ڢَرِلَّاجِ لٜوِعٜنْ 20
20
کِيتَاجِ دٛوْ لُوتَنْࢡٜ عُمْرٛوجٜ
1جَوْمِرَاوٛ عُمْرِ مُوسَى، 2عٛوِعَ إِسْرَاءِيلَعٜنْ نِعِ: «کٛو مٛيْ عِسْرَعِيلَاجٛ مَلَّ جَنَنّٛ ندٜرْ إِسْرَاءِيلَ دٛکُّطٛ غٛوتٜلْ حَا ࢡِکّٛيْ مُمْ نغَمْ لَوْرُ مٛلٜکْ، سٜيْ عُمَّاتٛورٜ ڢِطَ مٛ بٜى کَاعٜ حَا عٛمَايَ؞ 3مِحٛنَنْ غٛطّٛ مَنْ، مِنَتِّنَنْ مٛ شَکَ لٜࢩٛلْ مَاکٛ، نغَمْ عٛحٛکِّ مٛلٜکْ غٛوتٜلْ حَا ࢡِکّٛيْ مَاکٛ؞ بَنَ نٛنْ عٛسٛࢡْنِرِ سُودُ عَمْ سٜنِيندُ، عٛيَوَکٜ عِنْدٜ عَمْ سٜنِيندٜ بٛو؞ 4عَمَّا تٛ يِمْࢡٜ عُمَّاتٛورٜ ݠَالَاکَ کٛ عٛوَطِ، تٛ ࢡٜمبَرَايْ مٛ، 5ندٜنْ کَمْ مِنْ بٜى حٛورٜ عَمْ مِحٛنَنْ مٛ، کَنغْکٛ عٜ سَارٜ مَاکٛ عٜ حَوْتَنْࢡٜ مٛ ڢُو، طَکّٛتِرَنْࢡٜ بٜى مٛلٜکْ؞ مِنَتِّنَنْ ࢡٜ شَکَ جَمَعَارٜ مَࢡّٜ؞
6«تٛ غٛطّٛ يٜحِ ࢨَمُغٛ سَرْوٛتٛوࢡٜ مَايْࢡٜ عٜ حِيلَعٜنْ، نغَمْ طَکّٛتِرْغٛ بٜى مَࢡّٜ، مِحٛنَنْ مٛ، مِنَتِّنَنْ مٛ شَکَ عُمَّاتٛورٜ مَاکٛ؞ 7شٜنٜ کٛعٜ مٛنْ، لَاتٜ عٛنْ سٜنِيࢡٜ، نغَمْ مِنْ وٛنِ جَوْمِرَاوٛ اَللَّه مٛنْ؞ 8طٛوْتَنٜ عُمْرٛوجٜ عَمْ، نغَمْ مِنْ وٛنِ جَوْمِرَاوٛ شٜنٛووٛ عٛنْ؞
9«کٛو مٛيْ حُطِ بَابَ مُمْ مَلَّ دَادَ مُمْ، عٛ مبَرٜتٜىٰطٛ ڢَکَتْ، عَيْبٜ مَنْ لَاتٛتٛ دٛوْ حٛورٜ مَاکٛ#غُرْتَاکِ 21:17؛ مَتَّ 15:4؛ مَرْکُسْ 7:10؞؞
10«تٛ غٛطّٛ وَطِ نجٜىٰنُ بٜى دٜبّٛ کٜىٰدِّطُّمْ، ندٜنْ کَمْ کَنغْکٛ عٜ دٜبّٛ ࢡٜ مبَرٜتٜىٰࢡٜ نغَمْ ࢡٜ نجٜىٰنٛوࢡٜ#غُرْتَاکِ 20:14؛ ڢَرِلَّاجِ لٜوِعٜنْ 18:20؛ تٛوکْتَاکِ تَوْرٜىٰتَ 5:18؞؞ 11تٛ غٛطّٛ وَالْدِ بٜى دٜبّٛ بَابَ مُمْ، تٛسْکِ بَابَ مُمْ بَنَ نٛنْ، کَنغْکٛ عٜ دٜبّٛ ࢡٜ مبَرٜتٜىٰࢡٜ، عَيْبٜ مَنْ لَاتٛتٛ دٛوْ کٛعٜ مَࢡّٜ#ڢَرِلَّاجِ لٜوِعٜنْ 19:8؛ تٛوکْتَاکِ تَوْرٜىٰتَ 23:1؛ 27:20؞؞ 12تٛ غٛطّٛ وَالْدِ بٜى دٜبّٛ ࢡِيُمْ، ࢡٜ طِطٛ ڢُو ࢡٜ مبَرٜتٜىٰࢡٜ؞ ࢡٜمبَطِ ࢩِدُّطُمْ، عَيْبٜ مَايْدٜ مَࢡّٜ لَاتٛتٛ دٛوْ کٛعٜ مَࢡّٜ#ڢَرِلَّاجِ لٜوِعٜنْ 18:15؞؞ 13تٛ غٛطّٛ وَالْدِ بٜى غٛرْکٛ بَنَ مُوطُمْ، ࢡٜمبَطِ ࢩِدُّطُمْ، ࢡٜ طِطٛ ڢُو ࢡٜ مبَرٜتٜىٰࢡٜ؞ عَيْبٜ مَايْدٜ مَࢡّٜ لَاتٛتٛ دٛوْ کٛعٜ مَࢡّٜ#ڢَرِلَّاجِ لٜوِعٜنْ 18:22؞؞ 14تٛ غٛطّٛ تٜعِ دَادَ بٜى ࢡِيُمْ دٜبّٛ، ࢡٜمبَطِ ࢩِدُّطُمْ، ࢡٜ تَتٛ ڢُو ࢡٜ وُلٜتٜىٰࢡٜ بٜى يِيتٜ، نغَمْ تَا ࢩِدُّطُمْ طُعُمْ لُتَّ شَکَ مٛوطٛنْ؞ 15تٛ غٛطّٛ وَالْدِ بٜى ندَبَّاوَ، سٜيْ عٛنْ مبَرَ مٛ عٜ ندَبَّاوَ مَنْ ڢُو؞ 16نٛنْ بٛو تٛ دٜبّٛ ࢡَدِتِ ندَبَّاوَ نغَمْ وَالْدُغٛ بٜى مَاغَ، سٜيْ عٛنْ مبَرَ مٛ، کَنغْکٛ عٜ ندَبَّاوَ ڢُو؞ عَيْبٜ مَايْدٜ غٛطّٛ عٛو لَاتٛتٛ دٛوْ حٛورٜ مَاکٛ نٛنْ بٛو ندَبَّاوَ#غُرْتَاکِ 22:18؛ ڢَرِلَّاجِ لٜوِعٜنْ 18:23؛ تٛوکْتَاکِ تَوْرٜىٰتَ 27:1؞؞
17«تٛ غٛطّٛ تٜعِ دٜىٰرْطُمْ دٜبّٛ، ࢡِي بَابَ مُمْ مَلَّ ࢡِي دَادَ مُمْ، وَالْدِ بٜى مَاکٛ، ࢡٜمبَطِ ࢩِدُّطُمْ؞ ࢡٜ وُرْتِنْتٜىٰࢡٜ غِتٜ يِمْࢡٜ عُمَّاتٛورٜ مَࢡّٜ؞ دٛولٜ غٛرْکٛ عٛو رٛونْدٛ عَيْبٜ مُمْ#ڢَرِلَّاجِ لٜوِعٜنْ 18:9؛ تٛوکْتَاکِ تَوْرٜىٰتَ 27:22؞ 18تٛ غٛطّٛ حَوْتِ بٜى دٜبّٛ کَيْلٛووٛ، تٛ عٛيِعِ تٜمْبُکِ مَاکٛ عٜ تٛ دٜبّٛ بٛو لَارِ عِلٛلْ ࢨِيࢨَمْ مُمْ، ࢡٜ طِطٛ ڢُو ࢡٜ وُرْتِنْتٜىٰࢡٜ دِغَ جَمَعَارٜ مَࢡّٜ#ڢَرِلَّاجِ لٜوِعٜنْ 18:19؞؞
19«تٛ غٛطّٛ وَالْدِ بٜى غٛغّٛ مُمْ مَلَّ يَاݠٜندٛ مُمْ، عٛتٛسْکِ بَنْدِيکٛ ࢡَدِيطٛ؞ ࢡٜ طِطٛ ڢُو ࢡٜ حِيتٜتٜىٰࢡٜ نغَمْ عَيْبٜ مَࢡّٜ؞ 20تٛ غٛطّٛ وَالْدِ بٜى دٜبّٛ بَݠَّ مُمْ، عٛتٛسْکِ بَݠَّ مَاکٛ؞ ࢡٜ حِيتٜتٜىٰࢡٜ نغَمْ حَکّٜ مَࢡّٜ؞ ࢡٜکٜࢡَتَا ࢡِکّٛيْ حَا ࢡٜمَايَ#ڢَرِلَّاجِ لٜوِعٜنْ 18:12-14؞؞ 21تٛ غٛطّٛ حٛوعِ دٜبّٛ دٜىٰرْطُمْ، ࢡٜمبَطِ شٛࢡْطُمْ، عٛتٛسْکِ دٜىٰرْطِيکٛ؞ کَنغْکٛ عٜ دٜبّٛ کٜࢡَتَا ࢡِکّٛيْ حَا ࢡٜمَايَ؞#ڢَرِلَّاجِ لٜوِعٜنْ 18:16؞»
22جَوْمِرَاوٛ ࢡٜسْدِ وِعُغٛ: «طٛوْتَنٜ عُمْرٛوجٜ عَمْ عٜ کِيتَاجِ عَمْ ڢُو، نغَمْ تَا لٜسْدِ ندِ نجَحْرَنْمِ عٛنْ حَا مُوطُمْ، تُوتَ عٛنْ؞ 23تَا تٛکّٜ عُمْرٛوجٜ عُمَّاتٛوجٜ طٜ ندِيوَنْمِ يٜىٰسٛ مٛوطٛنْ؞ کَمْࢡٜ ࢡٜمبَطِ کُوجٜ طٜعٜ، ࢡٜلَاتَنِ يَمْ ࢩِدُّࢡٜ؞ 24مِوِعِ عٛنْ: عٛنٛنْ عٛنْ مَرَنْ لٜسْدِ کٜىٰوْندِ کٛسَمْ عٜ نجُمْرِ، مِمَرْنَنْ عٛنْ ندِ؞ مِنْ وٛنِ جَوْمِرَاوٛ اَللَّه مٛنْ، مِسٜنْدِ عٛنْ بٜى عُمَّاتٛوجٜ غٛطّٜ؞ 25سٜيْ عٛنْ شٜنْدِندِرَ دَبَّاجِ دَغِيطِ بٜى کَرْمِنَاطِ، عٛنْ شٜنْدِندِرَ شٛلِّ دَغِيطِ بٜى کَرْمِنَاطِ بٛو؞ تَا ࢩَامٜ دَبَّاجِ عٜ شٛلِّ عٜ لَدٛوجِ کَرْمِنَاطِ، نغَمْ تَا عٛنْ شٛࢡْنَ کٛعٜ مٛنْ؞ 26لَاتٜ عٛنْ سٜنِيࢡٜ نغَمْ عَمْ، نغَمْ مِنْ جَوْمِرَاوٛ مِ شٜنِيطٛ؞ مِسٜنْدِ عٛنْ بٜى عُمَّاتٛوجٜ غٛطّٜ نغَمْ مِمَرَ عٛنْ مِنْ ڢٜىٰرٜ عَمْ؞
27«کٛو مٛيْ غٛرْکٛ مَلَّ دٜبّٛ شَرْوٛتٛوطٛ مَايْࢡٜ مَلَّ حِيلَاجٛ، سٜيْ عٛنْ ݠِطَ مٛ بٜى کَاعٜ حَا عٛمَايَ؞ عَيْبٜ مَايْدٜ مَاکٛ لَاتٛتٛ دٛوْ حٛورٜ مَاکٛ؞»
Currently Selected:
ڢَرِلَّاجِ لٜوِعٜنْ 20: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
