1؞؞ 6وَکٜىٰرٜ تِينَارٜ، مِتٛوࢩٛووٛنٛ جَمَعَارٜ نُطِّنْࢡٜ؞ ڢٛدّٜ عَدِلَاکُ تَوْرٜىٰتَ بٛو، مِ لَاࢡْطٛ#کُوطٜ نٜلَاࢡٜ 8‏:3؛ 22‏:4؛ 26‏:9‏-11؞؞

7کُوجٜ طٜعٜ ڢُو، ࢡٛويْمَ مِلَارِنٛ طٜ بَنَ رِبَ؞ عَمَّا جٛنْتَ مِطٛنْ لَارَ طٜ بَنَ عَسَرْ، نغَمْ دَلِيلَ اَلْمَسِيحُ؞ 8نَا کُوجٜ طٜعٜ تَنْ، عَمَّا مِطٛنْ لَارَ کٛو طُمٜ ڢُو بَنَ عَسَرْ، نغَمْ مِحٜࢡِ کٛ ࢡُرِ طُمْ ڢُو‏: طُمْ عَنْدُغٛ عِيسَى اَلْمَسِيحُ، جَوْمِرَاوٛ عَمْ؞ نغَمْ دَلِيلَ مَاکٛ نغُدِنْمِ کٛو طُمٜ ڢُو؞ مِطٛنْ لَارَ طُمْ بَنَ مبُووْرِ مٜىٰرٜ، نغَمْ حَا مِحٜࢡَ اَلْمَسِيحُ، 9مِحَوْتَ بٜى مَاکٛ مِمَرَ عَدِلَاکُ نغُ عِوَايْ حَا طٛوْتَارٜ عَمْ حٜىٰدِ تَوْرٜىٰتَ، عَمَّا حَا اَللَّه مٛ تَبِتِنِ طُمْ دٛوْ نُطِّنْکِ ندٜرْ اَلْمَسِيحُ؞ 10نغَمْ کٛ نغِطْمِ، طُمْ عَنْدُغٛ اَلْمَسِيحُ عٜ بَاوْطٜ اَللَّه مٛ عُمِّتِنِمٛ دِغَ مَايْدٜ عٜ کَوْتَلْ بٜى مَاکٛ ندٜرْ تٛرَّاجِ مَاکٛ، مِلَاتٛ نَنْدُطٛ بٜى مَاکٛ ندٜرْ مَايْدٜ مَاکٛ، 11نغَمْ حَا مِنْ بٛو مِيٛتّٛ عُمِّتِنٜىٰکِ مَايْࢡٜ، تٛ حٜࢡٛتٛ؞

کٜىٰرٛلْ دَطَ-دَطَ

12نَا مِحٜࢡِ طُمْ ڢُو مَلَّ مِلَاتَکٜ تِمُّطٛ؞ عَمَّا مِطٛنْ دٛغَّ نغَمْ حَا مِنَنغَ طُمْ، نغَمْ عِيسَى اَلْمَسِيحُ بٛو نَنغِ يَمْ؞ 13ڢَکَتْ، دٜىٰرْطَمْعٜنْ، مِلَارَايْ حٛورٜ عَمْ بَنَ مِنَنغِ طُمْ؞ ندَا کٛ مبَطَنْمِ‏: مِحٛوعِ عَنِّيَ يٜجِّتِتْغٛ کٛ عَشُّمِ ࢡَاوٛ، مِطٛنْ تِيتٛ کٛ وٛنِ يٜىٰسٛ، 14مِطٛنْ حَࢡْدَ يٛتَّاغٛ کٜىٰرٛلْ دَطَ-دَطَ، حَا مِحٜࢡَ کٜࢡَلْ عٜوْنَاندُ ندُ اَللَّه عٜوْنٛرِ يَمْ ندٜرْ عِيسَى اَلْمَسِيحُ؞

15سٜيْ عٜنْ نُمَ بَنَ نٛنْ تٛ عٜنْ لِمِ کٛعٜ مٜنْ ندٜرْ تِمُّࢡٜ؞ کٛو تٛ وٛودِ کٛ ݠَامْرٛتٛنْ بٜى لَاوٛلْ ڢٜىٰرٜ، اَللَّه لَࢡِّنَنَنْ عٛنْ طُمْ؞ 16بٜى نٛنْ ڢُو، ندٜ نِي عٜنْ نجٛتَّکٜ دَرْندٜ ندٜعٜ، نجَحْدٜنْ ڢٛدّٜ دَرْندٜ مَنْ حَوْتَادٜ؞

17مبَطٜ کٛ مِوَطَتَ، عٛنٛنْ دٜىٰرْطَمْعٜنْ، شُتٜ تٛکِّيࢡٜ مِسَالُوٛلْ نغٛلْ کٜࢡْطٛنْ حَا عَمِنْ#1 کٛرِنْتُعٜنْ 4‏:16؛ 11‏:1؞؞ 18کٛ مبِعْمِ عٛنْ ندٜ طُوطُّمْ، جٛنْتَ مبِعَنْمِ طُمْ بٜى غٛنْطِ‏: طُوطْࢡٜ لَاتَکٜ کٛنّٜعٜنْ غَاڢَانغَلْ اَلْمَسِيحُ، يَحْدُ مَࢡّٜ طٛنْ حٛنَ نغَلْ؞ 19رَغَرٜ مَࢡّٜ طُمْ حَلْکٜرٜ؞ دٜىٰطِ مَࢡّٜ لَاتِ طٛوَنْتٜىٰطٛ مَࢡّٜ؞ ࢡٜطٛنْ مَنْتٛرٛ کُوطٜ مَࢡّٜ شٜمْتِنِيطٜ؞ ࢡٜطٛنْ شُکْلَنٛ کُوجٜ دُنِيَارُ تَنْ؞ 20عَمَّا عٜنٜنْ کَمْ، حَا عَسَمَ وُرٛ مٜنْ وٛنِ؞ دِغَ تٛنْ بٛو کِسْنٛووٛ عٜنْ، جَوْمِرَاوٛ عِيسَى اَلْمَسِيحُ مٛ مِنْ ندٜىٰنَتَ عِوٛيْتَ؞ 21کَنغْکٛ عٛوَيْلَنْ ࢡَلِّ مٜنْ تَمْݠُطِ لٜىٰسْطِ، حَا طِ لَاتٛ بَنَ ࢡَنْدُ مَاکٛ مَرْندُ تٜدُّنغَلْ، ڢٛدّٜ بَاوْطٜ مَاکٛ، وَاتٛ بَاوْطٜ دٛولُغٛ کُوجٜ ڢُو طٛوْتَنٛ مٛ؞

Currently Selected:

ڢِلِݠِّعٜنْ 3: داَ

Highlight

Copy