لِمْلٜ 11
11
يِيتٜ حَا تَبٜعٜرَ
1عُمَّاتٛورٜ إِسْرَاءِيلَ وٛيَنِ جَوْمِرَاوٛ بَنَ تٛ سَرُّ حٜࢡِ ندٜ؞ ندٜ جَوْمِرَاوٛ نَنِ طُمْ، عٛتِکِّ مَسِنْ، عٛحُࢡِّ يِيتٜ شَکَ مَࢡّٜ، نغٜ ࢩَامِ سٜࢡَتّٛ سَنغٜىٰرٜ؞ 2ࢡٜنغٛوکَنِ مُوسَى، کَنغْکٛ عٛتٛرِ جَوْمِرَاوٛ، ندٜنْ يِيتٜ مَنْ ࢩِڢِ؞ 3ࢡٜعٜوْنِ نٛکُّورٜ ندٜعٜ تَبٜعٜرَ#11:3 تَبٜعٜرَ يِطِ وِعْغٛ وُلُغٛ؞، نغَمْ حَا تٛنْ يِيتٜ جَوْمِرَاوٛ حُࢡِّ شَکَ مَࢡّٜ؞
مُوسَى سُࢡِ عَرْدِيࢡٜ شَݠَّنْطٜ نجٛوٜىٰطِطٛ
4زِندَرْ#11:4 زِندَرْ طُمْ سُونٛ کُسٜلْ؞ وَطِ جَنَنْࢡٜ يَحْدُࢡٜ بٜى إِسْرَاءِيلَعٜنْ؞ ندٜنْ إِسْرَاءِيلَعٜنْ بٛو ݠُطِّتِ سِنغْکُغٛ، مبِعِ: «مٛيْ حٛکَّتَ عٜنْ کُسٜلْ حَا عٜنْ ࢩَامَ؟ 5کَيَّ! شِڢْتٛرٜ، حَا مِصْرَ عٜنْ طٛنّٛ ࢩَامَ لِطِّ بِلَا سٛودُغٛ عٜ عٜنْ طٛنّٛ ࢩَامَ بَيْغٛوجٜ عٜ کُرْشِيجٜ عٜ حَاکٛوجِ عٜ تِنغٜىٰجٜ عٜ عَلْبَشّٜ؞ 6عَمَّا جٛنْتَ کٛنْدٛنْدِ مٜنْ نجٛورِ؞ وَلَا کٛو طُمٜ، سٜيْ مَنُّ تَنْ عٜنْ نغِعَتَ!»
7مَنُّ مَنْ نَنْدِ بٜى عَاوْدِ ڢَمَرْدِ، ندَنٜىٰرِ بَنَ طَشّٜ لٜکِّ؞ 8يِمْࢡٜ طٛنْ شَنغْکِتٛ، مٛوࢡْتَ ندُ؞ ندٜنْ ࢡٜنَمَ ندُ دٛوْ نَمْرُدٜ مَلَّ ࢡٜعُنَ ندُ، ࢡٜندٜڢَ ندُ ندٜرْ ݠَيَنْطٜ مَلَّ ࢡٜمبَطَ تَمْسٜىٰجٜ بٜتّٜ بٜى مَنْ بٛو؞ ندُ وٜلِ بَنَ تَمْسٜىٰجٜ شَعَاطٜ بٜى نٜبَّمْ؞ 9مَنُّ مَنْ طٛنْ سَامَ بٜى جٜمَّ دٛوْ سَنغٜىٰرٜ حَوْتَادٜ بٜى سَاوَوْرٜ؞
10مُوسَى نَنِ بٛجِّ يِمْࢡٜ غٛ، کٛو مٛيْ طٛنْ دَرٛدِ بٜى يِمْࢡٜ سَارٜ مُمْ حَا نَسْتِرْدٜ لَيْمَارُ مُمْ؞ جَوْمِرَاوٛ تِکَّنِ ࢡٜ مَسِنْ؞ ࢡٜرْندٜ مُوسَى بٛو مٜتِّ 11دٛوْ جَوْمِرَاوٛ، ندٜنْ عٛوِعِمٛ: «کٛنِ مبَطَّ مَشُّطٛ مَ کَلُّطُمْ؟ نغَمْ طُمٜ مِحٜࢡَايْ مٛعّٜرٜ حَا مَاطَ؟ کٛنِ نجٛوَنْطَ مِدٛنغَلْ يِمْࢡٜ عُمَّاتٛورٜ ندٜعٜ ڢُو؟ 12کَدِ مِنْ دَࢩِ ࢡٜ ڢُو نَ؟ کٛنِ عُمْرُطَامِ مِجٛغٛ ࢡٜ بَنَ مُسِنِنٛووٛ جٛغٛرْتٛ مُسِنَنْنغٜلْ، مِيَحْرَ ࢡٜ دٛوْ جُوطٜ عَمْ حَا يٛتّٛ لٜسْدِ ندِ کُنَنِيطَ کَاکِرَاࢡٜ مَࢡّٜ عَحٛکَّنْ ࢡٜ ندِ؟ 13تٛيْ کٜࢡَنْمِ کُسٜلْ حَا مِࢩَامْنَ يِمْࢡٜ عُمَّاتٛورٜ ندٜعٜ ڢُو؟ نغَمْ ࢡٜعَشَّايْ سِنغْکُغٛ، ࢡٜطٛنْ تٛکِّ ࢨَمُغٛ يَمْ کُسٜلْ! 14مِنْ ڢٜىٰرٜ عَمْ مِوَاوَتَا سُکْلَنَاغٛ عُمَّاتٛورٜ ندٜعٜ ڢُو، نغَمْ ندٜ تٜدَّنِ يَمْ مَسِنْ! 15تٛ نٛنْ کَمْ، ندِکَّ مبَرَ مِ، تٛ عَيٜرْدَکٜ طُمْ، نغَمْ تَا مِتٛکّٛ يِعُغٛ سَرُّ نغُ عَعُکَّنِ يَمْ؞»
16جَوْمِرَاوٛ وِعِ مُوسَى: «مٛوࢡْتَنَمْ ندٛتِّعٜنْ شَݠَّنْطٜ نجٛوٜىٰطِطٛ، ندٛتِّعٜنْ شَکَ إِسْرَاءِيلَعٜنْ ࢡٜ عَنْدُطَ عٜ کَلِيڢَعٜنْ؞ يَحْرُ ࢡٜ حَا لَيْمَارُ ڢٛتِّرْدٜ، ࢡٜندَرٛدٛ تٛنْ بٜى مَاطَ؞ 17مِجِݠّٛتٛ، مِوٛلِدَ بٜى مَاطَ؞ مِحٛوعَنْ حَا رُوحُ غٛنْطٛ ندٜرْ مَ، مِحٛکَّ ࢡٜ طُمْ؞ ندٜنْ کَمْ ࢡٜندٛوندٛدٛتّٛ بٜى مَ دٛنغَلْ عُمَّاتٛورٜ ندٜعٜ، عَرٛوندَتَاکٛ نغَلْ عَنْ ڢٜىٰرٜ مَ ڢَحِنْ؞ 18وِعْ إِسْرَاءِيلَعٜنْ بٛو ࢡٜشٜنَ کٛعٜ مَࢡّٜ نغَمْ جَنغٛ، ࢡٜࢩَامَنْ کُسٜلْ؞ جَوْمِرَاوٛ نَنِ بٛجِّ مٛوطٛنْ حٜىٰدِ مُوطُمْ بٜى وِعْغٛ: مٛيْ حٛکَّتَ عٜنْ کُسٜلْ حَا عٜنْ ࢩَامَ؟ حَا مِصْرَ عٜنْ طٛنّٛ ندٜرْ حَيْرُ! جَوْمِرَاوٛ حٛکَّنْ عٛنْ کُسٜلْ، عٛنْ ࢩَامَنْ نغٜلْ بٛو؞ 19عٛنْ ࢩَامَتَا نغٜلْ ࢩَلَادٜ وٛورٜ مَلَّ ࢩَلْطٜ طِطِ مَلَّ جٛوِ مَلَّ سَݠّٛ مَلَّ نٛوغَسْ تَنْ، 20عَمَّا عٛنْ ࢩَامَنْ نغٜلْ دٜيْدٜيْ لٜوْرُ ڢُو، حَا عٛنْ شَڢْتَ، حَا عٛنْ تُوتَ نغٜلْ؞ نغَمْ عٛنْ نغُدِنِ جَوْمِرَاوٛ غٛنْطٛ شَکَ مٛوطٛنْ، عٛنْ مبٛيِ يٜىٰسٛ مَاکٛ، عٛنْ مبِعِ: کٛنِ عٜنْ نغُرْتِ لٜسْدِ مِصْرَ؟»
21مُوسَى وِعِ جَوْمِرَاوٛ: «عَسٜى! وٛرْࢡٜ يَحٛوࢡٜ بٜى کٛسْطٜ عُجِنٜ تٜىٰمٜطّٜ نجٛوٜىٰغٛ (600,000) طٛنْ نغٛنْدِ بٜى عَمْ؞ عَنْ بٛو عَوِعِ عَحٛکَّنْ ࢡٜ کُسٜلْ، ࢡٜࢩَامَ نغٜلْ دٜيْدٜيْ لٜوْرُ ڢُو! 22تٛ ࢡٜکِرْسِ نَعِ عٜ دَمّٛوجِ، طُمْ حٜعَنْ ࢡٜ نَ؟ مَلَّ تٛ ࢡٜنَنغِ لِطِّ ڢُو ندٜرْ مبٜىٰلَ، طُمْ حٜعَنْ ࢡٜ نَ؟» 23جَوْمِرَاوٛ جَابِ مُوسَى: «کَدِ جُنغٛ عَمْ رَمِّ نَ؟ عَيِعَنْ تٛ وٛلْدٜ عَمْ غٛونغْطَنْ مَلَّ غٛونغْطَتَا؞»
24مُوسَى وُرْتِ، يٜشِّ عُمَّاتٛورٜ کٛ جَوْمِرَاوٛ وِعِمٛ ڢُو؞ عٛمٛوࢡْتِ شَݠَّنْطٜ نجٛوٜىٰطِطٛ شَکَ ندٛتِّعٜنْ، عٛدَرْنِ ࢡٜ ندٜرْ تَارْدٜ لَيْمَارُ ڢٛتِّرْدٜ؞ 25ندٜنْ جَوْمِرَاوٛ جِݠِّ ندٜرْ رُولْدٜ، وٛلْوَنِ مُوسَى، حٛوعِ حَا رُوحُ غٛنْطٛ ندٜرْ مَاکٛ، حٛکِّ طُمْ ندٛتِّعٜنْ غٛ؞ ندٜ رُوحُ مَنْ جِݠِّ دٛوْ مَࢡّٜ، لَوْ ࢡٜمبَطِ عَنَّبَاکُ، عَمَّا ࢡَاوٛطٛنْ طُمْ تٛکِّتَاکِ؞
26طِطٛ مَࢡّٜ، عٜلْدَتْ عٜ مٜىٰدَتْ، طٛنّٛ ندٜرْ سَنغٜىٰرٜ، ࢡٜنغَرَايْ حَا لَيْمَارُ ڢٛتِّرْدٜ؞ رُوحُ جِݠِّ دٛوْ مَࢡّٜ، کَمْࢡٜ بٛو ࢡٜمبَطِ عَنَّبَاکُ تٛنْ ندٜرْ سَنغٜىٰرٜ؞ 27سُکَاجٛ ڢٜىٰرٜ دٛغِّ مَاتِنِ مُوسَى، يٜشِّمٛ نٛ عٜلْدَتْ عٜ مٜىٰدَتْ طٛنْ مبَطَ عَنَّبَاکُ ندٜرْ سَنغٜىٰرٜ! 28يٛسُوَ ࢡِي نُونَ، بَلّٛووٛ مُوسَى دِغَ ندٜرْکَاکُ مُمْ، وِعِ: «حَطْ ࢡٜ، جَاغٛرْطٛ عَمْ!» 29عَمَّا مُوسَى جَابِمٛ: «عَحَاجَنْتَمْ نَ؟ جَوْمِرَاوٛ حٛکُّمَ يِمْࢡٜ مُمْ ڢُو رُوحُ مُمْ، ࢡٜلَاتٛ اَلنَّبِعٜنْ!» 30ندٜنْ مُوسَى بٜى ندٛتِّعٜنْ غٛ لٛرْتِ حَا سَنغٜىٰرٜ؞
جَوْمِرَاوٛ نٜلْدِ غٜرْلٜ
31جَوْمِرَاوٛ وَدِّ حٜنْدُ، ندُ وَدِّ غٜرْلٜ دِغَ وَکٜىٰرٜ مبٜىٰلَ، دٛعِّ طٜ حَا سَنغٜىٰرٜ، طٜ تَارِ ندٜ دٜيْدٜيْ جَحَانغَلْ ࢩَلَادٜ وٛورٜ غَلْ وَکٜىٰرٜ ندٜعٜ عٜ ندٜيَ ڢُو؞ طٜ مبَاغِ دٛوْ لٜسْدِ بَاکِنْ مٜىٰتِرْ غٛوتٜلْ؞ 32عُمَّاتٛورٜ يٜحِ، مٛوࢡْتِ غٜرْلٜ ࢩَلَوْمَاجٜ طِطِ، جٜمَّارٜ وٛورٜ؞ مٛ مٛوࢡْتِ ݠٜىٰتُمْ حٜࢡِ بَاکِنْ بُحُوجٜ نٛوغَسْ؞ ࢡٜمبٜعِّتِ طٜ دٛوْ لٜسْدِ ندٜرْ تَارْدٜ سَنغٜىٰرٜ ڢُو؞ 33دِغَ کُسٜلْ تِمَّايْ ࢨَکّٜىٰغٛ تَوٛنْ، جَوْمِرَاوٛ تِکَّنِ ࢡٜ، عُکَّنِ ࢡٜ سَرُّ نَاوْنغُ مَسِنْ؞ 34ࢡٜعٜوْنِ نٛکُّورٜ ندٜعٜ کِبِرٛتْ-حَتَّاوَ#11:34 کِبِرٛتْ-حَتَّاوَ يِطِ وِعْغٛ غٜنَالٜ زِندَرْ؞، نغَمْ ࢡٜعُوِ زِندَاࢡٜ تٛنْ؞
35ࢡٜعُمِّ کِبِرٛتْ-حَتَّاوَ ࢡٜندِلِّ حَشٜرٛتْ، ࢡٜشَنغِنِ تٛنْ؞
Currently Selected:
لِمْلٜ 11: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
