ڢَرِلَّاجِ لٜوِعٜنْ 9
9
هَـٰرُونَ ڢُطِّ لِيعَاغٛ کِرْسٜتٜىٰطِ
1ندٜ عَسَوٜىٰرٜ کَلْڢِتِنْکِ کُوغَلْ تِمِّ، جَنغٛ مَنْ مُوسَى عٜوْنِ هَـٰرُونَ عٜ ࢡِࢡّٜ مُمْ عٜ ندٛتِّعٜنْ إِسْرَاءِيلَ؞ 2عٛوِعِ هَـٰرُونَ: «حٛوعُ نغَارِ کَلْحَلْدِ کِرْسٜتٜىٰندِ نغَمْ عِتُّکِ حَکّٜىٰجِ عٜ نجَوْدِرِ مبَالُ نغُلٜتٜىٰندِ، طِطِ ڢُو طِ نغَلَا عَيْبٜ؞ لِيعَنَ طِ جَوْمِرَاوٛ؞ 3ندٜنْ يٜشُّ إِسْرَاءِيلَعٜنْ ࢡٜکٛوعَ نجَوْدِرِ مبٜىٰوَ کِرْسٜتٜىٰندِ نغَمْ عِتُّکِ حَکّٜىٰجِ عٜ غَغّٜلْ نغٜلْ ندُوࢡُ عٜ جَوْغٜلْ مبَالُ نغٜلْ ندُوࢡُ طُمْ نغُلٜتٜىٰطُمْ، طُمْ ڢُو طُمْ وَلَا عَيْبٜ 4عٜ نغَارِ کَلْحَلْدِ عٜ نجَوْدِرِ مبَالُ، طِ کِرْسٜتٜىٰطِ نغَمْ کَوْتَلْ يِمْࢡٜ بٜى اَللَّه؞ ࢡٜلِيعَنٛ طِ جَوْمِرَاوٛ حَوْتَادٜ بٜى دٛکَّلْ ࢩَامْدُ نجِيࢡَانغَلْ بٜى نٜبَّمْ؞ نغَمْ جَوْمِرَاوٛ وَنغَنَنْ ࢡٜحَنْدٜ؞»
5کٛ مُوسَى عُمْرِ ࢡٜ، ࢡٜنغَدِّ طُمْ ڢُو يٜىٰسٛ لَيْمَارُ ڢٛتِّرْدٜ؞ جَمَعَارٜ ڢُو مٛوࢡِ تٛنْ، دَرِ يٜىٰسٛ جَوْمِرَاوٛ؞ 6مُوسَى وِعِ ࢡٜ: «جَوْمِرَاوٛ عُمْرِ عٛنْ وَطُغٛ طُمْ ڢُو، نغَمْ حَا تٜدُّنغَلْ مَاکٛ وَنغَنَ عٛنْ؞» 7ندٜنْ عٛوِعِ هَـٰرُونَ: «يَحْ حَا حِرْسِرْدٜ، لِيعَ کِرْسٜتٜىٰنغَ عٜ نغُلٜتٜىٰنغَ نغَمْ عِتُّکِ حَکّٜ مَ عٜ حَکّٜىٰجِ يِمْࢡٜ؞ لِيعَ کِرْسٜتٜىٰنغَ نغَمْ عِتُّکِ حَکّٜىٰجِ يِمْࢡٜ، بَنَ جَوْمِرَاوٛ عُمْرِ طُمْ#عِبْرَنِنغْکٜعٜنْ 7:27؞؞»
8هَـٰرُونَ يٜحِ حَا حِرْسِرْدٜ، حِرْسِ نغَارِ کَلْحَلْدِ نغَمْ عِتُّکِ حَکّٜ مُوطُمْ؞ 9ࢡِࢡّٜ مَاکٛ نغَدَّنِمٛ ࢨِيࢨَمْ مَارِ؞ عٛسُووِ حٛوندُ مَاکٛ ندٜرْ مَاجَمْ، عٛوُجِ طَمْ حَا لُوٜ حِرْسِرْدٜ؞ عٛرُڢِ ࢨِيࢨَمْ لُتُّطَمْ حَا لٜسْ حِرْسِرْدٜ؞ 10ندٜنْ عٛحٛوعِ ࢡٜلّٜرٜ عٜ ࢡٛوࢨٜ عٜ ࢡٜلّٜرٜ دٛوْ حٜنغْرٜ نغَمْ عِتُّکِ حَکّٜ غٛ، عٛوُلِ طُمْ دٛوْ حِرْسِرْدٜ، بَنَ جَوْمِرَاوٛ عُمْرُنٛ مُوسَى؞ 11عَمَّا کُسٜلْ عٜ لَرَلْ، عٛوُلِ طُمْ يَاسِ سَنغٜىٰرٜ؞
12ندٜنْ هَـٰرُونَ حِرْسِ نغُلٜتٜىٰنغَ مُمْ؞ ࢡِࢡّٜ مَاکٛ نغَدَّنِمٛ ࢨِيࢨَمْ مَاغَ؞ عٛوِشِّ طَمْ حَا بَکٜىٰجٜ حِرْسِرْدٜ مَنْ نَيِ ڢُو؞ 13ࢡٜندٛکِّمٛ حٛورٜ مَاغَ عٜ غٜࢡٜ مَاغَ ڢٜىٰرٜ، عٛوُلِ طٜ دٛوْ حِرْسِرْدٜ؞ 14ندٜنْ عٛلٛوتِ تٜتٜکِ مَاغَ عٜ کٛلْشٜ مَاغَ، عٛوُلِ طُمْ دٛوْ حِرْسِرْدٜ، حَا دٛوْ نغُلَانغَ؞
15ࢡَاوٛ مَنْ عٛلِيعِ دٛکَّلْ يِمْࢡٜ؞ عٛحٛوعِ نجَوْدِرِ مبٜىٰوَ کِرْسٜتٜىٰندِ نغَمْ عِتُّکِ حَکّٜىٰجِ مَࢡّٜ؞ عٛحِرْسِ ندِ، عٛلِيعِ ندِ بَنَ کِرْسَانغَ نَانٜ نغَمْ عِتُّکِ حَکّٜ مَاکٛ؞ 16عٛوَدِّ بٛو غَغّٜلْ عٜ نجَوْدِرِ غُلٜتٜىٰطُمْ، عٛلِيعِ طُمْ ڢٛدّٜ عُمْرٛورٜ؞ 17عٛلِيعِ دٛکَّلْ ࢩَامْدُ، عٛحٛوعِ حَا مَاغَلْ دٜيْدٜيْ تَمْندَندٜ، عٛوُلِ طُمْ دٛوْ حِرْسِرْدٜ؞ کَنْجُمْ وٛنِ ࢡٜسْدَارِ دٛوْ نغُلٜتٜىٰنغَ ڢَجِرِ ڢَجِرِ؞ 18ندٜنْ عٛحِرْسِ نغَارِ کَلْحَلْدِ عٜ نجَوْدِرِ مبَالُ نغَمْ کَوْتَلْ يِمْࢡٜ بٜى اَللَّه؞ ࢡِࢡّٜ مَاکٛ نغَدَّنِمٛ ࢨِيࢨَمْ مَاجِ، عٛوِشِّ طَمْ حَا بَکٜىٰجٜ حِرْسِرْدٜ مَنْ نَيِ ڢُو#ڢَرِلَّاجِ لٜوِعٜنْ 3:1-11؞؞ 19ࢡٜکٛوعِ ࢡٜلّٜرٜ نغَارِ عٜ وِشّٛ نجَوْدِرِ عٜ ࢡٜلّٜرٜ سُدُّندٜ تٜتٜکِ عٜ ࢡٛوࢨٜ عٜ ࢡٜلّٜرٜ دٛوْ حٜنغْرٜ، 20ࢡٜمبَلِّنِ طُمْ دٛوْ بِيوٛلْ نغَارِ عٜ بِيوٛلْ نجَوْدِرِ؞ هَـٰرُونَ وُلِ ࢡٜلّٜرٜ ڢُو دٛوْ حِرْسِرْدٜ؞ 21عٛࢡَنغْتِ بِيوِ عٜ دَنغٛ ࢩَامٛ يٜىٰسٛ جَوْمِرَاوٛ، بَنَ مُوسَى عُمْرُنٛ مٛ؞
22ندٜ هَـٰرُونَ تِمِّنِ لِيعَاغٛ کِرْسَاطِ طِعِ ڢُو: وَاتٛ نغَمْ عِتُّکِ حَکّٜ عٜ غُلٜتٜىٰنغَ عٜ نغَمْ کَوْتَلْ يِمْࢡٜ بٜى اَللَّه، عٛࢡَنغْتِ جُوطٜ مَاکٛ دٛوْ يِمْࢡٜ، عٛبَرْکِطِنِ ࢡٜ، ندٜنْ عٛجِݠِّ#لِمْلٜ 6:22-26؛ 2 سَمُيِلَ 6:18؛ 1 لَامِيࢡٜ 8:14،54-58؞؞ 23مُوسَى عٜ هَـٰرُونَ نَسْتِ لَيْمَارُ ڢٛتِّرْدٜ؞ ندٜنْ ࢡٜنغُرْتِ، ࢡٜمبَرْکِطِنِ يِمْࢡٜ؞ تٜدُّنغَلْ جَوْمِرَاوٛ وَنغَنِ ࢡٜ ڢُو؞ 24جَوْمِرَاوٛ جِݠِّنِ يِيتٜ، نغٜ ࢩَامِ نغُلٜتٜىٰکٛيْ عٜ ࢡٜلّٜرٜ دٛوْ حِرْسِرْدٜ؞ يِمْࢡٜ عُمَّاتٛورٜ ڢُو نغِعِ طُمْ، ࢡٜکٛولِ بٜى سٜيٛ؞ ندٜنْ ࢡٜشُجِدِ؞
Currently Selected:
ڢَرِلَّاجِ لٜوِعٜنْ 9: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
