تٛوکْتَاکِ تَوْرٜىٰتَ 11
11
مَنغُ جَوْمِرَاوٛ
1«نغِطٜ جَوْمِرَاوٛ، اَللَّه مٛوطٛنْ، طٛوْتَنٜ سٜىٰدَمْکُوجِ مَاکٛ عٜ ڢَرِلَّاجِ مَاکٛ عٜ عُمْرٛوجٜ مَاکٛ ندٜ وٜىٰتِ ڢُو؞ 2ݠَامٜ حَنْدٜ کٛ جَوْمِرَاوٛ عٜکِّتِنِ عٛنْ؞ ࢡِکّٛيْ مٛوطٛنْ عَنْدَا طُمْ، نغِعَايْ طُمْ؞ عَمَّا عٛنٛنْ عٛنْ عٜکِّتِ طُمْ، عٛنْ نغِعِ مَنغُ مَاکٛ عٜ جُنغٛ مَاکٛ سٜمْبِطْنغٛ ڢٛرْتَانغٛ؞ 3عٛنْ نغِعِ کَايٜىٰڢِيجِ مَاکٛ طِ عٛوَطِ ندٜرْ لٜسْدِ مِصْرَ عٜ دٛوْ ڢِرْعَوْنَ، لَامِيطٛ مِصْرَ عٜ لٜسْدِ مُوطُمْ ڢُو#غُرْتَاکِ 7:8–12:13؞؞ 4عٛنْ نغِعِ نٛ جَوْمِرَاوٛ نَتِّنِرِ جَمَعَارٜ کٛنُ مِصْرَعٜنْ ڢُو، حَوْتَادٜ بٜى ݠُشِّ مَࢡّٜ عٜ مٛوتَاجِ ݠُشِّ مَࢡّٜ، نٛ عٛوَرْتِرِ ندِيَمْجِ مَايٛ مَالِيَ دٛوْ مَࢡّٜ، سَاعِ ࢡٜطٛنْ تٛکّٛ عٛنْ، عٛحَلْکِ ࢡٜ حَا ڢٛرٛيْ#غُرْتَاکِ 14:28؞؞ 5عٛنْ عَنْدِ کٛ عٛوَطَنِ عٛنْ ندٜرْ لَدّٜ حَا عٛنْ نجٛتِّ نٛکُّورٜ ندٜعٜ؞ 6شِڢْتٛرٜ کٛ عٛوَطِ بٜى دَتَنْ عٜ عَبِرَمْ، ࢡِࢡّٜ عٜلِيَبُ ࢡٜ لٜࢩٛلْ رُبٜنْ؞ لٜسْدِ مَࢡِّتِ حُنْدُکٛ مُمْ، مٛطِ ࢡٜ شَکَ إِسْرَاءِيلَعٜنْ، کَمْࢡٜ عٜ يِمْࢡٜ شِعٜ#11:6 شِعٜ مَلَّ شَلَاجٜ؞ مَࢡّٜ عٜ شُوطِ مَࢡّٜ عٜ دَبَّاجِ مَࢡّٜ ڢُو#لِمْلٜ 16:31-32؞؞ 7غِتٜ مٛنْ نغِعِ کُوطٜ جَوْمِرَاوٛ مَوْطٜ طٜعٜ ڢُو؞»
بَرْکَاجِ جَوْمِرَاوٛ ندٜرْ لٜسْدِ مبٛوندِ
8«نغَمْ مَنْ طٛوْتَنٜ عُمْرٛوجٜ طٜ عُمْرَنْمِ عٛنْ حَنْدٜ ڢُو؞ ندٜنْ کَمْ عٛنْ شٜمْبِطَنْ، عٛنْ نَسْتَنْ لٜسْدِ ندِ نجَحٛتٛنْ مَرُغٛ ندِ؞ 9نغَمْ حَا بَلْطٜ مٛوطٛنْ نجُوتَ ندٜرْ لٜسْدِ ندِ جَوْمِرَاوٛ حُنِ حٛکُّغٛ کَاکِرَاࢡٜ مٛنْ، کَمْࢡٜ عٜ دَࢩْغٛلْ مَࢡّٜ؞ طُمْ لٜسْدِ کٜىٰوْندِ کٛسَمْ عٜ نجُمْرِ؞ 10نغَمْ لٜسْدِ ندِ نجَحٛتٛنْ مَرُغٛ طُمْ، نَنْدَايْ بٜى لٜسْدِ مِصْرَ ندِ نغُرْتِيطٛنْ عٜ مُوطُمْ؞ حَا مِصْرَ، تٛ عٛنْ عَاوِ غٜسٜ مٛنْ، دٛولٜ عٛنْ نجَرْنَ طٜ بٜى نَاوْطُمْ بَنَ جَرْنٜ حَاکٛ؞ 11عَمَّا لٜسْدِ ندِ نجَحٛتٛنْ مَرُغٛ طُمْ، ندِ وٛودِ کٛوسٜىٰجٜ عٜ وَادِيجِ، عِيٜىٰلٜ طٛنْ شٛوڢْنَ ندِ بٛوطُّمْ؞ 12جَوْمِرَاوٛ، اَللَّه مٛوطٛنْ طٛنْ حَکِّلَنَ ندِ، غِتٜ مَاکٛ طٛنْ کَکِّلَنَ ندِ تُمْ دِغَ ڢُطّٛودٜ حِتَاندٜ حَا تِمّٛودٜ مَارٜ؞
13«تٛ عٛنْ طٛوْتَنَکٜ عُمْرٛوجٜ طٜ عُمْرَنْمِ عٛنْ حَنْدٜ، نغَمْ يِطُغٛ جَوْمِرَاوٛ، اَللَّه مٛوطٛنْ عٜ نجَغَّنَاغٛ مٛ بٜى ࢡٜرْطٜ مٛنْ عٜ يٛنغْکِيجِ مٛوطٛنْ ڢُو، 14ندٜنْ کَمْ عٛتٛࢡْنَنْ عِيٜىٰندٜ دٛوْ لٜسْدِ مٛنْ ندٜرْ وَکَّتِ مَاجُمْ، عِيٜىٰلٜ عَرَنٜ عٜ عِيٜىٰلٜ رَغَرٜىٰجٜ ڢُو، حَا عٛنْ کٜࢡَ عَلْکَمَارِ عٜ عِنَبٛوجَمْ عٜ نٜبَّمْ؞ 15مِحٛکَّنْ عٛنْ بٛو حُطٛ نغَمْ دَبَّاجِ مٛنْ؞ عٛنٛنْ بٛو عٛنْ ࢩَامَنْ، عٛنْ کَارَنْ؞ 16ندٜىٰنْتٜ، تَا غٛطّٛ عٜسْتَ عٛنْ عٛنْ لٛرٛ، عٛنْ عَشَّ جَوْمِرَاوٛ، عٛنْ تٛکّٛ طٛوَنْتٜىٰࢡٜ وٛطْࢡٜ، عٛنْ شُجِدَنَ ࢡٜ؞ 17تٛ عٛنْ مبَطِ عِرِنْ طُعُمْ، تِکّٜرٜ جَوْمِرَاوٛ سَاتَنْ دٛوْ مٛوطٛنْ؞ عٛحَطَنْ عَسَمَ تٛࢡْنُغٛ عِيٜىٰندٜ؞ لٜسْدِ يٛورَنْ، وَلَا کٛ ڢُطَتَ؞ عٛنٛنْ بٛو عٛنْ مَايَنْ لَوْ ندٜرْ لٜسْدِ مبٛوندِ ندِ جَوْمِرَاوٛ حٛکَّتَ عٛنْ#ڢَرِلَّاجِ لٜوِعٜنْ 26:3-5؛ تٛوکْتَاکِ تَوْرٜىٰتَ 7:12-16؛ 28:1-14؞؞
18«نجٛغٜ عُمْرٛوجٜ طٜعٜ ندٜرْ ࢡٜرْطٜ مٛوطٛنْ عٜ حَکِّيلٛوجِ مٛنْ؞ کَࢡّٜ طٜ حَا جُوطٜ مٛنْ بَنَ عَلَامَ، طٜ لَاتٛ بَنَ مَانْدٛرْطٜ حَا تِيطٜ مٛوطٛنْ؞ 19عٜکِّتِنٜ طٜ ࢡِکّٛيْ مٛوطٛنْ، مبٛلْوٜ طٜ سَاعِ عٛنْ طٛنْ نجٛوطِ حَا سَارٜ، کٛو عٛنْ طٛنْ نجَحَ دٛوْ لَاوٛلْ، کٛو عٛنْ طٛنْ مبَالٛ، کٛو عٛنْ طٛنْ عُمّٛ؞ 20مبِنْدٜ طٜ دٛوْ لٜطّٜ دَرْدُطٜ حَا دَمُّطٜ شُوطِ مٛنْ عٜ دٛوْ ݠَرٜىٰجٜ بٜرْنِوٛلْ مٛوطٛنْ#تٛوکْتَاکِ تَوْرٜىٰتَ 6:6-9؞؞ 21ندٜنْ کَمْ بَلْطٜ مٛنْ عٜ بَلْطٜ ࢡِکّٛيْ مٛوطٛنْ نجُوتَنْ ندٜرْ لٜسْدِ ندِ جَوْمِرَاوٛ، اَللَّه مٛوطٛنْ حُنَنِ کَاکِرَاࢡٜ مٛوطٛنْ عٛحٛکَّنْ ࢡٜ ندِ؞ بَنَ عَسَمَ تَبِتِرِ حَا دٛوْ دُنِيَارُ، عٛنٛنْ بٛو عٛنْ تَبِتَنْ ندٜرْ لٜسْدِ مٛنْ؞
22«ڢَکَتْ، تٛ عٛنْ کَکِّلَنِ عُمْرٛوجٜ طٜ عُمْرَنْمِ عٛنْ طٜعٜ ڢُو، تٛ عٛنْ طٛوْتَنَکٜ طٜ بٜى يِطُغٛ جَوْمِرَاوٛ، اَللَّه مٛوطٛنْ، بٜى تٛکَّاغٛ لَابِ مَاکٛ عٜ بٜى طَکّٛتِرْغٛ بٜى مَاکٛ، 23ندٜنْ کَمْ جَوْمِرَاوٛ رِيوَنْ عُمَّاتٛوجٜ غٛ ڢُو يٜىٰسٛ مٛوطٛنْ؞ عٛنْ ࢩَامَنْ لٜسْدِ عُمَّاتٛوجٜ ࢡُرْدُطٜ عٛنْ طُوطٜىٰنغَ عٜ سٜمْبٜ؞ 24لٜسْدِ ندِ کٛسْطٜ مٛوطٛنْ نجَاࢡَتَ ڢُو، عٛنْ مَرَنْ ندِ، دِغَ لَدّٜ ڢٛمْبِنَ حَا يٛتّٛ حٛوسٜىٰرٜ لِبَنٛنْ حَا وٛيْلَ، دِغَ مَايٛ عٜڢْرَتِسْ حَا ڢُونَانغٜ حَا يٛتّٛ مبٜىٰلَ حَا حِيرْنَانغٜ؞ 25وَلَا مٛ دَرْتٛتٛ يٜىٰسٛ مٛوطٛنْ؞ جَوْمِرَاوٛ، اَللَّه مٛوطٛنْ وَطَنْ کُلْتٛرٜىٰنغٛلْ دٛوْ يِمْࢡٜ لٜسْدِ مَنْ ڢُو حَا ࢡٜکُلَ عٛنْ، بَنَ عٛوِعِ عٛنْ#يٛسُوَ 1:3-5؞؞
26«ندَا مِطٛنْ جٛعِّنَ حَنْدٜ يٜىٰسٛ مٛوطٛنْ بَرْکَ عٜ نَالٛورٜ؞ شُࢡٜ! 27بَرْکَ لَاتَنْتٛ عٛنْ، تٛ عٛنْ طٛوْتَنَکٜ عُمْرٛوجٜ جَوْمِرَاوٛ اَللَّه طٜ عُمْرَنْمِ عٛنْ حَنْدٜ؞ 28عَمَّا نَالٛورٜ لَاتَنْتٛ عٛنْ، تٛ عٛنْ طٛوْتَنَاکِ عُمْرٛوجٜ جَوْمِرَاوٛ، اَللَّه مٛوطٛنْ طٜعٜ، تٛ عٛنْ شٜلِ لَاوٛلْ نغٛلْ عُمْرَنْمِ عٛنْ حَنْدٜ، نغَمْ عٛنْ تٛکّٛ طٛوَنْتٜىٰࢡٜ جَنَنْࢡٜ؞ 29جَوْمِرَاوٛ، اَللَّه مٛوطٛنْ يٛتِّنَنْ عٛنْ ندٜرْ لٜسْدِ ندِ نجَحٛتٛنْ مَرٛيْغٛ طُمْ؞ تٛ عٛنْ نجٛتَّکٜ تٛنْ، سٜيْ عٛنْ نغٛويْنَ بَرْکَ حَا حٛوسٜىٰرٜ غٜرِسِيمَ، نَالٛورٜ بٛو حَا حٛوسٜىٰرٜ عٜبَلْ#تٛوکْتَاکِ تَوْرٜىٰتَ 27:11-14؛ يٛسُوَ 8:33-35؞؞ 30کٛوسٜىٰجٜ طِطِ طٜعٜ طٛنْ حَا حِيرْنَانغٜ مَايٛ عُرْدُنْ، ندٜرْ لٜسْدِ کَنَانِعٜنْ جٛوطِيࢡٜ ندٜرْ لٜسْدِ لٜىٰسْندِ؞ طٜ طٛنْ حَا لَاوٛلْ يَحُغٛ حِيرْنَانغٜ، ࢡَدِيطُمْ بٜى لٜطّٜ مَوْطٜ بِعٜتٜىٰطٜ مٛرٜ، دَايَاکِ بٜى وُرٛ غِلْغَلْ؞ 31عٛنْ ࢡَدَکٜ عٜىٰرَاغٛ عُرْدُنْ نغَمْ عٛنْ نَسْتَ لٜسْدِ ندِ جَوْمِرَاوٛ، اَللَّه مٛوطٛنْ حٛکَّتَ عٛنْ؞ عٛنْ مَرَنْ ندِ، عٛنْ نجٛوطٛتٛ تٛنْ؞ 32کَکِّلٜ حَا عٛنْ طٛوْتَنٛ ڢَرِلَّاجِ عٜ کِيتَاجِ ڢُو طِ عُمْرَنْمِ عٛنْ حَنْدٜ؞»
Currently Selected:
تٛوکْتَاکِ تَوْرٜىٰتَ 11: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
