لِمْلٜ نَسْتُکِ
نَسْتُکِ
دٜڢْتٜرٜ لِمْلٜ طٛنْ عَنْدِنَ عٜنْ جَحَانغَلْ إِسْرَاءِيلَعٜنْ ندٜرْ لَدّٜ حَمَادَارٜ ࢡَاوٛ غُرْتَاکِ مَࢡّٜ دِغَ لٜسْدِ مِصْرَ؞ اَللَّه طٛوِ يِمْࢡٜ عُمَّاتٛورٜ مُوطُمْ، يَحْرِ ࢡٜ حَا لٜسْدِ کَنَانَ بَنَ عٛحُنَنِ کَاکِرَاࢡٜ مَࢡّٜ؞
دٜڢْتٜرٜ ندٜعٜ عِنْدَامَ لِمْلٜ دَلِيلَ لِمْکِ ࢡِࢡّٜ إِسْرَاءِيلَ حَا ڢُطّٛودٜ جَحَانغَلْ مَࢡّٜ حَا حٛوسٜىٰرٜ سِنَ (1) عٜ حَا تِمّٛودٜ مَاغَلْ حَا لَطّٜ مٛعَبْ بٛو (26)؞ ࢡٜلِمِ بٛو حٛرٛوࢡٜ (1:1؛ 26:7)، لٜعِ (2:1)، لٜوِعٜنْ (3:14؛ 4:34) عٜ دٛکّٜ عَرْدِيࢡٜ (13:3)؞
اَللَّه وَطِ کَايٜىٰڢِيجِ طُوطِّ نغَمْ حٜبِّتِنغٛ عَلْکَوَلْ مُوطُمْ: عٛࢩَامْنِ يِمْࢡٜ مَاکٛ مَنُّ، ࢩَامْدُ عِوْندُ دِغَ دٛوْ (11:4؛ 20:12)، حٛکِّ ࢡٜ جَالٛرْغَلْ دٛوْ کٛنّٜعٜنْ مَࢡّٜ (21:1)، عَرْدِ ࢡٜ ندٜرْ رُولْدٜرٜ (9:15؛ 10:1)؞ اَللَّه حٛلِّ ࢡٜ عٜنْطَمْ طُوطَّمْ کٛو ندٜ إِسْرَاءِيلَعٜنْ تُورْتَنِمٛ ندٜ طُوطُّمْ؞ دٜڢْتٜرٜ لِمْلٜ وَنغِنِ بٜى بَنغُطُمْ شَاتَلْ-حٛورٜ إِسْرَاءِيلَعٜنْ: ࢡٜنغُرْنغُرْتِ دٛوْ اَللَّه عٜ دٛوْ جَغِّيطٛ مَاکٛ مُوسَى (11:1؛ 12:1؛ 14:1؛ 16:1؛ 17:1)؞ ࢡٜنغٜلِنٛ مَ لٛرْتَاغٛ مِصْرَ (11:1-4؛ 14:2؛ 16:13؛ 21:5)؞ شَاتَلْ-حٛورٜ عٜ سٛويْندٜ حٛولَارٜ مَࢡّٜ حٜىٰدِ اَللَّه وَدَّنِ ࢡٜتٛرَّ طُوطْکَ؞ کٛنُوجِ عٜ مَسِيبٛوجِ طُوطِّ عُکَّنِ ࢡٜ؞ مُوسَى تٛرِ ندٜ طُوطُّمْ نغَمْ حِسْنُغٛ ࢡٜ دِغَ سَرُّ (12:13؛ 14:13-19؛ 16:22؛ 17:10-23)؞ جَوْمِرَاوٛ بٛو يَاڢَنِ ࢡٜ؞ عَمَّا عٛجُوتِنِ جَحَانغَلْ مَࢡّٜ مَسِنْ، ࢡُرْنَ مَࢡّٜ مَايِ ندٜرْ لَدّٜ، نجٛتَّاکِ لٜسْدِ کَنَانَ؞ سٜيْ ࢡِࢡّٜ مَࢡّٜ عٜ يٛسُوَ عٜ کَالٜبْ کٜࢡِ نَسْتُغٛ لٜسْدِ ندِعِ؞ ࢡَاوٛ مَايْدٜ مُوسَى، يٛسُوَ نَسْتِنِ إِسْرَاءِيلَعٜنْ حَا کَنَانَ، سٜنْدَنِ ࢡٜ ندِ بٜى کُرْعُ؞
دٜڢْتٜرٜ ندٜعٜ طٛنْ حٛلَّ بٛو سٜنَارٜ اَللَّه؞ اَللَّه عٛ شٜنِيطٛ (20:12)؞ عٛيِطِ عُمَّاتٛورٜ مَاکٛ لَاتٛ سٜنَاندٜ نٛنْ بٛو سَنغٜىٰرٜ مَارٜ (6)؞ کٛ عُکَّنِ إِسْرَاءِيلَعٜنْ ندٜرْ لَدّٜ ڢُو لَاتِ نغَمْ رٜىٰنْتِنْغٛ تٛکِّيࢡٜ اَللَّه حَنْدٜ بٛو (1 کٛرِنْتُعٜنْ 10:1؛ يَحُودَ 5،8،11)؞ عٜنْ عَنْدِ ࢡٜمبَاوَايْ نَسْتُغٛ حَا لٜسْدِ کَنَانَ دَلِيلَ سٛويْندٜ نُطِّنْکِ مَࢡّٜ (عِبْرَنِنغْکٜعٜنْ 3:19)؞
تٛکِّنْدِرْکِ حَالَاجِ:
إِسْرَاءِيلَعٜنْ تَاسْکِ عُمَّاغٛ دِغَ حٛوسٜىٰرٜ سِنَ 1:1–10:10
لِمْکِ عَرَنِ 1–4
عُمْرٛوجٜ عٜ دٛوکَاجِ ڢٜىٰرٜ ڢٜىٰرٜ 5–8
جُولْدٜ ݠَسْکَ طِطَوْرٜ 9:1-14
عُمَّاکِ إِسْرَاءِيلَعٜنْ: رُولْدٜ دٛوْ لَيْمَارُ ڢٛتِّرْدٜ عٜ لُوٜ شَرْدِ 9:15–10:10
دِغَ حٛوسٜىٰرٜ سِنَ حَا يٛتّٛ لَطّٜ مٛعَبْ 10:11–21:35
إِسْرَاءِيلَعٜنْ عُمِّ 10
إِسْرَاءِيلَعٜنْ نغُرْنغُرْتِ 11–12
دُوࢡِ شَݠَّنْطٜ نَيِ حَا کَادٜسْ 13–19
دِغَ کَادٜسْ حَا لَطّٜ مٛعَبْ 20–21
کٛ وَطِ حَا مٛعَبْ 22–32
بَلَامَ عٜ بَلَکْ 22–24
دَاکَارٜىٰکُ إِسْرَاءِيلَعٜنْ بٜى مٛعَبِعٜنْ رٜوْࢡٜ 25
لِمْکِ طِطَࢡِ 26
عُمْرٛوجٜ ڢٜىٰرٜ ڢٜىٰرٜىٰجٜ 27–30
جَالٛرْغَلْ دٛوْ مٜدِيَنْ عٜ لٜعِ جٛوطِيطِ حَا ڢُونَانغٜ عُرْدُنْ 31–32
سِڢَ جَحَانغَلْ دِغَ مِصْرَ حَا مٛعَبْ 33:1-49
عَنْدِنٛلْ يِمْࢡٜ حِدّٜکٛ ࢡٜعٜىٰرٛ مَايٛ عُرْدُنْ تَوٛنْ 33:50–36:13
Currently Selected:
لِمْلٜ نَسْتُکِ: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.