لِمْلٜ 19
19
ندٛونْدِ نَغّٜ وٛطٜىٰيٜ
1جَوْمِرَاوٛ وِعِ مُوسَى عٜ هَـٰرُونَ، 2ࢡٜعَنْدِنَ إِسْرَاءِيلَعٜنْ ڢَرِلَّ کَ عٛعُمْرِ ࢡٜ: «نغَدّٜ نَغّٜ وٛطٜىٰيٜ نغٜ وَلَا عَيْبٜ، نغٜ مٜىٰطَايْ کَࢡِّرْغَلْ؞ 3ندٛکّٜ نغٜ عٜلِعَزَارُ لِمَنْجٛ؞ غٛطّٛ يَحْرَ نغٜ يَاسِ سَنغٜىٰرٜ، حِرْسَ نغٜ يٜىٰسٛ لِمَنْجٛ؞ 4عٜلِعَزَارُ حٛوعَ ࢨِيࢨَمْ مَاغٜ سٜطَّ بٜى حٛوندُ مُمْ، وِشَّ طَمْ ندٜ جٛوٜىٰطِطِ حٜىٰدِ لَيْمَارُ ڢٛتِّرْدٜ؞ 5ندٜنْ غٛطّٛ غٛ وُلَ نَغّٜ مَنْ يٜىٰسٛ لِمَنْجٛ، لَرَلْ عٜ کُسٜلْ عٜ ࢨِيࢨَمْ عٜ تٜتٜکِ ڢُو؞ 6لِمَنْجٛ حٛوعَ تَيْرٜ لٜغَّلْ شٜمْبِطْنغَلْ عٜ حَاکٛ عِسٛݠْ#19:6 لَارْ غُرْتَاکِ 12:22؛ ڢَرِلَّاجِ لٜوِعٜنْ 14:4؛ جَبُورَ 51:9؞ عٜ لٜݠّٜلْ بٛطٜىٰيٜلْ شٛيْ، سَکِّنَ طُمْ ندٜرْ يِيتٜ وُلَنْنغٜ نَغّٜ؞ 7ࢡَاوٛ مَنْ عٛلٛوتَ لِمْشٜ مَاکٛ، عٛيِيوٛ؞ ندٜنْ عٛلٛرٛ حَا سَنغٜىٰرٜ، عَمَّا عٛلَاتٛتٛ شٛࢡْطٛ حَا کِيکِيطٜ؞ 8غُلْطٛ نَغّٜ غٛ، کَࢩُمْ بٛو لٛوتَ لِمْشٜ مُمْ، عٛيِيوٛ، عَمَّا عٛلَاتٛتٛ شٛࢡْطٛ حَا کِيکِيطٜ؞ 9غٛطّٛ مٛ سٛࢡَايْ، ࢡٛڢْتَ ندٛونْدِ نَغّٜ مَنْ، يَحْرَ ندِ حَا نٛکُّورٜ سٜنَاندٜ يَاسِ سَنغٜىٰرٜ؞ جَمَعَارٜ إِسْرَاءِيلَ سِغٛ ندِ تٛنْ نغَمْ تَاسْکِتِنْکِ ندِيَمْ عِتِّرْطَمْ شٛࢡْکِ؞ کَنْجُمْ وٛنِ کِرْسٜتٜىٰنغَ نغَمْ عِتُّکِ حَکّٜ؞ 10ࢡٛڢْتُطٛ ندٛونْدِ لٛوتَ لِمْشٜ مُمْ، عَمَّا عٛلَاتٛتٛ شٛࢡْطٛ حَا کِيکِيطٜ؞ طُمْ لَاتٛتٛ ڢَرِلَّ ندُومِيکَ حَا ڢٛرٛيْ شَکَ إِسْرَاءِيلَعٜنْ عٜ حٛطْࢡٜ وٛنْࢡٜ شَکَ مَࢡّٜ ڢُو؞»
ندِيَمْ عِتِّرْطَمْ شٛࢡْکِ
11«کٛو مٛيْ مٜىٰمِ مَايْطٛ، سٛࢡَنْ ࢩَلْطٜ جٛوٜىٰطِطِ؞ 12سٜيْ عٛلَࢡِّنَ حٛورٜ مَاکٛ بٜى ندِيَمْ عِتِّرْطَمْ شٛࢡْکِ، ࢩَنْدٜ تَتَࢡْرٜ عٜ ࢩَنْدٜ جٛوٜىٰطِطَوْرٜ، ندٜنْ عٛلَاࢡَنْ؞ عَمَّا تٛ عٛلَࢡِّنَايْ حٛورٜ مَاکٛ ࢩَنْدٜ تَتَࢡْرٜ عٜ ࢩَنْدٜ جٛوٜىٰطِطَوْرٜ، عٛلَاࢡَتَا؞ 13مٜىٰمْطٛ مَايْطٛ ڢُو، تٛ لَࢡِّنَايْ حٛورٜ مُمْ، طٛنْ سٛࢡْنَ جٛوطٛرْدٜ جَوْمِرَاوٛ؞ عٛ غُرْتِنْتٜىٰطٛ دِغَ إِسْرَاءِيلَ نغَمْ عٛ شٛࢡْطٛ مٛ وِشَّاکَ ندِيَمْ عِتِّرْطَمْ شٛࢡْکِ، شٛࢡْکِ مَاکٛ طٛنْ تَبِتِ؞
14«ندَا عُمْرٛورٜ تٛ غٛطّٛ مَايِ ندٜرْ لَيْمَارُ: کٛو مٛيْ غٛنْطٛ تٛنْ سَاعِ مَنْ ڢُو مَلَّ نَسْتُطٛ تٛنْ، لَاتٛتٛ شٛࢡْطٛ ࢩَلْطٜ جٛوٜىٰطِطِ؞ 15ڢَيَنْدٜ کٛو ندٜيٜ ندٜ وَلَا مَࢡّٛودٜ حَࢡَّاندٜ دٛوْ مُوطُمْ، سٛࢡَنْ؞ 16مٜىٰمْطٛ مبَرَاطٛ بٜى کَاڢَحِ مَلَّ مَايْطٛ مَلَّ عِعٜ غٛطّٛ مَلَّ يٜنَاندٜ حَا لَدّٜ ڢُو سٛࢡَنْ ࢩَلْطٜ جٛوٜىٰطِطِ؞
17«تٛ غٛطّٛ سٛࢡِ، سٜيْ عٛنْ کٛوعَ ندٛونْدِ نَغّٜ وُلَانغٜ نغَمْ عِتُّکِ حَکّٜىٰجِ غٛ سٜطَّ، عٛنْ مبَطَ ندِ حَا ڢَيَنْدٜ، عٛنْ ندُڢَ ندِيَمْ سٜىٰࢡٛورٜ دٛوْ مَارِ؞ 18غٛطّٛ مٛ سٛࢡَايْ، حٛوعَ لِسَلْ عِسٛݠْ، سُووَ نغَلْ ندٜرْ ندِيَمْ، وِشَّ طَمْ دٛوْ سُودُ عٜ کُوجٜ غٛنْطٜ ندٜرْ مَارُ عٜ يِمْࢡٜ وٛنْࢡٜ ندٜرْ مَارُ ڢُو، نٛنْ بٛو دٛوْ مٜىٰمْطٛ عِعٜ غٛطّٛ مَلَّ مبَرَاطٛ مَلَّ مَايْطٛ مَلَّ يٜنَاندٜ؞ 19مٛ سٛࢡَايْ، وِشَّ طَمْ دٛوْ شٛࢡْطٛ ࢩَنْدٜ تَتَࢡْرٜ عٜ ࢩَنْدٜ جٛوٜىٰطِطَوْرٜ؞ ࢩَنْدٜ جٛوٜىٰطِطَوْرٜ شٛࢡْنٛوطٛ لَࢡِّنَنْ حٛورٜ مُمْ، لٛوتَ لِمْشٜ مُمْ، يِيوٛ، کِيکِيطٜ مَنْ عٛلَاࢡَنْ؞
20«شٛࢡْطٛ مٛ لَࢡِّنَايْ حٛورٜ مُمْ، عٛ غُرْتِنْتٜىٰطٛ دِغَ مٛوࢡْتٛرْدٜ إِسْرَاءِيلَعٜنْ نغَمْ عٛسٛࢡْنِ سُودُ جَوْمِرَاوٛ سٜنِيندُ؞ عٛلَاتِ شٛࢡْطٛ نغَمْ ندِيَمْ عِتِّرْطَمْ شٛࢡْکِ وِشَّاکَ دٛوْ مَاکٛ؞ 21طُمْ لَاتَنْتٛ عٛنْ ڢَرِلَّ ندُومِيکَ حَا ڢٛرٛيْ؞ بِشُّطٛ ندِيَمْ عِتِّرْطَمْ شٛࢡْکِ، کَنغْکٛ بٛو عٛلٛوتَ لِمْشٜ مَاکٛ؞ نغَمْ کٛو مٛيْ مٜىٰمِ ندِيَمْ مَنْ، سٛࢡَنْ حَا کِيکِيطٜ؞ 22کٛ شٛࢡْطٛ مٜىٰمِ ڢُو، سٛࢡَنْ؞ کٛو مٛيْ مٜىٰمِ طُمْ بٛو، سٛࢡَنْ حَا کِيکِيطٜ؞»
Currently Selected:
لِمْلٜ 19: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
