ڢَرِلَّاجِ لٜوِعٜنْ 5
5
دَلِيلَاجِ کِرْسٜتٜىٰطِ نغَمْ عِتُّکِ حَکّٜىٰجِ
1«ندَا دَلِيلَاجِ طِ غٛطّٛ لِيعٛتٛ کِرْسٜتٜىٰطِ نغَمْ عِتُّکِ حَکّٜىٰجِ:
«تٛ غٛطّٛ طٛنْ يٜىٰسٛ کِيتَ، عٛنَنِ عٛ نَالٜتٜىٰطٛ سٛنَا عٛوَنغِنَ کٛ عٛيِعِ مَلَّ کٛ عٛنَنِ، عَمَّا عٛوَنغِنَايْ طُمْ، ندٜنْ کَمْ طُمْ عَيْبٜ دٛوْ مَاکٛ؞
2«تٛ غٛطّٛ حَکِّلَايْ، مٜىٰمِ شٛࢡْطُمْ کٛو طُمٜ، بَنَ شَاطْنغُ حُوندٜ لَدّٜ مَلَّ شَاطْنغُ ندَبَّاوَ سَارٜ مَلَّ شَاطْنغُ لَدٛوجُمْ، عٛلَاتٛتٛ شٛࢡْطٛ، طُمْ عَيْبٜ دٛوْ مَاکٛ؞
3«تٛ غٛطّٛ حَکِّلَايْ، مٜىٰمِ شٛࢡْطُمْ کٛو طُمٜ حَا نٜطّٛ، سَاعِ عٛعَنْدِ طُمْ، طُمْ لَاتٛتٛ عَيْبٜ دٛوْ مَاکٛ؞
4«تٛ غٛطّٛ حَکِّلَايْ، يَاوِ، حُنَکٜ حُنَيٜىٰرٜ عٛوَطَنْ بٛوطُّمْ مَلَّ کَلُّطُمْ، سَاعِ عٛڢَامْتِ طُمْ، طُمْ لَاتٛتٛ عَيْبٜ دٛوْ مَاکٛ؞
5«تٛ غٛطّٛ لَاتَکٜ عَيْبُطٛ ندٜرْ کُوجٜ طٜعٜ، سٜيْ عٛوَنغِنَ حَکّٜ مَاکٛ، 6عٛوَدَّنَ جَوْمِرَاوٛ مبَالُ مَلَّ مبٜىٰوَ کِرْسٜتٜىٰطُمْ نغَمْ عِتُّکِ حَکّٜ مَاکٛ؞ لِمَنْجٛ لِيعٛ کِرْسٜتٜىٰطُمْ مَنْ نغَمْ عِتُّغٛ حَکّٜ غٛطّٛ عٛو؞
7«تٛ غٛطّٛ وَاوَايْ حٜࢡُغٛ طُمْ، ندٜنْ کَمْ عٛوَدَّنَ جَوْمِرَاوٛ ݠٛولِ مَسَرْ طِطِ مَلَّ ݠٛولٛيْ طِطٛيْ، غٛوتٜلْ کِرْسٜتٜىٰنغٜلْ نغَمْ عِتُّکِ حَکّٜ، غٛوتٜلْ بٛو غُلٜتٜىٰنغٜلْ؞ 8سٜيْ عٛحٛکَّ طِ لِمَنْجٛ؞ لِمَنْجٛ عَارْتَ لِيعَاغٛ ݠٛولَ کِرْسٜتٜىٰنغَ نغَمْ عِتُّکِ حَکّٜ؞ عٛيٜوَ دَاندٜ مَاغَ، عَمَّا تَا عٛعِتَّ حٛورٜ مَاغَ؞ 9عٛوِشَّ ࢨِيࢨَمْ مَاغَ سٜطَّ حَا وُتُّدُ حِرْسِرْدٜ، عٛࢡِطَّ ࢨِيࢨَمْ لُتُّطَمْ حَا لٜسْ مَارٜ؞ کَنْجُمْ وٛنِ کِرْسٜتٜىٰنغَ نغَمْ عِتُّکِ حَکّٜ؞ 10ندٜنْ لِمَنْجٛ لِيعٛ ݠٛولَ ڢٜىٰرٜ نغُلٜتٜىٰنغَ، ڢٛدّٜ عُمْرٛورٜ؞ بَنَ نِي لِمَنْجٛ لِيعٛرْتٛ کِرْسَانغَ نغَمْ عِتُّکِ حَکّٜ غٛطّٛ غٛ، کَنغْکٛ بٛو عٛحٜࢡَنْ يَاڢُيٜ؞
11«تٛ غٛطّٛ وَاوَايْ حٜࢡُغٛ ݠٛولِ مَسَرْ طِطِ مَلَّ ݠٛولٛيْ طِطٛيْ، ندٜنْ کَمْ عٛوَدَّ کُرٛورِ طِغُّندِ کِلٛ تَتِ، طُمْ دٛکَّلْ نغَمْ عِتُّکِ حَکّٜ؞ تَا عٛوَطَ نٜبَّمْ دٛوْ مَارِ، تَا عٛࢡٜسْدَ عُورْلٜ بٛو، طُمْ دٛکَّلْ نغَمْ عِتُّکِ حَکّٜ، نَا دٛکَّلْ ࢩَامْدُ؞ 12عٛيَحْرَ کُرٛورِ مَنْ حَا لِمَنْجٛ؞ کَنغْکٛ عٛحٛوعَ حَا مَارِ غٜطَلْ شِڢْتِنٛرْغَلْ، دٜيْدٜيْ تَمْندَندٜ، عٛوُلَ طُمْ دٛوْ حِرْسِرْدٜ، حَوْتَادٜ بٜى غُلٜتٜىٰطِ نغَمْ جَوْمِرَاوٛ؞ کَنْجُمْ وٛنِ دٛکَّلْ نغَمْ عِتُّکِ حَکّٜ؞ 13بَنَ نِي لِمَنْجٛ لِيعٛرْتٛ دٛکَّلْ نغَمْ دَلِيلَ حَکّٜ غٛطّٛ غٛ، کَنغْکٛ بٛو عٛحٜࢡَنْ يَاڢُيٜ؞ کُرٛورِ لُتُّندِ لَاتَنْتٛ لِمَنْعٜنْ، بَنَ دٛکّٜ ࢩَامْدُ بٛو؞»
کِرْسٜتٜىٰطِ نغَمْ جٛࢡْکِ عَيْبٜىٰجِ
14جَوْمِرَاوٛ وِعِ مُوسَى: 15«تٛ غٛطّٛ يٜوِ عُمْرٛورٜ اَللَّه، وَطِ حَکّٜ بِلَا عَنِّيَ نغَمْ عٛحٛکَّايْ جَوْمِرَاوٛ کٛ وٛودَنِ طُمْ، سٜيْ عٛوَدَّنَ جَوْمِرَاوٛ نجَوْدِرِ مبَالُ ندِ وَلَا عَيْبٜ، ندِ کِرْسٜتٜىٰندِ نغَمْ جٛࢡْکِ عَيْبٜ مَاکٛ؞ سَمَنْ مَارِ ڢٛتَ بٜى شٜىٰدٜ شَرْدِ ڢٛدّٜ عٜتِرْغَلْ سُودُ سٜنِيندُ؞ 16کَدِبٛو عٛيٛࢡَ کٛ عٛحٛکَّايْنٛ، عٛࢡٜسْدَ دٛوْ مَاجُمْ يٜࢡْرٜ وٛورٜ ندٜرْ غٜࢡٜ جٛوِ بٛو؞ عٛحٛکَّ طُمْ ڢُو لِمَنْجٛ؞ لِمَنْجٛ لِيعٛ نجَوْدِرِ کِرْسٜتٜىٰندِ نغَمْ جٛࢡْکِ عَيْبٜ غٛطّٛ غٛ، کَنغْکٛ بٛو عٛحٜࢡَنْ يَاڢُيٜ؞
17«تٛ غٛطّٛ حَکِّلَايْ، لُوتِ عُمْرٛورٜ جَوْمِرَاوٛ کٛو ندٜيٜىٰرٜ، طُمْ عَيْبٜ دٛوْ مَاکٛ؞ 18سٜيْ عٛيَحْرَنَ لِمَنْجٛ نجَوْدِرِ مبَالُ ندِ وَلَا عَيْبٜ، ندِ کِرْسٜتٜىٰندِ نغَمْ جٛࢡْکِ عَيْبٜ مَاکٛ؞ سَمَنْ مَارِ ڢٛتَ دٜيْدٜيْ نٛ عَتَعَتَ؞ لِمَنْجٛ لِيعٛ کِرْسٜتٜىٰندِ مَنْ نغَمْ دَلِيلَ عَيْبٜ کٛ غٛطّٛ وَطِ بِلَا عَنِّيَ غٛ، کَنغْکٛ بٛو عٛحٜࢡَنْ يَاڢُيٜ؞ 19کَنْجُمْ وٛنِ کِرْسٜتٜىٰنغَ نغَمْ جٛࢡْکِ عَيْبٜ، نغَمْ عٛوَطِ عَيْبٜ دٛوْ جَوْمِرَاوٛ ڢَکَتْ؞»
20جَوْمِرَاوٛ ࢡٜسْدِ وِعُغٛ مُوسَى: 21«ندَا دَلِيلَاجِ طِ غٛطّٛ لِيعٛتٛ کِرْسٜتٜىٰنغَ نغَمْ جٛࢡْکِ عَيْبٜ: تٛ غٛطّٛ وَطِ حَکّٜ، يٜوِ عُمْرٛورٜ جَوْمِرَاوٛ، نغَمْ عٛسَلِ حٛکِّتِتْغٛ کٛ کٜىٰدِّطِّرَاوٛ مَاکٛ سِغِ حَا مَاکٛ مَلَّ کٛ عٛحٛوشِ حَا کٜىٰدِّطِّيکٛ مَلَّ کٛ عٛوُجِّ مَلَّ کٛ عٛجَࢡْتِمٛ بٜى دٛولٜ 22مَلَّ عٛتَوِ حُوندٜ مَجُّنٛوندٜ، عٛڢٜوِ دٛوْ مَاجُمْ، عٛحُنَکٜ دٛوْ ڢٜوْرٜ، عٛوِعِ عٛتَوَايْ طُمْ مَلَّ عٛحُنَکٜ دٛوْ ڢٜوْرٜ نغَمْ سُوطُغٛ عَيْبٜوٛلْ کٛو نغٛلٜ عِرِنْ مَاجُمْ، 23-24تٛ غٛطّٛ وَطِ حَکّٜىٰجِ عِرِنْ طِعِ، سٜيْ عٛيٛࢡَ کٛو طُمٜ کٛ عٛحٜࢡِ بٜى رِکِشِ مَاکٛ؞ ࢩَلَادٜ ندٜ عٛلِيعٛتٛ کِرْسٜتٜىٰنغَ جٛࢡْکِ عَيْبٜ مَاکٛ، سٜيْ عٛحٛکِّتَ طُمْ جَوْمِيجُمْ، عٛࢡٜسْدَ دٛوْ مَاجُمْ يٜࢡْرٜ وٛورٜ ندٜرْ غٜࢡٜ جٛوِ بٛو؞ 25سٜيْ عٛوَدَّنَ جَوْمِرَاوٛ نجَوْدِرِ مبَالُ ندِ وَلَا عَيْبٜ، ندِ کِرْسٜتٜىٰندِ نغَمْ جٛࢡْکِ عَيْبٜ مَاکٛ؞ سَمَنْ مَارِ ڢٛتَ دٜيْدٜيْ نٛ عَتَعَتَ؞ 26لِمَنْجٛ لِيعَنٛ ندِ جَوْمِرَاوٛ کِرْسٜتٜىٰندِ؞ غٛطّٛ غٛ حٜࢡَنْ يَاڢُيٜ عَيْبٜىٰجِ مُمْ طِ عٛوَطِ ڢُو؞#لِمْلٜ 5:5-8؞»
Currently Selected:
ڢَرِلَّاجِ لٜوِعٜنْ 5: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
