ڢَرِلَّاجِ لٜوِعٜنْ 18

عُمْرٛورٜ دٛوْ غٛنْدَلْ غٛرْکٛ بٜى دٜبّٛ

1جَوْمِرَاوٛ عُمْرِ مُوسَى، 2عٛوِعَ إِسْرَاءِيلَعٜنْ نِعِ‏: «مِنْ وٛنِ جَوْمِرَاوٛ اَللَّه مٛنْ؞ 3تَا تٛکّٜ عَلْعَادَاجِ لٜسْدِ مِصْرَ ندِ نجٛوطِيطٛنْ نَانٜ؞ تَا تٛکّٜ عَلْعَادَاجِ لٜسْدِ کَنَانَ بٛو ندِ نجَحْرَنْمِ عٛنْ حَا مُوطُمْ، تَا طٛوْتَنٜ طَبِيَاجِ يِمْࢡٜ وٛنْࢡٜ تٛنْ؞ 4عَمَّا طٛوْتَنٜ کِيتَاجِ عَمْ، کَکِّلَنٜ ڢَرِلَّاجِ عَمْ؞ مِنْ وٛنِ جَوْمِرَاوٛ اَللَّه مٛنْ؞ 5تٛکّٜ عُمْرٛوجٜ عَمْ عٜ کِيتَاجِ عَمْ؞ کٛو مٛيْ بَطَنْطٛ طُمْ يٜىٰطَنْ؞ مِنْ وٛنِ جَوْمِرَاوٛ#نٜحٜمِيَ 9‏:29؛ عٜزٜکِيٜلْ 18‏:9؛ 20‏:11‏-13؛ لُکَ 10‏:28؛ رٛمَعٜنْ 10‏:5؛ غَلَاتِيَعٜنْ 3‏:12؞؞

6«تَا غٛطّٛ وَالْدَ بٜى بَنْدُمْ دٜبّٛ؞ مِنْ وٛنِ جَوْمِرَاوٛ؞ 7تَا تٛسْکِنْ بَابَ مَ بٜى وَالْدُغٛ بٜى دَادَ مَ؞ تَا تٛسْکِنْ دَادَ مَ بَنَ نٛنْ؞ 8تَا تٛسْکِنْ بَابَ مَ بٜى وَالْدُغٛ بٜى غٛوتٛ رٜوْࢡٜ مَاکٛ#ڢَرِلَّاجِ لٜوِعٜنْ 20‏:11؛ تٛوکْتَاکِ تَوْرٜىٰتَ 22‏:29؛ 27‏:20؞؞ 9تَا وَالْدُ بٜى دٜىٰرْطَ دٜبّٛ، ࢡِي بَابَ مَ مَلَّ ࢡِي دَادَ مَ، دَࢩَاطٛ ندٜرْ سَارٜ مَلَّ نٛکُّورٜ وٛطْندٜ#ڢَرِلَّاجِ لٜوِعٜنْ 20‏:17؛ 27‏:22؞؞ 10تَا وَالْدُ بٜى تَانِرَاوٛ مَ دٜبّٛ، عَتٛسْکِنَنْ حٛورٜ مَ؞ 11تَا وَالْدُ بٜى ࢡِي بَابَ مَ، مٛ دَادَ ڢٜىٰرٜ، نغَمْ عٛ دٜىٰرْطَ؞ 12تَا وَالْدُ بٜى غٛغّٛ مَ، نغَمْ عٛ دٜىٰرْطُ بَابَ مَ؞ 13تَا وَالْدُ بٜى يَاݠٜندٛ مَ، نغَمْ عٛ دٜىٰرْطُ دَادَ مَ؞ 14تَا تٛسْکِنْ بَݠَّ مَ بٜى وَالْدُغٛ بٜى دٜبّٛ مَاکٛ، نغَمْ عٛ دٜبّٛ بَݠَّ مَ#ڢَرِلَّاجِ لٜوِعٜنْ 20‏:19‏-20؞؞ 15تَا وَالْدُ بٜى دٜبّٛ ࢡِيَ غٛرْکٛ، عٜسِرَاوٛ مَ#ڢَرِلَّاجِ لٜوِعٜنْ 20‏:12؞؞ 16تَا وَالْدُ بٜى دٜبّٛ دٜىٰرْطَ؞ تَا تٛسْکِنْ دٜىٰرْطَ بَنَ نِي#ڢَرِلَّاجِ لٜوِعٜنْ 20‏:21؞؞ 17تَا وَالْدُ بٜى دٜبّٛ عٜ ࢡِطّٛ مُمْ دٜبّٛ، کٛو بٜى تَانِرَاوٛ مَاکٛ دٜبّٛ بٛو، نغَمْ ࢡٜ دَࢩْغٛلْ مَاکٛ، طُمْ ࢩِدُّطُمْ#ڢَرِلَّاجِ لٜوِعٜنْ 20‏:14؛ تٛوکْتَاکِ تَوْرٜىٰتَ 27‏:23؞؞ 18تَا تٜعُ دٜىٰرْطُ دٜبّٛ مَ، نغَمْ طُمْ عُمِّنَنْ کَاجَلْ، تٛ عَوَالْدِ بٜى مَاکٛ يَاکٜ دٜبّٛ مَ عٛ غٜىٰتٛ؞

19«تَا وَالْدُ بٜى دٜبّٛ کَيْلٛووٛ، طُمْ شٛࢡْطُمْ#ڢَرِلَّاجِ لٜوِعٜنْ 20‏:18؞؞ 20تَا وَالْدُ بٜى دٜبّٛ کٜىٰدِّطَّ، نغَمْ تَا عَسٛࢡَ#ڢَرِلَّاجِ لٜوِعٜنْ 20‏:10؞؞ 21تَا لِيعَنَ لَوْرُ مٛلٜکْ غُلٜتٜىٰنغٜلْ ندٜرْ ࢡِکّٛيْ مَ، کٛو غٛوتٜلْ؞ تَا سٛࢡْنُ عِنْدٜ اَللَّه مَ بٜى وَطُغٛ عِرِنْ طُعُمْ؞ مِنْ وٛنِ جَوْمِرَاوٛ#ڢَرِلَّاجِ لٜوِعٜنْ 20‏:1‏-5؞؞ 22تَا غٛرْکٛ وَالْدَ بٜى غٛرْکٛ، طُمْ ࢩِدُّطُمْ يٜىٰسٛ عَمْ#ڢَرِلَّاجِ لٜوِعٜنْ 20‏:13؛ رٛمَعٜنْ 1‏:26‏-27؞؞ 23تَا غٛرْکٛ مَلَّ دٜبّٛ وَالْدَ بٜى ندَبَّاوَ، طُمْ شٛࢡْطُمْ، طُمْ عَيْبٜوٛلْ ࢩِدُّنغٛلْ#غُرْتَاکِ 22‏:18؛ ڢَرِلَّاجِ لٜوِعٜنْ 20‏:15‏-16؛ تٛوکْتَاکِ تَوْرٜىٰتَ 27‏:21؞؞

24«تَا شٛࢡْنٜ کٛعٜ مٛنْ بٜى وَطُغٛ عِرِنْ کُوجٜ طٜعٜ؞ بَنَ نٛنْ حٜىٰڢٜىٰرْࢡٜ شٛࢡْنِرِ کٛعٜ مُوطُمْعٜنْ؞ مِنْ مِرِيوَنْ ࢡٜ يٜىٰسٛ مٛوطٛنْ؞ 25کُوطٜ مَࢡّٜ شٛࢡْنِ لٜسْدِ؞ نغَمْ مَنْ مِحِيتِ ندِ؞ ندِ تُوتِ جٛوطِيࢡٜ تٛنْ؞ 26‏-27ࢡٜمبَطِ کُوجٜ ࢩِدُّطٜ طٜعٜ ڢُو، ࢡٜشٛࢡْنِ لٜسْدِ؞ عَمَّا عٛنٛنْ، سٜيْ عٛنْ طٛوْتَنٛ ڢَرِلَّاجِ عَمْ عٜ کِيتَاجِ عَمْ، عٛنٛنْ إِسْرَاءِيلَعٜنْ عٜ حٛطْࢡٜ شَکَ مٛوطٛنْ ڢُو، تَا عٛنْ مبَطَ عِرِنْ طُعُمْ؞ 28ندٜنْ کَمْ لٜسْدِ تُوتَتَا عٛنْ بَنَ ندِ تُوتِرِ حٜىٰڢٜىٰرْࢡٜ عَارْتُࢡٜ عٛنْ جٛوطَاغٛ تٛنْ؞ 29کٛو مٛيْ وَطِ عِرِنْ طُعُمْ، عٛ غُرْتِنْتٜىٰطٛ جَمَعَارٜ مَاکٛ؞ 30کَکِّلَنٜ عُمْرٛوجٜ عَمْ، تَا تٛکّٜ عَلْعَادَاجِ ࢩِدُّطِ طِ يِمْࢡٜ عَارْتُࢡٜ عٛنْ جٛوطَاغٛ تٛنْ؞ تَا شٛࢡْنٜ کٛعٜ مٛنْ بٜى وَطُغٛ عِرِنْ کُوجٜ طٜعٜ؞ مِنْ وٛنِ جَوْمِرَاوٛ اَللَّه مٛنْ؞»

Currently Selected:

ڢَرِلَّاجِ لٜوِعٜنْ 18: داَ

Highlight

Copy