ڢَرِلَّاجِ لٜوِعٜنْ 16
16
ࢩَلَادٜ عِتُّکِ حَکّٜىٰجِ
1جَوْمِرَاوٛ وٛلْوَنِ مُوسَى ࢡَاوٛ مَايْدٜ ࢡِࢡّٜ هَـٰرُونَ طِطٛ، مبَرَاࢡٜ ندٜ ࢡٜلِيعَنِ جَوْمِرَاوٛ يِيتٜ نغٜ سٜنَاکَ؞ 2عٛوِعِ: «يٜشُّ دٜىٰرْطَ هَـٰرُونَ تَا عٛنَسْتَ نٛکُّورٜ ࢡُرْندٜ سٜنَاغٛ ࢡَاوٛ وِيرْندَلّٛ، سٜيْ بٜى سَاعِيرٜ ڢٛتَّنْدٜ تَنْ؞ تٛنْ مبَنغَنْمِ ندٜرْ رُولْدٜ حَا دٛوْ جٛوطٛرْدٜ نغَمْ کٜڢٜرْغَلْ؞ تٛ عٛطٛوْتَاکِ، عٛمَايَنْ#غُرْتَاکِ 25:10-22؛ عِبْرَنِنغْکٜعٜنْ 6:19؛ 9:1-7؞؞ 3ندَا نِي عٛنَسْتِرْتَ نٛکُّورٜ سٜنِيندٜ: سٜيْ عٛلِيعٛ نغَارِ کَلْحَلْدِ کِرْسٜتٜىٰندِ نغَمْ عِتُّکِ حَکّٜىٰجِ مَاکٛ تَوٛنْ، نٛنْ بٛو نجَوْدِرِ مبَالُ نغُلٜتٜىٰندِ#عِبْرَنِنغْکٜعٜنْ 9:7؞؞
4«حِدّٜکٛ هَـٰرُونَ نَسْتَ تٛنْ، سٜيْ عٛيِيوٛ تَوٛنْ؞ ندٜنْ عٛࢡٛرْنٛ لِمْشٜ شٜنِيطٜ، وَاتٛ تٛغّٛورٜ عٜ غَجٜىٰرٜ عٜ تَادٛرْغٛلْ عٜ مٜىٰتَلٜىٰوٛلْ، طُمْ ڢُو طُمْ کُووْرَاطُمْ غَارَاجِ لٜنغْ؞
5«جَمَعَارٜ إِسْرَاءِيلَ حٛکَّ هَـٰرُونَ جَوْطِ بٜعِ طِطِ کِرْسٜتٜىٰطِ نغَمْ عِتُّکِ حَکّٜىٰجِ، نٛنْ بٛو نجَوْدِرِ مبَالُ نغُلٜتٜىٰندِ؞ 6سٜيْ عٛلِيعٛ نغَارِ کَلْحَلْدِ کِرْسٜتٜىٰندِ نغَمْ عِتُّکِ حَکّٜ مَاکٛ عٜ حَکّٜىٰجِ سَارٜ مَاکٛ؞ 7ندٜنْ عٛدَرْنَ جَوْطِ بٜعِ طِطِ غٛ يٜىٰسٛ جَوْمِرَاوٛ حَا دَمُّغَلْ لَيْمَارُ ڢٛتِّرْدٜ؞ 8عٛوَطَ کُرْعُ دٛوْ مَاجِ بٜى کَاعٜ طِطِ، وٛورٜ نغَمْ جَوْمِرَاوٛ، وٛورٜ نغَمْ عَزَزٜىٰلْ#16:8 مَانَ عِنْدٜ عَزَزٜىٰلْ عَنْدَاکَ، تٜىٰمَ طُمْ عِنْدٜ غِنَّوٛلْ لَدّٜ؞؞ 9ندٜنْ عٛلِيعٛ نجَوْدِرِ شُࢡَاندِ بٜى کُرْعُ نغَمْ جَوْمِرَاوٛ، ندِ کِرْسٜتٜىٰندِ نغَمْ عِتُّکِ حَکّٜىٰجِ؞ 10عَمَّا نجَوْدِرِ شُࢡَاندِ بٜى کُرْعُ نغَمْ عَزَزٜىٰلْ، سٜيْ عٛدَرْنَ ندِ يٜىٰسٛ جَوْمِرَاوٛ، ندٜنْ عٛرِيوَ ندِ ندٜرْ لَدّٜ حَا عَزَزٜىٰلْ، نغَمْ ندِ عِتَّ حَکّٜىٰجِ يِمْࢡٜ؞
11«سَاعِ هَـٰرُونَ طٛنْ لِيعٛ نغَارِ کَلْحَلْدِ کِرْسٜتٜىٰندِ نغَمْ عِتُّکِ حَکّٜىٰجِ مَاکٛ عٜ حَکّٜىٰجِ سَارٜ مَاکٛ، 12سٜيْ عٛحٜبِّنَ ڢٜحٛ بٜى ࢨُلْࢡٜ يِيتٜ دِغَ حِرْسِرْدٜ دَرِيندٜ يٜىٰسٛ جَوْمِرَاوٛ؞ عٛحٛوعَ بٛو عُورٜتٜىٰطُمْ بَنَ کٛ حٜبِّنْتَ جُوطٜ طِطِ، عٛنَسْتِنَ طُمْ ندٜرْ نٛکُّورٜ ࢡُرْندٜ سٜنَاغٛ غَطَ وِيرْندَلّٛ؞ 13عٛسَمِّنَ عُورْلٜ مَنْ دٛوْ يِيتٜ يٜىٰسٛ جَوْمِرَاوٛ، نغَمْ حَا شُورْطٜ مَاجٜ شُدَّ جٛوطٛرْدٜ نغَمْ کٜڢٜرْغَلْ دٛوْ سٜىٰدَمْکُ عَلْکَوَلْ؞ تٛ عٛوَطِ بَنَ نٛنْ، عٛمَايَتَا؞ 14ندٜنْ عٛحٛوعَ ࢨِيࢨَمْ نغَارِ سٜطَّ، عٛوِشَّ طَمْ بٜى حٛوندُ مَاکٛ حَا يٜىٰسٛ جٛوطٛرْدٜ نغَمْ کٜڢٜرْغَلْ، ࢡَاوٛ مَاجُمْ عٛوِشَّ طَمْ ندٜ جٛوٜىٰطِطِ يٜىٰسٛ سُنْدُکْرُ عَلْکَوَلْ؞
15«ندٜنْ عٛحِرْسَ نجَوْدِرِ مبٜىٰوَ نغَمْ عِتُّکِ حَکّٜىٰجِ عُمَّاتٛورٜ، عٛنَسْتِنَ ࢨِيࢨَمْ مَارِ ندٜرْ نٛکُّورٜ ࢡُرْندٜ سٜنَاغٛ غَطَ وِيرْندَلّٛ؞ عٛوِشَّ طَمْ دٛوْ جٛوطٛرْدٜ نغَمْ کٜڢٜرْغَلْ، نٛنْ بٛو يٜىٰسٛ سُنْدُکْرُ عَلْکَوَلْ، بَنَ عٛوَارُنٛ بٜى ࢨِيࢨَمْ نغَارِ غٛ#عِبْرَنِنغْکٜعٜنْ 9:12؞؞ 16بَنَ نِي عٛلَࢡِّنِرْتَ نٛکُّورٜ ࢡُرْندٜ سٜنَاغٛ عٜ شٛࢡْکِ إِسْرَاءِيلَعٜنْ عٜ حَکّٜىٰجِ مَࢡّٜ ڢُو؞ عٛوَطَ بَنَ نٛنْ حَا لَيْمَارُ ڢٛتِّرْدٜ ڢُو، نغَمْ ندُ طٛنْ دَرِ شَکَ شٛࢡْکِ مَࢡّٜ؞ 17تَا غٛطّٛ نَسْتَ لَيْمَارُ ڢٛتِّرْدٜ تٛ هَـٰرُونَ نَسْتِ ندٜرْ مَارُ نغَمْ عِتُّکِ حَکّٜىٰجِ حَا تٛ عٛوُرْتِ؞ ࢡَاوٛ عٛلَࢡِّنِ حٛورٜ مَاکٛ عٜ سَارٜ مَاکٛ عٜ جَمَعَارٜ إِسْرَاءِيلَ ڢُو، 18سٜيْ عٛوُرْتٛ، عٛلَࢡِّنَ حِرْسِرْدٜ دَرِيندٜ يٜىٰسٛ جَوْمِرَاوٛ؞ عٛحٛوعَ ࢨِيࢨَمْ نغَارِ عٜ ࢨِيࢨَمْ نجَوْدِرِ، عٛوَطَ طَمْ حَا لُوٜ حِرْسِرْدٜ؞ 19بٜى حٛوندُ مَاکٛ عٛوِشَّ ࢨِيࢨَمْ سٜطَّ ندٜ جٛوٜىٰطِطِ دٛوْ حِرْسِرْدٜ؞ بَنَ نِي عٛلَࢡِّنِرْتَ ندٜ عٜ شٛࢡْکِ إِسْرَاءِيلَعٜنْ، عٛسٜنْرَتَ ندٜ؞»
نجَوْدِرِ ندِيوٜتٜىٰندِ
20«تٛ هَـٰرُونَ تِمِّنِ لَࢡِّنْغٛ عٜ سٜنُغٛ نٛکُّورٜ ࢡُرْندٜ سٜنَاغٛ عٜ لُتُّطُمْ لَيْمَارُ ڢٛتِّرْدٜ، سٜيْ عٛࢡَدِنَ نجَوْدِرِ طِطَوْرِ؞ 21عٛيٛوَ جُوطٜ مَاکٛ طِطِ دٛوْ حٛورٜ مَارِ، عٛوَنغِنَ دٛوْ مَارِ حَکّٜىٰجِ إِسْرَاءِيلَعٜنْ عٜ عَيْبٜىٰجِ مَࢡّٜ عٜ تُورْتٛلْ مَࢡّٜ، عٛيٛوَ طُمْ ڢُو دٛوْ حٛورٜ نجَوْدِرِ؞ ندٜنْ عٛعُمْرَ غٛطّٛ رِيوَ ندِ ندٜرْ لَدّٜ؞ 22نجَوْدِرِ مَنْ رٛونْدٛتٛ عَيْبٜىٰجِ مَࢡّٜ ڢُو حَا نٛکُّورٜ ڢٜرٜوْندٜ؞ بَنَ نٛنْ عٛرِيوْرَتَ ندِ ندٜرْ لَدّٜ؞
23«ندٜنْ هَـٰرُونَ نَسْتَ لَيْمَارُ ڢٛتِّرْدٜ؞ لِمْشٜ لٜنغْ طٜ عٛࢡٛرْنِنٛ حِدّٜکٛ عٛنَسْتَ نٛکُّورٜ ࢡُرْندٜ سٜنَاغٛ، عٛࢡٛرْتٛ طٜ، عٛعَشَّ طٜ تٛنْ#عٜزٜکِيٜلْ 44:19؞؞ 24سٜيْ عٛيِيوٛ حَا نٛکُّورٜ سٜنِيندٜ، عٛࢡٛرْنٛ لِمْشٜ مَاکٛ؞ ندٜنْ عٛوُرْتٛ، عٛلِيعٛ نغُلٜتٜىٰنغَ مَاکٛ عٜ نغَ يِمْࢡٜ، نغَمْ عٛعِتَّ حَکّٜىٰجِ مَاکٛ عٜ حَکّٜىٰجِ عُمَّاتٛورٜ ڢُو؞ 25ࢡٜلّٜرٜ کِرْسَانغَ نغَمْ عِتُّکِ حَکّٜىٰجِ، عٛوُلَ ندٜ دٛوْ حِرْسِرْدٜ؞ 26دِيوْطٛ نجَوْدِرِ غٛ حَا عَزَزٜىٰلْ، لٛوتَ لِمْشٜ مُمْ، يِيوٛ؞ ندٜنْ عٛحٜࢡَنْ وَرْتُغٛ ندٜرْ سَنغٜىٰرٜ؞ 27نغَارِ کَلْحَلْدِ عٜ نجَوْدِرِ مبٜىٰوَ غٛ، کِرْسَاطِ طِ هَـٰرُونَ يَحْرِ ࢨِيࢨَمْ مُوطُمْعٜنْ ندٜرْ نٛکُّورٜ ࢡُرْندٜ سٜنَاغٛ نغَمْ عِتُّکِ حَکّٜىٰجِ، سٜيْ غٛطّٛ وُرْتِنَ طِ يَاسِ سَنغٜىٰرٜ؞ عٛوُلَ لَرَلْ عٜ کُسٜلْ عٜ شٛووٛووٜ مَاجِ ڢُو#عِبْرَنِنغْکٜعٜنْ 13:1؞؞ 28ندٜنْ عٛلٛوتَ لِمْشٜ مَاکٛ، عٛيِيوٛ؞ ࢡَاوٛ مَنْ عٛحٜࢡَنْ وَرْتُغٛ ندٜرْ سَنغٜىٰرٜ؞»
عُمْرٛورٜ حَکِّلَنْغٛ ࢩَلَادٜ عِتُّکِ حَکّٜىٰجِ
29«ندَا کٛ لَاتَنْتٛ عٛنْ ڢَرِلَّ ندُومِيکَ: ندٜرْ لٜوْرُ جٛوٜىٰطِطَࢡْرُ، ࢩَنْدٜ سَݠّٛورٜ، عٛنٛنْ إِسْرَاءِيلَعٜنْ عٜ جَنَنْࢡٜ جٛوطِيࢡٜ شَکَ مٛوطٛنْ ڢُو عٛنْ شُومٛ، تَا عٛنْ کُووَ کُوغَلْ کٛو نغَلٜ؞ 30ࢩَلَادٜ مَاجُمْ لِمَنْجٛ عِتَّنْ حَکّٜىٰجِ مٛنْ، لَࢡِّنَنْ عٛنْ عٜ عَيْبٜىٰجِ طِ عٛنْ مبَطِ دٛوْ جَوْمِرَاوٛ ڢُو؞ 31طُمْ ࢩَنْدٜ سِوْتٛرْدٜ، سٜيْ عٛنْ شُومٛ ندٜرْ مَارٜ؞ کَنْجُمْ وٛنِ ڢَرِلَّ ندُومِيکَ؞ 32لِمَنْجٛ مٛيْتَاطٛ حٛورٜ بٜى نٜبَّمْ، کَلْڢِتِنَاطٛ کُوغَلْ لِمَنْکُ مبَتُّدِ بَابَ مُمْ، کَنغْکٛ عٛلَࢡِّنَنْ عٛنْ، عٛعِتَّنْ حَکّٜىٰجِ مٛنْ؞ سٜيْ عٛࢡٛرْنٛ لِمْشٜ لٜنغْ شٜنِيطٜ نغَمْ کُوغَلْ مَنْ؞ 33ندٜنْ عٛلَࢡِّنَ نٛکُّورٜ ࢡُرْندٜ سٜنَاغٛ عٜ لَيْمَارُ ڢٛتِّرْدٜ عٜ حِرْسِرْدٜ، عٛعِتَّ حَکّٜىٰجِ لِمَنْعٜنْ عٜ يِمْࢡٜ ڢُو؞ 34کَنْجُمْ طُمْ لَاتَنٛ عٛنْ ڢَرِلَّ ندُومِيکَ: حِتَاندٜ ڢُو ندٜ وٛورٜ، لِمَنْجٛ لَࢡِّنَ إِسْرَاءِيلَعٜنْ عٜ حَکّٜىٰجِ مَࢡّٜ ڢُو#ڢَرِلَّاجِ لٜوِعٜنْ 23:26-32؛ لِمْلٜ 29:7-11؞؞»
هَـٰرُونَ وَطِ بَنَ جَوْمِرَاوٛ عُمْرُنٛ مُوسَى؞
Currently Selected:
ڢَرِلَّاجِ لٜوِعٜنْ 16: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
