لِمْلٜ 1

لِمْکِ إِسْرَاءِيلَعٜنْ

1ندٜرْ ندُوࢡُ طِطَࢡُ ࢡَاوٛ غُرْتَاکِ إِسْرَاءِيلَعٜنْ دِغَ لٜسْدِ مِصْرَ، لٜوْرُ طِطَࢡْرُ، ࢩَنْدٜ غٛعٛورٜ مَارُ، جَوْمِرَاوٛ وٛلْوَنِ مُوسَى ندٜرْ لَيْمَارُ ڢٛتِّرْدٜ حَا لَدّٜ حَمَادَارٜ سِنَ؞ عٛوِعِ‏: 2‏-3«عَنْ عٜ هَـٰرُونَ، مبَطٜ بِنْدٛلْ‏: مبِنْدٜ لِمْغَلْ يِمْࢡٜ جَمَعَارٜ إِسْرَاءِيلَ ڢُو ڢٛدّٜ عَسْلِ مُوطُمْعٜنْ عٜ شِعٜ#1‏:2‏-3 شِعٜ مَلَّ شَلَاجٜ؞ مُوطُمْعٜنْ، مبِنْدٜ عِنْطٜ وٛرْࢡٜ ڢُو، وَاوَنْࢡٜ حٛوعُغٛ بَلْمِ کٛنُ، ࢡٜ دُوࢡِ نٛوغَسْ عٜ کٛ ࢡُرِ، کٛو مٛيْ ندٜرْ مٛوࢡْرٜ کٛنُ مُوطُمْ؞ 4حَا لٜࢩٛلْ ڢُو بَابَ-سَارٜ غٛوتٛ وَلَّنْ عٛنْ؞ 5ندَا عِنْطٜ وَلَّنْࢡٜ عٛنْ‏: ندٜرْ لٜࢩٛلْ رُبٜنْ، عٜلِشُرُ ࢡِي سٜدٜوُرْ؞ 6ندٜرْ لٜࢩٛلْ سِمٜيٛنْ، سٜلُمِيٜلْ ࢡِي شُرِسَدَّيْ؞ 7ندٜرْ لٜࢩٛلْ يَحُودَ، نَحَسُنُ ࢡِي عَمِّنَدَبُ؞ 8ندٜرْ لٜࢩٛلْ عِسَّکَرْ، نٜتَنٜيٜلْ ࢡِي شُعَرْ؞ 9ندٜرْ لٜࢩٛلْ زَبُلٛنْ، عٜلِيَبُ ࢡِي حٜلٛنْ؞ 10ندٜرْ لٜࢩٛلْ عٜڢْرَيِمْ ࢡِي يُوسُڢُ، عٜلِيسَمَ ࢡِي عَمِّحُدُ عٜ حَا لٜࢩٛلْ مَنَسَّ بٛو، غَمَلِيٜلْ ࢡِي ݠٜدَشُرُ؞ 11ندٜرْ لٜࢩٛلْ بٜنْيَمِنْ، عَبِدَنْ ࢡِي غِدِعٛنِ؞ 12ندٜرْ لٜࢩٛلْ دَنْ، عَحِعٜزٜرْ ࢡِي عَمِّسَدَّيْ؞ 13ندٜرْ لٜࢩٛلْ عَسٜرْ، ݠَغِيٜلْ ࢡِي عٛکْرَنْ؞ 14ندٜرْ لٜࢩٛلْ غَدَ، عٜلِيَسَڢْ ࢡِي دٜعُوٜلْ؞ 15ندٜرْ لٜࢩٛلْ نٜڢْتَلِ، عَحِيرَ ࢡِي عٜنَنْ؞»

16کَمْࢡٜ نغٛنِ وٛرْࢡٜ سُࢡَاࢡٜ ندٜرْ جَمَعَارٜ، عَرْدِيࢡٜ لٜعِ مُوطُمْعٜنْ، ࢡٜ عَرْدِيࢡٜ عُجِنٜىٰجٜ إِسْرَاءِيلَ؞

17مُوسَى عٜ هَـٰرُونَ کٛوعِ يِمْࢡٜ سُࢡَاࢡٜ عِنْدٜ بٜى عِنْدٜ ࢡٜعٜ؞ 18ࢡٜمٛوࢡْتِ جَمَعَارٜ ڢُو ࢩَنْدٜ غٛعٛورٜ ندٜرْ لٜوْرُ طِطَࢡْرُ؞ إِسْرَاءِيلَعٜنْ ڢُو مبِنْدَامَ ندٜرْ دٜڢْتٜ ڢٛدّٜ عَسْلِ عٜ شِعٜ مُوطُمْعٜنْ؞ ࢡٜمبِنْدِ عِنْطٜ وٛرْࢡٜ ࢡٜ دُوࢡِ نٛوغَسْ عٜ کٛ ࢡُرِ ڢُو، غٛوتٛ غٛوتٛ، 19مُوسَى لِمِ يِمْࢡٜ ندٜرْ لَدّٜ حَمَادَارٜ سِنَ بَنَ جَوْمِرَاوٛ عُمْرُنٛ مٛ؞

20وٛرْࢡٜ ࢡٜ دُوࢡِ نٛوغَسْ عٜ کٛ ࢡُرِ، وَاوَنْࢡٜ حٛوعُغٛ بَلْمِ کٛنُ ڢُو مبِنْدَامَ عِنْدٜ عِنْدٜ، ڢٛدّٜ عَسْلِ مُوطُمْعٜنْ عٜ شِعٜ مُوطُمْعٜنْ؞ ࢡٜݠُطِّرِ بٜى لٜࢩٛلْ رُبٜنْ، عَڢٛ إِسْرَاءِيلَ؞

21لِمْغَلْ لِمَاࢡٜ ندٜرْ لٜࢩٛلْ رُبٜنْ وَطِ عُجِنٜ شَݠَّنْطٜ نَيٛ عٜ نجٛوٜىٰغٛ عٜ تٜىٰمٜطّٜ نجٛوٛ (46,500)؞

22‏-23لٜࢩٛلْ سِمٜيٛنْ‏: عُجِنٜ شَݠَّنْطٜ نجٛوٛ عٜ نجٛوٜىٰنَيٛ عٜ تٜىٰمٜطّٜ تَتٛ (59,300)؞

24‏-25لٜࢩٛلْ غَدَ‏: عُجِنٜ شَݠَّنْطٜ نَيٛ عٜ نجٛوٛ عٜ تٜىٰمٜطّٜ نجٛوٜىٰغٛ عٜ شَݠَّنْطٜ نجٛوٛ (45,650)؞

26‏-27لٜࢩٛلْ يَحُودَ‏: عُجِنٜ شَݠَّنْطٜ نجٛوٜىٰطِطٛ عٜ نَيٛ عٜ تٜىٰمٜطّٜ نجٛوٜىٰغٛ (74,600)؞

28‏-29لٜࢩٛلْ عِسَّکَرْ‏: عُجِنٜ شَݠَّنْطٜ نجٛوٛ عٜ نَيٛ عٜ تٜىٰمٜطّٜ نَيٛ (54,400)؞

30‏-31لٜࢩٛلْ زَبُلٛنْ‏: عُجِنٜ شَݠَّنْطٜ نجٛوٛ عٜ نجٛوٜىٰطِطٛ عٜ تٜىٰمٜطّٜ نَيٛ (57,400)؞

32‏-33لٜࢩٛلْ عٜڢْرَيِمْ ࢡِي يُوسُڢُ‏: عُجِنٜ شَݠَّنْطٜ نَيٛ عٜ تٜىٰمٜطّٜ نجٛوٛ (40,500)؞

34‏-35لٜࢩٛلْ مَنَسَّ ࢡِي يُوسُڢُ‏: عُجِنٜ شَݠَّنْطٜ تَتٛ عٜ طِطٛ عٜ تٜىٰمٜطّٜ طِطٛ (32,200)؞

36‏-37لٜࢩٛلْ بٜنْيَمِنْ‏: عُجِنٜ شَݠَّنْطٜ تَتٛ عٜ نجٛوٛ عٜ تٜىٰمٜطّٜ نَيٛ (35,400)؞

38‏-39لٜࢩٛلْ دَنْ‏: عُجِنٜ شَݠَّنْطٜ نجٛوٜىٰغٛ عٜ طِطٛ عٜ تٜىٰمٜطّٜ نجٛوٜىٰطِطٛ (62,700)؞

40‏-41لٜࢩٛلْ عَسٜرْ‏: عُجِنٜ شَݠَّنْطٜ نَيٛ عٜ نغٛعٛ عٜ تٜىٰمٜطّٜ نجٛوٛ (41,500)؞

42‏-43لٜࢩٛلْ نٜڢْتَلِ‏: عُجِنٜ شَݠَّنْطٜ نجٛوٛ عٜ تَتٛ عٜ تٜىٰمٜطّٜ نَيٛ (53,400)؞

44‏-46بَنَ نِي مُوسَى عٜ هَـٰرُونَ عٜ بَابَ-شِعٜعٜنْ لَاتِيࢡٜ عَرْدِيࢡٜ لٜعِ سَݠّٛ عٜ طِطِ لِمِ وٛرْࢡٜ إِسْرَاءِيلَعٜنْ ࢡٜ دُوࢡِ نٛوغَسْ عٜ کٛ ࢡُرِ وَاوَنْࢡٜ حٛوعُغٛ بَلْمِ کٛنُ ڢُو، ڢٛدّٜ شِعٜ مَࢡّٜ؞ لِمْغَلْ مَࢡّٜ ڢُو وَطِ عُجِنٜ تٜىٰمٜطّٜ نجٛوٜىٰغٛ عٜ تَتٛ عٜ تٜىٰمٜطّٜ نجٛوٛ عٜ شَݠَّنْطٜ نجٛوٛ (603,550)؞

47عَمَّا لٜࢩٛلْ لٜوِعٜنْ، ڢٛدّٜ لٜࢩٛلْ بَابِرَاࢡٜ مُوطُمْعٜنْ لِمْدَاکَ بٜى مَࢡّٜ، 48نغَمْ جَوْمِرَاوٛ وِعْنٛ مُوسَى‏: 49«تَا مبِنْدٜ لٜࢩٛلْ لٜوِ، تَا لِمُ نغٛلْ شَکَ إِسْرَاءِيلَعٜنْ؞ 50عَمَّا حَلْڢِنْ لٜوِعٜنْ کُوغَلْ ندٜرْ جٛوطٛرْدٜ سٜىٰدَمْکُ عَلْکَوَلْ، نٛنْ بٛو کُووْرُطٜ غٛنْطٜ ندٜرْ مَارٜ ڢُو؞ ࢡٜندٛونْدٛ جٛوطٛرْدٜ عٜ کُووْرُطٜ مَارٜ، ࢡٜکُووَ ندٜرْ مَارٜ عٜ ࢡٜشَنغِنَ ندٜرْ تَارْدٜ مَارٜ بٛو؞ 51سٜيْ لٜوِعٜنْ ݠِيسْتَ جٛوطٛرْدٜ سَاعِ ندٜ جَحَانغَلْ عُمّٛتٛ ڢُو؞ ندٜ شَنغِنْتٛنْ ڢُو بٛو، ࢡٜندَرْنَ ندٜ ڢَحِنْ؞ تٛ غٛطّٛ ڢٜىٰرٜ ࢡَدِتَکٜ ندٜ، عٛ مبَرٜتٜىٰطٛ؞ 52إِسْرَاءِيلَعٜنْ لُتُّࢡٜ شَنغِنَ حَا نٛکُّوجٜ مُوطُمْعٜنْ، کٛو مٛيْ بٜى مٛوࢡْرٜ کٛنُ مُمْ، بَنغٜ تُوتَوَلْ ڢٛدّٜ يٜࢡْرٜ مُمْ؞ 53لٜوِعٜنْ کَمْ شَنغِنَ ندٜرْ تَارْدٜ جٛوطٛرْدٜ، نغَمْ تَا تِکّٜرٜ عَمْ عُکّٛ دٛوْ جَمَعَارٜ إِسْرَاءِيلَ؞ ࢡٜشُکْلَنْتٛ کُوطٜ ندٜرْ جٛوطٛرْدٜ سُنْدُکْرُ عَلْکَوَلْ؞» 54إِسْرَاءِيلَعٜنْ مبَطِ ڢُو کَلْ-کَلْ بَنَ نٛ جَوْمِرَاوٛ عُمْرُنٛ مُوسَى؞

Currently Selected:

لِمْلٜ 1: داَ

Highlight

Copy