ڢَرِلَّاجِ لٜوِعٜنْ 11

دَبَّاجِ ࢩَامٜتٜىٰطِ

(تٛوکْتَاکِ تَوْرٜىٰتَ 14‏:3‏-21)

1جَوْمِرَاوٛ عُمْرِ مُوسَى عٜ هَـٰرُونَ، 2ࢡٜمبِعَ إِسْرَاءِيلَعٜنْ نِعِ‏: «شَکَ دَبَّاجِ غٛنْطِ ندٜرْ دُنِيَارُ، ندَا طِ ࢩَامٛتٛنْ‏: 3دَبَّاجِ مَرْطِ کٛلٛنغِ شٜىٰکَاطِ، لٛرْنَنْطِ وَاشٜرٜ بٛو؞ 4‏-6عَمَّا تَا ࢩَامٜ غٜىٰلٛوطِ عٜ جَمَ-غُدّٜ عٜ بٛجِ؞ ندَارٜ طِ بَنَ شٛࢡْطِ، نغَمْ طِ لٛرْنَنْ وَاشٜرٜ#11‏:4‏-6 تٛ بٛجِ عٜ جَمَ-غُدّٜ طٛنْ ࢨَکَّ، طُمْ يِعٜتٜ بَنَ وَاشِتَاغٛ؞، عَمَّا طِ نغَلَا کٛلٛنغِ شٜىٰکَاطِ؞ 7تَا ࢩَامٜ غَدُوجِ#عٜسَايَ 65‏:4؞؞ طِ شٛࢡْطِ، طِ مَرِ کٛلٛنغِ شٜىٰکَاطِ، عَمَّا طِ لٛرْنَتَا وَاشٜرٜ؞ 8تَا ࢩَامٜ دَبَّاجِ طِعِ، تَا مٜىٰمٜ ࢩَوْمَنْطٜ مَاجِ بٛو، نغَمْ طُمْ شٛࢡْطُمْ نغَمْ مٛوطٛنْ؞

9«ندَا کُوجٜ طٜ عٛنْ ࢩَامَتَ شَکَ کُوجٜ غٛنْطٜ ندٜرْ ندِيَمْ، وَاتٛ ندٜرْ بٜىٰلِ عٜ مَاجٜ؞ عٛنْ ࢩَامَ لِطِّ مَرْطِ دٛنغِ عٜ کٛࢡٜ ڢُو؞ 10عَمَّا کُوجٜ ݠَمَرٜ مَلَّ کُوجٜ غٛطّٜ غٛنْطٜ ندٜرْ ندِيَمْ ڢُو لَاتَنْتٛ عٛنْ ࢩِدُّطٜ؞ 11طٜ ࢩِدُّطٜ، تَا ࢩَامٜ طٜ؞ تٛ طٜ مبَاتِ، ندَارٜ طٜ طٜ ࢩِدُّطٜ؞ 12کُوجٜ غٛنْطٜ ندٜرْ ندِيَمْ کٛو طٜيٜ طٜ نغَلَا دٛنغِ عٜ کٛࢡٜ، لَاتَنٛ عٛنْ ࢩِدُّطٜ؞

13‏-19«ندَا شٛلِّ ࢩِدُّطِ، طِ ࢩَامَتَاکٜ‏: دُتَلْ، دُوجِيرٜ، شِيلَلْ، مَاڢِيرٜ، جِغَاوَلْ مَنغَلْ عٜ ݠَمَرَلْ، لٜىٰکُوَلْ، ندَوُ، سٛنْدُ مبٜىٰلَ رَنٜىٰرُ، نغَاسِيٛووَلْ، شٛوطُوَلْ، لَمْنجَتَلْ، نَنغٛوَلْ لِطِّ، نجٛوڢٜ-بٜعِيرُ، نٛنْ بٛو وِلْوِلْدُ؞

20«کُوکٛيْ مَرْکٛيْ بِلٜىٰجِ عٜ لَدٛوحٛيْ ڢُو، لَاتَنٛ عٛنْ ࢩِدُّکٛيْ؞ 21سٜيْ کٛ مَرِ کٛسْطٜ بٜى جٛکّٜ نغَمْ دِوُغٛ، کَنْجُمْ تَنْ ࢩَامٛتٛنْ، 22وَاتٛ بَࢡَّتِّ عٜ عِرِنْ مَاجِ ڢُو؞ 23عَمَّا کُوکٛيْ لَدٛوحٛيْ مَرْکٛيْ بِلٜىٰجِ لُتُّکٛيْ ڢُو لَاتَنٛ عٛنْ ࢩِدُّکٛيْ؞

24‏-28«دَبَّاجِ غٛطِّ شٛࢡْنَنْ عٛنْ؞ کٛو مٛيْ مٜىٰمِ شَاطْنغُوجِ مَاجِ، سٛࢡَنْ حَا کِيکِيطٜ؞ کٛو مٛيْ عٜڢْتِ شَاطْنغُوجِ مَاجِ، سٜيْ لٛوتَ لِمْشٜ مُمْ، عَمَّا شٛࢡْکِ مَاکٛ تَبِتَنْ حَا کِيکِيطٜ؞ طُمْ دَبَّاجِ مَرْطِ کٛلٛنغِ، عَمَّا کٛلٛنغِ مَنْ شٜىٰکَاکَ، طِ لٛرْنَتَا وَاشٜرٜ؞ نٛنْ بٛو دَبَّاجِ مَرْطِ کٛسْطٜ نَيِ بٜى جَغّٜ مُوطُمْعٜنْ؞

29‏-30«ندَارٜ دٛومبِ عٜ ݠَلَّاطٜ عٜ جُکُجَحٜ#11‏:29‏-30 جُکُجَحٜ طُمْ ݠَلَّاکٛيْ بٜىٰمبٜ؞ عٜ عِرِنْ مَاجٜ عٜ دٛمْدٛمْبٜ ڢُو بَنَ شٛࢡْطٜ؞ 31تٛ طٜ مبَاتِ، کٛو مٛيْ مٜىٰمِ طٜ، سٛࢡَنْ حَا کِيکِيطٜ؞ 32تٛ طٜ مبَاتِ، طٜ ندٛعَّکٜ دٛوْ حُوندٜ کٛو ندٜيٜ، ندٜ سٛࢡَنْ‏: وَاتٛ کُوجٜ غَطَاطٜ بٜى لٜغَّلْ عٜ لِمْشٜ عٜ لَرَلْ عٜ بُحُ، کٛ غٛطّٛ حُووْتِنِرْتَ ڢُو؞ سٜيْ عٛنْ شُووَ طُمْ ندٜرْ ندِيَمْ، عَمَّا شٛࢡْکِ مَاجُمْ تَبِتَنْ حَا کِيکِيطٜ؞ 33تٛ عِرِنْ کُوجٜ بَاتْطٜ طٜعٜ ندٛعَّکٜ ندٜرْ ڢَيَنْدٜ لٛوݠٜ، کٛ وٛنِ ندٜرْ مَارٜ ڢُو سٛࢡَنْ، سٜيْ عٛنْ ݠُسَ ڢَيَنْدٜ مَنْ بٛو؞ 34تٛ ندِيَمْ طٛنْ ندٜرْ ڢَيَنْدٜ مَنْ، غٛطّٛ رُڢِ طَمْ دٛوْ ࢩَامْدُ کٛو ندُيٜ، ندُ سٛࢡَنْ؞ نٛنْ بٛو تٛ نجَرَمْ طٛنْ ندٜرْ ڢَيَنْدٜ مَنْ، طَمْ سٛࢡَنْ؞ 35تٛ عِرِنْ کُوجٜ بَاتْطٜ طٜعٜ ندٛعَّکٜ دٛوْ حُوندٜ، ندٜ سٛࢡَنْ؞ تٛ طُمْ تَمْسِرْدُ مَلَّ ڢَيَنْدٜ، سٜيْ عٛنْ ݠُسَ طُمْ، طُمْ شٛࢡْطُمْ، طُمْ لَاتَنْتٛ عٛنْ شٛࢡْطُمْ بٛو؞ 36عَمَّا سٜىٰࢡٛورٜ عٜ وَاوْرُ سٛࢡَتَا، سٜيْ مٜىٰمْطٛ کٛ وَاتِ ندٜرْ تٛنْ، سٛࢡَنْ؞ 37تٛ طُمْ دٛعَّکٜ دٛوْ عَاوْدِ عَاوٜتٜىٰندِ، ندِ سٛࢡَتَا؞ 38عَمَّا تٛ غٛطّٛ عَارْتِ، سٛوڢْنِ عَاوْدِ مَنْ، طُمْ دٛعَّکٜ دٛوْ مَارِ، ندٜنْ کَمْ ندِ سٛࢡَنْ؞

39«تٛ ندَبَّاوَ ࢩَامٜتٜىٰنغَ وَاتِ، کٛو مٛيْ مٜىٰمْطٛ نغَ سٛࢡَنْ حَا کِيکِيطٜ؞ 40کٛو مٛيْ ࢩَامِ کُسٜلْ ندَبَّاوَ مَنْ، سٜيْ لٛوتَ لِمْشٜ مُمْ؞ عَمَّا شٛࢡْکِ مَاکٛ تَبِتَنْ حَا کِيکِيطٜ؞ کٛو مٛيْ عٜڢْتِ نغَ بٛو، سٜيْ لٛوتَ لِمْشٜ مُمْ؞ عَمَّا شٛࢡْکِ مَاکٛ تَبِتَنْ حَا کِيکِيطٜ؞

41«کُوجٜ دِمْبٛتٛوطٜ دٛوْ لٜسْدِ ڢُو، طٜ ࢩِدُّطٜ؞ تَا ࢩَامٜ طٜ؞ 42بَنَ‏: لَدٛوجِ ڢُو مَلَّ کٛ مَرِ کٛسْطٜ نَيِ ڢُو مَلَّ کٛ مَرِ کٛسْطٜ طُوطّٜ ڢُو؞ تَا ࢩَامٜ طُمْ؞ 43‏-44تَا لَاتٜ عٛنْ ࢩِدُّࢡٜ بٜى ࢩَامُغٛ کُوجٜ طٜعٜ، تَا شٛࢡْنٜ کٛعٜ مٛنْ بٜى مَاجٜ؞ مِنْ وٛنِ جَوْمِرَاوٛ اَللَّه مٛنْ؞ نغَمْ مَنْ شٜنٜ کٛعٜ مٛنْ، لَاتٜ عٛنْ سٜنِيࢡٜ، نغَمْ مِنْ مِ شٜنِيطٛ#ڢَرِلَّاجِ لٜوِعٜنْ 19‏:2؛ 1 ݠِيٜرْ 1‏:16؞؞ 45مِنْ وٛنِ جَوْمِرَاوٛ غُرْتِنْطٛ عٛنْ لٜسْدِ مِصْرَ نغَمْ مِلَاتٛ اَللَّه مٛنْ؞ لَاتٜ عٛنْ سٜنِيࢡٜ، نغَمْ مِنْ مِ شٜنِيطٛ؞

46«کَنْجُمْ وٛنِ عُمْرٛورٜ دٛوْ دَبَّاجِ عٜ شٛلِّ عٜ مَرْطُمْ يٛنغْکِ ندٜرْ ندِيَمْ عٜ کٛ دِمْبٛتٛ دٛوْ لٜسْدِ ڢُو؞ 47سٜيْ عٛنْ شٜنْدِندِرَ شٛࢡْطُمْ بٜى کٛ سٛࢡَايْ، عٛنْ شٜنْدِندِرَ دَبَّاجِ ࢩَامٜتٜىٰطِ بٜى کٛ ࢩَامَتَاکٜ؞»

Currently Selected:

ڢَرِلَّاجِ لٜوِعٜنْ 11: داَ

Highlight

Copy