ڢَرِلَّاجِ لٜوِعٜنْ 10
10
عَيْبٜ نَدَبْ عٜ عَبِحُ
1نَدَبْ عٜ عَبِحُ، ࢡِࢡّٜ هَـٰرُونَ، کٛوعِ ݠٜحٜ عُورٛرْطٜ، مبَطِ ࢨُلْࢡٜ يِيتٜ دٛوْ مَاجٜ، مبَطِ عُورْلٜ، لِيعَنِ طُمْ جَوْمِرَاوٛ؞ عَمَّا يِيتٜ مَنْ لَاتَاکِ سٜنِينغٜ، نغَمْ جَوْمِرَاوٛ عُمْرَايْ ࢡٜلِيعَاغٛ طُمْ؞ 2لَوْ جَوْمِرَاوٛ جِݠِّنِ يِيتٜ، نغٜ مبَرِ ࢡٜ تٛنْ يٜىٰسٛ جَوْمِرَاوٛ#لِمْلٜ 16:35؛ 2 لَامِيࢡٜ 1:10-14؞؞ 3مُوسَى وِعِ هَـٰرُونَ: «کَنْجُمْ وٛنِ کٛ جَوْمِرَاوٛ وِعِ سَاعِ عٛوِعْنٛ: سٜيْ ࢡَدِتِتّٛوࢡٜ يَمْ عَنْدِتَ سٜنَارٜ عَمْ، ࢡٜتٜدِّنَمِّ يٜىٰسٛ عُمَّاتٛورٜ عَمْ ڢُو؞» هَـٰرُونَ جٜىٰطِ سِرِوْ؞
4مُوسَى عٜوْنِ مِيسَيٜلْ عٜ عٜلِشَڢَنْ ࢡِࢡّٜ عُزِّيٜلْ بَݠَّاࢩٛ هَـٰرُونَ، وِعِ ࢡٜ: «نغَرٜ، شٛتِّنٜ مَايْࢡٜ مٛنْ يٜىٰسٛ سُودُ سٜنِيندُ، نجَحْرٜ ࢡٜ يَاسِ سَنغٜىٰرٜ؞» 5ࢡٜنغَرِ، ࢡٜعٜڢْتِرِ ࢡٜ بٜى تٛغّٛوجٜ مَࢡّٜ، ࢡٜنجَحْرِ ࢡٜ يَاسِ سَنغٜىٰرٜ، بَنَ مُوسَى عُمْرِ ࢡٜ؞
6ندٜنْ مُوسَى وِعِ هَـٰرُونَ عٜ ࢡِࢡّٜ مُمْ عٜلِعَزَارُ عٜ عِتَمَرْ: «تَا نجٛوڢٜ غَاسَ کٛعٜ مٛنْ، تَا شٜىٰکٜ لِمْشٜ مٛنْ بٛو، نغَمْ تَا مَايٛنْ، تَا جَوْمِرَاوٛ تِکَّنَ جَمَعَارٜ ڢُو؞ عَمَّا بَنْدِرَاࢡٜ مٛنْ، إِسْرَاءِيلَعٜنْ ڢُو مبٛيَ نغَمْ دَلِيلَ يِيتٜ نغٜ جَوْمِرَاوٛ نٜلِ طُمْ؞ 7تَا شٛتّٜ حَا دَمُّغَلْ لَيْمَارُ ڢٛتِّرْدٜ، نغَمْ تَا مَايٛنْ، نغَمْ نٜبَّمْ جَوْمِرَاوٛ شٜنِرْطَمْ طٛنْ دٛوْ کٛعٜ مٛنْ؞» ࢡٜمبَطِ کٛ مُوسَى وِعِ ࢡٜ؞
عُمْرٛوجٜ نغَمْ لِمَنْعٜنْ
8جَوْمِرَاوٛ وِعِ هَـٰرُونَ: 9«عَنْ عٜ ࢡِࢡّٜ مَ، تَا عٛنْ نَسْتَ لَيْمَارُ ڢٛتِّرْدٜ تٛ عٛنْ نجَرِ عِنَبٛوجَمْ مَلَّ نغُيْکِنٛوجَمْ ڢٜىٰرٜ، نغَمْ تَا مَايٛنْ؞ کَنْجُمْ وٛنِ ڢَرِلَّ ندُومِيکَ حَا دَࢩْغٛلْ مٛنْ ڢُو؞ 10سٜيْ عٛنْ شٜنْدِندِرَ شٜنِيطُمْ بٜى کٛ سٜنَاکِ، عٛنْ شٜنْدِندِرَ شٛࢡْطُمْ بٜى لَاࢡْطُمْ؞ 11سٜيْ عٛنْ عٜکِّتِنَ إِسْرَاءِيلَعٜنْ ڢَرِلَّاجِ ڢُو طِ عُمْرُمِ عٛنْ بٜى حُنْدُکٛ مُوسَى؞»
12مُوسَى وِعِ هَـٰرُونَ عٜ ࢡِࢡّٜ مُمْ لُتُّࢡٜ، عٜلِعَزَارُ عٜ عِتَمَرْ: «کٛوعٜ کٛ لُتِّ حَا دٛکَّلْ ࢩَامْدُ نغَمْ جَوْمِرَاوٛ، مبَطٜ تَمْسٜىٰجٜ طٜ عُڢْنَاکَ بٜى مَنْ؞ ࢩَامٜ طٜ بَنغٜ حِرْسِرْدٜ، نغَمْ دٛکَّلْ نغَعَلْ نغَلْ شٜنِينغَلْ مَسِنْ؞ 13ࢩَامٜ طُمْ حَا نٛکُّورٜ سٜنِيندٜ؞ کَنْجُمْ وٛنِ غٜطَلْ مَ عٜ غٜطَلْ ࢡِࢡّٜ مَ حَا دٛکّٜ غُلٜتٜىٰطٜ نغَمْ جَوْمِرَاوٛ؞ بَنَ نٛنْ جَوْمِرَاوٛ عُمْرِ يَمْ#ڢَرِلَّاجِ لٜوِعٜنْ 6:7-11؞؞ 14عٛنٛنْ عٜ ࢡِࢡّٜ مٛنْ وٛرْࢡٜ عٜ رٜوْࢡٜ ࢩَامَ بِيوٛلْ ࢡَنغْتَانغٛلْ عٜ دَنغٛ عِتَّانغٛ؞ کَنْجُمْ وٛنِ غٜطَلْ مٛنْ عٜ ࢡِࢡّٜ مٛوطٛنْ حَا کِرْسٜتٜىٰطِ نغَمْ کَوْتَلْ إِسْرَاءِيلَعٜنْ بٜى اَللَّه؞ عٛنْ ࢩَامَ طُمْ حَا نٛکُّورٜ لَاࢡْندٜ؞ 15کٛو ندٜيْ إِسْرَاءِيلَعٜنْ نغَدَّتَ ࢡٜلّٜرٜ وُلٜتٜىٰندٜ نغَمْ جَوْمِرَاوٛ، ࢡٜنغَدَّ بٛو بِيوٛلْ ࢡَنغْتٜتٜىٰنغٛلْ عٜ دَنغٛ عِتّٜتٜىٰنغٛ نغَمْ مَاکٛ؞ تٛ دٛکَّلْ نغَعَلْ ࢡَنغْتَامَ يٜىٰسٛ جَوْمِرَاوٛ، نغَلْ لَاتَنْتٛ عٛنْ عٜ دَࢩْغٛلْ مٛنْ حَا ڢٛرٛيْ، بَنَ جَوْمِرَاوٛ عُمْرِ طُمْ؞#ڢَرِلَّاجِ لٜوِعٜنْ 7:30-34؞»
16مُوسَى طَࢡِّتِ نجَوْدِرِ کِرْسَاندِ نغَمْ عِتُّکِ حَکّٜ، عَمَّا عٛتَوِ ࢡٜنغُلِ ندِ، تِمِّ؞ نغَمْ مَاجُمْ عٛتِکَّنِ عٜلِعَزَارُ عٜ عِتَمَرْ ࢡِࢡّٜ هَـٰرُونَ لُتُّࢡٜ؞ عٛࢨَمِ ࢡٜ: 17«کٛنِ عٛنْ ࢩَامَايْ کِرْسَانغَ نغَمْ عِتُّکِ حَکّٜ نغَعَ حَا نٛکُّورٜ سٜنِيندٜ؟ نغَ ࢡُرْنغَ سٜنَاغٛ؞ جَوْمِرَاوٛ حٛکِّ عٛنْ نغَ نغَمْ رٛونْدَاغٛ عَيْبٜىٰجِ جَمَعَارٜ عٜ يَاڢَاغٛ حَکّٜىٰجِ مَارٜ يٜىٰسٛ جَوْمِرَاوٛ#ڢَرِلَّاجِ لٜوِعٜنْ 6:17-19؞؞ 18ࢡٜنغَدَّايْ ࢨِيࢨَمْ مَاغَ ندٜرْ سُودُ سٜنِيندُ؞ نغَمْ مَاجُمْ حَانِ عٛنْ ࢩَامَ نغَ حَا نٛکُّورٜ سٜنِيندٜ، بَنَ عُمْرُمِ عٛنْ؞»
19هَـٰرُونَ جَابِ: «عَعَنْدِ ࢡٜلِيعَنِ جَوْمِرَاوٛ حَنْدٜ کِرْسَانغَ مَࢡّٜ نغَمْ عِتُّکِ حَکّٜىٰجِ عٜ نغُلَانغَ مَࢡّٜ؞ ندٜنْ بٛنٜ طٜعٜ کٜࢡِ يَمْ؞ تٛ مِࢩَامِ حَنْدٜ کُسٜلْ کِرْسَانغَ نغَمْ عِتُّکِ حَکّٜ، طُمْ ڢٛتَّنَنْ جَوْمِرَاوٛ نَ؟» 20مُوسَى نَنِ، يٜرْدِ طُمْ؞
Currently Selected:
ڢَرِلَّاجِ لٜوِعٜنْ 10: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
