ڢَرِلَّاجِ لٜوِعٜنْ 4
4
کِرْسٜتٜىٰطِ نغَمْ عِتُّکِ حَکّٜىٰجِ
1جَوْمِرَاوٛ عُمْرِ مُوسَى، 2عٛوِعَ إِسْرَاءِيلَعٜنْ نِعِ: «ندَا کٛ مبَطٛتٛنْ تٛ غٛطّٛ وَطِ حَکّٜ، لُوتِ عُمْرٛورٜ جَوْمِرَاوٛ کٛو ندٜيٜىٰرٜ بِلَا عَنِّيَ: 3تٛ حٛورٜىٰجٛ لِمَنْعٜنْ وَطِ حَکّٜ، حَکّٜ مَنْ طٛنْ دٛوْ عُمَّاتٛورٜ ڢُو؞ سٜيْ عٛوَدَّ نغَارِ کَلْحَلْدِ ندِ وَلَا عَيْبٜ، عٛلِيعَنٛ ندِ جَوْمِرَاوٛ کِرْسٜتٜىٰندِ نغَمْ عِتُّکِ حَکّٜ مَاکٛ؞ 4سٜيْ عٛيَحْرَ نغَارِ مَنْ حَا دَمُّغَلْ لَيْمَارُ ڢٛتِّرْدٜ، عٛيٛوَ جُنغٛ مَاکٛ دٛوْ حٛورٜ مَارِ، عٛحِرْسَ ندِ تٛنْ يٜىٰسٛ جَوْمِرَاوٛ؞ 5ندٜنْ عٛحٛوعَ ࢨِيࢨَمْ مَارِ، عٛنَسْتِنَ طَمْ ندٜرْ لَيْمَارُ؞ 6عٛسُووَ حٛوندُ مَاکٛ ندٜرْ مَاجَمْ، عٛوِشَّ طَمْ ندٜ جٛوٜىٰطِطِ يٜىٰسٛ جَوْمِرَاوٛ حَا وِيرْندَلّٛ ندٜرْ سُودُ سٜنِيندُ؞ 7ندٜنْ عٛوَطَ ࢨِيࢨَمْ سٜطَّ حَا لُوٜ غُلْدُطُمْ عُورٜتٜىٰطُمْ دَرِيطُمْ يٜىٰسٛ جَوْمِرَاوٛ ندٜرْ لَيْمَارُ ڢٛتِّرْدٜ؞ ࢨِيࢨَمْ لُتُّطَمْ ڢُو، عٛرُڢَ طَمْ حَا لٜسْ حِرْسِرْدٜ وٛنْدٜ يٜىٰسٛ دَمُّغَلْ لَيْمَارُ مَنْ؞ 8سٜيْ عٛحٛوعَ ࢡٜلّٜرٜ نغَارِ کِرْسَاندِ ڢُو، وَاتٛ ࢡٜلّٜرٜ سُدُّندٜ کُوجٜ رٜىٰدُ عٜ ࢡٜلّٜرٜ وٛنْدٜ دٛوْ تٜتٜکِ ڢُو 9عٜ ࢡٛوࢨٜ بٜى ࢡٜلّٜرٜ وٛنْدٜ دٛوْ مَاجٜ عٜ ࢡٜلّٜرٜ دٛوْ حٜنغْرٜ؞ 10بَنَ عٛوَارَتَ بٜى ࢡٜلّٜرٜ نغَارِ کِرْسٜتٜىٰندِ نغَمْ کَوْتَلْ يِمْࢡٜ بٜى اَللَّه، بَنَ نٛنْ عٛعِتِّرَ ࢡٜلّٜرٜ مَنْ، عٛوُلَ ندٜ دٛوْ حِرْسِرْدٜ؞ 11عَمَّا لَرَلْ نغَارِ عٜ کُسٜلْ مَارِ ڢُو عٜ حٛورٜ مَارِ عٜ کٛلْشٜ مَارِ عٜ تٜتٜکِ مَارِ بٜى شٛووٛووٜ، 12سٜيْ عٛيَحْرَ طُمْ ڢُو يَاسِ سَنغٜىٰرٜ حَا نٛکُّورٜ سٜنَاندٜ ندٜ ࢡٜندُڢَتَ ندٛونْدِ کِرْسَاطِ، عٛوُلَ طُمْ تٛنْ؞
13«تٛ يِمْࢡٜ جَمَعَارٜ إِسْرَاءِيلَ ڢُو مبَطِ حَکّٜ بِلَا عَنِّيَ، مٛوࢡْرٜ مَࢡّٜ عَنْدَا ࢡٜمبَطِ عَيْبٜ بٜى وَطُغٛ کٛ جَوْمِرَاوٛ حَطِ؞ 14تٛ حَکّٜ مَنْ وَنغِ، سٜيْ جَمَعَارٜ وَدَّ نغَارِ کَلْحَلْدِ کِرْسٜتٜىٰندِ نغَمْ عِتُّکِ حَکّٜىٰجِ؞ ࢡٜنجَحْرَ ندِ يٜىٰسٛ لَيْمَارُ ڢٛتِّرْدٜ؞ 15ندٛتِّعٜنْ جَمَعَارٜ نجٛوَ جُوطٜ مُوطُمْعٜنْ دٛوْ حٛورٜ مَارِ، ࢡٜکِرْسَ ندِ تٛنْ يٜىٰسٛ جَوْمِرَاوٛ؞ 16حٛورٜىٰجٛ لِمَنْعٜنْ حٛوعَ ࢨِيࢨَمْ مَارِ، نَسْتِنَ طَمْ ندٜرْ لَيْمَارُ؞ 17عٛسُووَ حٛوندُ مَاکٛ ندٜرْ مَاجَمْ، عٛوِشَّ طَمْ ندٜ جٛوٜىٰطِطِ حَا وِيرْندَلّٛ؞ 18ندٜنْ عٛوَطَ ࢨِيࢨَمْ سٜطَّ حَا لُوٜ غُلْدُطُمْ عُورْلٜ دَرِيطُمْ يٜىٰسٛ جَوْمِرَاوٛ ندٜرْ لَيْمَارُ ڢٛتِّرْدٜ؞ ࢨِيࢨَمْ لُتُّطَمْ ڢُو، عٛرُڢَ طَمْ حَا لٜسْ حِرْسِرْدٜ وٛنْدٜ يٜىٰسٛ دَمُّغَلْ لَيْمَارُ؞ 19ندٜنْ عٛحٛوعَ ࢡٜلّٜرٜ نغَارِ مَنْ ڢُو، عٛوُلَ ندٜ دٛوْ حِرْسِرْدٜ؞ 20سٜيْ عٛوَطَ نغَارِ ندِعِ بَنَ عٛوَارَتَ نغَارِ کِرْسٜتٜىٰندِ نغَمْ عِتُّکِ حَکّٜىٰجِ غٛ؞ بَنَ نِي لِمَنْجٛ وَارَتَ نغَمْ عِتُّکِ حَکّٜىٰجِ يِمْࢡٜ، ࢡٜکٜࢡَنْ يَاڢُيٜ بٛو؞ 21ندٜنْ عٛيَحْرَ نغَارِ مَنْ يَاسِ سَنغٜىٰرٜ، عٛوُلَ ندِ، بَنَ عٛوُلْدَتَ نغَارِ کِرْسَاندِ نغَمْ حَکّٜىٰجِ مَاکٛ؞ کَنْجُمْ وٛنِ کِرْسٜتٜىٰنغَ نغَمْ عِتُّکِ حَکّٜىٰجِ جَمَعَارٜ إِسْرَاءِيلَ؞
22«تٛ عَرْدِيطٛ وَطِ حَکّٜ، تٛ عَيْبٜ طٛنْ دٛوْ مَاکٛ نغَمْ عٛلُوتِ عُمْرٛورٜ جَوْمِرَاوٛ کٛو ندٜيٜىٰرٜ بِلَا عَنِّيَ، 23تٛ غٛطّٛ ڢٜىٰرٜ وَنغِنَنِمٛ عَيْبٜ مَنْ، سٜيْ عٛلِيعٛ نجَوْدِرِ مبٜىٰوَ ندِ وَلَا عَيْبٜ؞ 24عٛيٛوَ جُنغٛ مَاکٛ دٛوْ حٛورٜ مَارِ، عٛحِرْسَ ندِ حَا وَکٜىٰرٜ حِرْسِرْدٜ وٛيْلَارٜ، حَا نٛکُّورٜ ندٜ ࢡٜکِرْسَتَ غُلٜتٜىٰطِ؞ کَنْجُمْ وٛنِ کِرْسٜتٜىٰنغَ نغَمْ عِتُّکِ حَکّٜىٰجِ؞ 25لِمَنْجٛ سُووَ حٛوندُ مُمْ ندٜرْ ࢨِيࢨَمْ کِرْسَانغَ، وَطَ طَمْ حَا لُوٜ حِرْسِرْدٜ؞ ندٜنْ عٛرُڢَ ࢨِيࢨَمْ لُتُّطَمْ حَا لٜسْ مَارٜ؞ 26عٛوُلَ ࢡٜلّٜرٜ نجَوْدِرِ ڢُو دٛوْ حِرْسِرْدٜ، بَنَ نٛ عٛوَارَتَ بٜى ࢡٜلّٜرٜ کِرْسٜتٜىٰطِ نغَمْ کَوْتَلْ يِمْࢡٜ بٜى اَللَّه؞ بَنَ نِي لِمَنْجٛ لِيعٛرْتٛ کِرْسَانغَ نغَمْ عِتُّکِ حَکّٜىٰجِ عَرْدِيطٛ، کَنغْکٛ بٛو عٛحٜࢡَنْ يَاڢُيٜ؞
27«تٛ غٛطّٛ ندٜرْ عُمَّاتٛورٜ وَطِ حَکّٜ، تٛ عَيْبٜ طٛنْ حَا مَاکٛ نغَمْ عٛࢨَࢡِّ عُمْرٛورٜ جَوْمِرَاوٛ کٛو ندٜيٜىٰرٜ بِلَا عَنِّيَ، 28تٛ غٛطّٛ ڢٜىٰرٜ وَنغِنَنِمٛ عَيْبٜ مَنْ، سٜيْ عٛلِيعٛ مبٜىٰوَ نغَ وَلَا عَيْبٜ؞ 29عٛيٛوَ جُنغٛ مَاکٛ دٛوْ حٛورٜ مَاغَ، عٛحِرْسَ نغَ حَا وَکٜىٰرٜ حِرْسِرْدٜ وٛيْلَارٜ، حَا نٛکُّورٜ ندٜ ࢡٜکِرْسَتَ غُلٜتٜىٰطِ؞ 30لِمَنْجٛ سُووَ حٛوندُ مُمْ ندٜرْ ࢨِيࢨَمْ کِرْسَانغَ، وَطَ طَمْ حَا لُوٜ حِرْسِرْدٜ؞ ندٜنْ عٛرُڢَ ࢨِيࢨَمْ لُتُّطَمْ حَا لٜسْ مَارٜ؞ 31عٛحٛوعَ ࢡٜلّٜرٜ مبٜىٰوَ ڢُو، بَنَ نٛ عٛوَارَتَ ࢡٜلّٜرٜ کِرْسٜتٜىٰطِ نغَمْ کَوْتَلْ يِمْࢡٜ بٜى اَللَّه، عٛوُلَ ندٜ دٛوْ حِرْسِرْدٜ؞ عُورٜىٰنغٛلْ مَنْ بٜلْنغٛلْ ڢٛتَّنَنْ جَوْمِرَاوٛ؞ بَنَ نِي لِمَنْجٛ لِيعٛرْتٛ کِرْسَانغَ نغَمْ عِتُّکِ حَکّٜىٰجِ غٛطّٛ غٛ، کَنغْکٛ بٛو عٛحٜࢡَنْ يَاڢُيٜ#لِمْلٜ 15:27-28؞؞
32«تٛ غٛطّٛ يِطِ لِيعَاغٛ مبَالُ کِرْسٜتٜىٰنغُ نغَمْ عِتُّکِ حَکّٜىٰجِ، سٜيْ عٛوَدَّ ندٜوُ نغُ وَلَا عَيْبٜ؞ 33عٛيٛوَ جُنغٛ مَاکٛ دٛوْ حٛورٜ مَاغُ، عٛحِرْسَ نغُ حَا وَکٜىٰرٜ حِرْسِرْدٜ وٛيْلَارٜ، حَا نٛکُّورٜ ندٜ ࢡٜکِرْسَتَ غُلٜتٜىٰطِ؞ 34لِمَنْجٛ سُووَ حٛوندُ مُمْ ندٜرْ ࢨِيࢨَمْ کِرْسَانغَ، وَطَ طَمْ حَا لُوٜ حِرْسِرْدٜ؞ ندٜنْ عٛرُڢَ ࢨِيࢨَمْ لُتُّطَمْ حَا لٜسْ مَارٜ؞ 35عٛحٛوعَ ࢡٜلّٜرٜ مبَالُ ڢُو، بَنَ نٛ عٛوَارَتَ ࢡٜلّٜرٜ بَالِ کِرْسٜتٜىٰطِ نغَمْ کَوْتَلْ يِمْࢡٜ بٜى اَللَّه، عٛوُلَ ندٜ دٛوْ حِرْسِرْدٜ حَوْتَادٜ بٜى غُلٜتٜىٰطِ نغَمْ جَوْمِرَاوٛ؞ بَنَ نِي لِمَنْجٛ لِيعٛرْتٛ کِرْسَانغَ نغَمْ عِتُّکِ حَکّٜىٰجِ غٛطّٛ غٛ، کَنغْکٛ بٛو عٛحٜࢡَنْ يَاڢُيٜ؞»
Currently Selected:
ڢَرِلَّاجِ لٜوِعٜنْ 4: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
