مِکَ 6
6
کٛ اَللَّه طَࢡَّتَ حَا يِمْࢡٜ مُوطُمْ
1نَنٜ کٛ جَوْمِرَاوٛ وٛلْوِ، عٛوِعِ يَمْ: «عُمَّ، وُلَّ يٜىٰسٛ کٛوسٜىٰجٜ؞ وٛلْوُ، حَا تٛوْندِيجٜ نَنَ دَاندٜ مَاطَ!» 2کٛوسٜىٰجٜ، نَنٜ وُلَّاندُ جَوْمِرَاوٛ! نَنٜ عٛنٛنْ شَࢡَّاجٜ دُنِيَارُ طٜ ندِمْبَتَاکٛ! نغَمْ جَوْمِرَاوٛ وٛودِ دَلِيلَ وُلَّاغٛ عُمَّاتٛورٜ مُوطُمْ، عٛتَمِّ حُجّٛتِرْغٛ بٜى إِسْرَاءِيلَ؞ 3جَوْمِرَاوٛ وِعِ: «يِمْࢡٜ عُمَّاتٛورٜ عَمْ، کٛ مبَطْمِ عٛنْ؟ بٜى طُمٜ شٛمْنُمِ عٛنْ؟ نجَابٜىٰطَمْ! 4مِوُرْتِنِ عٛنْ لٜسْدِ مِصْرَ، مِرِمْطِنِ عٛنْ دِغَ نجٜيَانغُ؞ مِنٜلِ مُوسَى عٜ هَـٰرُونَ عٜ مَرِيَمَ نغَمْ طٛوُغٛ عٛنْ#غُرْتَاکِ 4:10-16؛ 12:50-51؛ 15:20؞؞ 5عُمَّاتٛورٜ عَمْ، سِڢْتٛرْ کٛ بَلَکْ، لَامِيطٛ مٛعَبْ نُڢَنِ مَ عٜ کٛ بَلَامَ ࢡِي بٜعٛرْ جَابِمٛ؞ سِڢْتٛرْ بٛو کٛ سَالِ دِغَ سِتِّمْ حَا يٛتِّ غِلْغَلْ، حَا عَنْدَ کُوطٜ جَوْمِرَاوٛ عَدِلِيجٜ#لِمْلٜ 22:2–24:25؞؞»
6بٜى طُمٜ ࢡَدِتٛتٛومِ جَوْمِرَاوٛ عٜ کٛڢٛتٛومِ يٜىٰسٛ اَللَّه ࢡَنغِيطٛ؟ مِࢡَدِتٛ مٛ بٜى غُلٜتٜىٰطِ کٛو بٜى ࢩَلْبِ نَ؟ 7جَوْمِرَاوٛ يٜرْدٛتٛ جَوْطِ بَالِ عُجِنٜىٰرٜ کٛو مَاحٛيْ نٜبَّمْ عُجِنٜ سَݠّٛ نَ؟ مِحٛکَّ مٛ عَڢٛ عَمْ، دَࢩْغٛلْ ࢡَنْدُ عَمْ نغَمْ يٛࢡُغٛ تُورْتٛلْ عَمْ عٜ حَکّٜ يٛنغْکِ عَمْ نَ؟ 8عَنْ نٜطّٛ، جَوْمِرَاوٛ عَنْدِنِ مَ کٛ وٛوطِ عٜ کٛ عٛطَࢡَّتَ حَا مَاطَ: طُمْ وَطُغٛ کٛ ڢٛتِّ، يِطُغٛ وَطُغٛ مبٛوطٜىٰنغَ عٜ تٛکَّاغٛ اَللَّه مَ بٜى تِينَارٜ#6:8 بٜى تِينَارٜ مَلَّ بٜى يَنغْکِنَارٜ؞؞
9جَوْمِرَاوٛ طٛنْ وٛلْوَنَ بٜرْنِوٛلْ – کُلَنْطٛ مٛ، عٛ کَکِّلْطٛ: «نَنٜ کٛنغٛلْ عٜلْتٛ عٜ عَنْدِنْطٛ نغٛلْ! 10وٛودِ ندٜسَاجِ رِکِشِيجِ حَا سَارٜ کَلُّطٛ عٜ عٜتِرْغَلْ ݠَمْطِتِنَانغَلْ نغَلْ نغَࢩْمِ نَ؟ 11مِعَيْبِنْتَا حُووْتِنِرَنْࢡٜ عَوْنٛرْطُمْ رِکِشِيجُمْ، کٛو مَرْࢡٜ کَاعٜ عَوْنٛرْطٜ ݠٜوْجِيطٜ ندٜرْ بٛورٛوجِ مُوطُمْعٜنْ نَ؟ 12رِسْکُࢡٜ بٜرْنِوٛلْ کٜىٰوِ تٛوࢩَارٜ، جٛوطِيࢡٜ ندٜرْ مَاغٛلْ طٛنْ مبٛلْوَ ݠٜوٜ، طٜمْطٜ مَࢡّٜ طٛنْ ݠٜوْجٛ؞ 13نغَمْ مَاجُمْ ݠُطُّمِ ڢِيُغٛ عٛنْ بٜى ࢩَوُجِ، مِوِلَ عٛنْ نغَمْ دَلِيلَ حَکّٜىٰجِ مٛوطٛنْ؞ 14عٛنْ ࢩَامَنْ، عَمَّا عٛنْ کَارَتَا، وٜىٰلٛ تَبِتَنْ شَکَ مٛنْ؞ عٛنْ شِغٛتٛ کُوجٜ، عَمَّا عٛنْ کِسْنَتَا طٜ؞ کٛ عٛنْ کِسْنِ بٛو، مِعَشَّنْ کَاڢَحِ حَلْکَ طُمْ؞ 15عٛنْ عَاوَنْ، عَمَّا عٛنْ شٛدَتَا؞ عٛنْ ࢡِطَّنْ جَيْتُنْجٜ، عَمَّا عٛنْ نغُجَتَا ࢡَلِّ مٛنْ بٜى نٜبَّمْ؞ عٛنْ ࢡِطَّنْ عِنَبٛوجٜ بٛو، عَمَّا عٛنْ نجَرَتَا عِنَبٛوجَمْ؞ 16عٛنْ طٛنْ نجٛغٛ عُمْرٛوجٜ لَامِيطٛ عٛمِرِ#6:16 لَارْ 1 لَامِيࢡٜ 16:21-26؞، عٛنْ طٛنْ مبَطَ کٛ سَارٜ عَکَبْ#6:16 لَارْ 1 لَامِيࢡٜ 16:29-33؞ وَطْنٛ ڢُو، عٛنْ طٛنْ تٛکّٛ سَوَرِيجِ مَࢡّٜ؞ نغَمْ مَاجُمْ مِوِلَنْ بٜرْنِوٛلْ مٛنْ، ࢡٜنجَنْشَنْ جٛوطِيࢡٜ ندٜرْ مَاغٛلْ، تٛسْکَارٜ عُمَّاتٛورٜ عَمْ عُکَّنْتٛ عٛنْ#1 لَامِيࢡٜ 16:23-34؛ 21:25-26؞؞»
Currently Selected:
مِکَ 6: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
