ڢَرِلَّاجِ لٜوِعٜنْ 7
7
کِرْسٜتٜىٰطِ نغَمْ جٛࢡْکِ عَيْبٜىٰجِ
1«ندَا عُمْرٛورٜ دٛوْ کِرْسٜتٜىٰطِ نغَمْ جٛࢡْکِ عَيْبٜىٰجِ؞ طِ ࢡُرْطِ سٜنَاغٛ؞ 2سٜيْ ࢡٜکِرْسَ ندَبَّاوَ نغَمْ جٛࢡْکِ عَيْبٜىٰجِ حَا وَکٜىٰرٜ حِرْسِرْدٜ وٛيْلَارٜ، حَا نٛکُّورٜ ندٜ ࢡٜکِرْسَتَ غُلٜتٜىٰطِ بٛو؞ ࢡٜمبِشَّ ࢨِيࢨَمْ مَاغَ حَا بَکٜىٰجٜ حِرْسِرْدٜ مَنْ نَيِ ڢُو؞ 3ࢡٜکٛوعَ ࢡٜلّٜرٜ مَاغَ ڢُو، وَاتٛ وِشّٛ عٜ ࢡٜلّٜرٜ سُدُّندٜ کُوجٜ رٜىٰدُ 4عٜ ࢡٛوࢨٜ بٜى ࢡٜلّٜرٜ وٛنْدٜ دٛوْ مَاجٜ عٜ ࢡٜلّٜرٜ دٛوْ حٜنغْرٜ؞ 5لِمَنْجٛ وُلَ طُمْ ڢُو دٛوْ حِرْسِرْدٜ، طُمْ ࢩَامْدُ وُلٜتٜىٰندُ نغَمْ جَوْمِرَاوٛ؞ کَنْجُمْ وٛنِ کِرْسٜتٜىٰنغَ نغَمْ جٛࢡْکِ عَيْبٜىٰجِ؞ 6وٛرْࢡٜ ڢُو ندٜرْ عَسْلِ لِمَنْعٜنْ ࢩَامَنْ کُسٜلْ مَاغَ؞ سٜيْ ࢡٜࢩَامَ نغٜلْ حَا نٛکُّورٜ سٜنِيندٜ نغَمْ نغٜلْ ࢡُرْنغٜلْ سٜنَاغٛ؞
7«وٛودِ عُمْرٛورٜ وٛورٜ دٛوْ کِرْسٜتٜىٰطِ نغَمْ عِتُّکِ حَکّٜ عٜ جٛࢡْکِ عَيْبٜ طِطِ ڢُو: کُسٜلْ مَاجِ لَاتَنْتٛ لِمَنْجٛ لِيعٛتٛوطٛ طِ؞ 8نٛنْ بٛو لَرَلْ ندَبَّاوَ نغُلٜتٜىٰنغَ لَاتَنْتٛ لِمَنْجٛ لِيعٛتٛوطٛ نغَ؞ 9دٛکَّلْ ࢩَامْدُ کٛو نغَلٜ دٜڢَانغَلْ ندٜرْ ڢَيَنْدٜ مَلَّ شَعَانغٜلْ#7:9 شَعَانغٜلْ مَلَّ ࢩَانْشَانغٜلْ؞ دٛوْ بٜطٛلْ نجَمْندِ، لَاتَنْتٛ لِمَنْجٛ لِيعٛتٛوطٛ نغَلْ؞ 10عَمَّا دٛکّٜ کُرٛورِ نجِيࢡَاندِ بٜى نٜبَّمْ مَلَّ جِيࢡَاکَ، کَنْجٜ لَاتَنْتٛ لِمَنْعٜنْ دَࢩْغٛلْ هَـٰرُونَ ڢُو، ࢡٜشٜنْدَ طٜ حَکُّندٜ مَࢡّٜ؞»
کِرْسٜتٜىٰطِ نغَمْ کَوْتَلْ يِمْࢡٜ بٜى اَللَّه
11«ندَا عُمْرٛورٜ دٛوْ کِرْسٜتٜىٰطِ نغَمْ کَوْتَلْ يِمْࢡٜ بٜى اَللَّه، طِ لِيعَنْتٛوطٛنْ جَوْمِرَاوٛ؞ 12تٛ غٛطّٛ وَدِّ کِرْسٜتٜىٰنغَ نغَعَ نغَمْ يٜتُّغٛ اَللَّه، سٜيْ عٛوَدَّ ندَبَّاوَ حَوْتَادٜ بٜى دٛکَّلْ تَمْسٜىٰجٜ طٜ عُڢْنَاکَ؞ عٛوَدَّ تَمْسٜىٰجٜ طٜ کُرٛورِ طِغُّندِ نجِيࢡَاندِ بٜى نٜبَّمْ مَلَّ تَمْسٜىٰجٜ بٜتّٜ غُجَاطٜ بٜى نٜبَّمْ مَلَّ تَمْرٜ کُرٛورِ طِغُّندِ نجِيࢡَاندِ بٜى نٜبَّمْ؞ 13عٛࢡٜسْدَ بٛو تَمْسٜىٰجٜ عُڢْنَاطٜ دٛوْ دٛکَّلْ مَاکٛ نغَلْ عٛيٜتِّرْتَ اَللَّه؞ 14سٜيْ عٛلِيعَنٛ جَوْمِرَاوٛ يٜࢡْرٜ دٛکَّلْ مَاکٛ وٛورٜ، ندٜ لَاتَنْتٛ لِمَنْجٛ دُڢَنْطٛ ࢨِيࢨَمْ کِرْسٜتٜىٰنغَ مَاکٛ حَا لٜسْ حِرْسِرْدٜ؞ 15عَمَّا کُسٜلْ کِرْسٜتٜىٰنغَ نغَمْ کَوْتَلْ يِمْࢡٜ بٜى اَللَّه، نغَمْ يٜتُّغٛ اَللَّه، ࢩَامٜ ࢩَلَادٜ ࢡٜکِرْسَتَ نغَ، تَا نغٜلْ لُتَّ حَا جَنغٛ مَنْ؞
16«تٛ غٛطّٛ وَدِّ کِرْسٜتٜىٰنغَ نغَعَ نغَمْ عٛحٜبِّنَ تٛغَيٜىٰرٜ مَلَّ تٛ طُمْ دٛکَّلْ شَاحِينغَلْ، ندٜنْ کَمْ ࢡٜࢩَامَ نغَ ࢩَلَادٜ ࢡٜکِرْسَتَ نغَ، جَنغٛ مَنْ بٛو ࢡٜࢩَامَ کٛ لُتِّ؞ 17عَمَّا کٛ لُتِّ حَا ࢩَنْدٜ تَتَࢡْرٜ، سٜيْ ࢡٜنغُلَ طُمْ؞ 18تٛ ࢡٜࢩَامِ کُسٜلْ لُتُّنغٜلْ ࢩَنْدٜ تَتَࢡْرٜ، اَللَّه يٜرْدَتَاکٛ غٛطّٛ عٛو؞ اَللَّه لِمَنْتَا مٛ نغَ، نغَ شٛࢡْنغَ؞ کٛو مٛيْ ࢩَامِ کُسٜلْ مَنْ، نَسْتِنِ حٛورٜ مُمْ ندٜرْ عَيْبٜ؞ 19کُسٜلْ نغٜلْ مٜىٰمِ شٛࢡْطُمْ کٛو طُمٜ، ࢩَامَتَاکٜ، سٜيْ وُلُغٛ نغٜلْ؞
«کٛو مٛيْ شٜنَاطٛ تٛ يِطِ، ࢩَامَ کُسٜلْ کِرْسٜتٜىٰنغَ نغَعَ؞ 20عَمَّا تٛ غٛطّٛ شٛࢡْطٛ ࢩَامِ کِرْسَانغَ لِيعَنَانغَ جَوْمِرَاوٛ نغَمْ کَوْتَلْ يِمْࢡٜ بٜى اَللَّه، عٛ غُرْتِنْتٜىٰطٛ جَمَعَارٜ مَاکٛ؞ 21نٛنْ بٛو تٛ عٛمٜىٰمِ شٛࢡْطُمْ کٛو طُمٜ حَا يِمْࢡٜ مَلَّ دَبَّاجِ مَلَّ لَدٛوجِ، ࢩَامِ کُسٜلْ مَاغَ، عٛ غُرْتِنْتٜىٰطٛ دِغَ جَمَعَارٜ مَاکٛ؞»
22جَوْمِرَاوٛ عُمْرِ مُوسَى، 23عٛوِعَ إِسْرَاءِيلَعٜنْ نِعِ: «تَا عٛنْ ࢩَامَ ࢡٜلّٜرٜ نَعِ مَلَّ بَالِ مَلَّ بٜعِ سَمْ؞ 24تٛ ندَبَّاوَ وَاتِ مَلَّ تٛ حُوندٜ لَدّٜ ڢَطِّ نغَ، عٛنْ مبَاوَنْ حُووْتِنِرْغٛ ࢡٜلّٜرٜ مَاغَ نغَمْ کُوطٜ ڢٜىٰرٜ ڢٜىٰرٜىٰجٜ، عَمَّا تَا عٛنْ ࢩَامَ ندٜ؞ 25دَبَّاجِ ݠٛتَنْطِ نغَمْ عٛنْ لِيعَنٛ طِ جَوْمِرَاوٛ غُلٜتٜىٰطِ، تٛ غٛطّٛ ࢩَامِ ࢡٜلّٜرٜ مَاجِ، عٛ غُرْتِنْتٜىٰطٛ دِغَ جَمَعَارٜ مَاکٛ؞ 26کٛو تٛيْ عٛنْ نجٛوطٛتٛ ڢُو، تَا عٛنْ ࢩَامَ ࢨِيࢨَمْ دَبَّاجِ مَلَّ شٛلِّ؞ 27تٛ غٛطّٛ ࢩَامِ ࢨِيࢨَمْ، عٛ غُرْتِنْتٜىٰطٛ دِغَ جَمَعَارٜ مَاکٛ#لَاتَانٛوجِ 9:4؛ ڢَرِلَّاجِ لٜوِعٜنْ 17:10-14؛ 19:26؛ تٛوکْتَاکِ تَوْرٜىٰتَ 12:16،23؛ 15:23؞؞»
28جَوْمِرَاوٛ عُمْرِ مُوسَى، 29عٛوِعَ إِسْرَاءِيلَعٜنْ نِعِ: «کٛو مٛيْ لِيعٛتٛوطٛ کِرْسٜتٜىٰنغَ نغَمْ کَوْتَلْ يِمْࢡٜ بٜى اَللَّه، سٜيْ عٛوَدَّنَ جَوْمِرَاوٛ دٛکَّلْ دِغَ کِرْسٜتٜىٰنغَ مَنْ؞ 30غٜطَلْ جَوْمِرَاوٛ غُلٜتٜىٰنغَلْ، سٜيْ عٛوَدَّ نغَلْ بٜى جُوطٜ مَاکٛ: ࢡٜلّٜرٜ ندَبَّاوَ عٜ بِيوٛلْ مَاغَ؞ عٛࢡَنغْتَ بِيوٛلْ مَنْ يٜىٰسٛ جَوْمِرَاوٛ؞ 31لِمَنْجٛ وُلَ ࢡٜلّٜرٜ دٛوْ حِرْسِرْدٜ، عَمَّا بِيوٛلْ لَاتَنْتٛ لِمَنْعٜنْ#تٛوکْتَاکِ تَوْرٜىٰتَ 18:3؞؞ 32دَنغٛ ࢩَامٛ وٛنِ غٜطَلْ لِمَنْجٛ، عِتَّانغَلْ دِغَ کِرْسٜتٜىٰنغَ نغَمْ کَوْتَلْ يِمْࢡٜ بٜى اَللَّه؞ 33کَنغٛ وٛنِ غٜطَلْ لِمَنْجٛ ࢡِي هَـٰرُونَ لِيعٛتٛوطٛ ࢨِيࢨَمْ عٜ ࢡٜلّٜرٜ کِرْسَانغَ نغَمْ کَوْتَلْ يِمْࢡٜ بٜى اَللَّه؞ 34بِيوٛلْ مَاغَ وٛنِ دٛکَّلْ، دَنغٛ ࢩَامٛ بٛو وٛنِ غٜطَلْ عِتَّانغَلْ حَا کِرْسَانغَ نغَعَ؞ جَوْمِرَاوٛ حٛوعِ طُمْ حَا إِسْرَاءِيلَعٜنْ، يٜطِ طُمْ لِمَنْعٜنْ؞ کَنْجُمْ طُمْ ڢَرِلَّ ندُومِيکَ نغَمْ إِسْرَاءِيلَعٜنْ؞ 35کَنْجُمْ وٛنِ غٜطَلْ هَـٰرُونَ عٜ ࢡِࢡّٜ مُمْ حَا دٛکّٜ غُلٜتٜىٰطٜ نغَمْ جَوْمِرَاوٛ؞ ࢡٜکٜࢡِ نغَلْ ࢩَلَادٜ ࢡٜکَلْڢِتِنَامَ کُوغَلْ مَࢡّٜ؞ 36ࢩَلَادٜ مَنْ جَوْمِرَاوٛ عُمْرِ إِسْرَاءِيلَعٜنْ ندٛکَّ لِمَنْعٜنْ غٜطَلْ مَنْ حَا کِرْسٜتٜىٰطِ مَࢡّٜ؞ طُمْ ڢَرِلَّ ندُومِيکَ حَا غِدٜ مَࢡّٜ ڢُو#مَلَکِيَ 3:7-10؛ نٜحٜمِيَ 10:33-40؞؞»
37کَنْجُمْ وٛنِ عُمْرٛوجٜ دٛوْ غُلٜتٜىٰطِ عٜ دٛکّٜ ࢩَامْدُ عٜ کِرْسٜتٜىٰطِ نغَمْ عِتُّکِ حَکّٜىٰجِ عٜ کِرْسٜتٜىٰطِ نغَمْ جٛࢡْکِ عَيْبٜىٰجِ عٜ دٛکَّلْ نغَمْ نَسْتُکِ کُوغَلْ لِمَنْکُ عٜ کِرْسٜتٜىٰطِ نغَمْ کَوْتَلْ يِمْࢡٜ بٜى اَللَّه؞ 38جَوْمِرَاوٛ عُمْرِ مُوسَى عُمْرٛوجٜ طٜعٜ حَا حٛوسٜىٰرٜ سِنَ ندٜرْ لَدّٜ، ࢩَلَادٜ عٛعُمْرِ إِسْرَاءِيلَعٜنْ ࢡٜلِيعَنٛ مٛ دٛکّٜ مَࢡّٜ؞
Currently Selected:
ڢَرِلَّاجِ لٜوِعٜنْ 7: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
