لِمْلٜ 36
36
ندٛنْنغُ رٜوْࢡٜ تٜعَاࢡٜ
1بَابَ-شِعٜعٜنْ#36:1 بَابَ-شِعٜعٜنْ مَلَّ بَابَ-شَلَاجٜعٜنْ؞ ندٜرْ شِعٜ غِلٜعَتْ ࢡِي مَکِرْ ࢡِي مَنَسَّ ࢡِي يُوسُڢُ نغَرِ حَا مُوسَى عٜ عَرْدِيࢡٜ لٜعِ إِسْرَاءِيلَ، 2ࢡٜمبِعِ: «جَوْمِرَاوٛ عُمْرِ مَ عَسٜنْدَنَ إِسْرَاءِيلَعٜنْ لٜسْدِ مَرَلْ مُوطُمْعٜنْ بٜى کُرْعُ؞ عٛعُمْرِ مَ بٛو عَحٛکَّ ࢡِࢡّٜ شٜلٛڢْحَدْ رٜوْࢡٜ غٜطَلْ بَابَ مَࢡّٜ، بَنْدِرَاوٛ عَمِنْ؞ 3کَدِ، تٛ وٛرْࢡٜ لٜࢩٛلْ غٛطْنغٛلْ ندٜرْ إِسْرَاءِيلَ تٜعِ ࢡٜ، ندٜنْ کَمْ مَرَلْ مَࢡّٜ لَاتَنْتٛ لٜࢩٛلْ مَنْ، مَرَلْ عَمِنْ عُسْتٛتٛ؞ 4ندٜرْ حِتَاندٜ دِمْطِنٜىٰکِ بٛو، سَاعِ مَرَلْ شٛورَّانغَلْ ڢُو وَرْتَنْتَ مَرْطٛ طُمْ نَانٜ، ندٛنْنغُ مَࢡّٜ لَاتَنْتٛ لٜࢩٛلْ وٛرْࢡٜ مَࢡّٜ حَا ڢٛرٛيْ، مَجِّرَنْ لٜࢩٛلْ عَمِنْ؞»
5مُوسَى عَنْدِنِ إِسْرَاءِيلَعٜنْ کٛ جَوْمِرَاوٛ عُمْرِ طُمْ؞ عٛوِعِ: «لٜࢩٛلْ يِمْࢡٜ يُوسُڢُ وِعِ غٛونغَ؞ 6ندَا کٛ جَوْمِرَاوٛ عُمْرَنِ ࢡِࢡّٜ شٜلٛڢْحَدْ رٜوْࢡٜ: ࢡٜتٜعَنْ بٜى کٛو مٛيْ ڢٛتَّنِ ࢡٜ، عَمَّا سٜيْ بٜى وٛرْࢡٜ لٜࢩٛلْ بَابَ مَࢡّٜ تَنْ؞ 7مَرَلْ کٛو مٛيْ عِسْرَعِيلَاجٛ لَاتَنٛ لٜࢩٛلْ مَاکٛ، لَاتَنْتَاکٛ لٜࢩٛلْ ڢٜىٰرٜ؞ بَنَ نٛنْ إِسْرَاءِيلَعٜنْ ڢُو نجٛغٛرْتٛ مَرَلْ لٜࢩٛلْ مُوطُمْعٜنْ؞ 8کٛو مٛيْ دٜبّٛ دٛنَنْطٛ مَرَلْ ندٜرْ لٜࢩٛلْ إِسْرَاءِيلَ کٛو نغٛلٜ، تٜعْرَ بٜى غٛرْکٛ لٜࢩٛلْ مُمْ؞ بَنَ نٛنْ لٜعِ إِسْرَاءِيلَعٜنْ نجٛغٛرْتٛ ندٛنْنغُ کَاکِرَاࢡٜ مُوطُمْعٜنْ؞ 9مَرَلْ مَنْ لَاتَنْتَاکٛ لٜࢩٛلْ غٛطْنغٛلْ، عَمَّا نغَلْ تَبِتَنْ ندٜرْ لٜࢩٛلْ غٛوتٛلْ؞ إِسْرَاءِيلَعٜنْ ڢُو شٛلَنْتٛ مَرَلْ مُوطُمْعٜنْ؞»
10ࢡِࢡّٜ شٜلٛڢْحَدْ رٜوْࢡٜ مبَطِ بَنَ جَوْمِرَاوٛ عُمْرُنٛ مُوسَى؞ 11مَحَلَ، تِرْسَ، حٛغِلَ، مِلْکَ عٜ نٛعَ تٜعْرِ بٜى ࢡِࢡّٜ وَݠَّࢩْࢡٜ مُوطُمْعٜنْ؞ 12ࢡٜ تٜعَاࢡٜ وٛرْࢡٜ لٜࢩٛلْ مَنَسَّ ࢡِي يُوسُڢُ؞ بَنَ نٛنْ ندٛنْنغُ مَࢡّٜ لُتَّنِ لٜࢩٛلْ بَابَ مَࢡّٜ؞
13کَنْجُمْ وٛنِ عُمْرٛوجٜ عٜ کِيتَاجِ طِ جَوْمِرَاوٛ عُمْرِ إِسْرَاءِيلَعٜنْ بٜى حُنْدُکٛ مُوسَى، ندٜرْ لَطّٜ مٛعَبْ بَنغٜ عُرْدُنْ، حَا ڢُونَانغٜ يٜرِکٛ؞
Currently Selected:
لِمْلٜ 36: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
