ڢَرِلَّاجِ لٜوِعٜنْ 21
21
سٜنَارٜ لِمَنْعٜنْ
1جَوْمِرَاوٛ عُمْرِ مُوسَى، عٛوِعَ لِمَنْعٜنْ دَࢩْغٛلْ هَـٰرُونَ نِعِ: «تَا غٛطّٛ لِمَنْجٛ سٛࢡْنَ حٛورٜ مُمْ بٜى مَايْطٛ جَمَعَارٜ مُمْ، 2سٛنَا تٛ طُمْ دَادَ مَاکٛ مَلَّ بَابَ مَاکٛ مَلَّ ࢡِيِيکٛ غٛرْکٛ مَلَّ ࢡِيِيکٛ دٜبّٛ مَلَّ دٜىٰرْطِيکٛ غٛرْکٛ، 3مَلَّ دٜىٰرْطِيکٛ دٜبّٛ جٛوطِيطٛ حَا سَارٜ مَاکٛ، مٛ تٜعَاکَ تَوٛنْ؞ 4تَا عٛسٛࢡْنَ حٛورٜ مَاکٛ، نغَمْ عٛ حٛورٜىٰجٛ شَکَ بَنْدِرَاࢡٜ مَاکٛ، نغَمْ تَا عٛوٛنَّ سٜنَارٜ مَاکٛ؞
5«تَا لِمَنْعٜنْ ݠٜمْبَ کٛعٜ مُمْعٜنْ، تَا ࢡٜتَعَ بَکُّطٜ مَࢡّٜ، تَا ࢡٜࢨَرَ ࢡَلِّ مَࢡّٜ بٛو#ڢَرِلَّاجِ لٜوِعٜنْ 19:27-28؛ تٛوکْتَاکِ تَوْرٜىٰتَ 14:1؞؞ 6سٜيْ ࢡٜلَاتٛ سٜنَاࢡٜ نغَمْ عَمْ، تَا ࢡٜشٛࢡْنَ عِنْدٜ عَمْ؞ ࢡٜطٛنْ لِيعَنٛ يَمْ غُلٜتٜىٰطِ عٜ دٛکّٜ ࢩَامْدُ، نغَمْ مَنْ ࢡٜلَاتٛ سٜنِيࢡٜ؞ 7تَا لِمَنْجٛ تٜعَ دٜبّٛ دَاکَارٜىٰجٛ مَلَّ تٛسْکَاطٛ مَلَّ شٜىٰرَاطٛ؞ نغَمْ لِمَنْجٛ عٛ شٜنَاطٛ نغَمْ اَللَّه مَاکٛ؞ 8سٜيْ يِمْࢡٜ ڢُو ندَارَ لِمَنْجٛ بَنَ شٜنِيطٛ، نغَمْ عٛطٛنْ لِيعَنٛ يَمْ دٛکّٜ ࢩَامْدُ؞ مِنْ جَوْمِرَاوٛ مِ شٜنِيطٛ، مِ شٜنٛووٛ يِمْࢡٜ عَمْ بٛو؞ 9تٛ ࢡِي لِمَنْجٛ دٜبّٛ لَاتِ دَاکَارٜىٰجٛ، عٛتٛسْکِنِ بَابَ مَاکٛ، سٜيْ عٛوُلٜ بٜى يِيتٜ؞
10«حٛورٜىٰجٛ لِمَنْعٜنْ مٛيْتَاطٛ حٛورٜ بٜى نٜبَّمْ شٜنِرْطَمْ، کَلْڢِتِنَاطٛ لِمَنْکُ بٜى ࢡٛرْنُغٛ مٛ لِمْشٜ شٜنِيطٜ، تَا عٛيٛوڢَ غَاسَ حٛورٜ مَاکٛ، تَا عٛسٜىٰکَ لِمْشٜ مَاکٛ بٛو نغَمْ وٛيُغٛ مَايْطٛ؞ 11-12تَا عٛوُرْتٛ سُودُ عَمْ سٜنِيندُ نغَمْ عٛنَسْتَ سُودُ ندُ مَايْطٛ وٛنِ عٜ مُمْ، کٛو تٛ طُمْ بَابَ مَاکٛ مَلَّ دَادَ مَاکٛ؞ عٛ شٜنَاطٛ نغَمْ عَمْ بٜى نٜبَّمْ شٜنِرْطَمْ؞ نغَمْ مَنْ تَا عٛسٛࢡْنَ حٛورٜ مَاکٛ بٜى مَايْطٛ کٛو مٛيٜ، نغَمْ تَا عٛسٛࢡْنَ سُودُ عَمْ سٜنِيندُ، مِنْ وٛنِ جَوْمِرَاوٛ؞ 13سٜيْ عٛتٜعَ ݠَاࢩٛ دٜبّٛ مٛ مٜىٰطَايْ عَنْدُغٛ غٛرْکٛ تَوٛنْ؞ 14تَا عٛتٜعَ دٜبّٛ مٛ غٛرُمْ مَايِ مَلَّ شٜىٰرَاطٛ مَلَّ دَاکَارٜىٰجٛ، سٜيْ ݠَاࢩٛ مٛ مٜىٰطَايْ عَنْدُغٛ غٛرْکٛ تَوٛنْ، مٛ جَمَعَارٜ مَاکٛ بٛو؞ 15تٛ نَا نٛنْ، عٛسٛࢡْنَنْ دَࢩْغٛلْ مَاکٛ؞ مِنْ جَوْمِرَاوٛ مِسٜنِمٛ؞»
16جَوْمِرَاوٛ عُمْرِ مُوسَى، 17عٛوِعَ هَـٰرُونَ نِعِ: «تٛ غٛطّٛ دَࢩْغٛلْ مَ وٛودِ جِيجَ کٛو کَيٜ حَا ࢡَنْدُ، تَا عٛلِيعَنٛ يَمْ دٛکَّلْ ࢩَامْدُ؞ طُمْ لَاتَنٛ غِدٜ مٛنْ ڢُو عُمْرٛورٜ حَا ڢٛرٛيْ؞ 18وَلَا مَرْطٛ جِيجَ حَا ࢡَنْدُ لِيعَنْتٛ يَمْ دٛکَّلْ ࢩَامْدُ، وَلَا بُمْطٛ مَلَّ بٛوسْطٛ مَلَّ سٜىٰکَ-حُنْدُکٛوجٛ مَلَّ مَرْطٛ تٜرْغَلْ غٛوتَلْ جُوتْنغَلْ 19مَلَّ مٛ کٛسْنغَلْ مُمْ يٜوِ مَلَّ مٛ جُنغٛ مُمْ يٜوِ 20مَلَّ ࢨُکّٛ مَلَّ مَاجُوجُوجٛ مَلَّ مَرْطٛ ندَنٜىٰرِ يِيتٜرٜ مَلَّ مَرْطٛ غَايٜ شٜوْطٜ مَلَّ سَطَوْرٜ ڢٜىٰرٜ مَلَّ وَرَاطٛ بٛو؞ 21تٛ غٛطّٛ دَࢩْغٛلْ هَـٰرُونَ لِمَنْجٛ وٛودِ جِيجَ کٛو کَيٜ حَا ࢡَنْدُ، تَا عٛلِيعَنٛ يَمْ دٛکَّلْ ࢩَامْدُ؞ 22عٛࢩَامَنْ دٛکّٜ لِيعَنْتٜىٰطٜ يَمْ، وَاتٛ ࢩَامْدُ سٜنِيندُ عٜ ࢩَامْدُ ࢡُرْندُ سٜنَاغٛ؞ 23عَمَّا تَا عٛࢡَدِتٛ وِيرْندَلّٛ ندٜرْ سُودُ عَمْ کٛو حِرْسِرْدٜ بٛو، نغَمْ عٛوٛودِ جِيجَ حَا ࢡَنْدُ؞ تَا عٛسٛࢡْنَ کُوجٜ عَمْ شٜنِيطٜ، نغَمْ مِنْ وٛنِ جَوْمِرَاوٛ شٜنٛووٛ طٜ؞»
24مُوسَى يٜشِّ طُمْ هَـٰرُونَ عٜ ࢡِࢡّٜ هَـٰرُونَ عٜ إِسْرَاءِيلَعٜنْ ڢُو؞
Currently Selected:
ڢَرِلَّاجِ لٜوِعٜنْ 21: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
