ڢَرِلَّاجِ لٜوِعٜنْ 24
24
عُمْرٛورٜ دٛوْ ݠِتِّرْلَاجِ
(غُرْتَاکِ 27:20-21)
1جَوْمِرَاوٛ وِعِ مُوسَى: 2«عَعُمْرَ إِسْرَاءِيلَعٜنْ ࢡٜنغَدَّنٜ نٜبَّمْ جَيْتُنْجٜ عَرْࢡَاطٜ لَاࢡْطَمْ نغَمْ جَيْنغٛلْ ݠِتِّرْلَاجِ، نغَمْ طِ نجَمْنٜ ڢٛرٛيْ؞ 3هَـٰرُونَ جٛعِّنَ جٛعِّنِرْطُمْ ݠِتِّرْلَاجِ يَاسِ وِيرْندَلّٛ سٜىٰدَمْکُ ندٜرْ لَيْمَارُ ڢٛتِّرْدٜ، حَا غَاعٜ وِيرْندَلّٛ وِيرْنَنْنغٛ سُنْدُکْرُ عَلْکَوَلْ؞ ݠِتِّرْلَاجِ کُࢡَّ يٜىٰسٛ عَمْ دِغَ کِيکِيطٜ حَا ڢَجِرِ؞ طٛ وٛنِ ڢَرِلَّ ندُومِيکَ نغَمْ غِدٜ مٛنْ ڢُو؞ 4هَـٰرُونَ حَکِّلَنَ ݠِتِّرْلَاجِ دٛوْ جٛعِّنِرْطُمْ مَاجِ بَارَاطُمْ بٜى کَنغّٜىٰرِ لَاࢡْندِ، نغَمْ طِ نجَيْنَ يٜىٰسٛ جَوْمِرَاوٛ ڢٛرٛيْ؞» 5جَوْمِرَاوٛ عُمْرِ مُوسَى عٛحٛوعَ کُرٛورِ طِغُّندِ، عٛتَمْسَ تَمْسٜىٰجٜ سَݠّٛ عٜ طِطِ، تَمْسٜىٰرٜ کٛو ندٜيٜىٰرٜ تَمْسٜ بٜى کُرٛورِ کِلٛ جٛوٜىٰغٛ جٛوٜىٰغٛ؞ 6ندٜنْ عٛوَلِّنَ طٜ جَبِّ طِطِ، جٛوٜىٰغٛ جٛوٜىٰغٛ دٛوْ تَابَلْ شُدَّانغَلْ بٜى کَنغّٜىٰرِ لَاࢡْندِ، دَرِينغَلْ يٜىٰسٛ جَوْمِرَاوٛ#غُرْتَاکِ 25:30؞؞ 7عٛرُڢَ عُورْلٜ لَاࢡْطٜ دٛوْ جَبِّ تَمْسٜىٰجٜ، طُمْ لَاتٛ غٜطَلْ شِڢْتِنٛرْغَلْ غُلٜتٜىٰنغَلْ نغَمْ جَوْمِرَاوٛ مبَتُّدِ مَاجٜ؞ 8سٜيْ لِمَنْجٛ جٛعِّنَ تَمْسٜىٰجٜ بَنَ طٜعٜ يٜىٰسٛ جَوْمِرَاوٛ ࢩَنْدٜ سِوْتٛرْدٜ ڢُو؞ کَنْجُمْ لَاتَنِ إِسْرَاءِيلَعٜنْ عَلْکَوَلْ دُومِينغَلْ بٜى جَوْمِرَاوٛ؞ 9تَمْسٜىٰجٜ طٜعٜ لَاتَنْتٛ هَـٰرُونَ عٜ دَࢩْغٛلْ مُمْ، ࢡٜࢩَامَ طٜ حَا نٛکُّورٜ سٜنِيندٜ، نغَمْ طٜ غٜطَلْ ࢡُرْنغَلْ سٜنَاغٛ حَا دٛکّٜ ࢩَامْدُ طٜ إِسْرَاءِيلَعٜنْ لِيعَنْتٛ جَوْمِرَاوٛ نغَمْ لِمَنْعٜنْ؞ طُمْ ڢَرِلَّ ندُومِيکَ#مَتَّ 12:4؛ مَرْکُسْ 2:26؛ لُکَ 6:4؞؞
مِسَالُ کِيتَ نغٛونغْطُکَ
10-11وٛودِ غٛطّٛ مٛ دَادَ مُمْ عِسْرَعِيلَاجٛ، عَمَّا بَابَ مُمْ مِصْرَاجٛ؞ عِنْدٜ دَادَ مَاکٛ، سٜلٛمِتْ ࢡِي دِبِرِ مٛ لٜࢩٛلْ دَنْ؞ غٛطّٛ عٛو يٜحِ ندٜرْ سَنغٜىٰرٜ شَکَ إِسْرَاءِيلَعٜنْ، ڢُطِّ جٛکِّرْغٛلْ بٜى عِسْرَعِيلَاجٛ؞ ندٜرْ جٛکِّرْغٛلْ مَࢡّٜ، عٛحُطِ اَللَّه؞ يِمْࢡٜ نَنغِمٛ، نجَحْرِمٛ حَا مُوسَى؞ 12مُوسَى عُمْرِ ࢡٜعَيْنَ مٛ، سٜيْ تٛ جَوْمِرَاوٛ يٜشِّ ࢡٜ کٛ ࢡٜمبَطَتَ مٛ؞
13جَوْمِرَاوٛ وِعِ مُوسَى: 14«وُرْتِنْ مٛ يَاسِ سَنغٜىٰرٜ؞ کٛو مٛيْ نَنْطٛ کُودِ مَاکٛ، يٛوَ جُوطٜ مُمْ دٛوْ حٛورٜ مَاکٛ نغَمْ سٜىٰدَمْکُ عَيْبٜ مَاکٛ؞ ندٜنْ جَمَعَارٜ ڢُو ڢِطَ مٛ بٜى کَاعٜ حَا عٛمَايَ؞ 15ࢡَاوٛ مَنْ وِعْ إِسْرَاءِيلَعٜنْ: کٛو مٛيْ حُطِ اَللَّه، سٜيْ عٜڢْتَ عَيْبٜ مُمْ؞ 16عٛ مبَرٜتٜىٰطٛ ڢَکَتْ؞ کٛو مٛيْ عِسْرَعِيلَاجٛ مَلَّ جَنَنّٛ ندٜرْ إِسْرَاءِيلَ مٛ حُطِ اَللَّه، سٜيْ جَمَعَارٜ ڢُو ڢِطَ مٛ بٜى کَاعٜ حَا عٛمَايَ؞
17«کٛو مٛيْ مبَرِ غٛطّٛ، عٛ مبَرٜتٜىٰطٛ ڢَکَتْ#غُرْتَاکِ 21:12؞؞ 18کٛو مٛيْ مبَرِ ندَبَّاوَ غٛطّٛ، سٜيْ حٛکَّ مٛ ندَبَّاوَ بَنَ مَاغَ؞ عٛيٛࢡَ يٛنغْکِ بٜى يٛنغْکِ؞ 19تٛ غٛطّٛ وَطِ سَرُّ حَا ࢡَنْدُ کٜىٰدِّطُّمْ، سٜيْ يِمْࢡٜ مبَطَ مٛ بَنَ عٛوَارِ بٜى حٛورٜ مَاکٛ: 20يٜوْرٜ عِعَلْ بٜى يٜوْرٜ عِعَلْ، يِيتٜرٜ بٜى يِيتٜرٜ، ࢩِينْدٜرٜ بٜى ࢩِينْدٜرٜ؞ ڢٛدّٜ کٛ عٛ سَرِّ غٛطّٛ، نٛنّٛنْ يِمْࢡٜ مبَطَنْتَ مٛ#غُرْتَاکِ 21:23-25؛ تٛوکْتَاکِ تَوْرٜىٰتَ 19:21؛ مَتَّ 5:38؞؞ 21کٛو مٛيْ مبَرِ ندَبَّاوَ، سٜيْ حٛکَّ ندَبَّاوَ نغٛطْنغَ مبَتُّدِ مَاغَ؞ عَمَّا کٛو مٛيْ مبَرِ غٛطّٛ، عٛ مبَرٜتٜىٰطٛ؞ 22عُمْرٛورٜ وٛورٜ لَاتَنْتٛ عٛنْ، عٛنٛنْ إِسْرَاءِيلَعٜنْ عٜ حٛطْࢡٜ وٛنْࢡٜ شَکَ مٛوطٛنْ؞ مِنْ وٛنِ جَوْمِرَاوٛ اَللَّه مٛنْ#لِمْلٜ 15:16؞؞»
23مُوسَى وِعِ طُمْ إِسْرَاءِيلَعٜنْ؞ ࢡٜنجَحْرِ کُطّٛ اَللَّه غٛ يَاسِ سَنغٜىٰرٜ، ࢡٜݠِطِمٛ بٜى کَاعٜ حَا عٛمَايِ؞ بَنَ نٛنْ ࢡٜمبَارِ کٛ جَوْمِرَاوٛ عُمْرُنٛ مُوسَى؞
Currently Selected:
ڢَرِلَّاجِ لٜوِعٜنْ 24: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
