ڢَرِلَّاجِ لٜوِعٜنْ 6
6
عُمْرٛوجٜ دٛوْ غُلٜتٜىٰطِ
1جَوْمِرَاوٛ وِعِ مُوسَى: 2«عُمْرُ هَـٰرُونَ عٜ ࢡِࢡّٜ مُمْ نِعِ: ندَا عُمْرٛورٜ دٛوْ غُلٜتٜىٰطِ؞ سٜيْ نغُلٜتٜىٰنغَ وَالَ دٛوْ حِرْسِرْدٜ حَا ڢَجِرِ، يِيتٜ بٛو وَالَ حُࢡُّغٛ دٛوْ مَارٜ؞ 3ندٜنْ لِمَنْجٛ ࢡٛرْنٛ تٛغّٛورٜ لٜنغْ عٜ غَجٜىٰرٜ لٜنغْ؞ عٛعِتَّ ندٛونْدِ غُلٜتٜىٰطِ دٛوْ حِرْسِرْدٜ، عٛجِݠِّنَ ندِ بَنغٜ مَارٜ؞ 4ندٜنْ عٛࢡٛرْتٛ لِمْشٜ مَاکٛ، عٛࢡٛرْنٛ لِمْشٜ غٛطّٜ؞ ࢡَاوٛ مَنْ عٛيَحْرَ ندٛونْدِ يَاسِ سَنغٜىٰرٜ حَا نٛکُّورٜ سٜنَاندٜ؞ 5تَا يِيتٜ دٛوْ حِرْسِرْدٜ ࢩِڢَ سَمْ؞ ندٜ وٜىٰتِ ڢُو، لِمَنْجٛ وَلِّنَ لٜطّٜ دٛوْ مَاغٜ، تَاسْکِتِنَ غُلٜتٜىٰطِ دٛوْ مَاغٜ، وُلَ ࢡٜلّٜرٜ کِرْسَاطِ نغَمْ کَوْتَلْ يِمْࢡٜ بٜى اَللَّه دٛوْ مَاغٜ بٛو؞ 6يِيتٜ تٛکّٛ حُࢡُّغٛ دٛوْ حِرْسِرْدٜ، تَا نغٜ ࢩِڢٛ سَمْ؞»
دٛکّٜ ࢩَامْدُ
7«ندَا عُمْرٛورٜ دٛوْ دٛکّٜ ࢩَامْدُ؞ لِمَنْجٛ مٛ دَࢩْغٛلْ هَـٰرُونَ لِيعَنٛ جَوْمِرَاوٛ دٛکَّلْ ࢩَامْدُ يٜىٰسٛ حِرْسِرْدٜ؞ 8ندٜنْ عٛحٛوعَ کُرٛورِ طِغُّندِ نجِيࢡَاندِ بٜى نٜبَّمْ غٛ، دٜيْدٜيْ تَمْندَندٜ، نٛنْ بٛو عُورْلٜ ڢُو؞ عٛوُلَ طُمْ دٛوْ حِرْسِرْدٜ، طُمْ غٜطَلْ شِڢْتِنٛرْغَلْ؞ عُورٜىٰنغٛلْ مَاجُمْ بٜلْنغٛلْ ڢٛتَّنَنْ جَوْمِرَاوٛ؞ 9لِمَنْعٜنْ ࢩَامَ لُتُّطُمْ؞ ࢡٜمبَطَ تَمْسٜىٰجٜ طٜ عُڢْنَاکَ بٜى مَنْ، ࢡٜࢩَامَ طٜ حَا نٛکُّورٜ سٜنِيندٜ، حَا دَلْدَلْ لَيْمَارُ ڢٛتِّرْدٜ؞ 10تَا ࢡٜتَمْسَ طُمْ بٜى عُڢْنِرْطُمْ؞ جَوْمِرَاوٛ حٛکِّ ࢡٜ طُمْ، طُمْ غٜطَلْ مَࢡّٜ حَا دٛکّٜ غُلٜتٜىٰطٜ نغَمْ جَوْمِرَاوٛ؞ طُمْ ࢡُرْطُمْ سٜنَاغٛ، بَنَ کِرْسٜتٜىٰطِ نغَمْ عِتُّکِ حَکّٜىٰجِ عٜ جٛࢡْکِ عَيْبٜىٰجِ بٛو؞ 11طُمْ ڢَرِلَّ ندُومِيکَ حَا غِدٜ مٛنْ ڢُو: کٛو مٛيْ غٛرْکٛ مٛ دَࢩْغٛلْ هَـٰرُونَ ࢩَامَ طُمْ؞ طُمْ غٜطَلْ مَࢡّٜ حَا دٛکّٜ لِيعَنَاطٜ جَوْمِرَاوٛ؞ تٛ غٛطّٛ ڢٜىٰرٜ مٜىٰمِ طُمْ، عٛسٜنٛتٛ؞»
12ندَا عُمْرٛورٜ ندٜ جَوْمِرَاوٛ حٛکِّ مُوسَى 13دٛوْ نَسْتِنْکِ لِمَنْجٛ مٛ دَࢩْغٛلْ هَـٰرُونَ ندٜرْ کُوغَلْ مُمْ: «ࢩَلَادٜ ࢡٜنَسْتِنْتَ مٛ ندٜرْ کُوغَلْ مَاکٛ، سٜيْ عٛلِيعَنٛ جَوْمِرَاوٛ کُرٛورِ طِغُّندِ کِلٛ تَتِ، رٜىٰتَ مَنْ ڢَجِرِ، رٜىٰتَ بٛو کِيکِيطٜ، کَلْ-کَلْ بٜى دٛکَّلْ ࢩَامْدُ ࢩَلَادٜ ࢩَلَادٜ؞ 14عٛجِيࢡَ ندِ بٜى نٜبَّمْ، عٛسَعَ#6:14 عٛسَعَ مَلَّ عٛࢩَانْشَ؞ طُمْ دٛوْ بٜطٛلْ نجَمْندِ؞ ندٜنْ عٛڢٜتَ طُمْ، عٛوُلَ طُمْ، طُمْ لَاتٛ عُورٜىٰنغٛلْ بٜلْنغٛلْ ݠٛتَّنَنْنغٛلْ جَوْمِرَاوٛ؞ 15کٛو مٛيْ مٛ دَࢩْغٛلْ هَـٰرُونَ، مٛ لَاتٛتٛ حٛورٜىٰجٛ لِمَنْعٜنْ، لِيعٛ دٛکَّلْ نغَعَلْ؞ طُمْ دٛکَّلْ غُلٜتٜىٰنغَلْ نغَمْ جَوْمِرَاوٛ؞ کَنْجُمْ وٛنِ ڢَرِلَّ ندُومِيکَ؞ 16دٛکَّلْ ࢩَامْدُ نغَلْ لِمَنْجٛ حٛکَّتَ، نغَلْ غُلٜتٜىٰنغَلْ ڢُو، نغَلْ ࢩَامَتَاکٜ؞»
کِرْسٜتٜىٰطِ نغَمْ جٛࢡْکِ عَيْبٜىٰجِ
17جَوْمِرَاوٛ وِعِ مُوسَى: 18«عُمْرُ هَـٰرُونَ عٜ ࢡِࢡّٜ مُمْ عُمْرٛورٜ دٛوْ کِرْسٜتٜىٰطِ نغَمْ عِتُّکِ حَکّٜىٰجِ؞ سٜيْ ࢡٜکِرْسَ ندَبَّاوَ نغَمْ عِتُّکِ حَکّٜىٰجِ حَا وَکٜىٰرٜ حِرْسِرْدٜ وٛيْلَارٜ، حَا نٛکُّورٜ ندٜ ࢡٜکِرْسَتَ غُلٜتٜىٰطِ بٛو؞ کِرْسٜتٜىٰنغَ نغَعَ نغَ ࢡُرْنغَ سٜنَاغٛ؞ 19لِمَنْجٛ لِيعٛتٛوطٛ کِرْسٜتٜىٰنغَ مَنْ، ࢩَامَ نغَ حَا نٛکُّورٜ سٜنِيندٜ#حٛسٜعَ 4:8؞، حَا دَلْدَلْ لَيْمَارُ ڢٛتِّرْدٜ؞ 20تٛ غٛطّٛ ڢٜىٰرٜ مٜىٰمِ کُسٜلْ مَاغَ، سٜنَارٜ مَاغَ تٛرَّنْ مٛ؞ تٛ ࢨِيࢨَمْ مَاغَ سٜطَّ وِشَّکٜ حَا لِمْشٜ غٛطّٛ، سٜيْ عٛلٛوتَ ݠٜلّٜلْ حَا ࢨِيࢨَمْ مٜىٰمِ حَا نٛکُّورٜ سٜنِيندٜ؞ 21تٛ لِمَنْجٛ دٜڢِ کُسٜلْ مَاغَ ندٜرْ ڢَيَنْدٜ لٛوݠٜ، سٜيْ عٛڢُسَ ندٜ؞ عَمَّا تٛ عٛدٜڢِ نغٜلْ ندٜرْ ڢَيَنْدٜ نجَمْندِ، سٜيْ عٛيِغَّ ندٜ، عٛلَلَّ ندٜ؞ 22وٛرْࢡٜ ڢُو ندٜرْ عَسْلِ لِمَنْعٜنْ ࢩَامَنْ کُسٜلْ مَنْ، نغٜلْ ࢡُرْنغٜلْ سٜنَاغٛ؞ 23عَمَّا تٛ لِمَنْجٛ يَحْرِ ࢨِيࢨَمْ کِرْسٜتٜىٰنغَ ندٜرْ لَيْمَارُ ڢٛتِّرْدٜ نغَمْ عِتُّکِ حَکّٜىٰجِ، ندٜنْ کَمْ کُسٜلْ مَاغَ ࢩَامَتَاکٜ، سٜيْ عٛوُلَ نغٜلْ ڢُو؞»
Currently Selected:
ڢَرِلَّاجِ لٜوِعٜنْ 6: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
