تٛوکْتَاکِ تَوْرٜىٰتَ 12
12
نٛکُّورٜ وٛورٜ نغَمْ شُجِدَنْکِ اَللَّه
1ندَا طِعِ نغٛنِ ڢَرِلَّاجِ عٜ کِيتَاجِ ڢُو طِ عٛنْ کَکِّلَنْتَ، طِ عٛنْ طٛوْتَنْتٛ ڢٛدّٜ بَلْطٜ مٛوطٛنْ ندٜرْ لٜسْدِ ندِ جَوْمِرَاوٛ، اَللَّه کَاکِرَاࢡٜ مٛوطٛنْ حٛکَّتَ عٛنْ ڢُو، نغَمْ مَرٛنْ طُمْ؞
2«ندٜرْ لٜسْدِ مَنْ، يِمْࢡٜ عُمَّاتٛوجٜ طٜ ندِيوٛتٛنْ، طٛنْ شُجِدَنَ طٛوَنْتٜىٰࢡٜ مُوطُمْعٜنْ دٛوْ کٛوسٜىٰجٜ تٛوْطٜ، لٜسْ لٜطّٜ کٜشّٜ بٛو؞ سٜيْ عٛنْ کَلْکَ نٛکُّوجٜ طٜعٜ ڢُو! 3نغِبِّنٜ کِرْسِرْطٜ مَࢡّٜ، ݠُسٜ کَاعٜ شِڢْتِنٛرْطٜ مَࢡّٜ؞ نغُلٜ دَنغْرَنغٜ مَࢡّٜ شٜنَاطٜ، ݠٜعّٜ لَبِّ مَࢡّٜ، نَتِّنٜ عِنْطٜ مَاجِ عٜ نٛکُّوجٜ مَنْ#تٛوکْتَاکِ تَوْرٜىٰتَ 7:5؞؞
4«تَا کُووَنٜ جَوْمِرَاوٛ، اَللَّه مٛوطٛنْ بَنَ عُمَّاتٛوجٜ طٜعٜ کُووْرَنْتَ لَبِّ مَࢡّٜ؞ 5جَوْمِرَاوٛ سُࢡَنْ نٛکُّورٜ وٛورٜ شَکَ لٜعِ مٛنْ ڢُو نغَمْ عٛتَبِتِنَ عِنْدٜ مَاکٛ تٛنْ؞ حَا نٛکُّورٜ مَنْ تَنْ نجَحٛتٛنْ سُجِدَنْغٛ مٛ؞ 6حَا تٛنْ عٛنْ لِيعَنْتٛ مٛ غُلٜتٜىٰطِ مٛنْ عٜ کِرْسٜتٜىٰطِ مٛنْ عٜ زَکَّاجِ#12:6 زَکَّ طُمْ يٜࢡْرٜ وٛورٜ ندٜرْ سَݠّٛ کٛ غٛطّٛ حٛکَّتَ اَللَّه؞ مٛنْ عٜ دٛکّٜ مٛنْ عِتَّاطٜ عٜ دٛکّٜ طٜ عٛنْ تٛغَنِ جَوْمِرَاوٛ عٜ دٛکّٜ مٛنْ شَاحِيطٜ عٜ عَڢِ دَبَّاجِ مٛنْ مَوْطِ عٜ عَڢِ دَمّٛوجِ مٛوطٛنْ؞ 7سٜيْ عٛنْ ࢩَامَ تٛنْ يٜىٰسٛ جَوْمِرَاوٛ، اَللَّه مٛوطٛنْ، عٛنٛنْ عٜ يِمْࢡٜ شِعٜ#12:7 شِعٜ مَلَّ شَلَاجٜ؞ مٛوطٛنْ، عٛنْ شٜيٛرَ نَڢُودَ کُوطٜ مٛنْ، نغَمْ جَوْمِرَاوٛ بَرْکِطِنِ عٛنْ؞
8«يٜىٰسٛ طٛ، عٛنْ مبَطَتَا بَنَ مبَطٜتٜنْ جٛنْتَ، کٛو مٛيْ طٛنْ وَطَ کٛ ڢٛتَّنِ طُمْ؞ 9نغَمْ عٛنْ نجٛتَّاکِ حَا ݠٜلّٜلْ سِوْتَارٜ تَوٛنْ، عٛنْ مَرَايْ لٜسْدِ ندِ جَوْمِرَاوٛ، اَللَّه مٛوطٛنْ حٛکَّتَ عٛنْ تَوٛنْ؞ 10عَمَّا تٛ عٛنْ عٜىٰرَکٜ مَايٛ عُرْدُنْ، عٛنْ نجٛوطٛتٛ حَا لٜسْدِ ندِ جَوْمِرَاوٛ مَرْنَتَ عٛنْ، عٛحٛکَّنْ عٛنْ سِوْتَارٜ، کٛنّٜعٜنْ تَارِيࢡٜ عٛنْ ڢُو ࢡِلَّتَا عٛنْ ڢَحِنْ، عٛنْ نجٛوطٛتٛ ندٜرْ جَمْ؞ 11جَوْمِرَاوٛ، اَللَّه مٛوطٛنْ سُࢡَنْ نٛکُّورٜ جٛوندٜ نغَمْ عِنْدٜ مُمْ وٛنَ تٛنْ؞ حَا تٛنْ عٛنْ لِيعَنْتٛ مٛ کٛ عُمْرُمِ عٛنْ ڢُو: غُلٜتٜىٰطِ مٛنْ عٜ کِرْسٜتٜىٰطِ مٛنْ عٜ زَکَّاجِ مٛوطٛنْ عٜ دٛکّٜ مٛنْ عِتَّاطٜ عٜ دٛکّٜ شُࢡَاطٜ طٜ عٛنْ تٛغَنِ جَوْمِرَاوٛ ڢُو؞ 12شٜيٜ تٛنْ يٜىٰسٛ جَوْمِرَاوٛ، اَللَّه مٛوطٛنْ، عٛنٛنْ عٜ ࢡِکّٛيْ مٛنْ وٛرْࢡٜ عٜ رٜوْࢡٜ عٜ مَشُّࢡٜ مٛنْ عٜ حٛرْࢡٜ مٛنْ عٜ لٜوِعٜنْ جٛوطِيࢡٜ ندٜرْ غُرٜ مٛنْ، نغَمْ لٜوِعٜنْ مَرَتَا لٜسْدِ شَکَ مٛوطٛنْ؞ 13ندٜىٰنْتٜ، تَا عٛنْ لِيعٛ کِرْسٜتٜىٰطِ مٛنْ حَا عٛنْ نغِطِ ڢُو؞ 14لِيعٜ طِ حَا نٛکُّورٜ ندٜ جَوْمِرَاوٛ سُࢡَتَ ندٜرْ بٜرْنِوٛلْ لٜعِ مٛنْ غٛوتٛلْ؞ حَا تٛنْ عٛنْ لِيعَنْتٛ مٛ غُلٜتٜىٰطِ مٛنْ، عٛنْ مبَطَنْ کٛ عُمْرُمِ عٛنْ ڢُو؞
15«عَمَّا عٛنْ ندُنغَنَامَ حِرْسُغٛ عٜ ࢩَامُغٛ دَبَّاجِ مٛنْ ندٜرْ غُرٜ مٛوطٛنْ ڢُو، بَنَ ࢡٜرْطٜ مٛنْ نغِطِ، دٜيْدٜيْ کٛ جَوْمِرَاوٛ، اَللَّه مٛوطٛنْ حٛکِّ عٛنْ؞ کٛو مٛيْ مٛوطٛنْ، شٜنَاطٛ عٜ مٛ سٜنَاکَ، ࢩَامَ کُسٜلْ مَاجِ، بَنَ ࢩَامْرٛتٛنْ لٜلْجِ عٜ جَبَاجٜ؞ 16عَمَّا تَا عٛنْ ࢩَامَ ࢨِيࢨَمْ مَاجِ؞ سٜيْ عٛنْ ندُڢَ طَمْ حَا لٜسْدِ بَنَ ندِيَمْ#لَاتَانٛوجِ 9:4؛ ڢَرِلَّاجِ لٜوِعٜنْ 7:26-27؛ 17:10-14؛ 19:26؛ تٛوکْتَاکِ تَوْرٜىٰتَ 15:23؞؞ 17حَا نٛکُّوجٜ جٛولٜ ندٜرْ بٜرْنِيجِ مٛوطٛنْ، تَا عٛنْ ࢩَامَ زَکَّ عَلْکَمَارِ مٛنْ عٜ عِنَبٛوجَمْ مٛنْ عٜ نٜبَّمْ مٛنْ عٜ عَڢِ دَبَّاجِ مٛنْ مَوْطِ عٜ دَمّٛوجِ مٛنْ عٜ دٛکّٜ مٛنْ طٜ عٛنْ تٛغَنِ جَوْمِرَاوٛ عٜ دٛکّٜ شَاحِيطٜ نغَمْ سٜيٛ مٛوطٛنْ عٜ دٛکّٜ عِتَّاطٜ؞ 18کُوجٜ طٜعٜ ڢُو، سٜيْ عٛنْ ࢩَامَ طٜ يٜىٰسٛ جَوْمِرَاوٛ حَا نٛکُّورٜ ندٜ عٛسُࢡَتَ طُمْ؞ تٛنْ ࢩَامٛتٛنْ طٜ، عٛنٛنْ عٜ ࢡِکّٛيْ مٛنْ عٜ مَشُّࢡٜ مٛنْ عٜ حٛرْࢡٜ مٛنْ عٜ لٜوِعٜنْ جٛوطِيࢡٜ ندٜرْ غُرٜ مٛنْ؞ شٜيٛرٜ نَڢُودَ کُوطٜ مٛنْ يٜىٰسٛ جَوْمِرَاوٛ، اَللَّه مٛنْ؞ 19ندٜىٰنْتٜ، تَا عَشّٜ حُمْتَنْغٛ لٜوِعٜنْ حَاجٜ سَاعِ عٛنْ نغُورَتَ ندٜرْ لٜسْدِ مٛنْ ڢُو؞
20«تٛ جَوْمِرَاوٛ، اَللَّه مٛوطٛنْ يَاجِنَنِ عٛنْ لٜسْدِ بَنَ عٛوٛلْوَنِ عٛنْ، تٛ سُونٛ کُسٜلْ نَنغِ عٛنْ، عٛنْ ࢩَامَ بَنَ عٛنْ نغِطِ ڢُو؞ 21تٛ نٛکُّورٜ ندٜ جَوْمِرَاوٛ اَللَّه سُࢡِ نغَمْ تَبِتِنْغٛ عِنْدٜ مُوطُمْ تٛنْ دَايِ بٜى مٛوطٛنْ، ندٜنْ کَمْ عٛنْ کِرْسَنْ دَبَّاجِ مٛنْ مَوْطِ عٜ دَمّٛوجِ مٛنْ طِ جَوْمِرَاوٛ حٛکِّ عٛنْ، عٛنْ ࢩَامَ حَا شِعٜ ندٜرْ بٜرْنِيجِ مٛوطٛنْ بَنَ نغِطّٛنْ ڢُو، بَنَ عُمْرُمِ عٛنْ؞ 22کٛو مٛيْ مٛوطٛنْ، شٜنَاطٛ عٜ مٛ سٜنَاکَ، ࢩَامَ کُسٜلْ مَنْ بَنَ ࢩَامْرٛتٛنْ لٜلْجِ عٜ جَبَاجٜ؞ 23عَمَّا تَبِتٜ، تَا عٛنْ ࢩَامَ ࢨِيࢨَمْ، نغَمْ ࢨِيࢨَمْ وٛنِ يٛنغْکِ، تَا عٛنْ ࢩَامَ يٛنغْکِ حَوْتَادٜ بٜى کُسٜلْ؞ 24تَا ࢩَامٜ ࢨِيࢨَمْ، ندُڢٜ طَمْ حَا لٜسْدِ بَنَ ندِيَمْ#ڢَرِلَّاجِ لٜوِعٜنْ 17:10-14؞؞ 25تٛ عٛنْ ࢩَامَايْ طَمْ، ندٜنْ کَمْ عٛنٛنْ عٜ ࢡِکّٛيْ مٛنْ عٛنْ کٜࢡَنْ حَيْرُ، نغَمْ عٛنْ مبَطِ کٛ ڢٛتَّنِ جَوْمِرَاوٛ؞ 26عَمَّا دٛکّٜ مٛنْ شٜنَاطٜ عٜ دٛکّٜ طٜ عٛنْ تٛغَنِ جَوْمِرَاوٛ، نجَحْرٜ طٜ حَا نٛکُّورٜ ندٜ جَوْمِرَاوٛ سُࢡَتَ؞ 27لِيعٜ تٛنْ غُلٜتٜىٰطِ مٛنْ دٛوْ حِرْسِرْدٜ جَوْمِرَاوٛ، اَللَّه مٛوطٛنْ، ندُڢٜ ࢨِيࢨَمْ کِرْسٜتٜىٰطِ مٛنْ غٛطِّ حَا حِرْسِرْدٜ جَوْمِرَاوٛ اَللَّه مٛنْ، ندٜنْ ࢩَامٜ کُسٜلْ مَاجِ کَمْ؞ 28کَکِّلَنٜ بٛلّٜ طٜ عُمْرُمِ عٛنْ ڢُو؞ طٛوْتَنٜ طٜ؞ ندٜنْ کَمْ عٛنٛنْ عٜ ࢡِکّٛيْ مٛنْ عٛنْ کٜࢡَنْ حَيْرُ حَا ڢٛرٛيْ، نغَمْ عٛنْ مبَطَنْ کٛ ڢٛتِّ، کٛ وٛوطِ يٜىٰسٛ جَوْمِرَاوٛ، اَللَّه مٛوطٛنْ؞»
کَطْکِ سُجِدَنْغٛ لَبِّ
29«تٛ عٛنْ طٛنْ نَسْتَ لٜسْدِ، جَوْمِرَاوٛ، اَللَّه مٛوطٛنْ نَتِّنَنْ يِمْࢡٜ عُمَّاتٛوجٜ وٛنْࢡٜ تٛنْ؞ عٛنْ ندِيوَنْ ࢡٜ، عٛنْ نجٛوطٛتٛ ندٜرْ لٜسْدِ مَࢡّٜ؞ 30ࢡَاوٛ مَاجُمْ ندٜىٰنْتٜ، تَا عٛنْ تٛکّٛ عَلْعَادَاجِ لَبِّ مَࢡّٜ، طُمْ لَاتَنْتٛ عٛنْ تُوڢٛرْغٛلْ؞ تَا ࢨَمٜ حَالَ طٛوَنْتٜىٰࢡٜ مَࢡّٜ مَلَّ نٛ ࢡٜتٜدِّنِرْتَ ࢡٜ، حَا عٛنْ تٜدِّنَ ࢡٜ کَلْ-کَلْ؞ 31شُجِدَنٜ جَوْمِرَاوٛ، اَللَّه مٛوطٛنْ، عَمَّا نَا بَنَ کَمْࢡٜ ࢡٜشُجِدِرَنِ لَبِّ مَࢡّٜ؞ کٛ ࢡٜکُووَنِ لَبِّ مَࢡّٜ، طُمْ ࢩِدُّطُمْ حَا جَوْمِرَاوٛ، عٛطٛنْ وَࢩَ طُمْ؞ ࢡٜلِيعَنِ طِ کٛو ࢡِکّٛيْ مَࢡّٜ وٛرْࢡٜ عٜ رٜوْࢡٜ بٛو نغُلٜتٜىٰکٛيْ دٛوْ کِرْسِرْطٜ مَࢡّٜ؞»
Currently Selected:
تٛوکْتَاکِ تَوْرٜىٰتَ 12: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
