ڢَرِلَّاجِ لٜوِعٜنْ 23
23
جُولْطٜ
1جَوْمِرَاوٛ عُمْرِ مُوسَى، 2عٛوِعَ إِسْرَاءِيلَعٜنْ نِعِ: «ندَا ࢩَلْطٜ جُولْطٜ طٜ مٛوࢡْتٛتٛنْ مٛوࢡْتٛرْدٜ سٜنَاندٜ نغَمْ جَوْمِرَاوٛ: 3عٛنْ کُووَ کُوطٜ مٛنْ ࢩَلْطٜ جٛوٜىٰغٛ؞ ࢩَنْدٜ جٛوٜىٰطِطَوْرٜ وٛنِ سِوْتٛرْدٜ؞ ندٜرْ مَارٜ تَا عٛنْ کُووَ سَمْ، عَمَّا عٛنْ مٛوࢡْتَ مٛوࢡْتٛرْدٜ سٜنَاندٜ؞ ࢩَلَادٜ سِوْتٛرْدٜ، جَوْمِرَاوٛ جٜيِ، کٛو تٛيْ عٛنْ نجٛوطٛتٛ ڢُو#غُرْتَاکِ 20:8-10؛ 23:12؛ 31:15؛ 34:21؛ 35:2؛ تٛوکْتَاکِ تَوْرٜىٰتَ 5:12-14؞؞ 4ندَا ࢩَلْطٜ جُولْطٜ طٜ نغٛويْنٛتٛنْ مٛوࢡْتٛرْدٜ ندٜرْ سَاعِيجٜ تَعَاطٜ، نغَمْ عٛنْ مٛوࢡْتَ مٛوࢡْتٛرْدٜ سٜنَاندٜ؞»
جُولْدٜ ݠَسْکَ عٜ تَمْسٜىٰجٜ طٜ عُڢْنَاکَ
5«ࢩَنْدٜ سَݠّٛ عٜ نَيَࢡْرٜ ندٜرْ لٜوْرُ عَرَنْدُ، تٛ نَانغٜ مُتِ، عٛنْ مبَطَنَ جَوْمِرَاوٛ جُولْدٜ ݠَسْکَ؞#غُرْتَاکِ 12:1-13؛ تٛوکْتَاکِ تَوْرٜىٰتَ 16:1-2؞ 6ࢩَنْدٜ سَݠّٛ عٜ جٛوَࢡْرٜ مَارُ، لَاتٛ جُولْدٜ تَمْسٜىٰجٜ طٜ عُڢْنَاکَ نغَمْ جَوْمِرَاوٛ؞ ࢩَلْطٜ جٛوٜىٰطِطِ، سٜيْ تَمْسٜىٰجٜ طٜ عُڢْنَاکَ تَنْ ࢩَامٛتٛنْ؞ 7ࢩَنْدٜ عَرَنْدٜ، مبَطٜ مٛوࢡْتٛرْدٜ سٜنَاندٜ؞ تَا کُووٜ کُوغَلْ نَاوْنغَلْ سَمْ؞ 8ندٜرْ ࢩَلْطٜ جٛوٜىٰطِطِ، لِيعَنٜ جَوْمِرَاوٛ غُلٜتٜىٰطِ؞ ࢩَنْدٜ جٛوٜىٰطِطَوْرٜ، مبَطٜ مٛوࢡْتٛرْدٜ سٜنَاندٜ؞ تَا کُووٜ کُوغَلْ نَاوْنغَلْ سَمْ#غُرْتَاکِ 12:14-20؛ 23:15؛ 35:18؛ تٛوکْتَاکِ تَوْرٜىٰتَ 18:3-8؞ ؞»
9ڢَحِنْ جَوْمِرَاوٛ عُمْرِ مُوسَى، 10عٛوِعَ إِسْرَاءِيلَعٜنْ نِعِ: «تٛ عٛنْ نَسْتِ لٜسْدِ ندِ جَوْمِرَاوٛ حٛکَّتَ عٛنْ، تٛ عٛنْ مبَعِ عَلْکَمَارِ مٛنْ، سٜيْ عٛنْ نغَدَّنَ لِمَنْجٛ حَࢡّٜرٜ عَلْکَمَارِ عَرَنْدٜ؞ 11کَنغْکٛ عٛࢡَنغْتَ ندٜ يٜىٰسٛ جَوْمِرَاوٛ، نغَمْ حَا جَوْمِرَاوٛ يٜرْدٛ عٛنْ؞ سٜيْ عٛوَطَ طُمْ ࢩَنْدٜ تٛکّٛتٛوندٜ سِوْتٛرْدٜ؞ 12ࢩَنْدٜ لِيعٛتٛوطٛنْ حَࢡّٜرٜ مَاجُمْ، لِيعٜ بٛو جَوْغٜلْ مبَالُ نغٜلْ وَلَا عَيْبٜ، نغٜلْ ندُوࢡُ، نغٜلْ غُلٜتٜىٰنغٜلْ نغَمْ جَوْمِرَاوٛ؞ 13حَوْتَادٜ بٜى مَاغٜلْ لِيعٜ دٛکَّلْ ࢩَامْدُ: کُرٛورِ طِغُّندِ کِلٛ جٛوٜىٰغٛ، جِيࢡَاندِ بٜى نٜبَّمْ؞ عُورٜىٰنغٛلْ مَنْ بٜلْنغٛلْ ڢٛتَّنَنْ جَوْمِرَاوٛ؞ ࢡٜسْدٜ بٛو دٛکَّلْ دُڢٜتٜىٰنغَلْ: عِنَبٛوجَمْ لِيتِرْ بٜى رٜىٰتَ؞ 14تَا ࢩَامٜ ࢨَامْلٜ مٛنْ کٛو تَمْسٜىٰجٜ، کٛو غَبّٜ کٜشّٜ مَلَّ شَعَاطٜ بٛو، سٜيْ تٛ عٛنْ نغَدَّنِ اَللَّه مٛنْ دٛکَّلْ مَنْ؞ کٛو تٛيْ نجٛوطٛتٛنْ ڢُو، طُمْ لَاتِ ڢَرِلَّ ندُومِيکَ حَا غِدٜ مٛنْ ڢُو؞»
جُولْدٜ عَسَوٜىٰجٜ
(لِمْلٜ 28:26-31)
15«ࢡَاوٛ ࢩَنْدٜ تٛکّٛتٛوندٜ سِوْتٛرْدٜ مَنْ، وَاتٛ ࢩَنْدٜ لِيعَنْتٛوطٛنْ جَوْمِرَاوٛ حَࢡّٜرٜ عَلْکَمَارِ غٛ، سٜيْ عٛنْ لِمَ عَسَوٜىٰجٜ جٛوٜىٰطِطِ؞ 16ࢩَنْدٜ تٛکّٛتٛوندٜ سِوْتٛرْدٜ جٛوٜىٰطِطَوْرٜ، وَاتٛ ࢩَنْدٜ شَݠَّنْطٜ جٛوَࢡْرٜ، لِيعَنٜ جَوْمِرَاوٛ دٛکَّلْ ࢩَامْدُ کٜسَلْ؞ 17سَارٜ ڢُو وَدَّ تَمْسٜىٰجٜ طِطِ، ࢡَنغْتَ طٜ يٜىٰسٛ جَوْمِرَاوٛ؞ عٛنْ مبَطَ تَمْسٜىٰرٜ ڢُو بٜى کُرٛورِ طِغُّندِ کِلٛ تَتِ تَتِ، بٜى عُڢْنِرْطُمْ بٛو؞ دٛکَّلْ نغَعَلْ لَاتَنٛ جَوْمِرَاوٛ دِغَ ࢨَامْلٜ مٛنْ عَارْتُطٜ؞ 18حَوْتَادٜ بٜى مَاجٜ، سٜيْ جَمَعَارٜ لِيعٛ نجَوْکٛيْ بَالِ نجٛوٜىٰطِطٛيْ کٛيْ ندُوࢡُ عٜ غَغّٜلْ عٜ جَوْطِ بَالِ طِطِ، طُمْ ڢُو طُمْ وَلَا عَيْبٜ؞ طُمْ غُلٜتٜىٰطُمْ نغَمْ جَوْمِرَاوٛ، حَوْتَادٜ بٜى دٛکَّلْ ࢩَامْدُ عٜ دٛکَّلْ دُڢٜتٜىٰنغَلْ؞ عُورٜىٰنغٛلْ مَنْ ڢٛتَّنَنْ جَوْمِرَاوٛ؞ 19سٜيْ عٛنْ لِيعٛ بٛو نجَوْدِرِ مبٜىٰوَ کِرْسٜتٜىٰندِ نغَمْ عِتُّکِ حَکّٜىٰجِ عٜ نجَوْکٛيْ بَالِ طِطٛيْ کٛيْ ندُوࢡُ، کِرْسٜتٜىٰکٛيْ نغَمْ کَوْتَلْ يِمْࢡٜ بٜى اَللَّه؞ 20لِمَنْجٛ ࢡَنغْتَ کِرْسٜتٜىٰطِ طِعِ يٜىٰسٛ جَوْمِرَاوٛ، حَوْتَادٜ بٜى تَمْسٜىٰجٜ غٛ عٜ نجَوْکٛيْ طِطٛيْ؞ عٛلِيعَنٛ جَوْمِرَاوٛ دٛکّٜ شٜنِيطٜ طٜعٜ نغَمْ لِمَنْعٜنْ؞ 21ࢩَنْدٜ مَنْ تَا عٛنْ کُووَ کُوغَلْ نَاوْنغَلْ، عَمَّا عٛنْ نغٛويْنَ مٛوࢡْتٛرْدٜ سٜنَاندٜ؞ کٛو تٛيْ نجٛوطٛتٛنْ ڢُو، طُمْ لَاتِ ڢَرِلَّ ندُومِيکَ حَا غِدٜ مٛنْ ڢُو#غُرْتَاکِ 23:16؛ 34:22؛ تٛوکْتَاکِ تَوْرٜىٰتَ 16:9-12؞؞
22«تٛ عٛنْ طٛنْ مبَعَ عَلْکَمَارِ مٛنْ، تَا مبَعٜ نغٛنْدِ حَا سٜرَ نغٜسَ، تَا لٛرْتٜ لَوْندِتَاغٛ لُتُّندِ بٛو؞ عَشَّنٜ ندِ تَلَکَعٜنْ عٜ جَنَنْࢡٜ؞ جَوْمِرَاوٛ وٛنِ اَللَّه مٛنْ#ڢَرِلَّاجِ لٜوِعٜنْ 19:9-10؛ تٛوکْتَاکِ تَوْرٜىٰتَ 24:19-22؞؞»
جُولْدٜ مَوْندٜ ندٜرْ حِتَاندٜ
(لِمْلٜ 29:1-6)
23جَوْمِرَاوٛ عُمْرِ مُوسَى، 24عٛوِعَ إِسْرَاءِيلَعٜنْ نِعِ: «ࢩَنْدٜ غٛعٛورٜ ندٜرْ لٜوْرُ جٛوٜىٰطِطَࢡْرُ لَاتَنٛ عٛنْ سِوْتٛرْدٜ؞ سٜيْ عٛنْ مٛوࢡْتَ مٛوࢡْتٛرْدٜ سٜنَاندٜ بٜى ڢُوڢُغٛ لُوٜ؞ 25ࢩَنْدٜ مَنْ تَا عٛنْ کُووَ کُوغَلْ نَاوْنغَلْ سَمْ، عَمَّا عٛنْ لِيعَنٛ جَوْمِرَاوٛ نغُلٜتٜىٰنغَ؞»
ࢩَلَادٜ عِتُّکِ حَکّٜىٰجِ
(لِمْلٜ 29:7-11)
26جَوْمِرَاوٛ ࢡٜسْدِ وِعُغٛ مُوسَى: 27«ࢩَنْدٜ سَݠّٛورٜ ندٜرْ لٜوْرُ جٛوٜىٰطِطَࢡْرُ وٛنِ ࢩَلَادٜ عِتُّکِ حَکّٜىٰجِ؞ ࢩَنْدٜ مَنْ تَا عٛنْ ࢩَامَ سَمْ؞ سٜيْ عٛنْ مٛوࢡْتَ مٛوࢡْتٛرْدٜ سٜنَاندٜ، عٛنْ لِيعَنٛ جَوْمِرَاوٛ نغُلٜتٜىٰنغَ؞ 28تَا کُووٜ کُوغَلْ کٛو نغَلٜ، نغَمْ طُمْ ࢩَلَادٜ عِتُّکِ حَکّٜىٰجِ، نغَمْ کٜࢡٛنْ يَاڢُيٜ حَا جَوْمِرَاوٛ اَللَّه مٛنْ؞ 29کٛو مٛيْ ࢩَامِ ندٜرْ ࢩَنْدٜ مَنْ، عٛ غُرْتِنْتٜىٰطٛ دِغَ جَمَعَارٜ مَاکٛ؞ 30کٛو مٛيْ حُووِ کُوغَلْ کٛو نغَلٜ ندٜرْ مَارٜ، جَوْمِرَاوٛ نَتِّنَنْ مٛ شَکَ يِمْࢡٜ مَاکٛ؞ 31تَا عٛنْ کُووَ سَمْ، طُمْ لَاتِ ڢَرِلَّ ندُومِيکَ حَا غِدٜ مٛنْ ڢُو، کٛو تٛيْ نجٛوطٛتٛنْ؞ 32ࢩَلَادٜ مَنْ لَاتَنٛ عٛنْ سِوْتٛرْدٜ، دِغَ مَنغَرِبَ ࢩَنْدٜ جٛوٜىٰنَيَࢡْرٜ حَا مَنغَرِبَ ࢩَنْدٜ سَݠّٛورٜ؞ تَا عٛنْ ࢩَامَ کٛو طُمٜ ندٜرْ مَارٜ#ڢَرِلَّاجِ لٜوِعٜنْ 16:19-34؞؞»
جُولْدٜ بُکَّاجِ
(لِمْلٜ 29:12-39)
33جَوْمِرَاوٛ عُمْرِ مُوسَى، 34عٛوِعَ إِسْرَاءِيلَعٜنْ نِعِ: «ࢩَنْدٜ سَݠّٛ عٜ جٛوَࢡْرٜ ندٜرْ لٜوْرُ جٛوٜىٰطِطَࢡْرُ طُمْ ڢُطّٛودٜ جُولْدٜ بُکَّاجِ، ࢩَلْطٜ جٛوٜىٰطِطِ نغَمْ جَوْمِرَاوٛ؞ 35ࢩَنْدٜ جُولْدٜ مَنْ عَرَنْدٜ، سٜيْ عٛنْ مٛوࢡْتَ مٛوࢡْتٛرْدٜ سٜنَاندٜ، تَا عٛنْ کُووَ کُوغَلْ نَاوْنغَلْ کٛو نغَلٜ؞ 36ࢩَلْطٜ جٛوٜىٰطِطِ ڢُو لِيعَنٜ جَوْمِرَاوٛ غُلٜتٜىٰطِ؞ ࢩَنْدٜ جٛوٜىٰتَتَࢡْرٜ مٛوࢡْتٜ ڢَحِنْ مٛوࢡْتٛرْدٜ سٜنَاندٜ، لِيعَنٜ جَوْمِرَاوٛ نغُلٜتٜىٰنغَ؞ طُمْ ࢩَنْدٜ مٛوࢡْتٛرْدٜ جُولْدٜ، تَا عٛنْ کُووَ کُوغَلْ کٛو نغَلٜ ندٜرْ مَارٜ#تٛوکْتَاکِ تَوْرٜىٰتَ 16:13-15؞؞
37«کَنْجٜ نغٛنِ جُولْطٜ طٜ جَوْمِرَاوٛ عُمْرِ عٛنْ جٛغَاغٛ، نغَمْ عٛنْ مٛوࢡْتَ مٛوࢡْتٛرْدٜ سٜنَاندٜ، عٛنْ لِيعَنٛ جَوْمِرَاوٛ کِرْسٜتٜىٰطِ عٜ غُلٜتٜىٰطِ عٜ دٛکّٜ ࢩَامْدُ عٜ کِرْسٜتٜىٰطِ نغَمْ کَوْتَلْ مٛنْ عٜ دٛکّٜ دُڢٜتٜىٰطٜ، ࢩَلَادٜ کٛو ندٜيٜىٰرٜ ڢٛدّٜ عُمْرٛورٜ مَارٜ؞ 38دٛوْ مَاجُمْ وٛودِ ࢩَلْطٜ شِوْتٛرْطٜ غٛطّٜ عٜ دٛکّٜ عُمْرَاطٜ عٜ دٛکّٜ طٜ کٜبِّنْتٛنْ تٛغَيٜىٰجٜ مٛنْ بٜى مُوطُمْعٜنْ عٜ دٛکّٜ شَاحِيطٜ نغَمْ جَوْمِرَاوٛ؞»
39«عَمَّا ࢩَنْدٜ سَݠّٛ عٜ جٛوَࢡْرٜ ندٜرْ لٜوْرُ جٛوٜىٰطِطَࢡْرُ، تٛ عٛنْ تِمِّنِ مٛوࢡْتُغٛ ࢨَامْلٜ غٜسٜ مٛنْ، مبَطٜ جُولْدٜ ندٜعٜ ࢩَلْطٜ جٛوٜىٰطِطِ؞ ࢩَنْدٜ مَارٜ عَرَنْدٜ طُمْ سِوْتٛرْدٜ، نٛنْ بٛو ࢩَنْدٜ جٛوٜىٰتَتَࢡْرٜ؞ 40ࢩَنْدٜ عَرَنْدٜ کٛوعٜ ࢡِࢡّٜ لٜطّٜ بٛوطّٜ عٜ لِشٜ دِبِنٛوجٜ عٜ لِشٜ لٜطّٜ شُکُّطٜ عٜ لٜطّٜ غٛطّٜ، نغَمْ عٛنْ شٜيٛ يٜىٰسٛ جَوْمِرَاوٛ اَللَّه مٛنْ ࢩَلْطٜ جٛوٜىٰطِطِ؞ 41مبَطٜ جُولْدٜ مَنْ ࢩَلْطٜ جٛوٜىٰطِطِ نغَمْ جَوْمِرَاوٛ، ندٜرْ لٜوْرُ جٛوٜىٰطِطَࢡْرُ؞ کَنْجُمْ وٛنِ ڢَرِلَّ ندُومِيکَ حَا غِدٜ مٛنْ ڢُو؞ 42ࢩَلْطٜ جٛوٜىٰطِطِ طٜعٜ، إِسْرَاءِيلَعٜنْ ڢُو نجٛوطٛ ندٜرْ بُکَّاجِ؞ 43بَنَ نٛنْ دَࢩْغٛلْ مٛنْ عَنْدِرَنْ جَوْمِرَاوٛ عَشِّ إِسْرَاءِيلَعٜنْ نجٛوطٛ ندٜرْ بُکَّاجِ، سَاعِ عٛوُرْتِنِ ࢡٜ لٜسْدِ مِصْرَ؞ کَنغْکٛ وٛنِ جَوْمِرَاوٛ اَللَّه مٛنْ#غُرْتَاکِ 23:16؛ 34:22؞؞»
44بَنَ نٛنْ مُوسَى عَنْدِنِرِ إِسْرَاءِيلَعٜنْ حَالَ جُولْطٜ نغَمْ جَوْمِرَاوٛ؞
Currently Selected:
ڢَرِلَّاجِ لٜوِعٜنْ 23: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
