ڢَرِلَّاجِ لٜوِعٜنْ 17
17
عُمْرٛورٜ دٛوْ ࢨِيࢨَمْ
1جَوْمِرَاوٛ عُمْرِ مُوسَى: 2«يٜشُّ هَـٰرُونَ عٜ ࢡِࢡّٜ مُمْ عٜ إِسْرَاءِيلَعٜنْ ندَا کٛ جَوْمِرَاوٛ عُمْرِ عٛنْ: 3تٛ عِسْرَعِيلَاجٛ حِرْسِ نَغّٜ مَلَّ مبَالُ مَلَّ مبٜىٰوَ، ندٜرْ سَنغٜىٰرٜ مَلَّ يَاسِ مَارٜ، 4عَمَّا عٛوَدَّايْ طُمْ حَا دَمُّغَلْ لَيْمَارُ ڢٛتِّرْدٜ نغَمْ عٛلِيعَنٛ طُمْ جَوْمِرَاوٛ يٜىٰسٛ جٛوطٛرْدٜ مُمْ، ندٜنْ کَمْ طُمْ لَاتٛتٛ عَيْبٜ ࢨِيࢨَمْ دٛوْ مَاکٛ؞ عٛرُڢِ ࢨِيࢨَمْ، نغَمْ مَنْ عٛ غُرْتِنْتٜىٰطٛ دِغَ جَمَعَارٜ مَاکٛ؞ 5إِسْرَاءِيلَعٜنْ مبٛووِ حِرْسُغٛ دَبَّاجِ مُوطُمْعٜنْ حَا لَدّٜ؞ عَمَّا جٛنْتَ ࢡٜنغَدَّ طِ حَا لِمَنْجٛ حَا دَمُّغَلْ لَيْمَارُ ڢٛتِّرْدٜ، ࢡٜلِيعٛ طِ تٛنْ کِرْسٜتٜىٰطِ نغَمْ کَوْتَلْ يِمْࢡٜ بٜى اَللَّه؞ 6لِمَنْجٛ وِشَّ ࢨِيࢨَمْ مَاجِ حَا حِرْسِرْدٜ جَوْمِرَاوٛ يٜىٰسٛ دَمُّغَلْ لَيْمَارُ؞ عٛوُلَ ࢡٜلّٜرٜ مَاجِ، حَا عُورٜىٰنغٛلْ مَنْ بٜلْنغٛلْ ڢٛتَّنَ جَوْمِرَاوٛ؞ 7تَا إِسْرَاءِيلَعٜنْ تٛکّٛ زَمْبٛرَاغٛ جَوْمِرَاوٛ بٜى حِرْسُغٛ دَبَّاجِ مُوطُمْعٜنْ حَا لَدّٜ نغَمْ لَبِّ نَنْدُطِ بٜى بٜعِ طِ ࢡٜندٜوَتَ؞ طُمْ لَاتَنٛ ࢡٜڢَرِلَّ ندُومِيکَ حَا غِدٜ مَࢡّٜ ڢُو؞
8«تٛ عِسْرَعِيلَاجٛ مَلَّ جَنَنّٛ ندٜرْ إِسْرَاءِيلَ مٛ يِطِ لِيعَاغٛ نغُلٜتٜىٰنغَ مَلَّ کِرْسٜتٜىٰنغَ ڢٜىٰرٜ، 9عَمَّا عٛوَدَّايْ نغَ حَا دَمُّغَلْ لَيْمَارُ ڢٛتِّرْدٜ نغَمْ عٛلِيعَنٛ نغَ جَوْمِرَاوٛ، عٛ غُرْتِنْتٜىٰطٛ دِغَ جَمَعَارٜ مَاکٛ؞
10«تٛ عِسْرَعِيلَاجٛ مَلَّ جَنَنّٛ ندٜرْ إِسْرَاءِيلَ ࢩَامِ کُسٜلْ نغٜلْ ࢨِيࢨَمْ مُمْ رُڢَاکَ، جَوْمِرَاوٛ حٛنَنْ مٛ، نَتِّنَنْ مٛ شَکَ لٜࢩٛلْ مَاکٛ#لَاتَانٛوجِ 9:14؛ ڢَرِلَّاجِ لٜوِعٜنْ 7:26-27؛ 19:26؛ تٛوکْتَاکِ تَوْرٜىٰتَ 12:16،23؛ 15:23؞؞ 11يٛنغْکِ مَرْطُمْ ࢡَنْدُ ڢُو طٛنْ ندٜرْ ࢨِيࢨَمْ؞ نغَمْ مَنْ جَوْمِرَاوٛ عُمْرِ عٛنْ عٛنْ ندُڢَ ࢨِيࢨَمْ ڢُو حَا حِرْسِرْدٜ نغَمْ عِتُّکِ حَکّٜىٰجِ يِمْࢡٜ#عِبْرَنِنغْکٜعٜنْ 9:22؞؞ 12نغَمْ مَنْ عٛوِعِ إِسْرَاءِيلَعٜنْ عٜ حٛطْࢡٜ وٛنْࢡٜ شَکَ مَࢡّٜ، تَا ࢡٜࢩَامَ ࢨِيࢨَمْ سَمْ؞
13«تٛ عِسْرَعِيلَاجٛ مَلَّ جَنَنّٛ ندٜرْ إِسْرَاءِيلَ مبَرِ ندَبَّاوَ لَدّٜ ࢩَامٜتٜىٰنغَ مَلَّ سٛنْدُ ࢩَامٜتٜىٰندُ، سٜيْ عٛرُڢَ ࢨِيࢨَمْ مَنْ ڢُو حَا لٜسْدِ، عٛسُدَّ طَمْ بٜى مبُلْوُلْدِ؞ 14نغَمْ مَرْطُمْ ࢡَنْدُ ڢُو، ࢨِيࢨَمْ وٛنِ يٛنغْکِ مُمْ؞ نغَمْ مَنْ جَوْمِرَاوٛ عُمْرِ إِسْرَاءِيلَعٜنْ تَا ࢡٜࢩَامَ کُسٜلْ نغٜلْ ࢨِيࢨَمْ مُمْ رُڢَاکَ؞ کٛو مٛيْ ࢩَامِ طَمْ، عٛ غُرْتِنْتٜىٰطٛ دِغَ جَمَعَارٜ مَاکٛ؞
15«کٛو مٛيْ عِسْرَعِيلَاجٛ مَلَّ جَنَنّٛ ندٜرْ إِسْرَاءِيلَ ࢩَامْطٛ کُسٜلْ ندَبَّاوَ مبَاتْنغَ مَلَّ نغَ حُوندٜ لَدّٜ ڢَطِّ طُمْ، سٜيْ لٛوتَ لِمْشٜ مُمْ، يِيوٛ؞ عٛࢩَلَّنْ عٛ شٛࢡْطٛ؞ 16تٛ عٛلٛوتَايْ لِمْشٜ مَاکٛ، عٛيِيوَاکِ بٛو، ندٜنْ کَمْ عٛ کِيتٜتٜىٰطٛ؞»
Currently Selected:
ڢَرِلَّاجِ لٜوِعٜنْ 17: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
