مِکَ 5
5
لَامُ کِسْنٛووٛ عِوَنْطٛ بَيْتِلَامَ
1جَوْمِرَاوٛ وِعِ: «عَنْ بَيْتِلَامَ-عٜڢْرَتَ، عَ وُرٛ ڢَمَرٛ شَکَ شِعٜ يَحُودَ؞ عَمَّا حَا مَاطَ غٛطّٛ مٛ لَامَنْتٛ إِسْرَاءِيلَ نغَمْ عَمْ عِوَتَ، عِوْدٜ مَاکٛ دِغَ ࢡٛويْمَ، حَا ࢩَلْطٜ شَالِيطٜ#مَتَّ 26؛ يُحَنَّ 7:42؞؞» 2نغَمْ مَنْ جَوْمِرَاوٛ عَشَّنْ يِمْࢡٜ مُوطُمْ، حَا تٛ ࢡٜسْنَنْطٛ ࢡٜسْنِ؞ ندٜنْ لُتُّࢡٜ دٜىٰرْطِرَاࢡٜ ࢡِطّٛ عٛو نغَرْتَنْ حَا يِمْࢡٜ إِسْرَاءِيلَ؞ 3کَنغْکٛ عٛعُمّٛتٛ، عٛدُرَ تٛکّٜرٜ مَاکٛ بٜى بَاوْطٜ جَوْمِرَاوٛ، بٜى مَنغُ عِنْدٜ جَوْمِرَاوٛ اَللَّه مَاکٛ؞ ࢡٜنجٛوطٛتٛ جَمْ نغَمْ لَامُ مَاکٛ مَوْنَنْ حَا يٛتّٛ کٜىٰرِ دُنِيَارُ؞ 4کَنغْکٛ بٜى حٛورٜ مَاکٛ لَاتٛتٛ سَلَامَنْ مَࢡّٜ؞
دِمْطِنْکِ عٜ کِيتَ
تٛ عَسُّورَعٜنْ نغَرِ لٜسْدِ مٜىٰطٜنْ، تٛ ࢡٜنَسْتِ شُوطِ لَامٛرْدٜ مٜىٰطٜنْ شٜمْبِطِّ، عٜنْ عُمِّنَنْ عَرْدِيࢡٜ طُوطْࢡٜ دٛوْ مَࢡّٜ؞ 5کَمْࢡٜ ࢡٜندُرَنْ لٜسْدِ عَسُّورَ بٜى کَاڢَحِ عٜ لٜسْدِ نِمْرُدُ بٜى کَاڢَحِ لٛسَاکِ؞ بَنَ نٛنْ جَوْمِرَاوٛ حِسْنِرْتَ عٜنْ جُوطٜ عَسُّورَعٜنْ، تٛ ࢡٜنَسْتِ لٜسْدِ مٜىٰطٜنْ، ࢡٜنجَاࢡِ ندٜرْ کٜىٰرِ مٜىٰطٜنْ#لَاتَانٛوجِ 10:8-11؞؞
6لُتُّࢡٜ يَعْقُوبُ لَاتٛتٛ شَکَ عُمَّاتٛوجٜ طُوطّٜ بَنَ سَاوَوْرٜ عِوْندٜ حَا جَوْمِرَاوٛ، بَنَ وَابِلِيرٜ دٛوْ حُطٛ؞ ࢡٜࢡَارٛرْتَاکٛ بَلَّلْ ࢡِࢡّٜ عَادَمَ، ࢡٜتَمَّتَاکٛ کٛو طُمٜ حَا يِمْࢡٜ؞ 7لُتُّࢡٜ يَعْقُوبُ لَاتٛتٛ شَکَ عُمَّاتٛوجٜ عٜ شَکَ جَمَعَاجٜ طُوطّٜ بَنَ مبَرٛوغَ شَکَ دَبَّاجِ ندٜرْ لَيْندٜ، بَنَ مبَرٛوغَ شٜمْبِطْنغَ شَکَ تٛکّٜ دَمّٛوجِ؞ تٛ نغَ وَرِ، نغَ يَاࢡَ عٜ نغَ ڢَطَّ، وَلَا کِسْنَنْطٛ کٛ نغَ نَنغِ؞ 8إِسْرَاءِيلَعٜنْ، ࢡَنغْتٜ جُوطٜ مٛنْ دٛوْ کٛنّٜعٜنْ مٛنْ، حَا ࢡٜ ڢُو ࢡٜکَلْکَ!
9جَوْمِرَاوٛ وِعِ: «سَاعِ مَنْ مِنَتِّنَنْ ݠُشِّ مٛنْ شَکَ مٛوطٛنْ، مِحَلْکَنْ مٛوتَاجِ ݠُشِّ مٛنْ؞ 10مِيِبِّنَنْ غُرٜ ندٜرْ لٜسْدِ مٛنْ عٜ بٜرْنِيجِ مٛنْ شٜمْبِطِّ ڢُو؞ 11مِنَتِّنَنْ حِيلَاجِ طِ مبَطٛتٛنْ، وَطٛوࢡٜ حَتِّ بٛو نغٛنَتَا شَکَ مٛوطٛنْ ڢَحِنْ؞ 12مِنَتِّنَنْ لَبِّ مٛنْ شٜحَاطِ عٜ دَنغْرَنغٜ لَبِّ مٛوطٛنْ؞ عٛنْ مٜىٰتَتَا سُجِدَنْغٛ کُوجٜ طٜ جُوطٜ مٛنْ مبَطِ؞ 13مِطٛوڢَنْ دَنغْرَنغٜ عَسٜرَ مٛنْ شَکَ مٛوطٛنْ، مِحَلْکَنْ غُرٜ مٛنْ؞ 14بٜى تِکّٜرٜ عٜ ࢡٜرْنُکِ مبَاتٛرْتٛومِ عُمَّاتٛوجٜ طٜ طٛوْتَنَاکِ يَمْ ڢُو؞»
Currently Selected:
مِکَ 5: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
