ڢَرِلَّاجِ لٜوِعٜنْ 22
22
سٜنَارٜ کِرْسٜتٜىٰطِ عٜ دٛکّٜ نغَمْ اَللَّه
1جَوْمِرَاوٛ عُمْرِ مُوسَى، 2عٛوِعَ هَـٰرُونَ عٜ ࢡِࢡّٜ مُمْ نِعِ: «کَکِّلَنٜ دٛکّٜ إِسْرَاءِيلَعٜنْ شٜنَاطٜ، نغَمْ تَا ࢡٜشٛࢡْنَ عِنْدٜ عَمْ سٜنِيندٜ؞ مِنْ وٛنِ جَوْمِرَاوٛ؞ 3تٛ غٛطّٛ مٛنْ مَلَّ غٛطّٛ دَࢩْغٛلْ مٛنْ ࢡَدِتَکٜ دٛکّٜ طٜ إِسْرَاءِيلَعٜنْ شٜنِ نغَمْ عَمْ، سَاعِ عٛ شٛࢡْطٛ، ندٜنْ کَمْ عٛ غُدِنْتٜىٰطٛ، عٛوٛنَتَا يٜىٰسٛ عَمْ؞ کَنْجُمْ وٛنِ عُمْرٛورٜ حَا ڢٛرٛيْ؞ مِنْ وٛنِ جَوْمِرَاوٛ؞
4«تٛ غٛطّٛ دَࢩْغٛلْ هَـٰرُونَ وٛودِ سَطَوْرٜ کٛو ندٜيٜىٰرٜ مَلَّ ࢩَوُ عِلْنٛووُ، تَا عٛࢩَامَ دٛکّٜ شٜنِيطٜ، سٜيْ تٛ عٛلَاࢡِ ڢَحِنْ؞ کٛو مٛيْ لِمَنْجٛ مٜىٰمْطٛ حُوندٜ سٛࢡْندٜ نغَمْ دَلِيلَ مَايْطٛ مَلَّ کٛيْطِتِيطٛ 5مَلَّ مٜىٰمْطٛ لَدٛوجُمْ شٛࢡْطُمْ کٛو نٜطّٛ شٛࢡْطٛ بٛو، کَنغْکٛ بٛو عٛسٛࢡِ؞ 6لِمَنْجٛ لَاتِيطٛ شٛࢡْطٛ بَنَ نٛنْ، عٛࢩَلَّنْ عٛ شٛࢡْطٛ؞ کٛو ࢡَاوٛطٛنْ بٛو تَا عٛࢩَامَ دٛکّٜ شٜنِيطٜ، سٛنَا تٛ عٛيِيوَکٜ؞ 7ࢡَاوٛ مُتْکِ نَانغٜ عٛ لَاࢡْطٛ، عٛࢩَامَنْ دٛکّٜ شٜنِيطٜ مَنْ، نغَمْ طٜ ࢩَامْدُ مَاکٛ؞ 8تَا عٛࢩَامَ کُسٜلْ ندَبَّاوَ مبَاتْنغَ مَلَّ نغَ حُوندٜ لَدّٜ ڢَطِّ طُمْ، نغَمْ تَا عٛسٛࢡَ؞ مِنْ وٛنِ جَوْمِرَاوٛ؞
9«سٜيْ لِمَنْعٜنْ ڢُو کَکِّلَنَ نجَغُّ عَمْ؞ تٛ نَا نٛنْ، ࢡٜلَاتٛتٛ عَيْبُࢡٜ، ࢡٜ مبَرٜتٜىٰࢡٜ، نغَمْ ࢡٜشٛࢡْنِ عُمْرٛوجٜ عَمْ؞ مِنْ وٛنِ جَوْمِرَاوٛ شٜنٛووٛ ࢡٜ؞
10«غٛطّٛ مٛ لَاتَاکِ لِمَنْجٛ، ࢩَامَتَا دٛکّٜ شٜنِيطٜ، کٛو تٛ عٛ کٛطٛ مَلَّ کُووَنٛووٛ مٛ بٛو؞ 11عَمَّا جٜيَاطٛ مٛ لِمَنْجٛ سٛودِ طُمْ بٜى شٜىٰدٜ مَلَّ دَࢩَاطٛ ندٜرْ سَارٜ لِمَنْجٛ، ࢩَامَنْ ࢩَامْدُ لِمَنْجٛ؞ 12تٛ ࢡِي لِمَنْجٛ دٜبّٛ تٜعَامَ حَا غٛطّٛ مٛ لَاتَاکِ دَࢩْغٛلْ لِمَنْجٛ، عٛࢩَامَتَا دٛکّٜ شٜنِيطٜ عِتَّاطٜ نغَمْ لِمَنْعٜنْ؞ 13عَمَّا تٛ غٛرِيکٛ مَايِ مَلَّ سٜىٰرِمٛ، تٛ عٛوَلَا ࢡِکّٛيْ، تٛ عٛوَرْتِ حَا سَارٜ بَابَ مَاکٛ بَنَ نَانٜ ندٜ عٛ ݠَاࢩٛنٛ، ندٜنْ کَمْ عٛࢩَامَنْ ࢩَامْدُ بَابَ مَاکٛ؞ عَمَّا غٛطّٛ مٛ لَاتَاکِ لِمَنْجٛ، تَا عٛࢩَامَ کُوجٜ طٜعٜ؞
14«تٛ غٛطّٛ مٛ لَاتَاکِ لِمَنْجٛ ࢩَامِ دٛکّٜ شٜنِيطٜ بِلَا عَنِّيَ، سٜيْ عٛحٛکِّتَ لِمَنْجٛ ڢٛدّٜ کٛ عٛࢩَامِ، عٛࢡٜسْدَ دٛوْ مَاجُمْ يٜࢡْرٜ وٛورٜ ندٜرْ غٜࢡٜ جٛوِ بٛو؞ 15تَا لِمَنْعٜنْ شٛࢡْنَ دٛکّٜ شٜنِيطٜ طٜ إِسْرَاءِيلَعٜنْ نغَدَّنْتَ يَمْ؞ 16تٛ ࢡٜعَشِّ غٛطّٛ ڢٜىٰرٜ ࢩَامِ طٜ، ࢡٜنَسْتِنِمٛ ندٜرْ عَيْبٜوٛلْ مَنغٛلْ؞ مِنْ وٛنِ جَوْمِرَاوٛ شٜنٛووٛ دٛکّٜ طٜعٜ؞»
17جَوْمِرَاوٛ عُمْرِ مُوسَى، 18عٛوِعَ هَـٰرُونَ عٜ ࢡِࢡّٜ مُمْ عٜ إِسْرَاءِيلَعٜنْ نِعِ: «تٛ عِسْرَعِيلَاجٛ مَلَّ جَنَنّٛ جٛوطِيطٛ ندٜرْ إِسْرَاءِيلَ يِطِ لِيعَنَاغٛ يَمْ نغُلٜتٜىٰنغَ، نغَمْ عٛحٜبِّنَ تٛغَيٜىٰرٜ مَلَّ نغَمْ ࢡٜرْندٜ مَاکٛ نُمِ طُمْ، سٜيْ طُمْ لَاتٛ ندَبَّاوَ نغَ وَلَا عَيْبٜ، 19طُمْ لَاتٛ غٛرْطُمْ طُمْ وَلَا عَيْبٜ، حَا نَعِ عٜ بَالِ عٜ بٜعِ، حَا مِيٜرْدٛ طُمْ؞ 20تَا عٛنْ لِيعَنٛ يَمْ ندَبَّاوَ مَرْنغَ عَيْبٜوٛلْ کٛو نغٛلٜ، مِيٜرْدَتَاکٛ نغَ#تٛوکْتَاکِ تَوْرٜىٰتَ 17:1؞؞ 21تٛ غٛطّٛ يِطِ لِيعَنَاغٛ يَمْ کِرْسٜتٜىٰنغَ نغَمْ کَوْتَلْ يِمْࢡٜ بٜى اَللَّه، نغَمْ عٛحٜبِّنَ تٛغَيٜىٰرٜ مَلَّ نغَمْ ࢡٜرْندٜ مَاکٛ نُمِ طُمْ، سٜيْ طُمْ لَاتٛ ندَبَّاوَ نغَ وَلَا عَيْبٜ، حَا مِيٜرْدٛ نغَ؞ 22تَا عٛنْ لِيعَنٛ يَمْ مبُمْنغَ مَلَّ مبٛوسْنغَ مَلَّ نغٜوْنغَ مَلَّ مَرْنغَ حُودُورٜ عِلْنَنْدٜ مبٛرْدِ مَلَّ وَايْرٜ مَلَّ ڢُوڢْرٜ؞ تَا لِيعَنٜىٰطَمْ عِرِنْ ندَبَّاوَ نغَعَ نغُلٜتٜىٰنغَ دٛوْ حِرْسِرْدٜ بٛو؞ 23نغَارِ مَلَّ ندَمّٛووَ تٛ تٜرْغَلْ مُمْ غٛوتَلْ جُوتِ مَلَّ رَمِّ، عٛنْ لِيعٛتٛ نغَ بَنَ دٛکَّلْ شَاحِينغَلْ؞ عَمَّا مِيٜرْدَتَاکٛ نغَ نغَمْ کٜبِّنْکِ تٛغَيٜىٰرٜ؞ 24تَا عٛنْ لِيعَنٛ يَمْ ندَبَّاوَ نغَ غٛرْطٜ مُمْ ࢡِطَّ مَلَّ تَݠَّ مَلَّ سٜىٰکَ مَلَّ تَعَ؞ مِدُنغَنَاکِ عٛنْ لِيعَاغٛ عِرِنْ مَاغَ ندٜرْ لٜسْدِ مٛنْ؞
25«تَا عٛنْ لِيعَنٛ يَمْ عِرِنْ ندَبَّاوَ مَنْ نغَ کٜࢡْطٛنْ حَا غٛطّٛ جَنَنّٛ؞ عِرِنْ دَبَّاجِ طِعِ، مِطٛنْ لَارَ طِ بَنَ طِ جِيجِيطِ، مِيٜرْدَتَاکٛ طِ؞»
26جَوْمِرَاوٛ ࢡٜسْدِ وِعُغٛ مُوسَى: 27«تٛ غَغّٜلْ مَلَّ بَالٜلْ مَلَّ بٜعٜلْ رِمَامَ، نغٜلْ وٛنْدَ بٜى دَادَ مَاغٜلْ ࢩَلْطٜ جٛوٜىٰطِطِ؞ ࢡَاوٛ مَنْ مِيٜرْدٛتٛ نغٜلْ بَنَ غُلٜتٜىٰنغٜلْ؞ 28تَا کِرْسٜ نَغّٜ عٜ ࢡِيِيغٜ مَلَّ ندَمّٛووَ عٜ ࢡِيِيغَ ندٜرْ ࢩَلَادٜ وٛورٜ؞ 29تٛ عٛنْ نغِطِ لِيعَنَاغٛ يَمْ کِرْسٜتٜىٰنغَ نغَمْ دَلِيلَ يٜتّٛورٜ، مبَطٜ طُمْ ڢٛدّٜ عُمْرٛورٜ عَمْ، حَا نغَ حٜࢡَنَ عٛنْ يٜرْدُيٜ عَمْ؞ 30ࢩَامٜ نغَ ࢩَلَادٜ مَنْ، تَا عَشّٜ کٛو طُمٜ حَا جَنغٛ مَنْ؞ مِنْ وٛنِ جَوْمِرَاوٛ؞
31«کَکِّلَنٜ عُمْرٛوجٜ عَمْ، طٛوْتَنٜ طٜ، نغَمْ مِنْ وٛنِ جَوْمِرَاوٛ؞ 32تَا شٛࢡْنٜ عِنْدٜ عَمْ سٜنِيندٜ، نغَمْ حَا سٜنَارٜ عَمْ وَنغَ شَکَ إِسْرَاءِيلَعٜنْ؞ مِنْ وٛنِ جَوْمِرَاوٛ شٜنٛووٛ عٛنْ؞ 33مِوُرْتِنِ عٛنْ لٜسْدِ مِصْرَ نغَمْ مِلَاتٛ اَللَّه مٛنْ؞ مِنْ وٛنِ جَوْمِرَاوٛ؞»
Currently Selected:
ڢَرِلَّاجِ لٜوِعٜنْ 22: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
