ڢَرِلَّاجِ لٜوِعٜنْ 27
27
جٛࢡْکِ تٛغَيٜىٰجٜ
1جَوْمِرَاوٛ عُمْرِ مُوسَى، 2عٛوِعَ إِسْرَاءِيلَعٜنْ نِعِ: «تٛ غٛطّٛ تٛغَنَکٜ جَوْمِرَاوٛ حٛکُّغٛ مٛ نٜطّٛ، عٛوَاوَنْ سٛوتُّغٛ نٜطّٛ مَنْ بٜى شٛوتَّارِ دٜيْدٜيْ سَمَنْ کَ عَتَعَتَ، 3-7ڢٛدّٜ تٜدّٜىٰنغَ شٜىٰدٜ سُودُ سٜنِيندُ:
«نغَمْ غٛرْکٛ مٛ دُوࢡِ نٛوغَسْ حَا يٛتّٛ شَݠَّنْطٜ جٛوٜىٰغٛ: شٜىٰدٜ شَرْدِ شَݠَّنْطٜ جٛوِ،
نغَمْ دٜبّٛ: شٜىٰدٜ شَرْدِ شَݠَّنْطٜ تَتِ،
نغَمْ دٜرْکٜىٰجٛ غٛرْکٛ مٛ دُوࢡِ جٛوِ حَا يٛتّٛ نٛوغَسْ: شٜىٰدٜ شَرْدِ نٛوغَسْ،
نغَمْ دٜرْکٜىٰجٛ دٜبّٛ: شٜىٰدٜ شَرْدِ سَݠّٛ،
نغَمْ ࢡِنغٜلْ غٛرْغٜلْ نغٜلْ وَطَايْ دُوࢡِ جٛوِ تَوٛنْ: شٜىٰدٜ شَرْدِ جٛوِ،
نغَمْ ࢡِنغٜلْ دٜيٜلْ: شٜىٰدٜ شَرْدِ تَتِ،
نغَمْ نَيٜىٰجٛ غٛرْکٛ مٛ ࢡُرِ دُوࢡِ شَݠَّنْطٜ جٛوٜىٰغٛ: شٜىٰدٜ شَرْدِ سَݠّٛ عٜ جٛوِ،
نغَمْ ݠُلْدٜبّٛ: شٜىٰدٜ شَرْدِ سَݠّٛ؞
8«تٛ تٛغِيطٛ عٛ تَلَکَاجٛ مٛ وَاوَايْ يٛࢡُغٛ شٛوتَّارِ مَنْ، سٜيْ عٛيَحْرَ نٜطّٛ غٛ يٜىٰسٛ لِمَنْجٛ؞ لِمَنْجٛ بٛو عُسْتَ شٛوتَّارِ دٜيْدٜيْ کٛ تٛغِيطٛ وَاوِ يٛࢡُغٛ ڢٛدّٜ سَمَنْ تَعَاطُمْ؞
9«تٛ تٛغَيٜىٰرٜ لَاتَکٜ دٛوْ ندَبَّاوَ ݠٛتَنْنغَ حٛکّٜىٰغٛ جَوْمِرَاوٛ، ندٜنْ کَمْ دٛکَّلْ نغَلْ غٛطّٛ حٛکِّ جَوْمِرَاوٛ ڢُو، طُمْ شٜنَاطُمْ؞ 10تٛغِيطٛ سَنْجَتَا نغَ بٜى ندَبَّاوَ نغٛطْنغَ، عٛحٛکَّتَا کَلُّنغَ مبَتُّدِ مبٛوطْنغَ مَلَّ مبٛوطْنغَ مبَتُّدِ کَلُّنغَ؞ تٛ عٛوَطِ طُمْ، طِطِ ڢُو لَاتَنْتٛ جَوْمِرَاوٛ؞ 11عَمَّا تٛ تٛغَيٜىٰرٜ لَاتَکٜ دٛوْ ندَبَّاوَ شٛࢡْنغَ نغَ ڢٛتَايْ لِيعَنٜىٰغٛ جَوْمِرَاوٛ، سٜيْ عٛيَحْرَ نغَ حَا لِمَنْجٛ؞ 12لِمَنْجٛ تَعَ سَمَنْ مَاغَ ڢٛدّٜ وٛوطُغٛ مَاغَ مَلَّ عَيْبٜىٰجِ مَاغَ، سَمَنْ مَنْ تَبِتِ؞ 13تٛ غٛطّٛ يِطِ سٛوتُّغٛ#ڢَرِلَّاجِ لٜوِعٜنْ 25:25؞ نغَ، سٜيْ عٛࢡٜسْدَ يٜࢡْرٜ وٛورٜ ندٜرْ غٜࢡٜ جٛوِ دٛوْ سَمَنْ دَرْنَاطُمْ؞
14«تٛ تٛغَيٜىٰرٜ لَاتَکٜ دٛوْ سُودُ، سٜيْ لِمَنْجٛ لَارَ کٛ وٛوطِ حَا مَارُ، کٛ وٛوطَايْ بٛو؞ ندٜنْ عٛتَعَ سَمَنْ مَارُ، سَمَنْ مَنْ تَبِتِ؞ 15تٛ تٛغِيطٛ سُودُ يِطِ سٛوتُّغٛ ندُ، عٛࢡٜسْدَ يٜࢡْرٜ وٛورٜ ندٜرْ غٜࢡٜ جٛوِ دٛوْ سَمَنْ دَرْنَاطُمْ، عٛمَرْتَ سُودُ مَاکٛ؞
16«تٛ تٛغَيٜىٰرٜ لَاتَکٜ دٛوْ تَيْرٜ نغٜسَ حَا مَرَلْ مَاکٛ، سٜيْ عٛنْ دَرْنَ سَمَنْ مَاکَ ڢٛدّٜ طُوطٜىٰنغَ عَاوْدِ عَاوٜتٜىٰندِ ندٜرْ مَاکَ: شٜىٰدٜ شَرْدِ شَݠَّنْطٜ جٛوِ نغَمْ بُحُورٜ سَعِيرُورِ ڢُو؞ 17تٛ عٛتٛغَکٜ نغٜسَ مَنْ ندٜرْ ندُوࢡُ ࢡَاوٛ حِتَاندٜ دِمْطِنٜىٰکِ، سَمَنْ دَرْنَاطُمْ تَبِتِ؞ 18عَمَّا تٛ عٛتٛغَکٜ وَکَّتِ ڢٜىٰرٜ، وَاتٛ ࢡَاوٛ حِتَاندٜ دِمْطِنٜىٰکِ، سٜيْ لِمَنْجٛ تَعَ سَمَنْ مَاکَ ڢٛدّٜ لِمْغَلْ دُوࢡِ لُتَّنْطِ حِتَاندٜ دِمْطِنٜىٰکِ يَالُغٛ، عٛعُسْتَ سَمَنْ مَاکَ بَنَ نٛنْ؞ 19تٛ تٛغِيطٛ کَ يِطِ سٛوتُّغٛ کَ، عٛࢡٜسْدَ يٜࢡْرٜ وٛورٜ ندٜرْ غٜࢡٜ جٛوِ دٛوْ سَمَنْ دَرْنَاطُمْ، ندٜنْ عٛمَرْتَ کَ؞ 20تٛ عٛسٛوتَّايْ کَ، عَمَّا عٛسٛورِّ کَ غٛطّٛ ڢٜىٰرٜ، ندٜنْ کَمْ عٛحٜࢡَتَا سٛوتُّغٛ کَ سَمْ؞ 21تٛ حِتَاندٜ دِمْطِنٜىٰکِ يَالْتِ، نغٜسَ مَنْ لَاتٛتٛ مَرَلْ جَوْمِرَاوٛ، بَنَ کُوجٜ لِيعَنَاطٜ جَوْمِرَاوٛ حَا ڢٛرٛيْ؞ کَ لَاتَنْتٛ لِمَنْعٜنْ؞
22«تٛ غٛطّٛ سٛودِ نغٜسَ، تٛغَنَکٜ کَ جَوْمِرَاوٛ، 23سٜيْ لِمَنْجٛ تَعَ سَمَنْ مَاکَ ڢٛدّٜ لِمْغَلْ دُوࢡِ لُتَّنْطِ حِتَاندٜ دِمْطِنٜىٰکِ يَالْتُغٛ؞ سٜيْ عٛيٛࢡَ سَمَنْ مَنْ ࢩَلَادٜ مَنْ، شٜىٰدٜ طٜعٜ جَوْمِرَاوٛ جٜيِ؞ 24ندٜرْ حِتَاندٜ دِمْطِنٜىٰکِ، مَرْنٛوطٛ نغٜسَ مَلَّ دَࢩْغٛلْ مُمْ حٜࢡْتَنْ کَ؞
25«سٜيْ سَمَنْ ڢُو تَعٜ ڢٛدّٜ عٜتِرْغَلْ سُودُ سٜنِيندُ، سُلٜيْجٜ تٜىٰمٜرّٜ ڢُو وَطَنْ بَاکِنْ کِلٛ غٛوتٜلْ؞
26«غٛطّٛ تٛغَنْتَاکٛ جَوْمِرَاوٛ عَڢِ دَبَّاجِ مُمْ، نغَمْ جَوْمِرَاوٛ مَرِ طِ ڢٛدّٜ عُمْرٛورٜ مُمْ؞ تٛ طُمْ ࢡِي نَغّٜ مَلَّ ࢡِي ندَمّٛووَ، جَوْمِرَاوٛ مَرِ طُمْ؞ 27عَمَّا تٛ عٛنْ نغِطِ، عٛنْ شٛوتَّنْ عَڢِ دَبَّاجِ کَرْمِنَاطِ، عٛنْ نجٛࢡَ سَمَنْ تَعَاطٛ، عٛنْ ࢡٜسْدَ دٛوْ مَاجُمْ يٜࢡْرٜ وٛورٜ ندٜرْ غٜࢡٜ جٛوِ بٛو؞ تٛ عٛنْ شٛوتَّايْ طِ، لِمَنْجٛ ڢٛتَنْ سٛورُّغٛ طِ ڢٛدّٜ سَمَنْ تَعَاطٛ؞
28«کٛ غٛطّٛ لِيعَنِ جَوْمِرَاوٛ حَا ڢٛرٛيْ ڢُو، کٛو نٜطّٛ کٛو ندَبَّاوَ کٛو نغٜسَ مَرَلْ مَاکٛ، عٛڢٛتَايْ سٛورُّغٛ طُمْ مَلَّ سٛوتُّغٛ طُمْ؞ لِيعَاطُمْ طُعُمْ ڢُو لَاتِ ࢡُرْطُمْ سٜنَاغٛ، طُمْ لَاتَکٜ مَرَلْ جَوْمِرَاوٛ؞ 29نٜطّٛ لِيعَنَاطٛ جَوْمِرَاوٛ بٛو سٛوتَّتَاکٜ، عٛ مبَرٜتٜىٰطٛ ڢَکَتْ؞
30«زَکَّ ࢨَامْلٜ غٜسٜ عٜ ࢡِࢡّٜ لٜطّٜ ڢُو، جَوْمِرَاوٛ جٜيِ، طُمْ شٜنَاطُمْ نغَمْ مَاکٛ؞ 31تٛ غٛطّٛ يِطِ سٛوتُّغٛ طُمْ، سٜيْ عٛيٛࢡَ سَمَنْ مَاجُمْ، عٛࢡٜسْدَ دٛوْ مَاجُمْ يٜࢡْرٜ وٛورٜ ندٜرْ غٜࢡٜ جٛوِ بٛو؞ 32ندٜرْ دَبَّاجِ سَارٜ سَݠّٛ ڢُو، سَݠّٛووَ مَنْ جَوْمِرَاوٛ جٜيِ، نغَ شٜنَانغَ نغَمْ مَاکٛ؞ 33تَا جَوْمِيجِ سٜنْدِندِرَ بٛوطِّ بٜى طِ مبٛوطَايْ، تَا عٛسَنْجَ طِ بٛو؞ تٛ عٛسَنْجِ نغٛطْنغَ بٜى نغٛطْنغَ، طِطِ ڢُو لَاتٛتٛ شٜنَاطِ نغَمْ جَوْمِرَاوٛ؞ جَوْمِيجِ ڢٛتَايْ سٛوتُّغٛ طِ؞»
34کَنْجُمْ وٛنِ عُمْرٛوجٜ طٜ جَوْمِرَاوٛ عُمْرِ مُوسَى دٛوْ حٛوسٜىٰرٜ سِنَ نغَمْ إِسْرَاءِيلَعٜنْ؞
Currently Selected:
ڢَرِلَّاجِ لٜوِعٜنْ 27: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
