تٛوکْتَاکِ تَوْرٜىٰتَ نَسْتُکِ
نَسْتُکِ
دٜڢْتٜرٜ تٛوکْتَاکِ تَوْرٜىٰتَ طٛنْ حَوْتَ وَازُوجِ طِ مُوسَى وَطَنِ إِسْرَاءِيلَعٜنْ ندٜرْ لَطّٜ مٛعَبْ؞ ࢡٜݠَࢡِّ تٛنْ سٜطَّ حَا تِمّٛودٜ جَحَانغَلْ مَࢡّٜ ندٜرْ لَدّٜ، سَاعِ ࢡٜࢡَدِ نَسْتُغٛ لٜسْدِ کَنَانَ؞
ندَا کُبَرُوجِ مَوْطِ ندٜرْ دٜڢْتٜرٜ ندٜعٜ:
1؞ مُوسَى سِڢْتِنٛرِ يِمْࢡٜ کُوطٜ مَوْطٜ طٜ اَللَّه جَوْمِرَاوٛ حُووِ يَاکٜ ࢡٜنغُرْتِ لٜسْدِ مِصْرَ؞ عٛحَࢡِّ عَلْکَوَلْ بٜى عُمَّاتٛورٜ مَاکٛ؞ عٛطٛوِ ࢡٜ ندٜرْ دُوࢡِ شَݠَّنْطٜ نَيِ ندٜرْ لَدّٜ؞ عٛحِسْنِ ࢡٜ جُوطٜ کٛنّٜعٜنْ مَࢡّٜ؞ عٛحٛکِّ ࢡٜ عُمْرٛوجٜ مَاکٛ عٜ عٛوَطَنِ ࢡٜ عِينَاجِ، عٛسِڢْتِنٛرِ نٛ بٜى مٛعّٜرٜ مَاکٛ عٛحِسْنِرِ ࢡٜ، نَا نغَمْ ࢡٜکٜعِ طُمْ (6:7-8)؞
2؞ مُوسَى سِڢْتِنٛرِ ࢡٜ عُمْرٛوجٜ اَللَّه سَݠّٛ، عٛسَرْوِ يِمْࢡٜ ࢡٜنُطِّنَ اَللَّه ڢٜىٰرٜ مُمْ (4:39؛ 6:14-15)؞ ندٜنْ عٛعٜکِّتِنِ ࢡٜ دٛوکَاجِ غٛطِّ دَرْنَنْطِ يَحْدُ مَࢡّٜ ندٜرْ لٜسْدِ کَنَانَ؞
3؞ مُوسَى سِڢْتِنٛرِ يِمْࢡٜ نَڢُودَ عَلْکَوَلْ اَللَّه نغَمْ مَࢡّٜ؞ عٛتِطِّنِ ࢡٜ تٛکَّاغٛ بٛلّٜ مَاغَلْ ڢٛرٛيْ بٜى سٜمْبٜ؞ عٛتِنْدِنِ ࢡٜ بَرْکَاجِ دٛوْ طٛوْتَارٜ عٜ نَالٛوجٜ دٛوْ سٛويْندٜ طٛوْتَارٜ (27–28)؞ عٛوَسِ ࢡٜسُࢡُغٛ لَاوٛلْ طٛوْتَارٜ، دٛکَّنْنغٛلْ نغٜىٰندَمْ (30:15-20)؞
4؞ يٛسُوَ حَلْڢِنَامَ کُوغَلْ مُوسَى، عٛلَاتِ حٛورٜىٰجٛ إِسْرَاءِيلَعٜنْ؞ مُوسَى مَنغْتِ غٛونغَاکُ اَللَّه بٜى يِمْرٜ، ندٜنْ عٛبَرْکِطِنِ لٜعِ إِسْرَاءِيلَ سَݠّٛ عٜ طِطِ؞ ࢡَاوٛ مَاجُمْ عٛمَايِ ندٜرْ لٜسْدِ مٛعَبْ حَا ڢُونَانغٜ مَايٛ عُرْدُنْ؞
بٛلّٜ مَوْطٜ تَوٜتٜ حَا ڢَسْلُوٛلْ 6:4-6؞ عِيسَى عٜوْنِ طٜ عُمْرٛورٜ ࢡُرْندٜ مَوْنُغٛ عٜ تٜدُّغٛ: «يِطْ جَوْمِرَاوٛ اَللَّه مَاطَ بٜى ࢡٜرْندٜ مَ ڢُو عٜ يٛنغْکِ مَ ڢُو عٜ سٜمْبٜ مَ ڢُو؞»
تٛکِّنْدِرْکِ حَالَاجِ:
وَازُ مُوسَى عَرَنُ 1:1–4:43
وَازُ مُوسَى طِطَࢡُ 4:44–26:19
بٛلّٜ عَرَنْدٜىٰجٜ 4:44-49
شِڢْتٛرْکِ عٜ تِنْدِنٛورٜ دٛوْ عُمْرٛوجٜ سَݠّٛ 5:1–11:31
دٛوکَاجِ عٜ وَسُيٜىٰجِ عٜ تٛکِّتَاکِ عُمْرٛوجٜ غٛطّٜ 12:1–26:19
نَالٛوجٜ عٜ بَرْکَاجِ 27:1–28:68
تَبِتِنْکِ عَلْکَوَلْ اَللَّه بٜى إِسْرَاءِيلَعٜنْ 28:69–30:20
بٛلّٜ مُوسَى رَغَرٜىٰجٜ 31:1–33:29
مَايْدٜ مُوسَى 34:1-12
Currently Selected:
تٛوکْتَاکِ تَوْرٜىٰتَ نَسْتُکِ: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.